قصة جروحي تنزف احزاني للكاتب أحمد

جروحي تنزف احزاني
بقلم: احمد666
الجزء الاول
جلست واسندت ظهرها لشجرة الوحيده في بيت عمها.......وتأملت مغيب الشمس والمعركه التي كانت تدور بين الليل والنهار...بين النور والظلام..ابتسمت بمراره وهي تشهد انتصار الظلام على النور....بس بكره فيه يوم جديد وفيه معركه جديده بتنصر الشمس فيها وبتطرد الظلام.......تنهدت بعمق واخذ شريط الذكريات يمر امامها لكن الظلام اللي خيم على حياتها ماله شمس تطرده.......
-"لازم يعني من هالقعده كل يوم في هالوقت"
التفتت بسمه على بنات عمها اللي توهم دخلو البيت:"قاعده اتأمل مغيب الشمس"
هدى بسخريه:" اش تحبين في مغيب الشمس عشان تتأملينه"
بسمه وهي قايمه بتدخل:"ما احبه......احب الشروق اكثر... بس كرهي له مايمنع اني اتعلم اتعايش معاه....مثل ما فيحياتي اشياء كثيره
مااحبها بس متعايشه معاها"
هدى:"انتي اش قاعده تقولين....الحمد لله والشكر على نعمة العقل"
هند:"قصدها حياتها عندنا"
كملت بسمه طريقها....وماردت عليها حتى تبعد عن المشاكل...
هدى وهي تناظر بسمه بعد مااختفت:"ياكرهي لها"
هند:" حتى انا....تصدقين احيانا احاول احبها... بس لما اشوف كل اللي احبهم صاروا يفضلونها علي...."
هدى تقاطعها بضيق:" بدال هالمقدمه الطويله العريضه.... قولي باختصار اغار منها"
هند وهي تلتفت على اختها:"وانتي ليش تكرهينها ياام العريف؟؟"
هدى:"اكرهها كذا بدون سبب"
هند:"هههههه....بدون سبب ولا لان مرة خالي خطبتها....لحبيب القلب"
هدى بعصبيه:"سكتي لاتسمعك"
هند:"حتى لوسمعتني.... مافيه امل انها تتزوج يوسف لن ابوي رفض حتى من غير يشاورها"
بسمه بنت اخو ابو عبد العزيز(حمد)تعيش عند عمها من سبع سنين من عقب وفاة ابوها ومها واخوها في حادث سياره.... عمرها 19سنه تدرس ثالث ثانوي...رغم صعوبة الحياه في بيت عمها الا انها متفوقه...
جميله كان جمالها بسيط وهادي متوسطة البياض ويميزها صفاء بشرتها عيونها سود ووساع وشعرها اسود متوسط الطول واحلى مافيه انه غزير......
هدى بنت عم بسمه اكبرمنها تدرس ثاني جامعه....جميله وتحب تغير في شكلها...كل فتره لشعرها قصه وصبغه مختلفه...
هند عمرها 17سنه تشبه اختها هدى...لا انها قصيره نسبيا.....
اول مادخلت كانت مرة عمها في الصاله وكالعاده لما تشوفها....لازم تنكد عليها....
-"ذكرتي لعبد العزيز".
بسمه:"ايه ذاكرت له بس هو الله يهديه...."
ام عبد العزيز(حصه)مقاطعه كلامها:" لا بس ولا غيره ان جات علاماته ضعيفه ياويلك يابسمه"
بسمه :" وانا اش ذنبي ؟؟"
ام عبد العزيز:" ذنبك انه هو مسؤليتك وان ما نجح تحلمين تدخلين امتحانات الثانويه... ان يروح تعبك على الفاضي..."
بسمه في خاطرها ياها الثانويه اللي كل شوي والثاني تهددني بسبتها...ما لي الا الصبر..
بسمه:"لا ان شاء الله ينجح وبتفوق بعد"
ام عبد العزيزبسخريه:"نشوف...التفوق"
تنتبه بسمه على رنة التلفون...
ترد ام عبد العزيز:"الوه"
-"السلام عليكم"
ام عبد العزيز:"وعليكم السلام هلا والله بالغاليه"
-"اشلونكم.....واشلون العيال؟؟"
ام عبد العزيز:"طيبن الله يسلمك...اشخبارك انت؟؟"
بدريه"الحمد لله بخير.....يسرك الحال"
ام عبد العزيز:"وينك يالقاطعه مااحد يشوفك"
بدريه:"خليها على الله التهينا في العيال والمدارس"
ام عبد العزيز:"صادقه....هالمدارس جننتا"
بدريه:"عاد كلمتك عشان امل لها اسبوع غايبه مثل ماتدرين وبغيتها تذاكرمع بسمه"
ام عبد العزيز:"ايه ما عليه خليها تجي الخميس تذاكر معها..كان اقول اليوم بس اليوم رايحين بيت اهلي"
بدريه:"طيب خلي بسمه تجي اليوم عندنا... تدرين ابو مازن مسافر وما عندي عيال كبارعشان تخافون عليها"...
ام عبد العزيز:"افا عليك انتي مثل امها بس ما ادري عن عمها يرضى تجيكم...بالذات انا نتأخر في بيت اهلي"
بدريه:"ماودي احرجك ياام عبد العزيزمع ابو عبد العزيز..."
ام عبد العزيز مقاطعه:" تدرين ما يكون خاطرك الاطيب"
بدريه: "هذا العشم فيك يام عبد العزيز"...
ام عبد العزيز:"بكلمه وان شاء الله ما يخالف"...
بدريه"مشكوره....ياللا تامرين شي"...
ام عبد العزيز:" سلامتك يالغاليه...مع السلامه"
على طول من سكرت ناظرت بسمه...نظراات كلها كره..
ام عبد العزيز:"هذي جارتنا ام مازن...بنتها كانت مريضه الاسبوع الماضي..
وتبغى تروحين اليوم تساعدينها في المذاكره"
بسمه (في خاطره والله منتي هينه ياامل قول وفعل):"على راحتك...مرة عمي"
ام عبد العزيز:" والله راحتي ما تروحين...لكن هذي ام مازن غاليه علي ما اقدرارفض لها طلب"

######################
-"ها يمه...عسى وافقت"
-"انت قاعده بجنبي وسامعه كل شي لا يكون انا اتكلم سيلاني وانا ما ادري"
أمل:"ههههههههه...حلوه منك ياام احلى امل...اقصد يا احلى ام"
بدريه:"امل قومي ذاكري لك كلمتين...انا متأكده من تجي بسمه على المذاكره السلام"
أمل:"أي مذاكره الله يهديك انا ناديت بسمه عشان ننبسط مع بعض مهو نذاكر...
بدريه:"وانا لوشفتك مقصر في دروسك....كان مستحيل انادي بسمه"
امل:"على اني كنت غايبه بس بسمه ارسلت لي كل الدروس اللي ما حظرتها "
"بدريه وهي تفكر:"فيها الخير...بس تصدقين ياامل بسمه كاااااسره خاطري"
أمل:"ايه والله يمه..الله يعينها...كل اللي في البيت ما يحبونهالا عمها ولا مرته...ولا هند ولا هدى الا بالعكس يغارن منها بشكل فضيع هي سحر اللي كانت طيبه معها ومن يوم تزوجت وسافرت فقدتها بسمه"..
بدريه وهي تناظر ساعتها: الله يعينها"
امل:"اشفيك...كل شوي تناظرين الساعه"
بدريه:"خالك خالد اتصل وقال بيمر علينا واشوفه تأخر"
امل:"والله اشتقت له من زمان ما شفناه"
بدريه وهي تتنهد:"حتى هو حالته حاله من عقب اللي صار"
أمل:"خالي خالد يستاهل مسوي قيس ليلى"
بدريه بعصبيه:"اي يستاهل الله يهديك من يوم هم صغار وهم خالد لعبير وعبير لخالدحتى حببوهم في بعض....لكن الله يسامح اللي كان السبب"
أمل:"الحين صدق عبير انخطبت"
بدريه:"ماادري وحتى لوما انخطبت ابوي مستحيل يوافق ان خالد يخطبها مره ثانيه عقب اللي صار"
امل:"انا اللي قاهرني اش اللي محببه فيها الاقمه في الغرور والتكبر"
بدريه: "اقول ..ترى لسانك طويل"
أمل:"اسفه يمه...بس مقهوره منها ومن امها الشريره"..
بدريه:"ما كنك تسبين خالتي وبنتها"
تقوم وتحب راس امها:"اسفه يمه بس كل ما اشوف خالي وحاله اللي تغير احقد عليهم"
ام مازن:"اقول اسكتي...احسن لا يدخل خالك واحنا في طاري...."
-"طاري شو..."
التفتوا ثنتينهم لمصدر الصوت...
أمل تمثل دور مرعوبه:" بسم الله روعتني....وبعدين من فتح لك الباب"
خالد:"ليه لها الدرجه اخوف...وبعدين يالذكيه عندي مفتاح"
ام مازن:"هلا والله بخالد"
خالد:"هلا فيك يالغاليه"
بدريه:"تو ما نور البيت"
أمل:"لا تغلطين يمه البيت منور بوجودي...(تقرب من امها كأنها بتقولها موضوع مهم)
"بعدين يمه ليش تعطينه مفتاح بيتنا ...ما تدرين ان حاميها حراميها"
تجرها امه من شعرها بلين ...
بدريه:"حاميها حراميها في عينك ياللي ما تستحين فيه بنت محترمه تكلم خالها بهالطريقه"
امل تقرب وتحظن خالها:"امون على خالي "
خالد:"ههههههه تمونين بس لاتزودينها"
امل:"افا عليك...الحين انا ازودها "
بدريه:"اقول سوي القهوه لخالك...احسن من الهذره الزايده"
أمل:وهي تأشر على خشمها... "حاضر على ها الخشم"
خالد:" ما ابغى قهوه من يدها ...اخاف اتسمم"
أمل:"لا تخاف المستشفى قريب ..وتجي الاسعاف لحدنا اذا تبغى توصيل مجاني"
خالد:"هههههههههه ...يالله اقلبي وجهك ابغى اسولف مع اختي"
أمل:"اشبع في اختك انا رايحه"
طلعت امل وهي سعيده بشوفة خالها...
خالد:"اش اخبار ابو مازن"
بدريه:"ما عليه طيب ...موعد وصوله يوم الجمعه"
خالد:"يوصل بالسلامه"
بدريه:"الله يسلمك...الا اشلون امي وابوي"
خالد:"ما عليهم طيبن..عاد تروحين معي اليوم ان شاء الله"
بدريه:"لا اليوم ما اقدر... بكره ان شاء الله اجي"
سمعت بدريه امل تناديها:"خلني اشوف ها الخبله اش تسوي في المطبخ"
خالد هو الولد الوحيد لامه وابوه عمره 28 سنه يشتغل في شركة ابوه وعمامه...وسيم...قمه في الاخلاق لكن اذا عصب يفقد القدره على التحكم في نفسه.....
سمع التلفون يرن نادى بدريه ماردت عليه
خالد:"شكلها ما تسمع...خلني اشوف مين"
توه رافع التلفون الا ويسمع ضحكه...
-"هههههههه ...سلام ياجميل"
خالد:"الوووو"
ارتبكت بسمه...اخر شي توقعته يرد عليها رجال لانها داريه انه ابو مازن مسافر ..
خالد:"الووووووو"
بسمه...ما قدرت ترد وسكرت السماعه...
خالد:"ياحلو هاالضحكه"
أمل اللي توها داخله هي وامها:"ضحكت منو ...اعترف"
خالد:"ههههههه...ما ادري وحده ما عجبها صوتي وسكرت في وجهي"
امل بحشريتها المعتاده:"بشوف رقم منو"
تقرب امل من التلفون:"هذا رقم جيرانا ...اكيد هذي بسمه...بكلمها اشوف ما جاها سكته"
خالد:"وليش يجيها سكته.. الا سلمي عليها "
أمل وهي تدق الرقم:"لو اقولها خالي يسلم عليك.... تقاطعني وترمي بصداقة سبع سنين عرض الحائط"
خالد:"ههههههههه حلوه عرض الحائط"
ماردت على خالها لانها بسمه رفعت التلفون-"الو"
أمل:"مساء الخيييييير"
بسمه:"امل انتو عندكم احد.....ولا انا غلطت في الرقم"
أمل:"شوي ...شوي... كل ذا اسئله ...ايه خالي خالد عندنا...وهو اللي رد عليك"
كانت امل تبغى تحرجها:"بس اشرايك في صوته حلو صح"
بسمه:"ترى والله لسكر"
أمل:"لا امزح معاك ياشيخه ..(.وهي تقلد اللهجه السوريه)لك طولي بالك"
بسمه:"المهم...ترى بجيكم بعد ساعه"
أمل وهي تمزح:"عاد ما صدقتي عزمناك...تقومين تجين بدري"
بسمه:..................
أمل:"هههههه امزح والله امزح لا تزعلين ...الاعلى فكره اشرايك في الافكار"
وهي توطي صوتها علشان امها ما تسمعها :"خليت سحيله ام الخلاقين توافق تخليك تجين"
بسمه:" خطيره افكارك....."
امل:"غريبه قدرتي تكلمين"
بسمه:"طلعوا فوق وما صدقت"
امل:"انتبهي لايصيدونك"
بسمه:" اقول يالله مع السلامه عمي توه داخل وصوته معصب الله يستر"
وسكرت حتى قبل تسمع ردها
أمل:"مع ....."
خالداللي كان منتبه:"هههههههههههه ما عطتك فرصه تقولين مع السلامه ما تنلام لانك ممله"
ما ردت عليه وكانت سرحانه استغرب خالد منها... شوي الا وتكلم امها...
أمل:"يمه بسمه تقول جا عمها وصوته معصب اخاف ما يخليها تجي"
بدريه:" لا تخافين على انه عصبي بس ما يقدر يكسر كلمة مرته"
أمل:"ان شاء الله يمه...انا ماادري اشلون متحمله هالوحش"
بدريه: "اقول روحي شوفي اخوك محمد ما صحى من نومه"
أمل:"حركااااات والله يمه...طرده مؤدبه...عادي قولي ضفي وجهك.. اتقبلها بصدر رحب"
ام مازن وخالدفي نفس الوقت:" طيب ضفي وجهك"
أمل:"ههههه لها الدرجه انا على قلوبكم...اوكيه يالله باي"
طلعت الدرج وهي عارفه اش الموضوع اللي رح يتكلمون فيه...
امل علاقتها مع امها قوبه ...يمكن لان ما فيه فرق في السن كبيربدريه عمرها 34سنه تزوجت عمرها 15سنه...و امل 18سنه اكبر عيالها
عقبها رهف عمره 14سنه دلوعت ابوها ومازن عمره 9سنين واخر العنقود محمد عمره سنه...
بعد ماطلعت امل التفتت بدريه لاخوها وتاملت وجهه خالد كانت له معزه خاصه يمكن لانه الاخ الوحيد ويمكن لانه عمره ما قطعها ودايم يسأل عنها ويستشيرها في كل شي...
قطع تاملتها خالد:"وين رحتي قاعد اكلمك ما تردين ... اكيد عند الحبيب الغايب"
بدريه:" وانت الصادق عند الحبيب الحاضر اللي قاعد قدامي"
خالد:"هذ انتي قلتها قدامك....ومثل ماانتي شايفه طيب وما فيني الا كل خير"
بدريه:"ونظرة الحزن اللي تطل من عيونك"
تنهد خالد وابتسم بمراره :"يابدريه لا تقلبين المواجع"
بدريه:" ياخوي من باعك بيعه"
خالد:"هي مالهاذنب"
بدريه: "النتيجه وحده ..الحين عقب فتره بسيطه بتكون في ذمت رجال"
خالد:"بس هي للحين ماانخطبت وما سمعنا الاكلام"
بدريه:"اصلا حتى لو ماانخطبت تتوقع ابوي يرضى يخطب لك عبيرمره ثانيه عقب اللي صار"
خالد:"انا وعبير مالنا ذنب في كل اللي يصير"
بدريه:"ذنبكم انها هي اخت محمد والعنود تصير بنت عمك"
خالد:"محمد والعنود لا اول اثنين ولاآخر اثنين يتطلقون"
بدريه:"صحيح بس ياخالد طلاقهم اثر في علاقة العايلتين لدرجة ان ابوها فسخ الخطبه"
خالد بحسره:"اه...يالقهر كان موعد ملكتنا عقب الامتحانات"
بدريه بحنان:"كل شي ياخوي قسمه ونصيب"
خالد:"خلاااااااص انا ما افكر اتزوج"
بدريه:" حرام عليك اللي تسويه في نفسك...طيب ما فكرت في امي وابوي اللي امنيتهم يشوفون عيالك"
خالد: "هذا اللي مقطع قلبي امي وابوي"
بدريه: "ياخالد انت اللي معيش نفسك في دوامه منت قادر تطلع نفسك منهااشلون ياخالد لوصابتك مصيبه لا قدر الله"
قاطعها بعصبيه :"اللي انا الحين فيه ما تعتبرينه مصيبه اني افقد انسانه كان حلمي انها
تكون شريكة حياتي وام عيالي وتبغيني اكون سعيد"
بدريه:" انا ما قلت كذا ياخالد بس الانسان لازم يساعد نفسه انه يطلع من اللي هو فيه تصدق اعرف انسانه عايشه انواااع المآسي لكن لما تشوفها تقول هاالانسانه قمه في السعاده... فقدت اسرتها في
كانت هي الناجيه الوحيده... عايشه عند عم قمه في حادث
الظلم والتسلط ما يرحمها واسرته ماتقل عنه في ظلمها ولكن ...صابره ومحتسبه وتنتظر الفرج من الكريم"
خالد:" هذي بسمه اللي تو كلمت امل"
بدريه وهي متفاجئه:"اش دراك..."
خالد.:" سمعت امل يوم تقول عمها جا وما ادري شو"
بدريه:"ايه...الله يعينها...المهم حاول يخالد تنسى عبير"
خالد:"تطلبين يابدريه المستحيل"
بدريه:"هالكثر تحبها ياخالد؟؟"
تنهد ومارد عليها الابابتسامه حزينه وسرح بعيد....ولعبير اللي مايتصور انه بيحب احد غيرها..
-"هيه ...انت يالحبيب وين رحت؟؟"
خالد:"هلا والله برهوفه الحلوه ..ما انتبهت يوم دخلتي"
رهف:"اكيد ماانتبهت كنت في عالم ثاني ...المهم ترى اشتقنا لك ما قمت تجينا ...وان جيت تكون ثلاثة ارباع وقتك وانت سرحان وين خالي الاولي
... والله اني اشتقت له"
ضمها بحنان لصدره ..حتى انتي يارهف ...اجل اشلون حال امي وابوي انا لازم اطلع من اللي انا فيه اكراما للي يحبوني...
خالد:"اقول اش مسويه في الدراسه عسى بس شاطره على خالك"
رهف:"اعجبك انا مهو الغبيه اللي فوق"
خالد:"ههههههه ليتها تسمعك"
رهف:"والله صدق واللي يقهر صديقاتها اشطر ثنتين"
بدريه:"على الاقل تعرف تختار صديقاته مهو انتي اللي صديقاتك المترديه والنطيحه "
خالد:هههههههههههههههه
رهف:"يمه حرااام عليك اش حلاتهم صديقاتي وبعدين حصلت انا مثل بسمه ودلال وما صادقت بالذات بسمه ياحبي لها والله انها خسااااره تكون صديقه لامل"
خالد.:"اقول اش فيكم ما عندكم طاري الابسمه لايكون هذا اليوم العالمي لبسمه"
رهف:"ومن اللي يشوف بسمه وما يحبها......تصدق حتى مازن يموت فيها"
خالد:"ماشاء الله... عرفوني ياجماعه عليها يمكن احبها معكم"
رهف بكل برآه:"عااااااااااادي تزوجها وانت تحبها على طول"
خالد:"ههههههه تدرين يابنت اختي كفايه انتوا تحبونها"
رهف وهي تهزكتفها:"كيفك انت الخسران"
خالدوهو قايم بيطلع:"ههههههههه ياللا يابدريه انا استئذن....اشوفكم ان شاء الله بكره انتي وفرقة معجبين بسمه"
بدريه:"هههههههههه ان شاء الله"
طلع من عندهم وهويتصنع الضحك...يحاول يبين قدام اخته وعيالها انه عادي ..وهو من داخله ميت قهروحزن ...مايتخل ان عبير تكون لغيره..
##################################

دخل البيت وهو معصب من شغل المكتب ومن الزبون اللي كان ذكي وما قدر يلعب عليه ....ويغشه في الارض طايحه في كبده لها شهر... لقاها في وجهه توها تسكر التلفون بسرعه...
ابوعبد العزيزبعصبيه: "من تكلمين انتي ووجهك"
بسمه:"هلا عمي ...هذي امل بنت ابو مازن"
قرب منها وشدها من شعرها بقسوه...
ابوعبد العزيز:"لو شفتك ماسكه التلفون مره ثانيه صدقيني لكسره على راسك"
بسمه والخوف يطل من عيونها:"ان شاء الله عمي"
ابوعبد العزيز:" فارقي عن وجهي لا احط حرتي فيك"
وهي في خاطرها من عندك غيري....تحط فيه كل قسوتك وظلمك...
ابوعبدالعزيز (حمد)عم بسمه الوحيديشتغل في مكتب عقار حالته الماديه جيده.... رجل قمه في القسوه والظلم وعلشان مصلحته عنه استعداد يبيع أي شي....اكثر شخص يقع عليه هالظلم هي بسمه يمكن لانه ما احد يدافع عنها....ويمكن لانه كارهها مثل ماكن يكره ابوها لانه الوحيد اللي كان يوقفه عند حده....عياله هم سحر وهي متزوجه وساكنه في جده...وهدى وهند..وعبدالعزيز وعمره 8سنين....
هند:"هلا والله ببوي الغالي ...اش فيك صوتك واصل اخرالدنيا...(وهي تناظر بسمه بنظرااات كره)... ما تنلام مادام ذي اللي كانت في وجهك اول مادخلت"
ابوعبد العزيزوهو يبتسم بحنان:"هلا والله ..بالغاليه...اشوفك فرحانه اش عندك"
هند تقرب من ابوها وتحب راسه:"اليوم الاربعاء بنروح لخوالي ما تبغاني اكون مبسوطه"
تناظر بسمه بنظرات كلها حقد:"بس بسمه مهي رايحه معنا بتروح بيت جيرانا"
ابوعبد العزيز:"مهو على كيفها"
سكت لما تذكر انه اكيد هالروحه بتكون برضى مرته :"بس اذا امك موافقه ماعندي مانع (وبسخريه) هي حسبة امها وادرى بمصلحتها"
هند:"ايه موافقه بتروح لانه..."
قاطعه:"ما ابغى اعرف ليش انا تعبان وداخل ارتاح شوي ...لا اسمع صوت"
تنهدت بسمه بارتياح لانه الموقف عدى على خير... التفتت هند لهاوناظرتها نظرات كلها حقد ...
هند:"المره هذي ما قدرت اخرب عليك لكن الجايات اكثر اما قطعتك من امل ما اكون اناهند"
هند تغار من علاقة بسمه مع امل لان امل كانت صديقتها على انها اكبر منها و لما جت خلود

##########################

كانت في الصاله مع امها واخوانها تنتظر بسمه اول ما سمعت الجرس راحت تركض عشان تتفتح الباب ....
رهف "شوي شوي لا تتكسرين"
امل وهي مستعجله:" يشين اللقافه"
اول ما فتحت الباب دخلت بسمه استغربت ان اللي فتح هي امل
بسمه:"انا عارفه انك تحبيني بس مهو لدرجة انك تتكرمين وتتفضلين علي وتتفتحين الباب بنفسك"
امل:"افا عليك كم بسمه عندي ...يالله اليوم وناسه بسمه في بيتنا يامرحبا يامرحبا"
بسمه:"ههههههههه اقول ماكني اليوم شايفتك في المدرسه.. خلينا بس ندخل ولا بتقعديني برى"
امل:"تفضلي ...لانا لوتاخرنا شوي نلقى جمهور المعجبين طالعين في الحر لعيونك"
دخلوا الصاله وفعلا كان الجميع ينتظرهم...
بسمه وهي مبتسمه::السلام عليكم"
بدريه:"وعليكم السلام هلا وغلا بسمه"
قربت بسمه منها وسلمت عليها:"اشلونك خالتي "
بدريه:" طيبه الله يسلمك"
قربت رهف من بسمه وسلمت عليها:"هلا برهوفه ...كيفك و كيف الدراسه معاك"
رهف:"الحمد لله كل شئ تمام"
مازن مسوي نفسه زعلان :"اللحين تسلمين على الكل وتنسين خطيبك اللي بيكون اهم شخص في حياتك"
بسمه:"هههههههههه ...لا تزعل بس تدري استحي من امك"
بدريه:"لا تستحين يازينها والله خطيبة ولدي اذا بتكون بسمه"
رهف:"اي خطيبه انت ووجهك ...قل ام خطيبتي لان بسمه اكيد بتتزوج وانت ما خلصت الابتدائي"
بسمه:"هههههههه ما عليك منها ...اذا انا وانت متفقين ماعلينا من الناس"
مازن: "وانتي الصادقه ...الا اقول رحوا اهل عمك ولا بعد"
خلود:"لا بعدهم ما راحوا"
مازن وهوطالع:"اجل يمه بروح عند عبد العزيز عنده اشرطة بلاي ستيشن جديده"
بدريه:"تعال....لا.."
كان يركض ماانتبه لامه اش كانت تقول...
بدريه:"الله يصلحك وانا امك...اقول امل ما اشوفك جبتي شي لضيفتنا"
امل وهي ماسكه يد بسمه:" بعدين يمه الحين بنطلع نذاكر خلي الشغاله تجيب العصير لغرفتي"
وهي تناظر اختها:"وياليت يمه ما احد يزعجنا"
بدريه:"هههههههه امحق مذاكره"
طلعت امل وبسمه لغرفة ...اول ما وصلوا رمت نفسها على السرير وجلست بسمه على كرسي مقابلتها...
بسمه:"يالله ياامل اليوم ضاع وجهي مع خالك كنت متاكده انه ما فيه رجال في بيتكم كنت ماخذه راحتي واضحك في التلفون"
امل:"هههههه ايه دخلت عليه وهو يقول الله يازين الضحكه"
استحت بسمه:"الله ياخذك وتقولين بعد"
امل:"ياعزيزتي انا مشكلتي الصراحه...المهم تصدقين انا خفت انه عمك ما يخليك يوم قلتي صوته معصب."
بسمه تبتسم بسخريه:" لا هو مستحيل وحطي مية خط تحت مستحيل انه يكسر كلام حرمته"
امل:"بصراحه ماادري اش مصبرك على هالوضع؟الوحيده اللي تطيعه ومع ذلك ماهو راحمك"
بسمه بمراره:"ما تدرين ... اللي مصبرني ياحلوه انه ما قدامي الا الصبر ولا من راح يوقف معي في وجه عمي"
امل:"اكيد فيه حل"
بسمه:بعصبيه:" أي حل ...وهو ولي امري الوحيد...مالي الاخاله وحيده وحارمني منهاولو حاولت اعانده ...قولي على بسمه السلام...اصلا انا من غيرعناد ماني سالمه منه تذكرين الكدمه اللي كانت في وجهي من اسبوعين"
امل وهي تفكر:"ايه تذكرتها..بس انتي قلتي..."
قاطعتها بسمه:"قلت لكم طحت والصحيح انه هو رمى الريموت على وجهي ولو لقى غيره كان ما قصر والسبب...هدى طلبت فلوس تروح السوق...وهو مثل ما انتي عارفه يتعذب اذا احد جاب طاري الفلوس ما لقى احد يفرغ غضبه فيه غيري رمى الريموت على وجهي وقال انقلعي عن وجهي...يوم ارتاح شوي عطاها فلوس وراحت السوق وانا اخذت اللي فيه النصيب"
حست امل انه زودتها ...وحبت تلطف الجو شوي...
امل:"اسفه يابسمه ادري ان لساني طويل ويبي له قص...اشريك تقصينه"
بسمه:"هههههههه لا مشكوره خلي هالمهمه لغيري..الاما قلتي اشلونك مع الدراسه..لازم نشد حيلنا...ونجيب نسبه تساعدنا في
دخول الجامعه...( وهي تنهد) : ولو اني ما ادري يخلوني اكمل ولا يحرموني"
امل :"لا ان شاء الله نكمل بعض"
بسمه وهي تهز راسه:" ان شاء الله ...بكره بتروحون لاهلك"
امل:"ايه ان شاء الله"
بسمه:"تصدقين اشتقت لخالتي ...مستحيل هي تجي عقب ما طردتها مرة عمي"
فتحت رهف الباب...وطلت براسها:"ها... ما خلصتوا مذاكره"
قامت بسمه ومسكت بيدها وهي طالعه معها ابتسمت لامل اللي مقهوره من اختها
بسمه:"اكيد خلصنا"
##########################
-"اقول داوم خالد امس"
ابوخالد تنهد بعمق: "ايه..."
ام خالد :"اشوي ...ما بغى يداوم"
ابو خالد:"من اسبوعين توه امس يروح ما اقول الا حسبي الله عليهم "
ام خالد :"حرام عليك اختي وبنتها مالهم ذنب..هذا ابوها الله يهديه هواللي فسخ الخطبه "
ابو خالد بضيق:" الله يهدي الجميع ويعوض ولدي احسن منها"
ام خالد بأسف :"ما ضني فيه احسن منها ...لكن الله كريم"
ابو خالد بعصبيه:"ايه... استمري انتي وريم في ترديد هالكلام قدام خالد اللي فيه مكفيه"
ام خالد :"الله يهديك ياابوخالد فيه ام تكره تشوف ولدها متزوج وتشوف عياله انا بس اقول ننتظر يمكن عبير ماانخطبت"
قاطعها ابوخالد بعصبيه :"والله اذا انتي ترضينها علىولدك انا ماارضاها...من باعنا نبيعه لوهو من يكون....وبعدين نسيتي اللي صار في العنود بسبب ولد اختك"
ام خالد بضيق:"خالد وعبير مالهم في كل اللي صار"
ابو خالد بعصبيه:"اذا هم مالهم ذنب ليش ابو محمد يفسخ الخطبه..."
ام خالد:"ماادري عنه يمكن عصب على اخوك لما راح له البيت وحب ينتقم"
ابو خالد:"تدرين الحمد لله انها جت منه....لانه الحين مستحيل ارجع اخطب لولدي عنده"
ام خالد:"حرااااام عليك ياابو خالد تدري ان خالد يحب عبير"
ابو خالد:"أي حب واي خرابيط"
ام خالد:"لا تنسى انها كانت خطيبته "
ابو خالد:" اذا تزوج غيرها بينساها"
ام خالد:"ماراح يرضى يتزوج غيرها"
ابو خالد بعصبيه:"بيرضى انتي بس اطلعي منها"
ام خالد :"زين لا تعصب روحك"
ابو خالد:"انا ياام خالد مثل ماانتي شايفه ماقطعتك ولا بقطعك من اختك بس مالنا نصيب عندهم"
ام خالد حرمه طيبه وحنونه...عيالها بترتيب.. بدريه ساره وخالد واخر العنقود ريم…تحب خالد بجنون….وشصيتها ضعيفه وتتأثر بسرعه
واكثر من يقدر يأثر عليها… اختها ام محمداللي هي ام عبير
على رغم استغلال الاخيره لها...
ابوخالد رجل شخصيته قويه وله مكانته في المجتمع مكون مع اخوانه شركه ...
-صباح الخير على الحلوين
ابوخالد:صباح الورد على دلوعة ابوها ... تقرب من ابوه وتحبه على راسه
ام خالد :"غريبه ريم صاحيه من بدري يوم الخميس"
ريم :"ابد سلامتك بس البارح من الملل نايمه من بدري"
ابو خالد:"احسن وانا ابوك مامن السهر فايده"
ريم :"وانت صادق يبه الاوينه ولدكم المدلل العاده ما تفوته هالقعده الصبح"
خالد اللي كان توه داخل:" مدلل في عينك يالحسوده"
ريم :"لوطريت مليون كان احسن"
ام خالد :"لا ولدي اغلى من ملاين الدنيا"
خالد وهو يبتسم :" موتي قهر"
ريم :"اقول ماتحسون اني اصير صفر على الشمال اذا جا خالد"
ابو خالد:"هههههههههه انتي حبيبة ابوك ما يكفيك"
ريم الدلوعه في البيت حلوه ومغروره قدوتها في الحياه عبير بنت خالتهاعمرها 19 تدرس اولى جامعه مع عبير...
ريم وهي تبتسم لابوها :"اللي يكفيني ...الا متى بتجي بدريه وبناتها والله اني اشتقت لهم اسبوع ما شفناهم"
ام خالد :"بتجي الظهر"
ريم وهي تكلم امها:"عبير كلمتني اليوم وتقول بيجون اليوم في الليل"
تغيرت ملامح خالد من جا طاري عبير وانتبه له ابوه...
ابو خالد:"على فكره يام خالد نسيت اقولك اليوم انا وخالد رايحين المزرعه مع ابو فيصل وابو ناصر (اعمام خالد )وعيالهم"
استغرب خالد بس حس ان ابوه يبغى يبعده عن البيت عشان خالته بتجي...
ريم :"والله قهر يبه ياليت تاخذونا اشتقت للمزرعه"
ابو خالد:"مره ثانيه وانا ابوك "
%%%%%%%%%%%%%

لجزء الثاني

فتحت عينها من نومها المتقطع ...على صوت الظحك اللي تسمع برى غرفها كانوا بنات عمها وهم يظحكون مع امهم وابوهم....وتذكرت الايام الحلوه..ايام ما كانت هي دلوعة بيتهم...كانت طلباتها اوامر وتذكرت اخوها بندراللي كانت تختلف معاه على كل شي وكان يحب يعصبها باي طريقه وكانت لما تعصب تسمع ضحك ابوه ولما تسأله وهي زعلانه "ليش يبه تضحك؟؟"
يرد عليه" لانك حلوه حتى وانتي معصبه"..
تذكرت امها الحنون اللي كانت دوم تغمرها بنصائحها وكأنها كانت عارفه انها ماراح تكمل معاها مسيرة حياتها...
-"بسمه انتي تبكين"
ماحست لما دخل عبد العزيز...
بسمه وهي تمسح دموعها :"ها...لا بس عيوني ما ادري اش فيها... بغيت شي"
عبد العزيز:"امي قالت لي اناديك"
قامت بسرعه وراحت غسلت وجهها...ودخلت الصاله
بسمه:"هلا مرة عمي بغيتي شي"
ام عبد العزيز بعصبيه: "كل هذا نوم"
بسمه:" ما نمت البارح الامتأخره و...."
ام عبدالعزيز مقاطعه:" ايه ماعلينا ...اشلونها ام مازن"
بسمه :" تسلم عليك ...شفتها اول مادخلت وعقب انشغلت مع امل في الدروس اللي فاتتها "
رمي عمها الجريده اللي كان كان يقرها وقاطعها بعصبيه :"ليه ماتذاكرين لبنت عمك بدل مانتي مسويه نفسك مدرس خصوصي"
هند:"لا يبه واللي يعافيك انا مااحتاج هالاشكال"
ام عبد العزيز تواصل تحقيقها: "كان عندها احد من خواتها"
بسمه :"لا وانا عندهم ماشفت احد"
هدى :" ياكرهي لاختها ريم قمه في الغرور هي وبنت خالتها عبيردايم اشوفهم في الجامعه ...ما اقول الا مالت عليهم"
بسمه في خاطرها عندك وعندهم خير ...
ام عبد العزيز :" اقول قومي شوفي عبد العزيز ان كان طاع يذاكر..بدل ماانتي قاعد متنحه كذا"
##########################

بعد الظهر وهي في بيت اهلها..جالسه مع امها وابوها دخل خالد ..
خالد :"عاد اليوم مااحد بيعطينا وجه بعد ماجات الغاليه"
بدريه :"هههههههه خل عنك الغيره انت داري انه ما احد بغلاك عند امي وابوي"
ابتسم وهو متجه لها:"ايه متأكد بس الواحد احيانا يحب يشوف غلاه"
بدريه :" ههههه تصدق انك طماع..... الا ما كن ساره تأخرت هي قالت لي بتجي الظهر"
ساره اختهم اللي اصغر من بدريه واكبرمن خالد متزوجه من ولد عمها ناصر من عشر سنين تأخرت في الحمل حملت بعد ست سنين وجابت توأم (زياد وريناد)عمرهم ثلاث سنين...
ام خالدوهي طالعه:" بتجي العصر لان في بيت عمك ضيوف على الغدا. حتى ابوك وخالد بيروحون"
بعد ماراحت ام خالد...
ابو خالد : اقول بدريه ماكلمتي خالد عن الموضوع اللي قلت لك عليه"
بدريه وهي تناظر خالد:"كلمته يبه وقال بيفكر"
ابو خالد :" الى متى بتضل تفكرياخالد"
خالد:"يابوي انا ابغى بنت خالتي"
ابوخالد:"ياولدي ابو محمد بعد ما فسخ الخطبه يبيني اروح له واترجاه بما انك ولدي الوحيد.... بعدين نسيت انها الحين مخطوبه و نسيت اللي سواه ولده في بنت عمك "
خالد:"مانسيت يبه بس ياخوفي ان العنود ومحمد يرجعون لبعض بعد ماانحرم انا من عبير"
ابو خالد:"اذا ترضى لابوك المذله مشينا اليوم العصر لابومحمد" "
خالد:"ما عاش من يذلك"
ابو خالد:"واذا تبغى شوري عند ابو محمد مالنا نصيب خلنا ندور لك بنت الحلال اللي تسعدك"
تنهدابو خالد:"ياخالد نفسي اشوف عياله قبل لا اموت"
بدريه:" الله يعطيك طولة العمر يبه وتفرح بعياله"
خالد:" الى هالدرجه مسبب لكم مأساه"
ابو خالد: "ياخالد انت ولدي الوحيد....فلا تستكثر علي اني افرح بك واشوف عيالك
خالد:يابوي ماادري اش اقول لك"
ابوخالد:"طلبتك ياولدي فرح قلبي الله يفرح قلبك"
خالد اتجه لابوه وحبه على راسه:"انت ما تطلب يبه انت تأمر....خلاص يابدريه ابدي مهمتك في البحث عن بنت الحلال"
بدريه:"يازينها من مهمه ياخوي"
ام خالد وهي داخله وما سمعت وش يدور:"اقول ما كنكم تأخرتوا"
خالد: وهو يتجهز لطلعه هو وابوه ويحاول يظهر انه طبيعي:"هذا احنا طالعين بس تعرفين ابو خالد لما يشوف بدريه يبدون في المؤامرات"
بدريه:"ههههههه الله يسامحك مقبوله منك"
طلع خالد وابوه..والتفتت بدريه على امها
بدريه:"سمعت انه خالتي بتجي اليوم ...اسمحي لي يمه احس المفروض انها تقلل زياراتها اواقل شي ماتجيب عبير"
ام خالد :"عيب عليك يابدريه هذي اختي مهما صار واذا جات عبير اللي يسمعك يقول انها ما تغطلى عن خالد"
بدريه :"حتى ولو ...احساسه انها في البيت يزيد المواجع...على فكره يمه ابشرك خالد وافق ندوره بنت الحلال يالله شدي حيلك"
ام خالد :"الله يوفقه ...فرحانه لولدي وكانت فرحتي بتكمل لو "
بدريه :"يمه الله يهديك كل واحد ياخذ نصيبه..."
ام خالد : "وانتي صادقه...انتي دوري لاخوك وما اوصيك"
بدريه :" لا توصين حريص يمه"

$$$$$$$$$$$$$$$$$$$$$$$$$$

كانت قاعده في الصاله تتفرج على التلفزيون...دخلت مرة عمها وشافتها مرة عمها
وضايقها انها قاعده مرتاحه....
ام عبد العزيز :"اقول انتي قومي ساعدي الشغاله في الغدا"
بسمه وهي طالعه : "ان شاء الله"
وهي طالعه كانوا بنات عمها نزلين الصاله...
هند :"احسن انها طلعت يكرهي لها"
ام عبد العزيز وهي تبتسم :"لا وابشرك قريب بتذلف من هاالبيت"
التفتوا ثنتينهم لامهم...
هدى :"اشلون بتذلف؟؟"
ام عبد العزيز :"انخطبت امس من واحد"
هدى قاطعت امها وهي تحس بالغيره :" ومن هو هالمنحوس اللي خطبها"
ام عبد العزيز وهي تضحك :"هالمنحوس اكبر من ابوك ومتزوج ثنتين"
هند :" اكيد غني "
ام عبد العزيز :"هو غني غني بس بخيييييييييييييل"
هدى : "هههههههههه احسن خليها تذلف عنا "
اللي ما يدرون عنه ان بسمه كانت راجعه تسأل مرة عمها متي يبون الغد وسمعت كل شي ..............
##############################
في المغرب في بيت ابوخالد كانوا قاعدين في الصاله...
ام محمد وهي توجه كلامها لبدريه :"وينك يابنيتي قطعتينا مانشوفك"
بدريه :"تدرين بعد ياخالتي ..مشاغل البيت والعيال"
ام محمد :" هذي ساره حتى بعد التوم وتسأل وتزور"
عبير:"حتى المناسبات ماتحضرينها
بدريه :"عاد المناسبات ماافضى لها... تصدقين عساني بس اقدر احضر خطوبة خالد"
كل الانظار اتجهت لعبير عشان يعرفون ردة فعلها...اللي بان عليها هي وامها الصدمه الشديده...
ام محمد : "اشوف يام خالد خطبتوا لخالد وما قلتي "
ام خالد :"لا والله ياوخيتي ما صار شي توه هو وافق وطلب من بدريه تدور له"
عبير وهي تحاول تبان طبيعيه : "اش معنى بدريه؟؟"
بدريه تبي تقهرها:"والله عاد اخوي يثق في ذوقي ..الا ياخالتي متى خطوبة عبير"
ام محمد بضيق :" ما تحدد للحين...الا انتي فيه احد في بالك؟؟"
بدريه :" بصرااحه لا "
ساره وريم على الرغم من حبهم لاخوهم مستحيل يرشحون احد للزواج من اخوهم...
من حبهم لعبير وكانوا متأملين عودتهم لبعض ....

###############################
كانت في غرفتها ...ماكان لها نفس في الاكل ...وكيف يكون لها نفس عقب ما سمعت كل شي ...يالله كنت صابره على عمي واهله ومتحمله الطق والاهانات على امل الله يرزقني باابن الحلال يريحني من كل هذا ..آه من عمي اللي يبي يرميني هالرميه...
حطت راسها على المخده ومو قادره تتحكم في دموعها ....... سمعت صوت آذان صلاة العصر رددت الاذان مع المؤذن وقامت تتوضا وتصلي وتدعي ربها ...يفرج كربتها....
##########################
دخلت البيت وهي معصبه ورمت عباتها وشنطتها على الكنبه.....
-"شفتي يمه خالد بيخطب"
ام محمد :"يابنتي استهدي بالله ما ظني خالد يسويها"
عبير :"بموت يمه لو خالد يتزوج"
ام محمد:"انتي الغلطانه لو ما طاوعتي ابوك ماكان فسخ الخطبه"
عبير:"ابوي بغى يذل ابوه وعمه وكنت متاكده ان خالدمستحيل يتخلى عني بهالسهوله"
ام محمد:"اذا كان خالد يحبك مره فهو يدور رضى ابوه الف مره"
عبير:"لا مستحيل......خالد يكون لغيري"
ام عبير:"هو اكيد ماوافق الا لما قالوا له انك مخطوبه"
عبير:"اي خطبه المفروض انه هو اول واحد يدري اني مستحبل اوافق على غيره"
ام عبير:"اش يدريه واحنا قلنا لهم انك انخطبتي"
عبيروهي معصبه:"كل اللي صار بسبب محمد"
قاطعتا امها بعصبيه :عبير كل شي صااار برضاك وما احد غصبك...انا الحين شايله هم اخوك اللي اختفى من بعد ماطلق مرته"
عبير:"انتي تدرين انه مسافر وكل شوي يتصل زميله يطمنا عليه"
ام محمد:"بس هو ليش مايتصل"
عبير بلامباله:"ماادري عنه "
ام محمد هي اخت ام خالد الكبيره عيالها هم محمد وعمره 33سنه يشتغل في شركة ابوه....كان متزوج العنود بنت عم خالد ....وعبيروعمرها20سنه....عبيرفائقة الجمال وتبهر الكل....قمه في الغرور والتكبر وانانيه ماتهتم الافي نفسها....

يتبع.....
###############################

ا-
الجزء الثالث

كانت حاضره بجسمها وعقلها وتفكيرها في عالم ثاني...
دزتها امل من كتفها ..
امل :" الابله تسألك "
بسمه بشرود :"هااااا"
ابله شيخه : "اللي واخذ عقلك يتهنا به ...الظاهر ما انتبهتي لسؤال"
نزلت راسها وهزته ...حست ابلتها ان فيها شي لانه مو من عاداتها ...ولانها من اشطر طالبات فصلها....
ابله شيخه:" تعبانه يابسمه ..".
بسمه : "لا موتعبانه بس سرحت شوي "
ابتسمت لها :"خلي عنك السرحان انتي في ثالث ثانوي"
جلست وهي في اسوء حالانها امل ودلال حسوا ان بسمه فيها شي اجلو اسألتهم لها لما يطلعون...
رن الجرس وطلعوا البنات ...
راحوا مكان منعزل شوي حتى ياخذون راحتهم...
امل : "اشفيك بسمه احسك منتي طبيعيه "
بسمه بحزن : "ما فيني شي ..."
دلال :"بسمه مستحيل اكيد فيك شي ..."
تنهدت بسمه : "خلوها على الله الدنيا ماهي واسعتني من الضيقه..."
امل : "عسى ما شر ..."
بسمه بحزن :" الا الشر بعينه وعلمه "...خنقتها العبره وما قدرت تكمل...
سكتوا حتى هدت شوي ...ولما تمالكت نفسها مسحت دموعها ...
ولما خبرتهم بكل اللي صار رفعت عيونها الحزينه لهم ... :"عطوني حل اش اسوي بعمري..."
امل بتهور:" اهربي وروحي لخالتك..."
بسمه ابتسمت بحزن :"اهرب وين انتي عايشه ....وحتى لو هربت على قولتك بيصير مشاكل مالها اخر واللي بينتصر في الاخير عمي..."
امل:"الدنيا مهي فوضه....مافيه احد يزوج البنت غصب عنها..."
بسمه:"لا فيه كثييييييييير ياامل يزوجون بناتهم غصب عنهم ولااحد داري عنهم..."
امل : "يعني هو خلاص خطب ..."
بسمه : "حسب اللي سمعته هوكلمه قبل لا يسافر وبيرجع عقب شهر وبيصير كل شئ رسمي ..."
دلال : "يابسمه ما في يدينا شي نقدر نسويه وانت ما لك الا الكريم ...ولا تنسين ان باب الدعاء مفتوح ...ادعي ربك وهو قريب مجيب لدعاء عباده ولا تيأسي من روح الله.."
ارتاحت بسمه لكلام دلال ...
وابتسمت باسى : "ولله انك صادقه وانتو بعد لا تنسوني من دعاكم ...كلامك يادلال ينحط على الجرح يبرى ..."
ابتسمت امل :"وانا كلامي يزيد الجروح...."
بسمه :"اش دعوه انتي الخير والبركه...الله لايحرمني منك جميع..."

******************************

في الجامعه كانت عبير وريم وصديقتهم مشاعل مع بعض ...
عبير : "للحين ما تدرين من اللي بتكون خطيبة خالد "
ريم : "ما ادري للحين ......ما اتمنى احد يكون مرة اخوي الا انتي ..."
مشاعل اللي كانت عارفه كل شئ :"اخطبيني انا لاخوك ...شوفي اش ملحي ..."
عبير بغيره : "من زينك ..."
مشاعل مازحه :" انتي ليش تغارين ..."
عبير : "مشاااااعل ...ترى نفسيتي اليوم زفت"
مشاعل عشان تغير الموضوع : "ما سألتيني اش صار مع سعود"
عبير : "نسيت قولي اش صااار"
ريم : "لحظه ...لحظه انا صايره مثل الاطرش في الزفه اش السالفه ..."
مشاعل : "امس كنت انا وعبير في السوق ...وواحد رمى رقمه علينا ...واخذنا الرقم والبارح كلمته ....ياويل قلبي يازين صوته وسوالفه اللي تسحر ...."
ريم اللي ماشدها في الموضوع الا شي واحد : "عبير انتي تاخذين ارقام من شباب ..."
تفاجئوا ردت مشاعل عشان تنقذ صديقتها : "لا...عبير تقول اخلاقها ما تسمح ..."
ابتسمت ريم : "وهي صادقه وبعدين انتي مكالماتك ذي بتوديك في داهيه ..."
مشاعل : "اسكتي انتي واللي يعافيك ...انتي لوتجربين مره ...كان تنسين الملل اللي تشكين منه ..."
ريم : "لااااا انا مرتاحه في مللي بس انتي اللي ...."
مشاعل مقاطعه : "الموضوع كله تسليه ما يتعدى المكالماااات...."
هزت ريم راسها بعدم اقتناع..........

%%%%%%%%%%%%%%%%%

-"ترى البيت من من دونك ما يسوى...قلل هالسفريات..."
ابتسم لها بحنان :"لها الدرجه تشتاقين لي ..."
-"اكيد اشتاق لك منت ابو عيالي...."
-"ابوعيالك بس .."
ابتسمت وسوت نفسها مو فاهمه قصده :"اش اكثر من ابوعيالي"
-"تدرين يابدريه احسن ادور لي وحده تحبني كزوج مهو (وهو يقلدها ) ابوعيالي "
بدريه : "مواااافقه بس بشرط ..."
عبد الله وهو يقرب منها ومسوي نفسه فرحان :"اشرطي على كيفك كم بدريه عندي ..."
بدريه: "تكون على ذوقي ..."
عبد الله : "هونت مابي اتزوج..."
بدريه:"ههههههههه لها الدرجه ذوقي مو حلو .."
عبد الله :"تبين الصدق ....ذوقك مو حلو....بس انتي اللي حلوه..."
بدريه : "صرت الحين حلوه من اللي قبل شوي متلهف على الزواج ؟؟؟"
عبد الله :" ههههههه ...الا على طاري الزواج سمعت انه جاري البحث عن عروسه هاليومين..."
بدريه : "مسرع توصلك الاخبار من قال لك..."
عبد الله :" من غيرها نظر عين ابوها رهوفه عطتني البارح وانتي في المطبخ الموجز والاخبار بالتفصيل .."
بدريه :" ثرثاره ما ادري على منو طالعه...المهم مثل ما وصلك خالد وافق يتزوج ... وامي وخواتي شايلين يدهم من الموضوع....ووكلوا لي هالمهمه الصعبه"
عبد الله :" هههههه صايره خطابه..."
بدريه : "اي خطابه الله يهديك...تصدق مسؤليه كبيره بالذات ان قلب خالد لازل متعلق في عبير وما وافق الا عشان خاطر ابوي ...واخاف اظلم بنت الناس معاه...."
قطعت كلامها لما شافت رهف داخله .....قامت رايحه المطبخ..
بدريه : "رهف نادي اختك للغدا..."
رهف وهي متجهه لابوها :"تقول لاتنادوني مالي نفس ..."
استغربت بدريه لانها لاحظت ان امل من اول ما دخلت وجهها معتفس ...ومبين انها متكدره...
وهي تكلم زوجها: "انا طالعه لامل ..."
عبد الله :ا"نا ما دام معي رهف ما اسال عن احد ..."
بدريه : "خلها تنفعك دلوعتك ..."
رهف : "يمه لايكون تغارين ...."
بدريه: "هههههههه الحمد لله وليش اغار ...."
رهف:"ماادري بس احساسي يقولي......"
بدريه وهي طالعه:"مو دايم يكون احساسك صادق..."
فتحت الباب وتفاجأت لما شافتهاعلى السرير وبمريول المدرسه ودافنه راسها في المخده ...
امل : "رهف قلت لك ماابي غدا..."
بدريه : "امل اشفيك ...تعبانه يمه .."
رفعت راسها لما شافت امها : "لا يمه انا بخير ..."
بدريه :" اجل اشفيك ... ابوك توه واصل من السفر البارح المفروض اول يوم يتغدى معانا فيه نكون مجتمعين"
امل :"يمه والله مالي خاطر في شي ..."
جلست على السرير وحطت يدها على كتفها :" انتي اكيد فيك شي اذا ما قلتي لامك لمن تقولين ..."
ولانها ماتخبي عن امها اي شي خبرتها بكل اللي صار لبسمه ....
بدريه :" الله على الظااالم اللي ما يخاف ربه في هاليتيمه ..."
امل :" مسكينه يمه والله تقطع القلب...."
بدريه:"ومتى يرد هالشايب من السفر..."
امل:"بعد شهر....ان شاء الله مايرد..."
بدريه:"حرام عليك ياامل تدعين عليه اكيد له اهل يحبونه..."
امل:"هو لو فيه خير ماخطب بنت في عمر بناته"
بدريه:"ياامل الحياه قاسيه وفيه ناس عايشين بس يدورون اللي يريحهم وما يهتمون في غيرهم..."
امل :"مااتخيل بسمه تقضي بقية عمرها مع رجال كبر ابوها احس هالشي ممكن يقضي عليها"
بدريه:"حتى انا مااتخيلها...."
امل:"انتي يمه لو شفتيها اليوم كان تقطع قلبك عليها..."
بدريه تتنهد:"ياليت في يدنا شي نقدر..."
سكتت لانه طرى على بالها فكره ممكن تنقذ بسمه بس تنفيذ هالفكره في مغامره كبيره ممكن بدل ماتنقذ بسمه تضيعها...

&&&&&&& &&&&&&&&&&&&

وهو في الشركه ويفكر في اللي صار ويقول اكيد انا استعجلت المفروض ما وافقت
بس لما فكر في السعاده اللي شافها في عيون ابوه حس انه ما غلط في قراره...
تنبه على دقت الجوال كان من رقم غريب...
خالد: الو ...
......... -
خالد بضيق : الووووووووو
-بصوت متردد:"خالد" ...
خالد وهويفكر في الصوت:" معك خالد "..
"-ما عرفتني ياخالد "
خالد بعد تفكير رد وهو متفاجاء لانه اول مره تتجراء تكلمه بعد فسخ الخطبه
:"عبيييييييير"
عبير : "ايه عبير ياخالد اشلونك ..."
خالد وهو حاس انه لازم ينهي المكالمه رغم فرحته بسماع صوتها: "خير عبير فيه شي .."
عبير بحزن: "صدق ياخالد انك بتخطب ..."
خالد : "ايه بخطب عندك ماااانع ..."
عبير : "ليه ياخالد ...انا خطوبتي ..."
خالد مقاطعا : "شئ ما يهمني ...وبعدين انسي هالرقم .."
ماعطاها مجااال ترد وسكر التلفون في وجهها ....

&&&&&&&&&&&&&&&&&&&&&&&&
-مبروك مدااام انتي حامل..
انصدمت وهي تسمع الممرضه وجلست على الكرسي.....يالله انا ناقصني الحمل الحين...حست بيد حانيه على كتفها....
-"العنود اشفيك يمه اكلمك ماتردين..."
العنودوهي تصيح:"ما سمعتي يمه اش قالت الممرضه..."
ام فيصل:"سمعتها يابنيتي....والحمد لله اللي يجي من الله زين...."
العنود:"كنت شياله هم نايف ونواف والحين ادري ان فيه واحد ثالث في الطريق..."
ام فيصل:"اللي بيعيشهم بيعيشه وانا امك..."
العنود:"صعب يمه يعيشون بعاد عن ابوهم....."
ام فيصل:ا"بوهم الله يسامحه"
العنود في خاطرها الله يسامحك يامحمد عقب كل السنين اللي عشتهم معك ضيعت نفسك وضيعتنا معاك...

**********************************************

يتبع

اشرايك صح اللي ناويه اسويه ولا غلط...
عبد الله : "والله يابدريه ما ادري ....بس انتي موقفك صعب ....اخاف بدل ما تكحلينها تعمينها للأثنين..."
بدريه :" ياعبد الله بالنسبه لخالد عندي مطلق الحريه للاختيار وصدقني لو ما قلبه مشغول مستحيل كان يلاقي احسن من بسمه وابوي مستحيل يخطب عبيرلخالد مره ثانيه....اما بسمه ياتتزوج هالشايب اللي جابه لها عمها او خالد اللي بيكون مناسب لها من كل النواحي الا الحب الاول اللي مع الايام يقدر ينساه....وبعدين في خالد ميزه ثانيه
ان عمها مستحيل يرفضه ..".
عبد الله:"بس لا تنسين يابدريه ان بسمه من عايله بسيطه ويمكن هالشي يفرق مع اهلك.."
بدريه:"اهلي وخصوصا ابوي اهم شي تكون من اصل طيب..."
عبد الله:"فيه مشكله ثانيه البنت اكيد منكسره واتوقع تكون شخصيتها ضعيفه واخوك الافضل له وحده لها شخصيتها و..."
قاطعته بدريه وهي تفكر:"تصدق بسمه على رغم حياتها لما اشوفها في المدرسه وفي حفلة نهاية السنه استغرب كان الكل يعجب بقوة شخصيتها وحسن القائها بنت محبوبه من الجميع..."
عبد الله:"موغريبه تكون كذا وانتي ادرى بحياتها عند عمها.."
بدريه: "بس لا تنسى انها عاشت في بيت ابوها الله يرحمه حياه كريمه ويمكن هذا اللي معطيها القوه اللي تظهر بها احيانا"
عب الله:"بس ماتخافين اخوك يحطم هالقوه الباقيه عندها.."
بدريه:"وهذا اللي مخليني متردده"
عبد الله : "انا اقول اذا كنتي واثقه من اخوك ماراح يرفض ...شاوري البنت وشوفي ردها..."
بدريه وهي تفكر :" لازم ادور طريقه اخليها تجي بيتنا حتى اشاورها...."
عبد الله:"بس لا تخبين أي شي خصوصا انه كان خاطب ..."
******************************


*************************************
ام عبد العزيز وهي تكلم زوجها :"اليوم بنروحالعصر بيت ابو مازن بيجون اهلها وعزمتنا ..."
ابو عبد العزيزبعد اهتمام : "الباب يفوت جمل ..."
هند : "يمه كلنا بنروح ..."
ام عبد العزيز : "لان بدريه مأكده علي تجون"
هند : "بس بسمه خليها تنثبر يمه في البيت ..."
ام عبد العزيز بحزم :"لا بتروح ...اش بيقولون اذا تركنها في البيت ...."
ام عبد العزيز يهمها كلام الناس وتحب تظهر قدامهم انها حنونه على بسمه ...


%%%%%%%%%%%%%%%%%%%


-"اقول صدق الاخبار الحلوه اللي سمعناها ..."
خالد بضيق : "لا تقول الخطوبه.... هم ما صدقوا قلت ايه..... ونشروا الاخبار تصدق انت الثاني اللي تسألني اليوم .."
فهد :"من الاول اللي سألك ..."
خالد بارتباك: "واحد من الشباب ...بس انت من قال لك ؟؟"
فهد : "اللي يسمعك يقول اني غريب ما كني ولد عمك ...بعدين اذا انت ماقلت لي اخبارك لازم انا ادورها من مصادر موثوقه بس اللي ما عرفته تعيسة الحظ اقصد سعيدة الحظ من تكون؟"
خالد :"تعيسه في عينك ..."
فهد : "ما قلت من المزيونه .."
خالد :" اقول احترم نفسك لا تقعد تتغزل في حرمتي اللي ما ادري للحين من هي ..."
فهد : "ههههه ايه اكيد قاعدين يدورن لك عروسه بمواصفات خاااصه .."
خالد : "أي مواصفات خاصه ...عقبها ما احد يملى العين ..."
فهد :"اقول خل عنك الحب الاول وخرابيطه وعيش حياتك ..."
خالد : "وانت يالحبيب متى بتعيش حياتك ..."
فهد وهو سرحان : "قريب ان شاء الله...خالد بغيت اقول لك شي بس متردد..."
خالد:"وليش تتردد من متى هالادب ما شاء الله"
فهد:"بصراحه العنود متلومه فيك وتقول اكيد اهي السبب في كل اللي صار..."
خالد:"لا العنود مالها دخل وبعدين ابو محمد هو اللي فسخ الخطبه وابوي زعل وتعرف الوالد اذا زعل..."
فهد:"يااخي ما تدري يمكن في الامر خيره..."
خالد:" يمكن....لا اشلونها العنود عقب ما طلقها محمد..."
فهد يتنهد:" حالتها حاله...سبحان الله عقب سنين من الحب والعشره الطيبه يتغير عليها..."
خالد:"تصدق حتى انا احس محمد له فتره متغير بس ماادري اش السبب..."
فهد هو ولد عم خالد الكبير (عبد الرحمن ) عياله هم فيصل 38سنه متزوج
العنود 34سنه واخيرا فهد عمره 28سنه
فهد يعتبر هو صديق فيصل الروح بالروح واقرب عيال عمه له...


::::::::::::::::::::::::::::::::::::::::::::::::


كانوا قاعدين في بيت بدريه الحريم سوااالف وضحك والبنات الجو متكهرب بينهم ...
بسبب الغرور اللي في ريم اللي تحس انه قاعده مع ناس مو من مستواها....
اما امل وبسمه كانوا منبسطين مع بعض رغم الحزن اللي تحاول تخفيه بسمه في قلبها...
ام عبد العزيز : "كيف الجامعه معك ياريم ..."
ريم بعدم اهتمام : "ماشي الحال ....يالله ملل في بيتك يابدريه ...لو مجتمعين في بيتنا ماكان حسيت بملل...."
بسمه : "لو كان في بيتكم ماكان شفناكم ..."
ريم :" وهذ هو المطلوب...."
استحت بسمه ونزلت راسها... بنات عمه انبسطوا على رد ريم ..انقهرت امل من خالتها : "والله احنا ما تحلى لنا القعده الا في بيتنا ( وهي تنا ظربسمه ) ولا تحلى الا مع حبايبنا"
رهف :" وبعدين لو سمحتي لا تغلطين على بسمه "
بسمه حبت تلطف الجو: "اشلونك مع التؤم ياساره"
ساره :"متعبين (وهي تبتسم ) بس يازينه من تعب"
بسمه :"ياحلوهم ...بالذات ريناد تجنن اموت فيها "
ساره : "ايه اكيد طالعه قمر على امها"
ريم : "الا قولي طالعه على خالتها ريم "
ام خالد :" اشلون سحر ياام عبد العزيز ماجاتكم قريب من جده "
ام عبد العزيز : "طيبه الله يسلمك بتجي عقب الامتحانات"
ام خالد : "ايه هانت مابقى الاشهرين ...سلمي عليها اذا اتصلت "
ام عبد العزيز : "الله يسلمك"
بدريه :"عن اذنكم يمه انتي وام عبد العزيزانا بروح المطبخ ...(التفتت على البنات) ...احد يقوم يساعدني .."
ما حبت تحدد احد وتمنت اللي في بالها يصير ..
بسمه (وهي قايمه )"انا بروح معك .."
رهف : "حتى انا يمه بساعدك"
بدريه : "انتي اطلعي شوفي اخوك محمد اذا صحى من النوم ...بدلي ملابسه ونزليه ..."
رهف بضيق :" ان شاء الله يمه .."
بعد ما طلعوا من الصاله مسكت يد بسمه ودخلتها غرفة المكتب وسكرت البااااب....

&&&&&&&&&&&&&&&&&&&&&&&

-"تدرين اليوم انك بغيتي تفضحيني قدام ريم ..."
مشاعل : "عاد انتي ليش تخبين عنها .."
عبير :" يعنى ما تدرين ...هذي لو درت اكيد بتقول لاخوها ....ولو درى خالد ا نسي انه يفكر يتزوجني في يوم من الايام..."
مشاعل : "للحين ما فقدتي الامل..."
عبير : "ولا بفقده ...حتى لوخطب ...ما رح يتزوج الا انا ... عشان كذا كوني حذره قدام ريم ..."
مشاعل:"طيب واللي يخلي ريم تكلم شباب"
عبير:"مستحييييييل"
مشاعل :"وليش مستحيل.."
عبير:"احنا صحيح بنات خالات بس حياتي غير عن حياتها..."
مشاعل:"مشاء الله شرح وافي عزيزتي..... فهمت الحين.."
عبير:"هههههه يعني انا عادي اطلع متى مابغيت اكلم ولا احد يسأل من تكلمين بس هي مستحيل تطلع الامع امها او خالد او وحده من خواتها..."
مشاعل:"مالت عليك وتبغين تتركين هالحريه وتتزوجين واحد متشدد..."
عبير:"ياحبيبتي بيدي اخليه يتغير"
مشاعل:"مشكله الثقه الزايده...الحين خليه يرجع يخطبك مره ثانيه وعقب غيريه على كيفك..."
عبير:"بيخطبني مره ثانيه وبيكون لي ومستحيل اخلي وحد ثانيه تتهنى فيه(وهي تتنهد)...بس تصدقين اليوم كلمته وما عطاني وجه"
مشاعل:"معقووووله"
عبير:"بس اعرف خالد من متى يحبني ولا كلمني الا يوم ماخطبني مسوي فيها شريف وما يرضى علي الا مايرضاه على خواته"
مشاعل :"طلعنا عن موضوعنا المهم طيب واللي يخلي ريم تكلم شباب..."
عبير : "ياشيخه روحي ...هالشي مستحيل يصير"
...مشاعل وهي تفكر :" صدقيني مو مستحيل والايام بيننا ..."

*********************************

-"وهذا هو الموضوع اللي بغيت اعرف رايك فيه ...."
بسمه وهي متفاجأه: "والله ما ادري بس انتي علشان تنقذيني من هالشايب... تعرضين علي الزواج من اخوك..."
بدريه: "يابسمه انا ماراح الاقي احسن منك زوجه لاخوي وبعدين انا فهمتك وضعه كيف....هو كان خاطب بنت خالتي بس زواجه منها صار مستحيل.."
بسمه:"اكيد هو قلبه لازال متعلق فيها..."
بدريه:"انا مااقدر اكذب عليك واقول لا...بس خالد بتزوج سواء كنتي انتي اوغيرك
وصدقيني مستحيل احصل لخالد احسن منك..."
بسمه:"خايفه يابدريه بموافقتي اظلمه معي..."
بدريه:"مااقدر ااثر على قرارك بس تأكدي ان خالد ماوافق الا لما صار عنده قبول لفكرة الزواج "
بسمه:"طيب بنت خالتك اللي تحبه احس حراااام يصير فيها كذا"
بدريه:"عبير بنت ماتفكر الافي نفسها وحبها لخالد لانه الافضل ولوكان لقت افضل من منه كان بسهوله تخلت عنه"
بسمه:" ما ادري احس اني في دوامه ماني قادره افكر..."
بدريه:"خذي وقتك....انا مااطلب ردك الحين انتي استخيري ربك واللي مرتاحه عليه سويه ولما توصلين لقرار قولي لي وصدقيني غلاك ما راح ينقص لوكان جوابك الرفض...."
وهي سرحانه: ا"ن شاء الله يصير خير ..."


*************************************************

بعد ما طلعت ام عبد العزيز وبناتها وبسمه ...
التفتت ام خالد لبتنها:"انتي متى بتتركين هالغرور والتكبر عنك ..."
ريم: "انا ما سويت شي عاملتهم عادي وبعدين انا ما احبهم ليش انافقهم ..."
ساره: "مو نفاق انك تعاملين الناس بادب واحترام حتى لو ما حبيتهم..."
ريم: "ما اقدر وبالذات هالبسمه اللي ماحبيتها ما ادري ليش ..."
امل: "اكيد غيرانه لانها احلى منك..."
ريم: "ما عنك ذوق ياعزيزتي اذا بسمه احلى مني ..."
رهف: "انا احبك ياخالتي بس حبي لك ما يمنع اقولك الحقيقه المره...بسمه احلى منك بكثير...."
ساره: "ههههههههههه تستاهلين لا تسبين بسمه في هالبيت ولا بيطلعونك برى .."
بدريه:ا"نتي يمه اشرايك في بسمه"
ام خالد:"ماشاء الله عليه بنت تنحب..."
ارتاحت بدريه لما سمعت رد امها ...


******************************************


قاعده في غرفتها....بعد ما صلت ركعتين الاستخاره...وتتحسب على عمها اللي حطها في هالموقف الصعب اليوم .مر اسبوع بعد ماكلمتها بدريه وهي مهي قادره تتخذ قرار
كان خالد مناسب لها لو ماكانت تعرف انه خاطب قبلها وفسخ الخطبه صار غصب عنه.
تنبهت على صوت عمها يناديها بصوت عالي ...
راحت تركض وهي في خاطرها الله يستر ...
ابو عبد العزيز : "ساعه لين تردين ..."
بسمه:" ما سمعتك عمي ...تآمر شي..."
ابو عبد العزيز : "اليوم عندي ضيوف على العشاء ...ادخلي المطبخ وساعدي الشغاله ابغى عشاء يبيض الوجه..."
وهو طالع: "سامعه ......."

************************************

هي اقرب اخونها لها كان يناظرها ويشوف الارهاق والتعب مبين في وجهها والدموع في عيونهابعد مادرت بحملها......
فهد:"العنود الله يهديك هذا شي من ربك وحرام تعترضين"
العنودوهي تتنهد من الاعماق :"استغفر الله...بس لا تلومني ياخوي..."
حط يده على كتفها:"ما الومك بس ترى الصبر يمدحونه..."
مسحت العنود دموعها :"فهد بغيت اسألك سؤال بس متردده..."
فهد:"ادري وش سؤالك....سألت عنه ومااحد يدري وينه...."
العنود:"الله لا يحرمني منك مااحد يفهمني غيرك.."
فهد:"ايه هذا انا الله يسلمك ذكي بالفطره"
العنود:"ذكي بالفطره...واللي كان ياخذ السنه بسنتين..."
فهد:"لازم يعني من الاحراااااج وبعدين انا كنت اخذ خبره في الدراسه...
العنود:هههههه "


*********************************************


وهي في المطبخ وتحاول قدر الامكان يكون كل شئ تمام ....ومن الاستعجال حطت ابريق الشاهي على رف المطبخ اللي كان مزحوم اغراض ....ومال الابريق بيطيح حاولت تمنع سقوطه بيدها بس لما حست يدها احترقت ما قدرت تتحمل فكت الشاهي وطاح على الارض ... كان عمها جاي ياخذ الشاهي لما سمع الصوت ...
شافها وهي جالسه وماسكه يدها وتبكي ....مسكها من شعرها وجرها بقسوه الين وقفت على رجلينها ....
ابو عبد العزيز : "انتي اش سويتي ..."
بسمه ودموعها في عينها : "عمي طاح الشاهي على الارض واحترقت يدي ..."
ابو عبد العزيز :" ليتك كلك احترقتي ..."
وعطاها كف على وجهها من قوته طلع دم من طرف فمها ...
ابو عبد العزيز وهو طالع: "كملي شغلك ... ولا تطلعين الين تخلصين ..."
نست الالم اللي في يدها والم الكف لان الالم اللي في قلبها غطى على كل الم ...
الشغاله والشفقه ظاهره في عيونها : "بسمه انتا في تأبان روووه ارتاه ..."
ما قدرت ترد عليها الا بهزه من راسها وقالت في خاطرها انتي رحمتيني وعمي اللي من لحمي ودمي مااشوف منه الا كل قسوه....
وراحت تكمل شغلها ....عقب العشاء ما طلعت الين خلص كل شي ...
اول ما طلعت كان الهدوء مخيم على البيت لان الجميع فوق ......
وطاح نظرها على التلفون ....اللي كانت تدوره ....دقت الرقم ويدها ترتجف ...وما اهتمت اذا الوقت متأخر ...
- "الو......."
ارتاحت اول ما سمعت صوتها ....
بسمه :"هلا بدريه...."

&&&&&&&&&&&&&&&&&&&
ان شاء الله تعجبكم القصه
وبكره بحط الجزاء اكثر
تقبلوا مروري

الجزء الرابع


كانت تنتظرها في المدرسه على احر من الجمر ...تفاجأت يوم شافت يدها ملفوفه ...
امل : "سلامات عسى ماشر..."
سكتت لما قربت منها انتبهت للاحمرار اللي على خدها اليسار..
حطت يدها على وجه بسمه ولفته علشان تشوف خدها بوضوح ...
بسمه بسخريه : "طحت كالعاده ..."
امل :"حسبي الله عليه الظالم اللي ما يخاف ربه ...........عشان كذا اتصلتي البارح صح ..."
بسمه :"لا ....انا استخرت ...وبعدين اللي صار كمل الناقص ..."
امل وهي تمسك يدها : "هذي حياه طول العمر لازم تكون الموافقه بأقتناع ..."
بسمه: "اذا ما وافقت على خالك بتزوج غيره من غير ما يسألوني حتى رايي ...
(وهي تبتسم بمراره)وبعدين انتي ما تبيني اصير مرة خالك ...."
امل : "اكيد ابيك تصيرين ...."
بسمه:"خلاص لا تخليني اهون..."
امل:"لا... حرااام عليك تهونين..."
بسمه وهي تفكر:" تتوقعين عمي يوافق...."
امل:" اكيد بيوافق...."
بسمه:"واش اللي يخليك متاكده كذا..."
امل:"لان عمك... واسمحي لي على هالكلمه...طمااااااع وزواجك من خالي فرصه مستحيل تتكرر مره ثانيه..."
بسمه:"عمي مااحد يقدر يتوقع ردود افعاله..."
امل:"لا ان شاء الله يوافق..."
بسمه:"تدرين ليش وافقت..."
امل:"ههههه لانك حبيتي خالي اللي عمرك ماشفتيه..."
بسمه تبتسم بمراره:"لا مهو هذا السبب ...انا زي الغريق والامواج تلعبي...وحلصت واحد يسبح بجنبي اقدر اتعلق فيه وممكن ينقذني....بس اخاف اغرق واغرقه معاي..."
امل:"لا تخافين خالي سباح مااااهر..."
بسمه:"ههههه فضيعه انتي اشلون تحولين الجد للهزل ماادري..."
امل:"هذا سر المهنه....مااقدر اعلمك كيف..."
بسمه:"مشكووووره ماابغى اعرف كيف..."
سمعوا الجرس وتجهزوا بيدخلون الفتت على صديقتها ...
امل : "صدقيني ماراح تندمين على هالقرار ..."
بسمه: "ان شاء الله ......."
وهي في خاطرها عساني ما استعجلت وغلطت غلطت عمري....

%%%%%%%%%%%%%%%%%%%%%%%
كانت قاعده مع اهلها في الصاله وعقلها مو معاها...
فهد:"اكلمك وين رحتي."
العنود:"ها...ما سمعتك..."
فيصل: "بعذرها ماتسمع وهي اللي شافته من هالحيوان شويه.."
حز في خاطرها انه يسب محمد...وانتبه فهد لها وضايقه كلام فيصل...
فهد:"يااخي لا تنسى ان عياله ممكن يدخلون في أي وقت..فماله داعي يسمعون هالكلام..."
فيصل:"خلهم يعرفون ابوهم على حقيقته..."
فهد:"تراه ابوهم مهما صار..."
فيصل:"ياليتني اشوفه النذل..."
فهد:"يااخي ما عليك منه...."
فيصل بعصبيه :"اشلون ما علي منه اهان اختي وتقول ماعلي منه..."
ماقدرت العنود تسمع اكثر من كذا وقامت غرفتها...
فهد:"ارتحت الحين نكدت عليها..."
فيصل:"انا ما قلت شي غلط..."
ابو فيصل واللي كان طول الوقت ساكت:"الا قلت اشياء غلط موشي واحد..."
فيصل:"بس يبه..."
ابو فيصل:"انا كنت ساكت احتري تسكت من نفسك "
فيصل:"اعتقد عقب اللي سواه ما ظني تهتم فيه.."
ابو فيصل:"شوف انت وياه من اليوم ورايح محمد مايجي طاريه في هالبيت لابالخير ولا بالشر هوصفحه وانطوت من حياتنا...."
ابو فيصل اكبر اخوانه....وكان الكل مايرد كلامه ...رجل حكيم وقليل كلام لكن اذا تكلم وقال رايه الكل يسمع لانه غالبا رايه هو الصح...

************************************


في الليل وعقب ما اكدت لها امل موافقة بسمه ....اتصلت في خالد ...
خالد : "هلا وغلا ...باحلى بدريه ..."
بدريه : "ههههههههههه هلا خلودي ..."
خالد :"أي خلودي هذا الظاهر اختي غلطانه في الرقم ..."
بدريه :" ههههههههه اسفه قصدي خالد ....وينك الحين انت ...."
خالد : "في ارض الله الواسعه ...ليه بغيتي شي ..."
بدريه :"ايه ...ابوي عندي ونبيك تمرنا ...."
خالد : "ابوي عندك ...الله يكافينا شر مؤمراتكم ...اوكيه ربع ساعه وانا عندكم ..."
بدريه : "ننتظرك ..."
اول ماسكرت التفتت لابوها : "يقول ربع ساعه وهو عندنا ..."
ابو خالد وهو يفكر : "انتي لما بلغتيني عن موافقة البنت حبيت اكلمه في بيتك وما ابي امك تدري الاعقب ماينتهي الموضوع لان امك اذا درت اكيد خالتك بتدري وانا ماابيهم يدرون الحين ..."
بدريه : "واذا دروا..."
ابو خالد:"انا بقولك كلام مااقدر اقوله لغيرك.."
بدريه:"تفضل يبه..."
ابوخالد: "انا من اول ماابغى خالد يتزوج عبير والمره الاولى خطبتها له عشان خاطره....
بدريه:غريبه يبه ليش ماتبيه يتزوجها..."
ابو خالد:"ماادري ليش يمكن لاني اخاف اخسر ولدي بسبتها..."
بدريه:"ما فهمت يبه"
ابو خالد:"يعني عبير بنت دلوعه واخوك مجنون بحبها من الحين اشلون عقب..."
بدريه:"هههههه طيب اش يدريك يمكن حتى بسمه يصير مجنون بحبها..."
ابو خالد:"شفتي ما فهمتيني..."
بدريه:"اللي فهمته واعذرني على هالكلمه كانك تغار على خالد..."
ابوخالد:"تصدقين ندمت اني قلت لك..."
بدريه:"ههههه ليه يبه..."
ابو خالد:'ماادري اشلون افهمك.."
بدريه:"ماعليه حاول يبه..."
ابو خالد:'انا يابنتي ماعندي اعتراض ان خالد يحب اللي بتكون زوجته ولو غيران مثل ما تقولين ماكنت اضغط عليه يتزوج...بس انا عبير بنت خالتك هي اللي معترض عليها..."
بدريه:"شفت عليها شي..."
ابو خالد:" حرااام اظلمه بس عبير نسخه مصغره عن امها....وماانسى امها اشلون فرقت بين ابو محمد واهله على ان اهله هم خوالها وهذا اللي اخاف منه...."
بدريه تبتسم بحنان لابوها:'خالد يبه غير ومستحيل في حرمه تغيره على اهله وان شاء الله تكون بسمه من نصيبه..."
&&&&&&&&&&&&&&&&&&&&

سمعت احد يطق باب غرفتها ....استغربت لان ماحد في هالبيت يطق العاده يصارخون عليها الين تسمعهم او يفتحونه فجأه عليها ...
طلت عليها براسها ...
-"اش رايك في هالمفاجأه ..."
ضحكت وراحت تركض لبنت عمها وحظنتها بقوه ...
بسمه : "ماني مصدقه عيوني ...اشتقت لك والله ياسحر ..."
سحر : "انا اكثر اشلونك .."
بسمه : "الحمد لله... متى جيتي ..."
سحر : "توني واصله وما قلت للجميع حبيت اسويها مفاجأه..."
سكتت لما شافت يدها ووجهها ...وتنهدت :" ابوي صح .."
نزلت بسمه راسها ولا ردت :"الله يسامحه ...تكفين بسمه سامحيه هوبس عصبي شوي ..."
بسمه :" الله يسامح الجميع ...بس قالوا منتي جايه الاعقب الامتحانات..."
سحر:"هذا الله يسلمك عند ابراهيم انتداب 4شهور يعني بقعد على قلوبكم الين تملون......"
بسمه:"بالعكس انتي القعده معك ماتنمل..."

****************************
- "ها ... اشرايك في الموضوع ..."
خالد بسخريه : "خلاص انتي كلمتي البنت يعني مالي راي ..."
بدريه بعصبيه : "ليش تقول كذا انت اللي قلت لي ادورك ... وانا لما حسيت انها ممكن تطير قلت اكلمها اول واشوف .."
خالد في خاطره ليتها طارت : "اشفيك عصبتي امزح معاك ...بعدين سوي اللي تبيونه ..."
ابوخالد : "خلاص انا الحين اكلم اعمامك ونرح لعمها عقب العشاء ..."
خالد وهو متفاجأ : "اليوم يبه ..."
ابو خالد :" ايه اليوم ...خير البر عاجله ..."
خالد :"لا اشوف نأحل الموضوع شوي نخليه الاسبوع الجاي .."
ابو خالد : "اش الفرق بين اليوم والاسبوع الجاي ..."
خالد :" مافيه فرق بس ...."
سكت لما شاف ابوه رافع الجوال بيكلم اخوانه ...ولسان حاله يقول اسكت ......
تضايق مادرى ان الموضوع بيصير بهالسرعه ...قال اكيد انه يبيلهم شهور وهم يدورون مادرى انها جاهزه....حقد على بسمه اللي طلعت في طريقه فجأه ...



*********************************
يتبع

دخل على مرته اللي قاعه مع بناتها ..
ابو عبد العزيز :لقيت ابو مازن في المسجد وقال بيمرعلي هو وعمه ابو خالد .....
ام عبد العزيز : غريبه اش سبب هالزياره ...
عبد العزيز : يبه ابو مازن جا معه رجال دخلتهم المجلس ...
استغرب ابوعبد العزيز اول ما دخل وشاف ابو مازن ومعه ابو واعمام مرته واخوها خالد ...
-حيا الله من جانا...............
$%$%$%$%$%$%$%%$%$%$%$$
وهي تكلمها في التلفون ...
-"اقول ريم انا عندي مشكله واتمنى تساعديني فيها ...."
ريم :" اكيد بساعدك ...بس اش مشكلتك ...."
مشاعل : "هذا الله يسلمك سعود اللي اكلمه يحبني وانا بعد احبه وقرريخطبني بس انا خايفه انه يكلم غيري ...."
ريم :"ههههههههه انقلبت الايه بدل ماهو يتأكد انتي اللي تبين تتأكدين..."
مشاعل : "نفسي اعرف هو صادق ولا كذاب ..."
ريم : "والمطلوب ..."
مشاعل : "المطلوب ياعزيزتي ابعطيك رقمه وابيك تكلمينه و..."
ريم مقاطعه : "اسفه مااقدر ..."
مشاعل :"اخدميني هالخدمه ..."
ريم : "والله مااقدر في حياتي ماكلمت رجال غريب ..."
مشاعل : "هي مكالمه وحده بس ..."
ريم :" مااقدر ........"
مشاعل مقاطعه : "انتي فكري زين ولا تحملين الموضوع اكثر مما يستحق ..."
ريم : "خلاص ارد عليك بعدين ..."
مشاعل :" انتظر ردك ..."


*********************************************


كان فرحان من اللي قاعد يسمعه الحين وتمنى ان اللي يخطبونها هي وحده من بناته
وانصدم لما درى انهم يخطبون بسمه وحاول يداري صدمته ومايبينها لهم....
كان المتكلم هو ابو فيصل بحكم انه هو الكبير ....
ابو فيصل : "وانت شاور اهلك ورد علينا ...."
ابو عبد العزيز : "انا ماعندي مانع ....وبشاور الاهل وانشاء الله مايصير الاكل خير..."
ابو خالد : "ننتظر ردك يابو عبد العزيز بس لا تطول ..."
كان خالد انه في عالم ثاني وندم انه وافق ما توقع كل شي يصير بهالسرعه ....

***********************************
كانت بسمه في الصاله مع مرة عمها وبناتها كانوا يسولفون وهي عقلها مو معها ...
لانها عارفه ليش ابوخالد جاي عندهم ..انتبهت على دخلت عمها ...كانت ملامحه غامضه ...اول مادخل ناظر بسمه بنظرات غريبه
ام عبد العزيز : "اش عندهم اللي كانوا موجودين عندك ..."
ابو عبدالعزيز :" جايين يخطبون ..."
فرحت ام عبد العزيز وبناتها لكن اصدموا يوم سمعوا ابوعبد العزيز يكمل كلامه
ابو عبد العزيز : "خطبون بسمه لولدهم خالد ..."
ام عبد العزيز بعصبيه : "ما قلت لهم انها مخطوبه ..."
ابو عبد العزيز:" مستحيل اقول كذا ...هذا نسب ماينرد ..."
هدي : "وخطيبها الاولي ..."
ابو عبد العزيز :"ما علي منه وبعدين ماصار شي رسمي بيننا ..."
ابو عبد العزيز :" ها ...بسمه اشرايك .."
بسمه :" اللي تشوفه عمي انا موافقه ..."
ابو عبد العزيز : "جاك يابسمه اللي مااقدر ارده مثل مارديت غيره ..."
سحر الوحيده اللي فرحت لبسمه ...
سحر : "مبروك يابسمه ..."
ابو عبد العزيز:"للحين ماصار شي عشان تباركين..."
سكتت لما شافت نظرات اهلها لها...........
الجزء الخامس..
ماصدقت تروح امل عند ابلة الكيمياء تسألها شوية اسأله....كانت تبغى تتكلم مع دلال اللي بتاخذ معها راحتها اكثر....
بسمه:"تصدقين يادلال حتى النومااتهنى فيه"
دلال:"وليه.... يابعد عمري"
بسمه:"من كثر ماافكر...."
دلال:"وكلي امرك للكريم....وان شاء الله القرار اللي اتخذتيه هو الصح"
بسمه:"ياخوفي يادلال اكون تسرعت"
دلال:"لا ان شاء الله ....كوني متفأله...وبعدين انتي حسبتيها في عقلك وشفتي ان خالد هو الافضل"
بسمه:"اخاف اني ماحسبتها صح"
دلال:"بسمه اشفيك...ليش كل هالخوف"
بسمه:"ماادري قلبي مقبوض"
دلال:"اكيد بيكون مقبوض اذا هذا هو تفكيرك"
بسمه:"اش اسوي غصبا علي"
دلال:"تدرين...روحي لعمك وقولي ماابغى خالد زوجني الشايب اللي جبته لي"
بسمه وهي تبتسم بمراره:"كان يموتني لو قلت كذا....انا ما يحق لي الاختيار بينهم هو الوحيد اللي يحق له حق الاختيار"
دلال:"المفروض هالشي يخفف عنك اللي تسوينه في نفسك لانك مااخترتي..."
بسمه:"بس ياحلوه....خالد لو ما وافقت ماخطب من الاساس"
دلال:"ترى زهقت منك اجيك يمين تجين شمال.... واجيك شمال تجين يمين..."
بسمه:"انا يادلال لما اتكلم معاك كاني اكلم نفسي بصوت مسموع"
دلال:"الله يعين نفسك عليك اذا دايم كذا"
بسمه:"لا ماكنت كذا بس من جوا هالخطاب اللي كل واحد انحس من الثاني"
دلال:"حرااام عليك لا تقارنين بينهم"
بسمه:"صحيح مافيه مقارنه بس..."
قاطعتها دلال:"بس شو انتي ووجهك..."
بسمه:" نسيتي لما كانت امل تحكي عن خالد وقصة حبه لبنت خالته"
دلال:"ما نسيت بس تاكدي انه ماوافق يخطب الا وعنده استعداد يبدأ حياة جديده"
بسمه:"ياليت الامور بهالسهوله"
دلال:"وبعدين تعالي الحين عمك خلاص وافق على خالد"
بسمه:"حسب معلوماتي البسيطه...لا"
دلال وهي تشدها من اذنها:"للحين يالظالمه ومسويه لي هالازعاج كله"
بسمه:"ههههههه شفتي انا ماقلت لك اني اعتبرك نفسي"


^^^^^^^^^^^^^^^^^^^^^^^^^^



ما صدق عيونه لما شافه واقف عند مكتب ابوه اتجه له والشرريطلع من عيونه...
فيصل:"لك وجه تجي عقب كل اللي سويته"
محمد " يافيصل انا...:"
فيصل:"انت نذل و..."
محمد:"ياخي انا جاي اقابل الوالد..."
فيصل:"اطلع برى لاارتكب فيك جريمه"
محمد:"يااخي عطني فرصه اتكلم"
فيصل:"ولك وجه تتكلم بعد"
محمد:"يا... "
فيصل:"اطلع برى.."
ابو فيصل:"فييييييصل"
انتبه فيصل على ابوه اللي الظاهر سمع كل شي من مكتبه"
فيصل:"هلا يبه ....شفت"
قاطعه ابوه"ايه شفت كل شي ولو سمعت رح مكتبك الحين"
طلع فيصل وهو معصب من تدخل ابوه اللي ماجا في صالحه...
وقف محمد قدام عمه وهو مستحي منه دايم كان يحترم عمه لان اللي صارخلى ماله وجه يتطلع بعمه...
محمد:"بغيت ياعم ابو فيصل اكلمك في موضوع"
ابو فيصل:"لو جيتني في البيت مهو احسن"
محمد:"بغيت اكلمك على انفراد وحسيت انه في مكتبك بناخذ راحتنا اكثر"
ابو فيصل:"طيب تفضل يامحمد في المكتب حياك..."
استحى محمد زود من سعة صدر الرجل وقدرته على التحكم في اعصابه....برغم كل اللي صار...


^^^^^^^^^^^^^^^^^^^^^^^^^^^


قاعد هو ومرته وسحر في الصاله بعد ماطلعوا عيالهم لمدارسهم....
ابو عبد العزيز:"صعب اللي تقولينه ياام عبد العزيز"
ام عبد العزيز:"وليش صعب....قول مخطوبه..."
ابو عبد العزيز:"تحسين هذا نسب ينرد"
ام عبد العزيز:"ايه وانت ياحظي اش بتحصل من هالنسب من تتزوج بسمه حتى والله ماتطل عليك من هالباب"
ابو عبد العزيز:"تتوقعين كذا..."
ام عبد العزيز:"اكيد..."
سحر:"بس حرام عليكم تضيعون مستقبلها مع واحد كبر ابوها"
ابو عبد العزيز:"ومن قالك بيضيع مستقبلها وبعدين الرجال مايعيبه عمره"
حست ان اسلوب الاستعطاف ماراح ينفع مع اهلها ولازم تكلمهم بعقليتهم"
سحر:"صدقوني بسنه ماراح تنسى اهلها"
ام عبد العزيز:"من زين معاملتنا "
قالت في خاطرها حسنوا معاملتكم لها مادامكم دارين...
سحر:"طيب يبه لو مااستفدت منهم ماديا ...اكيد بتستفيد معنويا"
بان الاهتمام على وجه ابوها:"اشلون"
سحر:"انت تشتغل في العقار...ولما ينتشر في السوق ان عايلة خالد بغناها ونفوذها ناسبتك هالشي بيقوي اسمك في السوق..."
ابو عبد العزيز:"صدقتي هم املاكهم كثيره وممكن الواحد يحصل من وراهم كم من صفقه..."
سحر:"وحتى لو مااستفدت منهم بتستفيد من غيرهم لما يعرفون انسابك"
ام عبد العزيز:"مااتوقع تستفيد من وراهم شي.."
سحر:"وحتى يبه لو.....ما تخاف لو ترفض خالد انهم يدمرونك في السوق..."
جلس يفكر في كلام بنته وام عبد العزيز تناظر بنتها وتقول في خاطرهاعرفتي كيف تقنعين ابوك ياسحر........

^^^^^^^^^^^^^^^^^^^^^^^^^^^^^

كان جالس بعد مادخلوا المكتب يسمع له ولا يعلق على كلامه وملامح وجهه ماتبين اش قاعد يفكر فيه...
محمد:"ياعمي تراك تصعب الكلام علي"
ابو فيصل:"طيب انا قاعد اسمعك"
محمد:"ايه...بس رد علي هاوشني كسر الكرسي على راسيبس لا تناظرني بهالنظرات"
ابو فيصل:"يعني عارف ان اللي سويته موسهل"
محمد:"لا والله مو سهل وانا طلعت من المستشفى وجيتك على طول...حتى قبل مااروح لاهلي"
ابو فيصل:"العنود كانت تدري"
نزل محمدراسه:"ايه ..."
ابو فيصل في خاطره انا اشه انك اصيله يالعنود اللي حتى بعد ماطلقك مافضحتيه...
ابو فيصل:"من متى وانت تتعاطى"
تنهدمحمد:"من ست شهور"
ابو فيصل:"انت يامحمد عاقل طول حياتك ويوم وصل عمرك36سنه تنحرف"
محمد:"ياعمي الانحراف ماله عمر"
ابو فيصل:"صحيح بس المراهقين تقول عقولهم صغيره بس انت وين كان عقلك.."
محمد:"عقلي غاب من يوم ماشيت شلة فساد"
ابو فيصل:"والحين تركتهم..."
محمد:"عقب اللي صارتركتهم ورحت المستشفى حتى تطلع السموم من جسمي.."
ابو فيصل:"شهرين تكفي جسمك تطلع منه السموم"
محمد:"العلاج يعتمد على تصيم ورغبة المريض في الشفاء وقوة عزيمه...والحمد لله ماطلعت الا لما تاكدت ان جسمي تخلص من كل اللي فيه"
ابو فيصل:"واشلون اتطمن على بنتي معك"
محمد:"تكفي ياعم لاتحرمني من عيالي ومرتي"
ابو فيصل:"ما عاد هي مرتك"
نزل راسه وما قدر يرد عيه....
ابو فيصل:"شوف يامحمد انا ابسأل عنك واذا تاكدت ان تستاهل ارد لك بنتي بشاورهاااا واشوف...."
محمد:"الله لا يحرمنا منك ياابو فيصل...بس ياليت مااحد يدري حتى اهلي"
ابو فيصل:"انا احرص منك انه مااحد يدري"


^^^^^^^^^^^^^^^^^^^^^^^^^


كان قاعد يقرا الجريده واهله حوله يسولفون...
ريم:"خالد اشوف اللي خطبت عندهم ما ردوا للحين...
خالد بلا مباله:"ها....لا ما ردوا..."
وهو في خاطره ان شاء اله مايردون...
ريم:"كم لك الحين من خطبت عنهم..."
خالد بنفاذ صبر:"تراك ازعجتيني ماادري يمكن اسبوع"
ريم:"اسبوووع ....مسوين ثقيلين بالحيل"
ابو خالد:"ايه اكيد لازم يسألون ويشاورون هذا زواج مهو لعبه"
ريم:"اش يسألون مالت عليهم..."
ابو خالد:"ريييييم تكلمي بادب..."
وسمت لما سمع صوت الجوال وبان الاهتمام في عيونه لما شاف الرقم
:"هلا والله ومرحبا..."
:"الله يسلمك بخير...اشلونكم واشلون الاهل..."
:"الحمد لله........لا ماتاخرت وهذا من حقك"
:"الله يبشرك بالخير....ويبارك في عمرك"
انتبه خالد وحس ان الموضوع يهمه....
:"شف طال عمرك اذا ماعندك مانع الملكه نبيها الاسبوع الجاي..."
حط خالد يده على راسه وهو يأشر لابوه...
:"وتدري بعد لازم انهم يشوفون بعض قبل الملكه..."
وسكت لما شاف خالد يأشر انه مايبغى يشوفها...
:"بس تدري مادام ان الملكه بعد اسبوع ماله داعي..."
:"على خير....الله يسلمك"
:"مع السلامه"
كان خالد يحاول يتمالك اعصابه...حتى مايغلط على ابوه...
خالد:"يبه الله يهديك تراك استعجلت.."
ابو خالد:"لا مااستعجلت...وبعدين ليه ماتبغى تشوف البنت"
خالد:"ماابغى اشوفها يعني الحين شوفتي لوجها بتحببني فيها"
وقام وهو معصب وزعلان على استعجال ابوه...
ام خالد:"الله يهديك ترى خالد صادق استعجلت..."
ابو خالدبضيق:"لا...مااستعجلت..."
ريم:"ليه يوم كان خاطب عبيرالملكه تحددت بعد الامتحانات وذي حددتوها بسرعه"
ابوخالد:"لان الست عبير مارضيت الابعد الامتحانات عشان تجهز نفسها كانه زواج مهو ملكه"
ريم:"اكيد لازم تجهز نفسها مهو هالفقارى اللي ماصدقوا"
ابو خالدبعصبيه:"رييييييييييم ان ماتادبتي وانتي تتكلمين عن الناس لاتلومين الانفسك الفقر مهو عيب"
ريم وهي تحاول تمتص غضب ابوها:"صحيح يبه الفقر مهو عيب"

كان قاعد مع ولد عمه اللي لما طلع من عند اهله وهومعصب ما تذكر الا هو....
فهد:"يعني مطلعني من البيت عشان تقعد تقابلني ساكت......
خالد:"يااخي رفع ابوي ظغطي لما حدد كل شي بدون مايشاورني"
فهد:"يااخي انت مكبر الموضوع"
خالد:"اشلون مكبر الموضووووع؟؟؟؟"
فهد:"يعني الملكه بتصير اليوم ولا بكره اش الفرق الااذا انت ناوي تهون"
خالد:"لا ماني مهون بس يخلوني اتعود على اني خاطب غير اللي احب مهو على طول ملكه"
فهد:"ياشيخ وسع صدرك وفكر في الناحيه المشرقه في الموضوع"
خالد:"وين الناحيه المشرقه اللي ماني شايفها"
فهد:"انك بتتزوج هذي الناحيه المشرقه"
فهد:"اسمع ياخالد انت فكر في بنت الناس اللي مالها ذنب في اي شي "
خالد:"وانا اش ذنبي اتورط في هالزواج"
فهد:"ذنبك ان ابوك يحبك ويبغى يزوجك ....ياخوي بادلني وخذ ابوي ةاخذ ابوك"
ضحك خالد غصب عنه:"لا ...الا ابوي....سوووري مااقدر"
خالد:"بعذرك ياخي ابوك حبيب ....ابوي الله يحفظه يقعد ساكت طول الوقت واذا خلصت كلامي عطاني كلمتين يحبها قلبك"
خالد:"ماينلام..."
فهد:"المهم مثل ماوصيتك بنت الناس مالها ذنب"


انتشر خبر الخطوبه في العايله ...ام خالد وساره تمنوا لخالد التوفيق
ريم زعلت وما اعجبها ان بسمه تكون مرة اخوها ...اما عبير وامها ماتوا قهر ...
اما خالد حاول يتعايش مع الموضوع وكان مستحيييل يتراجع الحين......بسمه كانت مشاعرها متظاربه ...عمها واهله تحسنت معاملتهم لها بسبب وجود سحر وبسبب الخطبه ...اكثر من فرح بدريه وبناتها اللي حسوا ان انسب وحده لخالد هي بسمه

^^^^^^^^^^^^^^^^^^^^^^^^^^^^^


كانت ريم عند بنت خالتها ...
عبير : "حرااااام على خالد "
ريم : "لا تلومينه ..........هو وافق علشان خاطر ابوي ..."
عبير:"انا حتى خطوبتي اقنعت ابوي ورفض اللي تقدم لي"
على انهانادر ماتخبي عن عبير شي بس ماحبت تقول لها انه ماكان فيه خطوبه من الاساس
ريم:"لو درى خالد من اول كان يمكن ماطاع ابوي"وهي في نفسها متاكده ان ابوها يخطب عبير لخالد عقب طلاق العنود بنت عمها...
عبير:"قولي له يمكن يقدر يسوي شي"
ريم:"بحاول ولو انه ماعاد فيه وقت"
عبير : "صدق ان الملكه بكره ..."
ريم :"ايه ...تصدقين لو مااخاف خالد يزعل مارحت ..."
عبير :"وليش ماتروحين انا لو تطيع امي بجي ..."
ريم : "انا مكانك مااجي ..."
عبير بضيق : "ماعليك مني الحين ....بسمه حلوه .."
ريم :"ايه حلوه ........بس من اول وانا ماطيقها....... والحين زاد كرهي لها ....."


^^^^^^^^^^^^^^^^^^^^^^

يتبع

كانت متوتره والكوفيره تخلص لمساتها الاخيره ....
الكوفيره : "لك شو هيدا الجمال كله ..."
سحر :" قولي ماشاء الله لا تنظلين البنيه ..."
الكوفيره : "ماشاء الله ...بس شو معنى تنظلين ..."
سحر :" ههههههه سلامتك مالها معنى ..."
الكوفيره :" هنياله هالعريس ..."
سحر : "اشفيك يابسمه متوتره .."
بسمه :" ميته خوف يسحر..."
سحر : "عادي هذا شعور طبيعي ..."
بسمه :"أي طبيعي وانا احس قلبي من قوة مايرقع بيطلع من صدري ...."
دخلت هند وتفاجأت لما شافت بسمه بس ماحبت تعلق ....
هند :"هذا الدفتر وقعي عليه ... "
اخذت سحر الدفتر وعطت بسمه القلم ...
بسمه اللي كانت يدها ترتجف :"احس اني مااقدر ..."
سحر :"يالله بلا دلع قولي بسم الله وقعي..."
وقعت بسمه بعد معاناه وهند طالعه بالدفتر كانت امل داخله...
امل : "اقول ماشفتوا بسمه ...."
بسمه : هههههههههه ...
امل : "اقول سحر من الحلوه اللي تضحك..."
سحر :"هذي الله يسلمك حرم السيد خالد بن محمد ...."
امل : "انا خابره انه بيتزوج بسمه حرام عليه بيحطمها كذا .."
بسمه : "امل ترى زهقتيني ..."
امل : "من كلمك انتي انا ادور صديقتي ...."
بسمه : "اقول امل اطلعي برى بيتنا ..."
امل : "ههههههههه فيها طلعه ...لا هونت ماعاد امزح مع عرايس ..."
راحت لصديقتها وسلمت عليها ...الف مبروك يااحلى بسمه ...
بسمه: "الله يبارك في عمرك ...."
امل :" وفري هالارتباك ...لما تشوفين حبيب القلب ..."
بسمه : "ومن قال اني بشوفه ..."
امل : "مو على كيفك ياحلوه...."
بسمه :" والله استحي ...."
امل :"عادي بدخل معاك ..."
سحر:"ياللا يابسمه امي اتصلت تقول انزلوا تحت ..."


^^^^^^^^^^^^^^^^^^^^^^^^^^


فهد :"مبروك ياعريس "
خالد : "الله يبارك في عمرك ...عقبالك .."
فهد : "لا توني ابغى استمتع في حياتي ...خلك انت يالمسكين...وبعدين يااخي ابتسم شوي ياللطيف شكلك يخرع لا تدخل عليها كذا تنتحر البنيه ... "
خالد :هههههههههههه وهذي ضحكه علشانك ..."
ناصر :" مبروك ياعريس .."
خالد : "الله يبارك فيك ..."
ناصر : "اكيد الحين تبي تدخل تشوف بعض الناس ..."
فهد : "انا اش مقعدي بجنبه ...اخاف من كثر الشوق يفضحنا ويدخل حتى بدون اذن صاحب البيت ..."
خالد : "ههههههههه افضحكم ها ...اشوف فيك يوم ياولد عمي ..."
فهد : "هههههههههه اذا مثل يومك الله يسمع منك ..."


^^^^^^^^^^^^^^^^^^^^^^^^^^


اول مادخلت الكل انبهر من جمالها ونعومتها...وكان الحيا اللي يطل من عيونا يزيدها جمال على جمالها ....اول ما جلست راحت ام خالد و بدريه وساره يسلمون عليها ويباركون لها ...بدريه كانت فرحانه واللي كدر فرحتها شوفتها لعبير وامها اللي من الحظور...
عبير كانت نظرات الغيره تطل من عيونها ...
عبير : ريم حرام عليك ذي موحلوه وبس الا ملكة جمال ...
ريم :بس انتي احلى
عبير بفخر : اكيد انا احلى ....بس ما توقعتها بهالجمال ...
ريم : أي جمال واللي يعافيك وانا مااشوفه ..
عبير:واضح من بيتهم ان حالتهم الماده ضعيفه"
ريم:"ايه...ماادري اشلون عايشين"
عبير:"احس بيتهم يشبه بيت اختك بدريه"
ريم :"حرام عليك بيت بدريه "
عبير مقاطعه:"انا اقول الحقيقه الظاهر اهلك مايهتمون في الحاله الماديه....كان ابوك مازوج عبد الله....ولا خطب لخالد من هالبيت"
ريم:"ترى عبدالله حالته الماديه ماعليها جيده"
عبير حبت تغير الموضوع:" خالداكيد بيدخل ..."
ريم : "ماادري ...بس انت اشلون اقتعتي امك تجين"
عبير:"تعبت الين اقتنعت واكثر شي خلاها توافق لما درت ان الملكه عائليه وما فيه احد"



^^^^^^^^^^^^^^^^^^^^^^^^^^^^^^






رهف كانت عند بسمه وتسولف معها ...
رهف :" تبغين تشوفين عبير ...اللي كانت خطيبة خالي خالد "
بسمه : "ايه ابغى اشوفها ..."
رهف : "شوفيها اللي قاعده مع خالتي ريم ولابسه اسود ..."
رفعت نظرهها والتقت نظراتهم وشافت نظرات حقد وغيره ...قالت في خاطرها بعذره يحبها عمري ماشفت احلى منها .......
امابدريه كانت ما تبغى خالد يدخل عند الحريم بسبب وجود عبير اللي اكيد ماراح يحلى لها السلام على بسمه الا لما يكون خالد بجنبها عشان كذا نسقت مع ام عبد العزيز انهم يدخلون بسمه المجلس الصغير ويدخل خالد هناك من غير ما يمر على الحريم .....


^^^^^^^^^^^^^^^^^^^^^^^^^^^^^^^


-"تصدق ياخالد اليوم اسعد يوم في حياتي ..."
ابتسم خالد لابوه: "اسعد من يوم تزوجت المزيونه امي ..."
ابو خالد : "اسعد بكثييييير..."
خالد :" طيب واللي يعلم امي .".
ابو خالد :" افا عليك وانا ابوك ...بعدين تعال انت محد يمزح معك ..."
خالد :ههههههه...
جاهم ابو عبد العزيز :"خلاص يابو خالد اذا بيدخل خالد ..."
خالد في خاطره ومنسق لكل شي يابو خالد انا اشهد انه اسعد يوم في حياتك...
ابو خالد :" يالله ياخالد ندخل ..."
ابو عبد العزيز :بيدخل معك عبد العزيز لان اهلك عند بسمه وما ابغى اضايقهم ...
وهو في الطريق حاس بتوتر ويحاول يتظاهر بالفرح عشان اللي حوله....
اول ما دخل ما شافها لانه كان يمشي ورى ابوه اللي مغطى عليهاوخواته اول ما شافوه قاموا يسلمون عليه ويباركون له الاريم اللي قاعده تراقب....
يوم التفت عليها كان ابوه سلم عليها وجلس ..ما توقعها بهالجمال ...قرب منها وكانت منزله راسها للارض مد يده لها ...
-"مبروك ..."
بسمه : "الله يبارك فيك ..."
جلس بجنبها وهو لازل ماسك يدها وهي مستحيه ...انتبه وفك يده....
رهف :" احلى ثنائي قد شفتهم في حياتي ...."
ابو خالد وهو مبتسم :" انا اشهد انك صادقه..."
مازن : "انا زعلان منك يابسمه ....."
بسمه وهي تناظره بحنان :"ليش ..."
مازن : " كنتي خطيبتي ليش توافقين على خالي ..."
بسمه :" انت ماخطبتني ...الظاهر ما اعجبت امك ..."
ابو خالد: "لو ما اعجبتيها ماكان ...خطبتك لخالد ...."
استحت يوم رد ابوخالد ....
ابو خالد :" ياللا انا استئذن وانتو بعد خلو العرسان يجلسون لوحدهم شوي ..."
ابتسم لبسمه : "مبروك يابنيتي ....صادقه بدريه يوم تقول تدخلين القلب من نظره...."
وطلع وهو حاس بسعاده ...
انتبه خالد لريم اللي قاعده وساكته:"اشفيك ياريم حتى مبروك ما سمعتها منك ..."
ريم بدون نفس : "مبروك ..."
خالد : "اشين مبروك سمعتها اليوم .."
امل :"ما عليك منها ياخالي ....شكل فيها النوم ..."
ريم :" لا مافيني نوم بس متضايقه من ناس ما احبهم"
بسمه حست انها المقصوده ياربي اش بيني وبينها حتى تعاملني بهالطريقه ...
رهف :"لاتنسى ياخالي اللي وعدتني ..."
خالد وهو يفكر : "أي وعد ذكريني ..."
رهف :" مسرع نسيت ما عليه اذكرك ...البنت الاولى اسمها رهف ....عشان نناديك ابو رهف ..."
انحرجت بسمه انتبه خالد وحب يحرجها زياده ...
خالد:" ههههههه خلي البنت تجي اول وعقب يصير خير..... بس ان شاء الله تطلع حلوه على امها ..."
بسمه انقهرت من اسلوبه اللي يبغى يحرجها وهي مهي ناقصه ...
امل :" المهم خالي ما اوصيك على بسمه تراها غاااااااااليه..."
رهف :" وانا بعد ما اوصيك عليها .."
خالد :"لا توصون حريص ....بس عاد احد يوصيها علي ..."
ام خالد : "انا اوصيها عليك ....ترى يابسمه ولدي غالي علي بالحيل ....ياويل اللي يزعله..."
حس خالد ان كلامات امه قاسيه شوي
بسمه :"الله لا يجيب الزعل ياخالتي ..."
بدريه :"عاد انا يمه اسمحيلي بوصي خالد ( وهي تناظر بسمه بحنان )تراها ياخالد بنتي وبغلات امل ورهف عندي ...ياويلك لو زعلتها ..."
بسمه لما سمعتها تقول كذا نزلت راسها ومسحت دمعه حاولت تخفيها عن الجميع
الوحيد اللي انتبه لها هوخالد...
خالد :" اشفيكم اليوم شغالين تهديد ...عموما حاظر عمتي بنتك في عيوني ..."
ساره : "انا عاد اوصيكم اثنينكم على بعض .."
خالد :"هههه هذا الكلام الزين ..."
ريم وهي طالعه : "انا بطلع لاني احس الجو مخنوق هنا ..."
بدريه : "احنا جميع بنطلع معك لا يخنقنا خالد ..........."
خالد :"هههههه من يومك ذكيه يابدريه ...."
وهم طالعين كانت امل بجنب بسمه اللي مسكت يدها ....بس امل فكت يدها بهدوء وطلعت معاهم ...
كانت بسمه منزله راسه وتناظر الارض خاصة وهي حاسه انه قاعد يراقبها ...
كان خالد مهو عارف اش يقول بس لازم يتكلم ... وهو في خاطره لو عبير ماكان قعدت
ساكت ماني عارف اش اقول بس انا لازم احاول انساها ....(وهو يتأمل بسمه )اش ذنب بنت الناس اظلمها معاي ...
خالد :"اشلون الدراسه معاك ...(حس انه سؤاله تافه)"
بسمه : "تمام ..."
خالد :" اش مسويه لبدريه وبناتها اللي يموتون فيك ..."
بسمه :" اللي مسويه انت لهم ...."
خالد :" فيه شي في الارض؟؟ "
بسمه باستغراب :"في الارض..."
خالد : "ايه اشوفك ما رفعتي نظرك عن الارض من يوم دخلت ....لا يكون في عيونك عيب ما تبغيني اشوفه ...."
رفعت عيونها والتقت نظرات عيونهم على طول استحت ونزلت نظرها ...لانه من دخل وهي تتحاشى النظر له ....
قعد يسولف معها شوي بعدين استئذن وطلع ...


^^^^^^^^^^^^^^^^^^^^^^^^^^^^^^



هند :"الله ....ياهدى... عمري ما شفت رجال في حلاته..."
هدى : "وانتي وين شفتيه ..."
هند : "وهو طالع من عند بسمه .....توقعت يطلع والضحكه تشق الوجه ...بس كان مهو مبين هو فرحان ولا زعلان ..."
هدى : "عرفت من مصادري الخاصه انه يموت في بنت خالته عبيراللي كانت خطيبته ...بس ما صار نصيب..."
هند :" صدق ... ياليتني اشوف هالعبير ....."
هدى : "جات اليوم ما شفتيها ..."
هند : "لا ما شفتها اوصفيها لي يمكن ا تذكر شكلها.........."
هدى :"من غير ما اوصفها لك... من احلى وحده اليوم ؟؟"
هند وهي تفكر : "اللي لابسه اسود ...بصراحه تاخذ العقل ..."
هدى :"هههههههه هذي الله يسلمك اللي ماخذه عقل رجل بنت عمك ...."

كانت في غرفتها وتفكر في احداث اليوم وتفكر في خالد .... اللي صار زوجها ...
خالد اكيد كل بنت تتمناه وماكانت تحلم ولو حلم انها تتزوج واحدمثل خالد.... المفروض انه تكون فرحانه....بس للاسف تحس بمشاعر كثيره الفرح مهو بينها كانت تحس بالخوف من حياتها مع خالد......بالحزن وبالحنين والشوق لاهلها تمنتهم يكونون معها في هاليوم ...
.
.
.
.
كان خالد في مكان ثاني يسترجع احداث اليوم اللي ماكان فيها شي سعيد في نظره الا الفرحه اللي شافها في عيون ابوه ....اما بسمه برغم جمالها ما حس ناحيتها باي شي وقال في خاطره انا لما حبيت عبير ما حبيتها لجمالها حبيت ذكرياتي معاها ورقتها ونعومتها حتى وهي طفله كانت الوحيده اللي احبها .... وبعد ما تعلقت فيها وحبيتها بكل ما فيها يضيع هالحب فجأة .......
يتبع

الجزء السادس


-"هذ الله يسلمكم كل اللي صار يوم الخميس "
كانت امل تحكي لصديقاتها عن يوم ملكة بسمه اللي انتشرت اخبارها بين صديقاتها في المدرسه....
دلال :" هذا الموجز وانت الصادقه ...نبغى الاخبار بالتفصيل"
بسمه :" الحين ساعه تتكلم وتقولين هذا موجز"
دلال وهي تناظر بسمه :" امل كيف كانت بسمه يوم دخل خالك ؟؟"
امل :" ههههههه تصدقين لو ما انا ساندتها كان اغمى عليها"
بسمه :" امل عن المبالغه"
ندى تبغى تقهر بسمه :" اقول امل خالك خالد هو نفسه اللي تقولين انه عايش قصة حب مع بنت خالته"
امل:" ايه هو نفسه ....بس من شاف بسمه صارت هي حبه الاول والاخير"
تنهدت بسمه بصوت غير مسموع وقالت في خاطرها ياحبك للمبالغات ياامل...
ندى :" الله يعينك الحين على مكالمات حتى اخر الليل ....تصدقين اختي خوله من ملكت وهي يوميا مكالمات الى اخر الليل "
دلال :" والله اختك قاعده في البيت ما عندها امتحانات بعد اقل من شهرين "
بعد ماراحوا صديقاتهم وما بقى الا بسمه وامل ودلال...
امل:"هالندى ماادري ليه ودي اكفخها..."
بسمه:"ههههههه هدي اعصابك ياعنتر زمانك"
دلال:"انتي شوفي الفرق بينكم وعقب كفخيها على راحتك"
امل:"ما تدرين يحط سره في اضعف خلقه"
بسمه:"والله انا اللي ودي اكفخك"
امل:"بسم الله علي....تبغين من الحين تظهرين سلطتك علي لانك مرة خالي"
بسمه:"تدرين ليه"
امل:"ماادري"
بسمه:"يوم الملكه جات عبير صح؟؟"
امل:"ايه...اش دراك؟"
بسمه:"ولا انتي ناويه تقولين لي"
امل:"اصلا الكل تفاجأ لما شافها وانا ماشفت داعي اعلمك"
بسمه:"وليه مافيه داعي"
امل:"انتي خلقه كنتي متوتره وحسيتك بتتوترين زياده لما تشوفينها"
بسمه:"حتى ولو المفروض انتي صديقتي وما تخبين علي شي"
امل:"الحين انتي ليش زعلانه"
بسمه:"لاني شفت عبير وغيرك كان قلبه علي وتولى هالمهمه"
امل:"اكيد الغبيه رهف"
بسمه:"حرام عليك رهف مهي غبيه"
امل:"طيب اشرايك في سؤالها لخالي "
بسمه:"يالله يا امل ماتتصورين اشكثر احرجني سؤالها"
دلال:"وهالفقيره اللي قاعده معكم فهموها عن اش تتكلمون"
امل:"هذا الله يسلمك رهف تذكر خالي بوعده لها ان اول بنت تجي له بيسميها رهف"
دلال:"ههههههه طيب اش كان رده"
بسمه:"بصراااااااااحه كان رده سخيف"
امل:"قال عساها تجي حلوه لامها"
دلال:"بالعكس رده مهو سخيف"
بسمه:"الا سخيف ومليون سخيف"
دلال:"ياللطيف شوفي وجهها اشلون صاير احمر"
امل :"ههههههه انتي لو شفتيها يوم الخميس...."
قاطعتها بسمه:"شوفي انتي وياها... غيروا الموضوع والا اقوم عنكم"
دلال:"هههههه خلاص نغيره....متى الزواج بيكون يامل؟؟؟
كانت بسمه بتقوم مسكتها دلال من يدها وهي ميته ضحك :"خلاص والله توبه"

^^^^^^^^^^

-"شفتي يمه .... الحين خالد متزوج ...والقهر ان زوجته حلوه "
ام عبير :" ما عليك من الحلى انتي احلى منها بكثير ....وبعدين يابنيتي حاولي تنسين خالد"
عبير :"مستحيل انسى خالد ومستحيل اخليها تتهنى فيه ...واللي يقهر الزواج بعد الامتحانات ...يعني باقي شهرين "
ام عبير :" يابنتي "
عبير:"تتعتقدين اني بسهوله بتخلى عن خالد"
ام عبير:"كل انسان ياخذ نصيبه"
عبير:"يمه انا اعض اصابع الندم لاني طعت ابوي في فسخ الخطبه"
ام عبير:"انا قلت لك...بس انتي ماطعتي"
عبير:"ماتوقعت يصير كذا"
ام عبير:"كنتي معتمده على حب خالد لك بس نسيتي ان خالد مستحيل يرفض لابوه طلب"
عبير:"ياكرهي لابوه هو السبب"
ام عبير:"عاد تصدقبن خالد لو يدري انك كنتي موافقه على فسخ الخطبه كان يكرهك عمره كله"
عبير:"مااحد يدري الاانتي وابوي ....انتبهي لما تسولفين مع خالتي"
ام عبير:"منتبه وصي انتي عمرك "
عبير:"لا انا حذره جدا مع ريم"
ام عبير:"عاد تصدقين الحين بعد مارجع محمد يمكن ترجع العنود ويزول الخلاف اللي صار"
عبير:"خربوا علي انا وخالد والحين يتصالحون"
ام عبير:"لو انتي وابوك ماتسرعتوا وفسختوا الخطبه كان الحين باقي انتي خطيبة خالد"
عبير بضيق:"يمه خلاص تسرعنا وانتهى...".
تحسرت ام عبير على حال بنتها اللي ومن يوم رجعوا من ملكة خالد وهي في غرفتها وحزينه ... ماهي مهتمه في دراستها ...
وقررت في نفسها تحاول هالزواج يفشل باي طريقه ....

^^^^^^^^^^
ما تدري هي تفرح باللي تسمعه ولا تحزن....كان ابوها يكلمها بهدوء وما ردت عليه لما سكت...
ابو فيصل:"ها... يالعنود اشرايك..."
العنود:" ماادري يبه اش اقول"
ابوفيصل:"منتي بصغيره حتى احد يقرر عنك هذي حياتك وحياة عيالك"
العنود:"محمد يبه اللي سواه مهو سهل مد يه علي وسمعني كلمة طالق وهو يرميني برى بيته"
ابو فيصل:"ماادري عنك هذي حياتك وانتي حره فيها"
العنودوهي تحاول تدور له عذر:"هو ماتغير الا الاشهر الماضيه ..."
ابو فيصل:"ومن اول كيف كان معك"
العنود:"نعم الزوج لي ونعم الاب لعياله ...بس مشى مع شلة فساد"
ابو فيصل:"طيب انتي فكري وعطيني رايك"
العنود:"اعتقد ان عشرة السنين الماضيه تشفع لمحمد اول غلطه مهما كانت كبيره"
ابو فيصل:"نعم الراي وانا ابوك"
العنود:"طيب يبه اكيد هو الحين صار طيب من اللى كان يتعاطاه"
ابو فيصل:"انا سألت عنه في المستشفى اللي كان فيه والحمد لله طلع صادق في اللي قاله"
العنود:"يارب يرجع محمد الاولي"
ابو فيصل:" عموما...انا مابرد عليه الحين فكري زين وردي علي"

^^^^^^^^^^

كانت غرفتها مقلوبه فوق تحت الكتب ولاوراق منتشره حولها ...
وهي مهي عارفه في أي كتاب تبدي ....
دخلت عليها سحر ...
سحر :" ها ...كيف المذاكره "
بسمه :" خليها على الله كل ما فتحت كتاب جاتني الافكار اشكال والوان "
سحر :" حاولي تركزين وانسي كل شي "
بسمه بحزن :" ما اقدر انسى ...اولا الزواج بعد الامتحانات بااسبوع ... والله ظلم كان خلوني ارتاح شوي "
سحر :" ههههههههه اش نسوي للمعرس اذا هو مستعجل"
بسمه : "أي مستعجل ....واللي يعافيك ....اللي من يوم الملكه لا مر ولا اتصل كانه مغصوب على هالزواج "
سحر :"اكيد ما يبغي يلهيك عن الدراسه ....وبعدين لايكون مشتاقه للحبيب "
بسمه :" انا عرفته عشان اشتاق له "
سكتت شوي وبتردد :" بغيت اكلمك في موضوع "
سحر بان الاهتمام في عيونها : "وانا اسمعك "
بسمه :"تدرين انه مافي وقت على الزواج وانا ماسويت شي و...."
سحر :" لا تشيلين هم انا كلمت ابوي....وبكره ان شاء الله بنروح عشان الفستان ....وكل يوم بنروح عشان شي ....عسى نخلص قبل الامتحانات.."
بسمه : "الله يخليك لي يااحلى بنت عم في الدنيا"
سحر :"على فكره بدريه كلمت امي بنروح لهم"
بسمه :"احسن خلي الواحد يغير جو"
سحر:"بيتنا وبيت بدريه جوه واحد بس الواحد يشوف وجيه جديده"
بسمه:"على قولتك وجوه جديده"

^^^^^^^^^^
وهي قاعده في غرفتها مع مشاعل ...بسولفون عن الجامعه وبنات الجامعه ...
مشاعل :" ها ....ريم ما رديتي علي في الموضوع اللي "
ريم مقاطعه :" ما اقدر "
مشاعل :" حاولي علشاني الله يخليك "
ريم :"لا تحرجيني "
مشاعل :" افا ...ياريم ما تخدميني هالخدمه "
ريم :" اف ...ياختي دوري غيري "
مشاعل :"مااقدر اقول لاي احد "
ريم :" ياربي ....طيب خليها بعد الامتحانات ويصير خير "
مشاعل :" توعديني ......."
ريم بضيق وعشان تفتك من الحاحها :" اوعدك ....".
مشاعل:"عبيييييير مره متأثره عقب ماملك اخوك"
ريم:"ايه...بس ما في يدنا شي نسويه"
مشاعل:"اشلون اخوك مع بسمه يزورها"
ريم:"ما يتكلم عنها ابدا واذا سألته مايرد علي"
مشاعل:"تتوقعين لازال يحب عبير"
ريم:"اكييييييييييد"

^^^^^^^^^^

كان رايح لبدريه اللي من الملكه انشغل وما جا بيتها واكتفى بشوفتها في بيت اهله ...
وهومار من قدام بيت بسمه التفت عليه مايدري ليش خطرت على باله وتسأل اش قاعده تسوي هي الحين ....
اول ما دخل البيت كانت رهف طالعه برى ...
ابتسمت يوم شافته :" هلا بخالي الحبيب "
خالد :" اهلين رهوفه ....اش تسوين برى؟؟؟"
وقربت منه : "تدري من عندنا ؟؟؟"
خالد وهو رافع حواجبه :" لا ماادري ..."
رهف :" بسمه واهل عمها..."
خالد :" بسمه عندكم ..."
رهف :" ايه عندنا قاعده هي وامل فوق......... اش رايك نسوي لهم مفاجأه...ونطلع لهم ..."
خالد : "لا خليهم .....(وهو يفكر) ولا تدرين خلينا نطلع ...بس ماابغى احد يدري"
ما يدري ليش قرريطلع ...علشان بشوفها ولا علشان يحرجها ...ما يدري بس مشى ورى رهف على فوق...
.
.
.
فتحت رهف الباب كانت امل على السرير و بسمه قاعده على الكرسي اللي مقابل
الباب وتلعب بشعرها ...اللي فكته وحطت اغلبه على وجهها ...لما شافت رجلين رهف
ما اهتمت واستمرت تحرك راسها يمين وشمال ...
بسمه :" تصدقين ....خاطري اقص شعري زهقت منه "
خالد :"ليش تقصينه ....انتي زهقتي منه غيرك ما زهق "
حست ان الدم نشف من عروقها....ويدينها صارت ثقيله تبغى ترفع شعرها ماهي قادره ...وكان قدامها خيارين اما تصيح من شدة الاحراج وتبان قدامه ضعيفه ولا تسوي نفسها ولا مهتمه ولا كأن صار شي ....اختارت الثاني وخلال هالوقت سلمت امل على خالها ورحبت فيه ...لما عدلت شعرها التفتت عليه ومدت يدها بتسلم عليه حست يده قويه وهي تشد على يدها ...
خالد وهويبتسم :" اشلونك بسمه "
بسمه :" الحمد لله بخير"
سكت خالد شوي :" وانا الحمد لله بخير "
ماردت عليه من الاحراج اللي حاسه فيه ....
خالد :" اقول كيف المذاكره ...اذا تبون أي مساعده انا مستعد"
امل بحماس :" ساعدنا في الانجليزي اللي..."
وسكتت لما شافت نظرات بسمه لها ...انتبه خالد لبسمه ...
سحب خالد الكرسي وجلس :" طيب ياامل ما عندكم عصير تكرمين فيه خالك"
امل وهي طالعه:" ههههه اكيد عندنا"
خالد وهو يطالع بسمه الواقفه :" تعالي اجلسي"
وقبل ماتجي قرب الكرسي بجنبه وجلست عليه ..
خالد :" اقول رهف ليش ماتروحين تذاكرين "
رهف :" ما عندي مذاكره "
خالد:"طيب ليه ماتروحين عند الحريم "
رهف:"زهق عندهم"
خالدبصوت واطي وسمعته بسمه :"اش يطلعها هالزقه"
خالد:"رهف حبيبتي شوفي في التلفزيون فيه مباراه اذا جات ناديني"
رهف وهي طالعه"طيب"
التفت خالد في بسمه اللي كانت تخطط على الهرب ....
رجعت رهف بسرعه:"خالي في اي قناه المباره"
خالد بضيق:"في قناة العربيه"
رهف:"خالي العربيه ماتجيب كوره"
خالد:"لا اليوم فيه مباره تنقلها العربيه اذا جات ناديني ولا توريني رقعة وجهك قبل ما تجي"
خافت بسمه يوم طلعت رهف بس من حسن حظها كانت طلعتها على دخلت امل
امل :" انا جيت"
خالد:"مشاء الله عليك في الوقت الماسب توها اختك طلعت"
امل:"عادي تبغوني اطلع ماعندي مشكله "
بسمه:"لااااا"
خالد:"ياليييييت"
كانت امل تشوف نظرات تهديد في عيون بسمه...
امل :"سووووري مادام مااتفقتوا اسوي اللي يريحني واقعد معكم"
قعد خالد وامل يسولفون مع بعض ويضحكون ...كانت بسمه تكتفي بالابتسام ...
ومر الوقت بسرعه وحست انها لازم تنزل تحت وهي في قلبها خايفه من ردة فعل عمها لو درى ان خالد كان موجود ...
بسمه :" يالله انا لازم انزل "
ونزلت بسرعه قبل ما تسمع ردهم...وهي في اخر الدرج سمعت صوت ابو مازن خافت ورجعت بسرعه....... وفي نفس الوقت كان خالد نازل واصطدمت فيه وكانت من اثر الصدمه راجعه ورى.... لكن خالد حط يده من ورى ظهرها علشان ما تطيح وقربها منه حتى صارت ملاصقه له....اول ما حست امل انها استعادت توازنها فكت يده من ورى ظهرها برفق وابتعدت عنه شوي ...
بسمه وهي مرتبكه :" اسفه ......."
خالد :" لا عادي ... اشفيك رجعتي "
بسمه :" سمعت صوت ابو مازن تحت"
خالد:"اوكيه اجل انا بنزل وعقب انتي انزلي"
ونزل خالد وهي تحس بالاحراج من الموقف البايخ اللي صار لها معاه...
نزلت عند بدريه ومرة عمها وبدريه وسحر(هند وهدى راحوا لبنات خالتهم)
وجلست بجنب سحر وكان باين عليها الارتباك...
سحر:"اشفيك شكلك موطبيعيه"
بسمه:"خليها على الله صار لي موقف"
سحر:"أي موقف"
بسمه:"بعدين اقولك"

^^^^^^^^^^^^^^

كانت رهف طالعه من المجلس على دخلة امل...
امل:"وين ابوي بسمه تقول سمعت صوته"
خالد:"طلع يبدل وبيجي اللحين "
امل :" انتي يالغبيه اشلون تدخلين خالي الغرفه من غير ما تقولين اول "
رهف ببرائه :"اشفيها ....زوجها "
خالد وهو مبتسم:"وهي صادقه (وهو يقلد رهف ) زوجها "
امل :" حتى ولو البنيه انحرجت "
خالد :" انا لو ابغى احرجها صدق كان علقت على شكلها اول مادخلت الغرفه ...
خرعتني "
امل :"حرااااام عليك ليش تبالغ "
خالد وهو يهز كتفه :" انا ما ابالغ ...انا اقول الصدق "
امل :" شو صدق بسمه في الجمال ماشاء الله عليها .... ما تقدر تتكلم "
خالد يبغى يقهرها :"اذا انتي تشوفينها جميله ....انا اشوفها اقل من عاديه "
امل وهي تقرب من خالها : "لا تقول كذا ....الله يخليك "
خالد :" وليش ما اقول ....وبعدين احسها ممله وما تعرف تقول كلمتين على بعض ...
وشخصيتها مهزوزه ....وتفكيرها محدود "
امل حست انه يبغى يقهرها :"كل هذا فيها ....انت اصلا قعدت معها حتى تعرف شخصيتها ....اللي حتى تلفون ما تكلمها "
خالد :" ليه شكت لك "
امل :" لا هي ما تقول بس انا لومكانها كان مت قهر "
خالد :" محد يموت ناقص عمر "
امل:" بصراحه نرفزتني اروح عند الحريم احسن لي"
بدريه :" اشفيكم ياكافي صوتكم واصل اخر الدنيا "
امل: "اسألي اخوك"
بدريه :"روحي داخل عند الحريم حتى اجي بعد شوي"
خالد :"هلا بدريه "
بدريه :" هلا فيك ...اشرايك ننادي لك بسمه تقعد معك شوي"
خالد:"ما قصرت رهف دخلتني عليها هي وامل"
بدريه:"حسبي الله على ابليس هالبنت ماادري متى بتعقل"
خالد:"ما سوت شي غلط لا تنسين ان بسمه مرتي"
بدريه:"حتى ولو يمكن عمها يزعل لو درى"
خالد:"انتي ماشفتي امل تو معصبه علي ليش ادخل"
بدريه:"عشان كذا صوتها كان عالي"
خالد : "ههههههه لا وقعدت اسب بسمه ....وهي ارتفع ضغطها "
بدريه :" حراام عليك "
خالد:"كنت ابغى اقهر امل"
بدريه:" طيب اش كان شعورك انت وهي لما شفتوا بعض"
خالد :"هههههه .... هي شوي وتصيح يوم شافتني "
بدريه :" وانت اش كان شعورك"
خالد وهو يتذكر :" عادي جدا "
بدريه :" خالد بعد فتره بتبدى الامتحانات رح رزها مره اقل شي اجبر بخاطر البنيه
حسسها باهميتها و عودها عليك "
خالد وهو يفكر:" يصير خير"

^^^^^^^^^^^^^
عبير :" قلت لك يبه ما ابيه ""
ابو محمد :" الرجال ما ينرد ليش ترفضينه "
عبير :" لاني ... ما ابيه "
ابو محمد :" اذا تفكرين في ولد خالتك خلاص تزوج "
عبير مقاطعه :" انا ما افكر في الزواج الحين "
ابو محمد :" ياعبير..."
ام محمد مقاطعه لانه ملت من هالسالفه اللي الرفض اكيد هو الرد من عبير:" مارحت للحين لابو فيصل"
ابو محمد :" ما رحت للحين يقول محمد باقي ماردوا عليه .....ياكرهي لعيلتهم مسوين فيها شرفاء ....وانه اخوان مترابطين ..."
ام محمد :" هذا اللي مقويهم ترابطهم "
ابو محمد:"ما علينا منهم ... انتي ياعبير فكري زين في اللي قلت لك"
عبير:"شف ياابوي بصريح العباره غير خالد ماراح اتزوج"
ابو محمد:"يابنتي خالد الان متزوج"
عبير بدلعها الزايد:"انت اللي فسخت خطبتي منه شف لك حل يرجع خالد لي"
وقامت تركض لغرفتها وهي زعلانه....
ابو محمد:"تسرعت ياام محمد في فسخ خطبة عبير وخالد"
ام محمد:"قلت من اول ومااحد سمعني"
ابو محمد:"لازم ادور حل"
ام محمد:"لا تعب نفسك لانه مافي حل"
ابو محمد وهو يفكر:"فيه حل ممكن يصلح اللي انكسر"

^^^^^^^^^^^^^^
كانوا جالسين في بيت ابو فيصل كعادتهم مثل هالوقت لازم يجتمعون....
ابو خالد:"يعني قررت ترجع العنود لمحمد"
ابو فيصل:"للحين ماقررت شي لان العنود ماعطتني ردها"
ابو ناصر:"هو محمد اش اللي غيره عليها فجأه"
ابو فيصل على انه مايخبي عن اخونه شي بس حس ان الموضوع هذا من الافضل مااحد يدري عنه:"تدري من هالمشاكل اللي تصير في البيوت"
ابو خالد:"بس مولدرجة انه يمد يده عليها ويطلقها بدون سبب"
ابو فيصل :"ياخوي البيوت اسرار ومااحد يدري عن اللي يصير فيها"
ابوخالد:"وانت صادق...بس اللي صار بينك انت وابو محمد"
ابو فيصل:"اللي صار بسبب العنود ومحمد اذا تصالحوا ماله داعي احنا نوقف في طريقهم"
ابو ناصر:"ماشاء الله عليك ياابو فيصل "
ابو فيصل :"مريتوا على الوالده "
ابو خالد:"اكيييييييد احد يقدر مايمرها....خصوصا بعد ماانكسرت رجلها صايره تزعل بسرعه"
ابو نا صر:"أي تزعل....من ملك خالد وهي فرحانه وتقول لو فيها شده على الرقص كن رقصت"
ابو خالد :هههههههه الا متي بيفكون الجبس عنها ......."
ابو فيصل :" الاسبوع الجاي ..."
جدة خالد (ام عبد الرحمن ) كانت محبة خالد عندها غير انقهرت انها ما قدرت تحظر ملكته لانها طاحت وانكسرت رجلها ...ما كانت تحب عبير وامها ...
ابو فيصل :" تصدق حسيت ان خالد بيهون"
ابو خالد :" لا هذا ولدي ... ما يكسر كلمتي "
ابو ناصر : " صدقت.... خالد ما شاء الله عليه .... "سكت لما دخل خالد وعيال عمه ....
فيصل : " اشفيكم ... بس دخلنا سكتوا ... "
خالد : "اكيد يحشون في احد ... "
فهد : " من بيكون غيرك لانك الان حديث الساعه ... "
ابو فيصل : ههههههه .... خالد اش كانت تبغى منك امي يوم نادتك ...
خالد : " فتحت معي تحقيق ...اش اسم عروستك ....ومن هي بنته ...واوصف لي شكلها... "
فهد : " طيب .....اش قلت لها..... وركز على وصف الشكل الله يخليك ... "
رمى خالد عليه المخده اللي كانت قريبه منه وكان الجميع يضحك ....
خالد : " ترى ان قمت بوصف لك شكلها مضبوط "
فهد : " لا .... وليش التعب ولد عمي ...هونت لا توصف شكلها ... "
خالد : " ههههههههه ...كذا ابغاك .. "

^^^^^^^^^^^^^^

كانت سهرانه يوم الاربعاء طول الليل وما نامت الامتأخره وصحت الخميس مبكره ...والتهت طول النهار ...بعد صلاة العشاء ما قدرت تقاوم دخلت غرفتها وحطت راسها على المخده ...وغفت عينها ...انتبهت على احد يهز كتفها ...فتحت عينها بصعوبه ..وشافت سحر ...
سحر : " بسمه قومي بسرعه "
رجعت غمضت عيونها : "سحر والله ميته تعب خليني انام ساعه "
سحر : "اقول قومي جاك ضيوف "
بسمه : " اذا امل خليها تطلع "
سحر : " لا مو امل "
بسمه : ......
سحر : " اللي جا خااااالد"
انتفضت سحر في السرير وجلست : " أي خالد "
سحر : " هههههههه كم خالد تعرفين "
بسمه : "ياويلي ...هذا اش جابه "
سحر : "يالله قومي لا تضيعين وقت "
بسمه : "افففف انا ناقصه اللحين زيارته "
سحر : " اقول قومي لا يجي ابوي ينزلك بشكل ذا "
بسمه : "عمي معاه "
سحر بنفاد صبر : "ايه ....ياللا عجلي .. "
.قامت بسمه وهي مرتبكه موعارفه وين تروح ..
سحر : "انتي روحي الحمام....اكون انا جهزت لك لبسك .... "
.
.
.
.
يتبع

حيا الله خالد ...وينك ما عاد احد شافك ...
خالد : " تدري ياعمي التهيت في هالدنيا "
ابو عبد العزيز : " واشلون ابوك وعمامك"
خالد : " طيبن الله يسلمك "
سمعوا احد يطق الباب ...
ابو عبد العزيز : " ادخلي يابسمه مااحد غريب "
دخلت بسمه وهي مرتبكه ...وما هي قادره ترفع عيونها من الارض وحاولت تتحكم في نفسها ورفعت نظرها وشافته يناظرها وهومبتسم ...
بسمه : "السلام عليكم "
خالد وابو عبد العزيز : "وعليكم السلام ... "
مدت يدها تسلم عليه : " كيف الحال .. "
خالد : " بخير الله يسلمك ..اشلونك انتي "
بسمه : "الحمد لله"
ابو عبد العزيز : " عن أذنك ياخالد انا بدخل ارتاح شوي "
خالد : "خذ راحتك"
بعد ماطلع عمها ....ارتبكت زياده ... جلسوا وقت وهو ساكتين ...
وانتبهت انه مخلص فنجان القهوه : " اصب لك قهوه "
خالد :ايه... صبي قهوه ... "
كانت يدها ترتجف وهي تصب القهوه بالذات وهي حاسه انها يراقبها ...
خالد : " شوي ..شوي ..لا تحرقين يدك "
انقهرت منه ....وهي منحنيه تعطيه الفنجان انفك المشبك اللي كان ماسك شعرها وطاح شعرها على الجنب ...انحرجت وانحنت على الارض عشان تاخذ المشبك.... لما رفعت راسها شافت على وجهه ابتسامت سخريه كأنها قاصده انها تفك شعرها ...راحت جلست بعيد عنه وحبت تهاجمه قبل لا يتكلم ...
بسمه : " شكل عينك حاره قول ماشاء الله بغيت تكسر المشبك "
خالد : " انا اللي عيني حاره.... والا حركات بنات ....صدقيني عارف ان شعرك ناعم وطويل من غير ما تفكينه "
بسمه حبت تقهره : " فتره بسيطه ان شاء الله واقصه "
خالد : " ياويلك لو قصيتيه "
بسمه:"قص الشعر حريه شخصيه "
خالد:"لا مهي حريه شخصيه لازم الحرمه تستأذن زوجها......صح"
بسمه بضيق:"اذا انت تشوفه صح فهو... صح"
خالد وهو يبتسم:"برافو عليك....اشلون ثالث معاك"
بسمه :"تمام....."
خالد:"تصدقين انت من جد صغيره..."
بسمه:"لا انا المفروض اولى جامعه"
خالد:"هههههه حتى لو اولى جامعه صغيره..."
بسمه حبت تغير الموضوع : "اشلون امك وابوك "
خالد : " ما عليهم طيبن ويسلمون عليك"
بسمه : "الله يسلمهم "
خالد : " ويسلمني بعد ....اشفيك قاعده بعيد ...اقربي شوي ترى مااكل لحوم البشر "
بسمه : "لا انا مرتاحه كذا "
خالد : " بس انا مو مرتاح.... والا انتي انانيه ما تفكرين الافي نفسك "
انقهرت بسمه منه قالت في خاطرها هذا اسلوبه معها في اول زياره الله يستر
من بعدين ....
بسمه : "وليش ما تكون انت الاناني اللي ماتدور راحت غيرك"
خالد : " هههههه تدرين شكلنا اثنينا انانيين عشان كذا انا بجي بجنبك "
وقفت بسمه : " والله ان قربت لاطلع برى"
خالد : "هههه لهالدرجه اخوف "
بسمه : " لا بس ..."
وقف خالد : " اصلا انا طالع الحين "
قرب من بسمه وكان في يده كيس وحب يقهرها ولمس خدها : " اعطيك رقم جوالي تدقين لما تكونين فاضيه "
نزلت يده بقوه : " لا لا تعطيني لاني بصراحه مشغوله عندي امتحانات "
خالد : "اشفيك دايم انتي عدائيه كذا "
بسمه : "انا العدائيه ولا انت اللي تتهجم بالكلام على الناس "
خالد وهويتلفت : "أي ناس ....انا ما اشوف الا زوجتي"
قرب منها زياده ورجعت لورى ....ابتسم لما شاف ردت فعلها ...
خالد وهو يمد يده بالكيس : " هذي هديه بسيطه لك"
بسمه:"بدون نفس مشكور"
خالد:" يالله انا طالع تأمرين شي ..."
بسمه بعصبيه : "لااااا"
خالد :"الناس يقولون مايامر عليك عدو ....يقولون سلامتك ....مو (وهو يقلدها ) لاااا"
بسمه وهي تقلد حركته :" أي ناس ... انا ما اشوف الا زوجي ..."
خالد :"ههههههه تملكين روح الدعابه ..."
بسمه بضيق :" قليلا مما عندكم ..."
ابتسم ومر من جنبها وما حاول يقرب منها :" واذا بغيتي رقمي تلاقينه عند بدريه مع السلامه...."
بسمه :" مع السلامه "
.
.
.
.
اول ما طلع جلست تبغى تهدى شوي وبعدين تطلع ...
سحر : "ها ... اكلمك"
بسمه : " سحر متي دخلتي "
سحر : " من اول ما طلع ...اكلمك وانتي في عالم ثاني "
بسمه بشرود : " ما انتبهت "
سحر : " قولي لي اللي صاااار بتفصيل الممل "
حكت لسحر كل اللي صار ...
سحر : " ههههههههه "
بسمه : " وش اللي يضحكك"
سحر : " بس تراك كنتي شوي جريئه...المفروض تحكمتي في اعصابك ....وانتبهتي لكلامك "
بسمه : " ما ادري اش جاني توقعت ...ارتبك لما اشوفه ... وما اقدر حتى الرد ارد ...بس نرفزني وطلعني من طوري "
سكتت بسمه شوي : " تصدقين حسيت اول ما طلع اني اكرهه... "
سحر : "ههههه ....علماء النفس يقولون اقوى انواع الحب يجي بعد الكره الشديد"
بسمه : " انا راضيه باضعف انواع الحب بس يحصل ...بعدين منهم علماء النفس اللي قريتي لهم"
سحر : "يعني لازم من الاحراج ....عديها واللي يرحم والديك .. "
بسمه : " نعديها ...عشان خاطرك "
سحر : "مشكووووووووره "
بسمه بضيق : " بس بالله عليك ...كلامه لي كلام واحد اول مره يزور زوجته "
سحر : " تراك انتي ما قصرتي فيه "
بسمه : " هو السبب"
سحر : " طيب خلي عنك ...انه نرفزك وعصبك ...ما حسيتي تجاهه بشي "
تنهدت بسمه بعمق : "حسيت بخوف "
سحر وهي رافعه حواجبها : " خوووووف "
بسمه : " اخاف اني احبه واتعلق فيه"
سحر وهي تحط يدها على جبهة بسمه : " الحمد لله والشكر... شكلها مريضه بنت عمي... فيه وحده تخاف تحب زوجها "
بسمه : "ايه اخاف ...... اخاف اكون العب بنار وما تحرق الا اصابعي "
ماردت بسمه وسرحت وهي تتمنى تكون باختيارها خالد تكون اختارت الصح .....

^^^^^^^^^^
وهوقاعد مع ولد عمه مع الشباب ....انتبه فهد له انه قاعد بعيد عنهم شوي ...
راح وجلس بجنبه ...
فهد : "اللي ما خذ عقلك يتهنى به "
خالد وهو يأشر على التلفزيون : " تصدق حلو هالفيلم "
فهد : "ههههه علينا ....طيب اش قصته "
خالد وهو يضحك : " تابعه وانت تعرف "
فهد : " ما علينا من الفيلم ...يقولون انك قبل يومين زرت بعض الناس"
خالد : "هههههه يااخي ابوي ما يخبي شي ابد "
فهد : " ايه تدري يتجمعون هالشياب وما عندهم الا احنا يالضعوف ماده دسمه للحديث . "
خالد : " وبما اني حديث الساعه على قولتك ...فما عندهم الا انا "
فهد : " هههههه عليك نور"
خالد : "يالله عقبال ما تصير انت حديث الساعه"
فهد : " اقول لا تغير السالفه ...الظاهر من السرحان اللي تو ان الحبيب وقع ولا احد سمى عليه ...(وهو يغمز له )حسيت بالحب يجري في عروقك"
خالد : " أي حب واللي يرحم والديك ...الحب مره وحده في الحياه"
فهد : " غلطان ياولد عمي ...وبعدين كم مره قلت لك البنت مالها ذنب فلا تظلمها "
خالد وهوعاقد حواجبه : " ومن قال لك اني بظلمها ...بتعيش معي معززه مكرمه بس مولازم احبها "
فهد : "طيب انطباعاتك عن الزياره "
خالد وهويفكر : "تصدق اول ما احب طاريها ....الحين مادري صارت عادي بالنسبه لي يعني مااعصب لما اتذكرها"
فهد وهو يبتسم : " ان شاء الله تصير تفرح لما تذكرها من الحب"
خالد:"تطمح في كثير ياولد عمي"
الجزء السابع

كانت قاعده تتأمل بنت عمها وهي تكلم زوجها....وتسمع ضحكاتهاوهي تسمع كلامه الحلو لها...كان الحب يطل من عيون سحر....وسرحت في عالمها حتى ماانتبهت ان بنت عمها سكرت التلفون...
سحر:"بسمه....اكلمك..."
بسمه:"ها....ماانتبهت "
سحر:"ما تنلامين اكيد تفكرين في حبيب القلب"
بسمه:"مافي قلبي حبيب"
سحر:"وخالد...."
بسمه:"خالد زوجي بس شعوري ناحيته عادي"
سحر:"ايه شعورك عادي بدليل من زيارته لك وانتي بس سرحانه"
بسمه:"ماادري احس اني خايفه"
سحر:"بسمه اكيد أي بنت في مكانك بيكون شعورها كذا....انتي بتتزوجين واحد في حياتك ما شفتيه وما تدرين اشلون طباعه...بس بعد الزواج كل شي يتغير"
بسمه:"انتي مثلا قبل زواجك من ابراهيم كيف كان شعورك"
سحر:"شوفي على انه ولد خالتي واعرفه من احنا صغار بس لما خطبني حسيت اني مااعرفه....وكان الخوف مسيطر علي لكن صدقيني بعد الزواج كل شي يتغير وصار هواهم شخص في حياتي"
بسمه:"سحر اوصفي لي الحب"
سحر:"ههههههه كلامك غريب"
بسمه:"انتي الحين تحبين.... اوصفي لي هالحب"
سحروهي تفكر:"ماادري اشلون اوصف لك بس اقدر اقول اني مااقدر استغي عنه ولا اعيش بدونه"
بسمه وهي تعدل جلستها:"يعني انتي تحبين نفسك اكثر"
سحر:"الحمد لله والشكر....اشلون احب نفسي اكثر"
بسمه:"لانك تتكلمين عن نفسك ما تقدرين تستغنين عن هولا..."
سحر وهي تقاطعها:"لو مااحبه ماقلت كذا..."
بسمه:"انتي تحبينه اكيد لانك تستفيدين منه حتى لو.... السعاده اللي يعيشك فيها...يعني حبك له مو لسواد عيونه"
سحر:"لا موشرط احبه واتمنى له الخير في كل حياته واحاول اسعده قد مااقدر"
بسمه:"حتى لو سعادته مع غيرك..."
سحر:"اموته لو ادري ان سعادته مع غيري"
بسمه:"شفتي ان الحب فيه انانيه"
سحر:"بسمه اليوم قريت في الجريده عن طبيب نفسي يمدحونه خلينا نعرضك عليه لاتفضحينا من العالم احس حالتك مستعصيه"
وراحت تفكر في الحب اللي هجر قلبها وغاب عن حياتها من بعد موت اهلها وحل محله الحرمان والالم حتى صارت تشك في وجود شي اسمه الحب....
^^^^^^^^^^
كان يحس بالصدمه والذهول من اللي قاعد يسمعه عقب ماحطموا حب حياته جاين يصلحون الباقي....
ابو محمد:"والحمد لله ان المياه رجعت لمجاريها واحنا قبل كل شي اهل..."
ابو فيصل:"صدقت....واعذرنا يااخوك ان غلطنا عيك بالكلام بس ساعة غضب"
ابو محمد:"الغلط بدى من محمد الله يهيديه بس ان شاء الله ما يتكرر هالشي"
ابو فيصل:"وهذا العشم في محمد"
محمد:"ان شاء الله ماتسمع الا اللي يسرك"
فيصل:"وترى احذرك يتكرر اللي صار"
ابو فيصل ماعجبه كلام فيصل بس ماحب يحرجه...
محمد:"يافيصل انا غلطت غلطت عمري ولابكررها "
كان ابو خالد حاس باللي قاعد يدور في راس ولده وكان مبين على ملامح وجه خالد انه يحاول يتمالك اعصابه...
ماكان ابو خالد الوحيد اللي حاس بخالد كان ابو محمد يناظره وحس انه هذا هو الوقت المناسب.....
ابو محمد:"وانا ياابو خالد ندمت لاني فسخت خطبة خالد وعبير"
ابو خالد:"اللي صار انتهى..."
ابو محمد:"لاني ندمان ياخالد اعرض عليك قدام ابوك وعمامك اني اصلح اللي صار"
ابو خالد:"اشلون تصلح وخالد اللحين متزوج"
ابو محمد:"كل شي ممكن يتصلح"
ابو ناصر:"ترضي تزوج بنتك واحد متزوج"
ابو محمد:"لاااا....ماارضى بس اذا خالد يبغى عبير يطلق مرته"
ابو خالد وهو معصب:"تظن بنات الناس لعبه في يدك تزوج وتطلق على كيفك"
ابو محمد:"هد اعصابك انا عرضت على خالد وهو بكيفه"
ابو خالد:"لا مو بكيفه...الزواج مهو لعبه..."
ابو محمد حب يوقع بين خالد وابوه:"الله يهديك يابو خالد...هو عنده لسان ويرد"
كان خالدمنقهر من اللي يصير حوله....وما حب يحرج ابوه قدامهم وحاول يكلم ابوه بهدوء:"ياابوي...هذا الموضوع يخصني انا لوحدي"
وقف ابو خالد وهو معصب:"لا مايخصك لوحدك...واذا طلقت لا انت ولدي ولا انا ابوك"
وطلع ابو خالد وهو معصب وكان خالد يحاول يلحقه بس عمه ابو ناصر اشر له يقعد وقام هو وراه.....
^^^^^^^^
كانوا مالهم خلق دروس وكل وحده تناظر في ساعتها متى يدق الجرس ....الجميع ابتسم لما سمع صوت الجرس واللي عندهم في هالوقت هو الصوت الوحيد اللي يتمنون يسمعونه...
بعد ماطلعوجلسوا وهم لازال فيهم خمول من الدروس ...
امل:"اشفيك يابسمه ماجيتي امس..."
بسمه:"سوووووري بيتكم صار محرم علي دخوله"
امل:"قانون جديد هذا"
بسمه:"ايه..."
امل:"والسبب..."
بسمه:"لسببين....اولا عشان الزواج قرب وثانيا لان عمي درى اني قابلت خالد في بيتكم..."
امل:"اش دراه..."
بسمه:"ماادري بس تدرين مرة عمي تعرف كل حريم الحاره ويمكن وحده شافت خالد داخل بيتكم...ماادري"
امل:"وعمك اش سوى لما درى..."
بسمه:"لو ماسحر الله يجزاها خير كان اخذت علقه محترمه"
دلال:"بصرااااحه مجرم عمك..."
امل:"هو مجرم بس....هو الاجرام يتبرى منه..."
بسمه:"ههههههه شكى لك الاجرام منه"
امل:"تضحكين....انتي لو تدرين منهو اللي بغى يزوجك كان ضليتي دهرك كله تبكين"
بسمه والاهتمام يطل من عيونها:"اشلون تعرفينه اذا انا ماادري منهو"
امل:"تعرفين امي تعرف اغلب حريم الحاره ودرت منهم"
بسمه:"يعني واحد اعرفه..."
امل :"تعرفينه زين"
بسمه:"مين قولي لا تلعبين في اعصابي..."
امل:"ابو صالح صاحب البقاله اللي باخر الشارع..."
بسمه وهي حاطه يدها على وجهها:"لا تقولين هو..."
امل:"هو ياعيوني ...."
بسمه:"حسبي الله عليه انا سمعتهم يتكلمون عن واحد متزوج حرمتين بس ماتوقعته هو..."
دلال:"اش حلاته ...رجال عنده بقاله...مادامه طار على بسمه خذيه ياامل"
امل:"بسم الله علي...انتي لو تشوفينه...رجال كبير حيل غير كذا من الشياب اللي مايهتمون في لبسهم شكله الحمد لله والشكرالله معطيه خير بس مو مظهر النعمه عليه...حرمتين حاكرهم في بيت واحد"
دلال:"تتوقعين كان سكن بسمه معهم..."
بسمه:"بسم الله علي صدقيني كان انتحرت لو تزوجته"
امل:"ليش تنتحرين...ماراح يسكنك معهم اكيد بيحطك في الملحق"
بسمه:"والله اكلمكم جد احس شعر راسي وقف لما تخيلته زوجي..."
امل:"عشان تعرفين قدر خالي"
بسمه:"حرااااام عليك....تقارنين بين الثرى والثريا...يحبي لخالك الله لايخليني منه انا اشهد انه على انه شرير يطلع حمل وديع عند ابو صالح"
امل:"وينه خالي يسمع هالكلام الحلو اللي ينقال عنه"
ما ردت بسمه وهي تفكر في ابو صالح وحريمه اللي كل وحد اشرس من الثانيه...
^^^^^^^^^^
يتبع

قاعد مع عمه اللي لما شاف اللي صار حب يجلس معه على انفراد...
ابو فيصل:"تراك غلطت يوم رديت على ابوك...."
خالد:"ياعمي خفت ينهي الموضوع وانا جالس وحبيت ابين له اني لازم افكر"
ابو فيصل:"المفروض سكت وعقب تفاهمت معه"
خالد:"حاولت بس ماقدرت"
ابوفيصل:"طيب تحس اللي تبغى تسويه صح..."
خالد:"ماادري ياعمي محتار"
ابوفيصل:"طيب تكلم انا اسمعك"
خالد:"اني اتزوج عبير هذا اللي ابيه بس اخاف ادمر بسمه لو اطلقها"
ابوفيصل:"كمل اسمعك..."
خالدوهو حاط يده على جبهته ومبين على الحيره"واخاف اني اندم لو اترك هالفرصه اللي اكيد بتكون الوحيد في اني اتزوج عبير"
رفع عيونه لعمه"عمي انت لو مكاني اش تسوي..."
ابوفيصل:"شف ياخالد مارح احد يقدر يفكر لك احسن من نفسك"
خالد:"طيب شور علي..."
ابوفيصل:"تطيعني في اللي اقوله"
خالد وهو يبتسم لعمه:"مااقدر اوعدك ياعمي...بس ابغاك تشور علي"
ابوفيصل:"لو قلت غير كذا كان عرفت انك تاخذني على قد عقلي..."
خالد"افاااا عليك ياعمي انت الخير والبركه..."
ابوفيصل:"تصدق تعجني ياخالد وتذكرني بشبابي..."
خالد:"فيصل وفهد لو يسمعونك ذبحوني..."
فيصل:" ما عليك منهم....المهم انت ياخالد فكر بعقلك مو بقلبك.....ولا تنسى نتيجة قرارك ممكن تدمر غيرك""
خالد وهو يتنهد:"ياليت ابوي مااستعجل بالملكه"
ابوفيصل:"ياليت اللحين ماتنفع"
خالد:"بس ياعمي لو ماملكت كان اللحين مو شايل هم بسمه انها بتصير مطلقه بدون ذنب"
ابوفيصل:"يعني قررت تطلقها"
خالد:"تقريبا هذا اللي ممكن يصير....بس بغيت منك خدمه ياعمي""
ابوفيصل"آمر ياخالد"
خالد:"ما يامر عليك عدو....بس ابوي مااحد يقدر يغير رايه غيرك"
ابوفيصل:"تبغى اقنعه تطلق مرتك..."
خالد:"لااا...ابغاه مايتدخل ولا يعترض على القرار اللي بتاخذه مهما صار..."
ابوفيصل:"انت فكر في الموضوع ...وخل ابوك علي..."
خالد وهو قايم بيطلع:"الله لا يحرمنا منك ياعمي"
ابوفيصل:"بس لاتنسى ياخالد فكر زين ولا تظلم ناس مالهم ذنب"
^^^^^^^^^
جلس يلاعب عياله اللي شوقه لهم ماله حد....وكان يناظرهم والفرحه تطل من عيونهم وهويلوم نفسهاشلون بغى يهد بيته بيده ويضيع عياله وناظر العنود حبيبة قلبه اللي من طلعوا من بيت اهلها...وهي ساكته ماتتكلم الااذا كلمها....
طلعوا العيال يركضون على غرفتهم....قرب محمد منها ومسك يدها...
محمد:"سااااامحيني يالعنود اللي سويته موسهل"
العنود:"لو ماسامحتك مارجعت لك"
محمد:"قلبك كبير ياام نواف"
العنود:"بس لا تغلط مره ثانيه وتعتمد على قلبي الكبير"
محمد:"لاااا....توبه.....بس صدق الخبر الحلو اللي سمعته"
العنود وهي تبتسم:"ايه..."
محمد:"ان شاء الله نوف يارب"
العنود:"ترى مهو حلى هو..... نواف بعدين نايف وتبغى نوف"
محمد:"ايه واللي عقب نوف منيف واخر العنقود....نوفه"
العنود:"ماشاء الله مجهز كل شي"
محمد وهوبتنهد:"ماادري اشلون لعب الشيطان في عقلي وكنت بضيعكم من يدي"
العنود"الحمدلله انت صلحت غلطك وان شاء الله مايتكرر"
^^^^^^^^^^^^
كانت امل وبسمه راجعين من المدرسه مع سواق اهل امل وكانت هند غايبه....حست امل انه هذي فرصتها حتى تشوف هي وامل ابو صالح...
امل:"سليم وقف عند البقاله القريبه من البيت"
بسمه:"اش تبغين في البقاله"
امل:"حتى نشوف ابو صالح"
بسمه بعصبيه:"لا....ماابغى اشوفه"
امل:"مو لازم تشوفينه انا ابغى اشوفه"
بسمه:"تعرفين شكله ليه تبغين تشوفينه"
امل:"ابغى اشوفه من قريب"
بسمه:"حراااام عليك ياامل انا من يجي طاريه اموت اشلون لو اشوفه..."
امل:"ما يجيك الا العافيه ان شاء الله"
بسمه وهي تأشر على السواق:"ماتخافين يعلم عليك امك"
امل:"سليم ماراح يعلم بس هالخايسه اللي بجنبه"
بسمه:"ان شاء الله تعلم عليك"
امل:"عاااادي اقول بسمه كانت مشتهيه عصير من عند ابو صالح"
بسمه:"اموتك لو قلتي كذا"
ما ردت امل عليها لانهم تقريبا وصلوا البقاله كان ابو صالح من حظهم واقف برى يكلم واحد....كانت امل تناظره وتعلق وبسمه ماقدرت ترفع نظرها....
امل:"بسمه الله يخليك ناظري..."
بسمه:"مااقدر احس اني خايفه"
امل:"الحمد لله والشكر السياره مضلله وما يشوف اش داخلها وحتى لو شاف متغطيات اش بيشوف"
بسمه:"مو خايف من انه يشوفنا.... انا اللي خايفه اشوفه...."
امل:"وليش تخافين انتي اللحين متزوجه...ومالك علاقه فيه"
تجرأت بسمه ورفعت نظرها ولما شافته حست نبضات قلبها زادت...وهي تشوف رجال منحني ظهره لابس ثوب ابيض من قدمه تغير لونه...وكان يضحك وبانت اسنان صفراء مرعبه....
بسمه:"الله يخليك يامل خلينا نروح"
امل:"اللي قاهرني الله معطيه فلوس وشوفي لبسه وبيته حتى عياله بخيل عليهم..."
بسمه بضيق:"ما علينا منهم...بس خل نروح احس بيغمى علي"
امل:"ههههه بسم الله عليك....سليم ياللا روح البيت"
سليم:"ما فيه يبغي يشتري من البقاله"
امل:"لا مانبغى"
سليم:"ليه انت فيه يقول وقف عند بقاله..."
امل:"ياربي اش يفكني منه....ما فيه فلوس"
سليم:"انا فيه عندي فلوس..."
امل:"الله ياخذك مانبغى نشتري روح البيت"
هز راسه وحرك السياره....بسمه ماتدري ليش اثر فيها لما شافت ابو صالح....علىالرغم انها تعرفه لكن انها تناظره وهي تتخيله انه كان بيصر زوجها هالفكره ارعبتها....
^^^^^^^^^^^^
قاعدين يتمشون في السوق...وراهم شباب يلاحقونهم....لما شافوا اشكالهم اللي تشجع وما عندهم ممانعه احد يلاحقهم...
كانت عبياتهم ونقاباتهم للزينه اكثر منها للستر....
مشاعل:"شوفي هالمزيون اللي ورانا اشلون يناظرك"
عبير:"عاد انتي يالغبيه سوي ثقل موكل شوي تلتفتين"
مشاعل:"اخييييرا طلعتي من عزلتك وطلعتي معي"
عبير:"زهقت وانا حابسه عمري في البيت "
مشاعل:"ايه كذا عيشي حياتك وانسي خالد"
عبير:"ومن قالك اني بنسى خالد"
مشاعل:"انتي اليوم مبسوطه زياده شكل وراك شي"
عبير:"ايه خالد اخير بيرجع لي"
مشاعل:"تدرين مشينا نجلس ونشرب عصير واسمع منك السالفه بالتفصيل"
عبير:"ياللا...."
راحوا والشباب وراهم وهم مفتونين من هالجمال خاصه عبير...
وانهبلوا لما شافوا عبير اول ماجلست نزلت النقاب كانت تبان قمه في الجمااال...
مشاعل:"ياللا ياحلوه قولي اللي عندك..."
عبير:"هذا الله يسلمك محمد رجع العنود....وابوي عرض على خالد انه يصلح كل شي ويرجع خالد حبيب قلبي خطيبي من جديد"
مشاعل:"اش كان رد خالد"
عبير:"مارد بس يقول ابوي من شكله انه اوكيه..."
مشاعل:"ومرته..."
عبير بغرور:"بيطلقها....هالمتخلفه مابقى الاهي تخطف مني خالد"
مشاعل:"حررررام.....والله اني رحمتها"
عبير:"وليش ترحمينها اللي يوقف في طريقي ادمره..."
مشاعل:"الله يستر ولا اكون لك عدوه ياعبير..."
عبير:"لاااا انتي مستحيل تكونين عدوتي"
وهي في خاطرها والله مايندرى عنك ياعبير...
مشاعل:"ماعليه بكون معك صريحه...."
عبير:"تفضلي ياحياتي..."
مشاعل:"انتي تحبين خالد..."
عبير:"بالله هذا سؤااال انا مو احب خالد انا اموت في خالد..."
مشاعل:"طيب اللي يحب مايخون الثاني وانتي اسمحي لي صح ماتسوين شي كبير بس تحبين تظهرين جمالك قدام غيره وتستمتعين بالمدح اللي تسمعينه من الشباب وممكن تكلمين توسعين صدرك"
عبير:"هذا انتي قلتيها اوسع صدري وما يتعدى هالشي التسليه وبعقل بعد الزواج"
مشاعل:"صعب تتغيرين بعد الزواج..."
عبير:"اذا انا مع خالد مو صعب وبعدين شوفي نفسك اول وبعدين كلميني"
مشاعل:"اقل شي انا مافي قلبي حبيب....وبعدين ماتخافين خالد يشوفك مره من المرااات"
عبير:"لاااا ان شاء الله وبعدين تعالي انتي شايفتني مبسوطه وقلتي تنكدين علي"
ورجعت ابتسمت لشاب اللي كان قاعد مقابلهم وعيونه على عبير يفحصها بوقاحه وهالشي كان يحسسها بالسعاده لانها تحب تلفت نظر الكل ....
^^^^^^^^^^^^^^
-يابوي الله يخليك....خلني على راحتي....
ابو خالد:"وراحتك في تطليق هالمسكينه"
خالد:"يبه اطلقها اللحين احسن من عقب"
ابو خالد:"ليش توافق على الخطبه اذا كنت بتطلقها في النهايه"
خالد:"انتوا ضغطتوا علي"
ابو خالد:"لو وقفت وقفتك اللحين ماكان احد ضغط عليك"
خالد:"كنت ابغى اسعدك يبه"
ابو خالد:" واللحين تبغى تتعسني"
خالد:"لا يبه بس اللحين لقيت سعادتي ليش اضيعها من يدي"
ابو خالد:"وبسمه ما فكرت فيها..."
خالد:"لا تضن اني سعيد باللي بيصير فيها بس مو بيدي"
ريم اللي كانت ساكته طول الوقت:"احس بصرااااحه ماحبيتها"
خالد بعصبيه:"مو لازم تحبينهاوبعدين اللي مايخصك لاتتكلمين فيه"
ريم وهي طالعه:"انا طالعه بس مااقدر اخفي سعادتي من انك بتطلق هالقرويه..."
وراحت تركض لانه شافت ابوها وخالد معصبين عليها...
ابو خالد:"كيفك ياخالد بس انا اقول لا تتسرع..."
خالد:"فكرت زين واشوف انه اللحين الوقت المناسب باقي على الامتحانات شهر وحتى ما تضيع الامتحانات على بسمه"
ابو خالد:"يهمك انها ما تضيع الامتحانات"
خالد:"والله ما تهون علي بس نصيبها كذا"
ابو خالد:"كيفك بس انا مالي وجه اروح معك..."
خالد:"لا تروح بس لا تزعل علي..."
ابو خالد وهو يتنهد:"ماني زعلان ياخالد الله يسعدك ويوفقك"
خالد وهو يبتسم:"وانا ماادور الارضاك علي"
ابو خالد:"راضي عليك ياولدي واتمنى لك السعاده بس ياخوفي انك قاعد تضيع السعاده من يدك"
خالدوهويتنهد :"الله يسهل مافيه الخير...عموما بروح لابو مازن ونروح لابو عبد العزيز"
ابو خالد:"قلت لبدريه...."
خالد:"لا...بقولها عقب ماارجع من عند ابو عبد العزيز..."
سمع التلفون يرن وكان قريب منه....
خالد:"الو"
امل:"هلا باحلى خال في هالدنيا"
خالد:"هلا اموله...اشخبارك واخبار امك..."
امل:"انا بخير وامي بخير ماودك تسأل عن بعض الناس
ارتبك لما قالت كذا وحب يبان قدامها طبيعي حتى يخلص الموضوع لان اكبر عقبتين هم ابوه وبدريه...ابوه واقتنع اخيرا وبدريه ماتدري للحين لانه توه يصرح برايه بعد ما وصى مااحد يخبرها....
خالد:"اشخبارها.."
امل:" طيبه تسلم عليك"
خالد:"الله يسلمك ويسلمها"
امل:" الله ياخالي اش الهديه الحلوه اللي جبتها"
خالد:"عجبتها"
امل:" ايه...بس دايم تقول عنك شرير ماادري ليه"
ابتسم خالد غصب عليه لما تذكر زيارته لها في بيت عمها...وحس بالم في قلبه لما تخيل اش بتكون ردت فعلها...
امل:" هيه...يالحبيب اكلمك..."
خالد:"هلا امل..."
امل:" اقول بس ذكرت بسمه نسيت كل شي"
خالد:"شفتي اشلون"
امل:" ايه...قطع الحب وسنينه حتى بسمه من يجي طارك تروح عالم ثاني"
حس ا نه ماوده يسمع عنها أي شي ثاني...حتى ما يحس بتأنيب الضمير اكثر ماهو حاس...
خالد:"اقول انتي ليش متصله"
امل:" كنت زهقانه وقلت اتصل واللي يرفع السماعه اسولف معه "
خالد:"اقول يالثرثاره ابوك موجود"
امل:" اولا الثرثاره اسم لرهف وحقوقه محفوظه ثانيا ايه ابوي فيه"
خالد:"خلاص بلغيه اني بمره اصلي معه العشاء في المسجد وابغاه في موضوع"
امل:" طيب اقول لبسمه تتجهز لانك بتمر عليها"
خالد:"بعصبيه:"لااا لا تقولين"
امل وهي متفاجأه من ردة فعله:"طيب لا تعصب...ياللا تامر شي"
خالد" سلامتك سلمي على امك"

^^^^^^^^^^
كانت على السرير وتلعب في شعرها والسعاده ظاهره في وجهها وهي تسمع عبير اللي تعبر عن فرحها...
ريم:"الحمد لله اخير افتكينا منها..."
عبير:"ريم متاكده انتي"
ريم:"أي والله وتوني طالعه من عندهم وخالد بيروح العشاء ينهي كل شي"
عبير:"الدنيا ماهي وسعتني من الفرحه"
ريم:"اكييييد حبيب القلب بيرجع لك اخير"
عبير:"ماني مصدقه...احس اني في حلم"
ريم:"لا انتي مو في حلم...بس لاتغلطين غلطتك الاولى وتاجلين الملكه...على طول خليها"
عبير:"لا الحين على طول ملكه اخاف العنود ومحمد يتطلقون مره ثانيه"
ريم:"ايه...خلينا نفرح شوي"
عبير:"تصدقين اغار من هالبسمه شافت خالد وقعدت معه اكثر مني"
ريم:"وليش تغارين اصلا لو تهمه ماتخلى عنها بهاالسهوله..."
عبير"تلقينها اللحين تموت فيه صراحه خالد ينحب...بتكون صدمتها قويه"
ريم:"نفسي اشوف وجهها وهي تسمع الخبر"

^^^^^^^^^^^
كان في سيارته ينتظر الاذان مابغى يدخل عند بدريه...وكان بيت بسمه قريب منه فكر فيها.... وحس انه حقير وتافه.... وهي بيحطمها بكل برود قال في خاطره ياليتني ماشفتك يابسمه ولا شفت روحك الطاهره البرئه اللي بيدي بقضي عليها...كان خاطره يشوفها ويطلبها تسامحه ...شبه نفسه بقاتل يطلب السماح بكل برود من مقتوووول بدون رحمه....
الجزء الثامن....
كان في السياره عايش صراع داخل نفسه....ويفكر في بسمه...وردة فعلها لما تدري....
وهي مالها ذنب في كل اللي يصير...بس لما تذكر عبير حس ان بسمه بتنظلم اكثر لو تزوجها وهو يحب عبير هالحب الجنوني...في الاخير اقنع نفسه ان الطلاق اللحين احسن من عقب...وبسمه بنت حلوه واكيد بتحصل اللي يسعدها اكثر منه...
ما يدري ليه ضايقه لما فكر ان بسمه تكون لواحد ثاني...
انتبه على مازن ولد اخته يأشر له من برى السياره......
نزل من السياره...
خالد:"هلا مازن"
مازن"هلا خالي...اشفيك قاعد في السياره؟؟؟"
خالد:"انتظر الاذآن حتى انزل اصلي"
مازن:"من زماااااان اذن واللحين بتقام الصلاه...حتى شف الناس رايحين للمسجد"
التفت خالد وشاف ياكثر اللي رايحين للمسجد...وهو في عالم ثاني...
خالد:"صادق....ياللا مشينا للمسجد..."
**********
قاعد مع اخته وشايف السعاده على وجهها من بعد مارجعت لبيتها...
فهد:"اللي يشوفك اللحين مايقول هذي العنود اللي في بيتنا..."
تنهدت:"لا تلومني يافهد"
فهد:"ماالومك والحمد لله ان كل شي تصلح"
العنود:"الحمد لله...الا انت يالحبيب متى ناوي تودع حياة العزوبيه"
فهد:"لو علي.... كان من اليوم قبل بكره بس...."
العنود:"انا نفسي اعرف .....انت ليه ماتخطبها وتشوف؟؟"
فهد:"انا خايف ان ريم ترفض وبكذا اسبب حساسيات في العايله"
العنود:"اولا علاقة اهلي اقوي.... من كذا ثانيا انت ليه متوقع ترفضك؟؟؟"
فهد:"ماادري عندي احساس"
العنود:"انت طيعني وخلني اجس نبضها واشوف"
فهد اللي يبغى يغير السالفه:"دريتي عن خالد انه بيطلق مرته"
العنود:"لا تقول..."
فهد:"أي والله بس لا تقولين لاحد"
العنود:"ليه مااحد يدري؟؟"
فهد:"لا مايدري الا انا واهله توه بلغهم..."
العنود:"حراااااااام اش ذنبها"
فهد:"مالها ذنب..."
العنود:"تصدق احس اللي بيروح ضحية طلاقي هي هالادميه"
فهد:"أي والله الحبيب يبغى عبير..."
العنود:"المشكله خالد مغشوش فيها"
فهد:"من حبه لها مايشوف عيوبها"
العنود:"لا تلومه اللي يشوفها في بيت خالتها ما يصدق انها عبير اللي في بيت اهلها"
فهد:"احيانا وانا جايك اشوفها طالعه لوحدها مع السواق وشكلها الله المستعان...اشلون محمد برضى تطلع كذا"
العنود:"محمد مشاكله مع اهله بسبتها "
فهد:"لو انا مكانه اكسر راسها ولا اخليها تطلع كذا"
العنود:"لما يجيه ابوه ويقوله مالك دخل في بنتي صدقني غصب عنه يصير يتحاشى الهواش معها حتى مايزعلون اهله عليه"
فهد:"حتى ولو...اخ يالقهر وخالد يبغى يتزوجها..."
العنود:"يعني خلاص بيطلق مرته"
فهد:"اليوم بعد العشاء بيروح لعمها ويتفاهم معه..."
العنود:"على طاري العشاءما سمعت الاذان"
فهد:"سمعته..بس احتري تقام الصلاه"
العنود:"انت مستحيل تغير طبعك؟؟؟"
فهد:" أي طبع؟؟"
العنود:"ما تلحق الصلاه الا بعد ماتنتهي الركعه الاولى.."
فهد:"لا ابشرك اللحين صرت اللحقهم قبل لا يركعون"
العنود:"طيب يافالح لا تضيع الوقت ورح اللحق الصلاه"

**********

طلع من المسجد وهو حاس انه قرر القرار الصح...له ولبسمه ولعبير...
كان ابو مازن وابوعبد العزيز ومعهم رجال ثالث...واقفين يسولفون برى المسجد...
سلم عليهم..
ابو عبد العزيز:"حيا الخالد..."

يتبع

خالد:"الله يحيك"
ابو عبد العزيز:"تمرنا تتقهوى عندنا..."
خالد:"اكيد لازم امركم..."
كان خالد مستغرب من نظرات الرجال الثالث...
ابو عبد العزيز:"ياللا يايو صالح...مشينا..."
ابو صالح:"على اني زعلان عليك بس ما عليه ياللا مشينا..."
مشى ابو عبد العزيز وابو صالح قبلهم...وكان خالد متعمد يمشي ببطء حتى يقدر يكلم ابو مازن على راحته...
خالد:"يابو مازن بغيت اكلمك بموضوع قبل ما نوصل بيت ابو عبد العزيز.."
ابو مازن:"تفضل..."
خالد:"بس قبل يااخي هالشايب نظراته لي غريبه"
ابو مازن:"هههههه ما ينلام..."
خالد:"اشلون ماينلام..."
ابو مازن:"هذا يعتبرك عدوه اللدود"
خالد:"اش بيني وبينه حتى يعتبرني عدوه"
ابو مازن:"خطفت منه الزوجه الثالثه"
خالد من الصدمه مارد...بس تعابير وجهه كانت كافيه ان ابو مازن يكمل...
ابو مازن:"ابو صالح خطب بسمه قبل ما تخطبها بشهروسافر على انه لما يرجع يتم كل شي رسمي...بس لما رجع لاقى بسمه متزوجه"
خالد:"وتتوقع عمها كان بغصبها عليه"
ابو مازن:"اكيييييد....ها ماقلت اش الموضوع اللي بغيتني فيه"
خالد:"بعدين اكلمك"
ابو مازن": على راحتك"
دخلوا المجلس وكان ابو صالح موجود...نسى خالد كل شي وكان بس يناظر ابو صالح...ويراقب تصرفاته واشلون كان يشرب القهوه بصوت اعتبره خالد مشمئز...
والتمر وهو يحطها بين اسنانه اللي اكل الزمان وشرب عليها...غير اسلوبه في الكلام اللي تخلي الواحد غصبا عنه يكرهه...
ما تخيل بسمه وبرقتها ونعومتها تكون زوجه له....عمها كان بيغصبها عليه من اول اشلون لو تصير مطلقه أي مصير مجهول بختاره لها...
ابو عبد العزيز:"اكلمك ياخالد"
خالد:"ما انتبهت اش قلت"
ابو مازن:"لا تلومه اكيد وده يشوف بعض الناس"
راقب خالد ملامح ابو صالح اللي بان عليها الضيق الشديد...دليل ان الرجل لازال شاري بسمه....
خالد:"ههههههه كاشفني ياابومازن"
ابو عبد العزيز:"مافيها شي مرته بس للاسف هم اللحين في السوق تعرف بعد تجهيزات العرس"
خالد:"خساااره مالنا نصيب نسلم"
ابو عبد العزيز:"خيرها بغيرها"
وجلسوا يسولفون وخالد حاس انه متضايق من قعدت ابو صالح في وجهه...
استئذن خالد وطلع...
وهو طالع كان فيه حريم داخلات باكياس نزل خالد راسه حتى ما يضايقهم...
وهو حاس ان بسمه وحده منهم...
سمع صوت وحده تكلمه واضح من صوتها انها كبيره في السن عرف انها ام عبد العزيز...
ام عبد العزيز:"اشلونك ياخالد"
خالد:"بخير الله يسلمك ..اشلونكم انتوا..."
ام عبد العزيز:"الله يسلمك..."
خالد:"ياللا استئذن ياام عبد العزيز"
ام عبد العزيز:"في امان الله...سلم على اهلك"
خالد:" الله يسلمك"
**********
في نفس لوقت كانت هند وهدى يناظرون مع الدريشه...
هدى:"تصدقين احلى من الوصف بكثييير"
هند:"انا شفته قبل كذا بس اللحين احسه احلى بكثير"
هدى بغيره:"اما بسمه عليها حظ..... ياللطيف.."
هند:"ايه....بس لا تنسين عبير اللي تقولين انه يحبها"
هدى:"بس مااتوقع انها تفكر فيه بعد ماتزوج غيرها..."
هند:"ما تدرين...."
هدى:"ولو ان نظراتها لبسمه في الملكه نظرات تهديد"
سمعوا صوت والتفتوا شافوا بسمه وسحر...
سحر:"اش تسون في الدريشه..."
هدى:"ابد سلامتك بس نشوف رجل بنت عمنا..."
سحر:"انتبهوا لا يشوفكم..."
هند:"واذا شافنا اش بيصير يعني..."
هدى:"اقول بسمه ما سلم عليك وانتي داخله..."
بسمه:"لا..."
هند:"غريبه...."
سحر:"ما غريب الا الشيطان...اكيد ماعرفها"
هدى:"حتى ولو ...لو غيره كان رجع المجلس الين تدخل وطلب يقعد معها.."
بسمه اللي تبغى تقهرهم:"انا قلت له اني ماراح اطلع له مره ثانيه"
هند:"ما شاء الله وهو صاير مطيع لك....هذي سحر ما طاعها ابراهيم وكانت يغصب عليها انها تطلع له"
كانت ام عبد العزيز توها داخله...
هدى:"يمه خالد ما سأل عن بسمه"
ام عبد العزيز:"لا..."
هدى وهي تنا ظر بسمه:"شفتي حتى السؤال ما سأل"
بسمه بعصبيه:"والله سأل ولا ما سأل هذا شي ما يخصك"
ام عبد العزيز والشرريطلع من عيونها:"قصري حسك يابسمه...لا تظنين اني مااقدر اكسر راسك اللحين..."
سحر:"يمه الله يهديك"
ام عبد العزيز:"ما تسمعينها اشوف طلع لها لسان هاليومين..."
سحر:"يمه هم استفزوها..."
ام عبد العزيز:"ما قالوا الا الصدق...ما سأل عنها..."
بسمه بهدوء:"بكيفه هو حر...."
هدى:"ماادري ليش تزوجك ...بس شكل بدريه لها يد في الموضوع"
طلعت وهي مهي قادره تتحمل استفزازهم لها....من يوم ملك خالد وهم يعايرونها بقلة زياراته لها وانه مايكلمها ويزرعون الشكوك في راسها.....
**********
دخل البيت وهموم الدنيا فوق راسه...تمنى يطلع غرفته وما يشوف احد لانه ماله خلق يتكلم ...
لكن لما دخل الصاله كانت ريم وابوه قاعدين....سلم وهو متجه لغرفته...
ابو خالد:"خالد...تعال..."
ريم :"ها...اش سويت..."
خالد:"بعصبيه:"مالك دخل....وقومي فارقي عن وجهي..."
ريم:"طااالعه بس لا تعصب..."اول مااختفت عن عيونهم وقفت حتى تسمع كل شي...
ابو خالد:"بدريه اتصلت...وشكل ابو مازن ماقالها..."
خالد:"اكيد ماقالها لانه ماصااار شي..."
ابو خالد بان الاهتمام على وجهه:"تعال اجلس...وقولي اش صااار"
راح خالد وجلس بجنب ابوه...كان محتاج يتكلم مع احد دق على فهد اللي كان جواله مغلق...وبعد ماحكى لابوه كل شي...
ابو خالد:"الله عليه الظاااالم"
خالد:"أي والله يبه...انا من شفته خفت لما تصورت بسمه تتزوجه اشلون هي..."
ابو خالد:"طيب اش قررت"
خالد:"تعبت من التفكير..."
ابو خالد:"اشور عليك..."
خالد:"تفضل يبه ....اسمعك..."
ابو خالد:"شف ياخالد بسمه الله حطها في طريقك...ولما قررت تطلقها الله حنن قلبك عليها ماتدري يمكن الله رايد لك خير..."
خالد:"يمكن....وانا اول ما شفت الرجااال حسيت اني مسؤال عن بسمه ومستحيل اتخلى عنها..."
ابو خالد:"وهذا العشم فيك ياولدي هي مالها ذنب في أي شي..."
خالد:"عشان كذا مانيب مطلق بسمه....وترى موضوع الطلاق مااحد يدري عنه الاانتوا وفهد وعمي ابوفيصل وهم ماراح يتكلمون...عاد انت قول لامي وريم...ينسون الموضوع ولا يخبرون احد..."
ابو خالد:"ريحت قلبي الله يريح قلبك...كنت شايل هم بسمه"
خالد:"لا مستحييييل اللحين اطلقها بس عساني مااظلمها....."
كانت ريم تسمع كل شي وهي منصدمه....كان ودها تطلع وتعارضهم بس عارفه ان ابوها وخالد رح يعصبون عليها...راحت غرفتها...وشافت التلفون...وحت انه من واجبهاتخبر عبير بكل اللي صار....ومثل ما سمعت ظحكتها وحست بفرحها في الاول سمعت بكاها...وحست بحزنها وغضبها في نفس الوقت...وسمعت سبها وتهديدها لبسمه وحسرتها على حبيب القلب خالد.....
************
انتهى الموضوع ومر على انتهائه شهر وما درت بسمه باللي كان يخطط له خالد...
كانت ملتهيه في الامتحانات واللي مرت على بسمه ببطئ شديد كانت في قمة الاجهاد والتعب على الرغم من التحسن النسبي لمعاماة عمها واهله لها…...
بس كان هم الامتحانات وهم حياه جديده هي مقبله عليها ….ماخذ كل تفكيرها …وزاد التوتر يوم اعلان النتائج واللي كانت تتمنى تجيب نسبه عشان تكمل في الجامعه ...وما خاب ظنها نجحت وجابت نسبة تأهلها لدخول الجامعه ...
وكانت خلصت من التسوق اللي حاولت تقتصد قدر الامكان لان المبلغ اللي وفره عمها لها مهو اللي في بالها بس مستحيل كانت تطلب غيره ... قسمت وقت التسوق
قبل الامتحانات وبعدها لانها في الامتحانات ماكانت تروح واللي يقوم بالمهمه عنها سحر ....ولما راحت بروفة الفستان كان روعه وزي ماتمنته ...
انتهت من هم الامتحانات وهم اغراض العرس وبغى هم حياه جديده مسيطر على تفكيرها .....
.
.
.
.
من جهه ثانيه كان ابو خالد مشغول بتجهيز لليلة العرس اللي من فرحته بولده رفض ان احد يقوم بها غيره وكان يتدخل في كل التفاصيل ...يبغى تكون ليلة زواج خالد ليله مميزه عند الكل مثل ماهي مميزه عنده...
وكان خالد خلص تجيهز االقسم اللي بيسكن فيه عند اهله ...وكان عباره عن غرفةنوم واسعه وصاله ومكتب ... وكان يحاول يجاري اللي حوله في فرحتهم ...وقرر انه يحاول ينسى عبير....
***********
كانت مستسلمه للكوفيره وهي تنهي لمساتها الاخيره....لما خلصت كانت قمه في الجمال
والنعومه...كان رافعه شعرها على فوق ومنزله على وجهها خصل بسيطه وكان مكياجها ناااعم... طلع شكلها مع الطرحه والفستان الابيض قمه في البرأه والنعومه...
سحر :"الله ...يابسمه انتي حلوه بس اليوم شكل ثاني ...تصدقين اخاف على المعرس يصير فيه شي .."
بسمه وهي تحط يدها على قلبها : "خافي علي انا ...احس من كثر دقات قلبي بيوقف "
سحر :" بسم الله عليك ...(وهي تبتسم )الله يسعدك يابسمه .."
بسمه:"خاااايفه ياسحر"
سحر قربت من بسمه ورفعت وحهها :"حاولي تنسين الخوف وتأكدي ان هذي احلى ليله في حياتك..."
بسمه:"مو بيدي..."
سحر:"صدقيني ما كذب من سماها ليلة عمر....بس ماتعرفين قدرها الااذا مرت...بس ذكرياتها تبقى طول العمر..."
بسمه:"هي اكيد بتبقى بس هل بتكون ذكريات سعيده ولا تعيسه"
سحر:"اشفيك متشائمه كذا...."
بسمه:"مادري....احس اني موطبيعيه...صح"
سحر:"خلي عنك الدلع....يااحلى بسمه"
بسمه تبتسم ابتسامة امتنان وهي تطالع بنت عمها :"تصدقين ياسحر لو عندي اخت ماحبيتها كثرك ومستحيل انسى كل اللي سويته عشاني "
سحر : "عيب عليك هالكلام ...وبعدين استعدي في مفاجأه لك...بس لحظه"
وفتحت الباب واول ما شافت بسمه اللي دخلت ما قدرت تتحكم في نفسها وراحت تركض ورمت نفسها في حظنها ....
بسمه وهي تحاول تمنع دموعها لا تنزل :" خااااااالتي مريم "
مريم :"تتوقعين ادري عن هاليوم مااجي "
بسمه : "اشلون دريتي "
مريم :" وهي تناظر سحر اللي كانت طالعه :ما قصرت سحر"
بسمه : "ماني مصدقه عيوني "
مريم :" الله يسامح عمك اللي حرمني منك ...امسحي دموعك لايخترب مكياجك "
بسمه وهي تمسح دموعها :" عسى ما تعبتوا من الطريق"
مريم وهي تضحك :" اللي يسمعك يقول جاين من اخر الدنيا ...مهو في الخرج مابينها وبين الرياض الا 80كيلو"
بسمه :" هههه لا تلوميني ياخالتي "
مريم :" هههه مالومك اليوم اكيد حالتك حاله (وهي تطالعها بحنان)...فرحت لك يابسمه من قلبي بالذات ان الكل يمدح في العريس واهله"
مريم هي خالة بسمه الوحيده وتصير امها من الرضاعه...عندها من العيال تركي 24سنه وخاطب بنت عمه...وفواز 20سنه وهو اللي رضعت معه بسمه...وطلال عمره 18سنه وهو اكثر واحد يحب يناقر بسمه...واخر العنقود الجوهره 9سنين واللي جت في الوقت الضايع على قولت طلال...
**********
كانت عبير مع ريم اللي ميته قهر وتحاول تظهر قدام الناس عاديه ...وهي من داخل ميته قهر
ريم :" صعب اللي تطبينه..."
عبير : "لازم فيه طريقه "
ريم :"اخاف احد ينتبه "
عبير :"الله يخليك لازم اشوفه "
ريم :" انتي ادرى بخالد اصلا من يشوفك كذا بيطلع"
عبير :" انا بطلع بعباتي كأني طالعه وقاعده ادورك "
ريم :"بس لو يحس انك قاصده تشوفينه ....ان ينقلب حبه لك احتقار"
عبير بضيق :" انتي ما عليك ...سوي اللي اقوله وبس "
ريم :" اوكيه بس انتي اللي تتحملين النتائج "
عبير :" مواااافقه"
ريم:"بصرااااحه ياقواتك...انا لو مكانك مااجي"
عبير وهي في خاطرها مستحيل مااجي...لازم ادمر حياة بسمه...
وتنهدت وهي تذكر كيف ان خالد رفض عرض ابوها عشان بسمه...
************
-مبروك ياعريس ...
صدع راسه من الرد على هالكلمه ... من كثر ما سمعها اليوم ...
فهد :" اشفيك يالحبيب سرحان "
خالد بضيق :" افكر "
فهد:"الليله بالذات لا تفكر...."
خالد بضيق:"يااخي احس اني معصب وكرهت كلمة مبروك..."
فهد:"باين عليك يااخي ابتسم شوي..."
خالد:"اه....يافهد لو تدري باللي بقلبي"
فهد:"ماادري باللي بقلبك ولا ودي ادري..."
خالد:"الشره علي اللي يعطيك وجه..."
فهد :"لا تعطيني وجه اذا بتقعد تشكي....بس بغيت اسألك من الشباب اللي تو يسلمون عليك"
خالد :"سلمت اليوم على اشكال والوان "
فهد :" طالعهم اللي قاعدين يسلمون على ابوك "
خالد : "ايه ...ذولي عيال خالة بسمه ...واخوانها من الرضاع "
فهد :" يعني لها محارم غير عمها اللي ما حبيته "
خالد وهو سرحان :" ايه "
فهد:"تصدق حلو اسمها"
خالد:"من اللي حلو اسمها..."
فهد:"مرتك..."
خالد:"فهد...."
فهد :"اقول خالد احسك سرحان واخاف اذا دخلت ترتبك اشرايك ادخل معك عشان"
خالد يقاطعه :" لا استريح انت ...ما ابغى اتعبك "
فهد :" تعبك راحه"
خالد :"وبعدين ماني داخل عند الحريم بس بدخل اسلم على خواتي وامي من غير امر على الحريم"
فهد : "حتى ولو ادخل معك خواتك خواتي و... (ولما شاف نظرة خالد له )عموما اذا احتجتني تراني تحت الخدمه"
خالد : "ههههههه الله لا يحوجني لخدماتك اذا كانت كذا "
***************************
دخلت بسمه على الحريم على اضائه خافته ... والكل انبهر من جمالها ....وكانت تمشي وهي تحاول تخفي ارتباكها وخوفها خلف ابتسامه خجوله رسمتها بصعوبه على وجهها
وكان الحريم في تعليقاتهم اللي تقول هي احلى من عبير.... واللي تقول لا عبير احلى
لان الكل تقريبا يدري عن سالفتهم ...
كانت فيه عيون تتطالعها بحقد وحسد ويتمنون لها كل شر......... اولهم عبير اللي تشوف فيها اللي خطفت منها حبيبها ...ومرة عمها وبناتها هند وهدى كانو يحسون بغيره منها انها اخيرا بتتزوج زوج ما كانت تحلم فيه.........
وكان فيه عيون تتمنى لها السعاده اولهم بدريه وهي تدعي ربها انها ما تكون ظلمت بسمه او خالد لانها السبب في هالزواج ...
اول ما جلست ...كل اللي يحبونها جوا حولها ...
امل : "مبروك ياحلى عروس"
بسمه : "انتي لا تكلميني "
امل :" ليه "
بسمه :" قاعده منطقه داخل لوحدي لو.... مو سحر تطل علي كان مت زهق "
امل : "عاد تدرين اذا ما قمت بعرسك اقوم بعرس مين "
بسمه :" هذا هو السبب "
امل :" وتدرين بعد الواحد وهو متكشخ يبغي يظهر قدام الناس يمكن الله يرزقني بعريس
عليه القيمه "
بسمه :" الحين صدقتك "
دلال :" ما توقعت يابسمه تمشين بهالهدوء ...( هي تكلمها في اذنها ) اللي يشوفك يقول بتنزف على واحد بينهم قصة حب عظيمه "
بسمه :"حاولت ابين طبيعيه ...لا اشمت بعض الناس بارتباكي "
امل وهي تقاطعها : "ياحلو بنت خالتك ...كل شوي وهي ترقص ...تصدقين تشبهك "
ابتسمت بسمه وهي تناظر بنت خالتها...
دلال :" اكيد فرحتي يوم شفتي خالتك"
بسمه : "هي الحاجه الوحيد اللي فرحت قلبي"
امل :"الفرحه الكبير لما تشوفين بعض الناس "
بسمه:"لا تذكريني الله يخليك..."
امل:"ايه ...الحين لاتذكريني لكن بعدين الله العالم"
ماردت عليها ... وانتبهت لمرة عمها :"اقول امل من اللي قاعده مع مرة عمي "
امل : "هذي الله يسلمك ام عبير ...ينطبق عليه المثل الطيور على اشكالها تقع"
&&&&&&&&&&&&&&&&&&&&&&
بعد ما دخلت بسمه كانوا صديقاتها معها بعدين طلعوا لان ريم قالت لامل تطلعهم لان خالد وعيال خالة بسمه بيدخلون ... وطلبت منها تقول لخواتها لا يدخلون الين تتأكد ان خالد لوحده...وكانت بسمه في الغرفه لوحدها ومقفل الباب عليها ...اتصلت ريم في خالد وقالت له يدخل ...وكان عقب بيدخل ابوه وعم ريم وعيال خالتها...
اول ما دخل لقى صاله وفي بابين مقفله مادرى وين يدخل رفع الجوال بيكلم ريم لما سمع صوتها ...
عبير :" ريم ..."
التفت على الصوت وشافها اول ما تاكدت انه شافها غطت نص وجهها بطرحتها...هو عرفها على طول مستحيل ينسى الوجه اللي محفور في عقله لانه شافها مره وحده لما خطبها ....غيرانها كانت تتعمد وهي في بيتهم تطلع في وجهه وتسوي نفسها مو داريه عنه....
عبير بارتباك مصطنع::خاااااالد :
خالد:............
عبير بنبرة حزن:: مبروك ياخالد:
خالد بضيق:"الله يبارك فيك"
عبير: "حراااام اللي صار فينا"
خالد وهوناسي هو وين بس المهم ان عبيرقدامه:"ابوك السبب والظاهر حتى انتي طاوعتيه في اول خطيب لك"...
عبير وهي تصيح:"حرااااام عليك ياخالد حتى انت ما قدرت تقاوم الحاح اهلك لزواج وانت رجال....اشلون انا اقدر كنت مجبوره ويوم انتصرت على اهلي فات الاوان"
خالد :" لا تصحين ياعبير"
ماردت عليه...
خالد:" دموعك غاليه علي "
عبير :" ما جفت دموعي ياخالد من يوم صرت لغيري ...ياليتني مت ولا جا هاليوم "
خالد بعطف :"لا تدعين على نفسك ياعبير"
عبير :" ليه اهمك"
خالد بتهور : "انتي تدرين انك تهميني و ماحبيت ولا بحب احد غيرك "
يسمع صوت من وراه...-"وليه ماتزوجتها ما دام ما حبيت غيرها"
خالد حس موقفه صعب وانعقد لسانه ما قدر يتكلم
عبير وهي تخفي ابتسامة نصر :" بسمه..........."
بسمه وهي تحاول تخفي دوعها وتظهر متماسكه ردت عليها باحتقار:" ايه... بسمه"
عبير :" اسفه خالد ما كان قصدي "
وطلعت وهي تركض وتعمدت توجه كلامها لخالد ...دخلت بسمه الغرفه وتنسندت على الباب وما قدرت تتحكم في دموعها اكثر ...حست في خالد وهو يفتح الباب فابتعدت عنه
وادارت له ظهرها .........
وهذا اخر بارت راح النزله اليوم
يلا سلام

الجزء التاسع....
دخل خالد وهو متندم....وهو يشوف بسمه اللي معطيته ظهرها مهو عارف اش يقول او كيف يتأسف وهوغلط غلطه ما تغتفر ...حس انه لازم يتكلم ويهديها قبل مايدخل ابوها وعيال خالتها...
خالد :" بسمه انا اسف ..."
ماردت عليه...
خالد:"والله اسف واللي صار غصب عني"
بسمه وهي تشهق من الصياح :" وليش تتأسف ...عادي واحد وشاف حبيبة قلبه ليش يهتم في غيره "
خالد :" ماكان ودي اجرحك ...بس "
بسمه :" انت مو جرحتني انت ....انت طعنتني ...انت ذبحتني ياخالد ومارحمتني"
تندم خالد زود وهو يشوفها شبه منهاره تنهد :"طيب حاولي تهدين "
التفتت بسمه عليه وهي تناظره من بين دموعها :"خالد انت ليه تزوجتني "
خالد بضيق:" يعني ليه تزوجتك "
بسمه تبغى تجرحه مثل ماجرحها :" انت لو رجال ما تزوجت بهالطريقه "
عصب خالد وقرب منهامسك يدها بقسوه:" رجال غصبا عليك ...تدرين احسن انك شفتي كل شي بعيونك بكذا تريحيني ما امثل دورالزوج العاشق الولهان ..."
بسمه بتحد وهي تحاول تخفي صدمتها من كلامه:" وانا ارتحت من تمثيل دور الزوجه المحبه المطيعه"
فك يده بعد ما سمع حس برى :" اجلي هالموضوع لبعدين... مو زين يدخلون ويشوفون شكلك كذا "
بسمه :"ليه مو عاجبك شكلي "
خالد وهو طالع :" ناظري المرايه "
بعد ما طلع حطت وجهها بين يدينها وهي تصيح... حاولت تتمالك نفسها ناظرت وجهها في المرايه كانت عيونها حمر ومكياجهها اخترب كانت لازم تعدله وتبان قدام الكل طبيعيه....

**********

طلعت لهم وهي تحاول تكون طبيعيه وسلمت على الجميع والكل بارك لها عمها وابو خالد وعيال خالتها.... كانت برغم اللي فيها ما تنكر الفرح اللي حسته يوم شافت عيال خالتها شافت فيهم ايام الطفوله وذكروها باخوها بندر ودمعت عينها يوم تذكرته وتذكرت اهلها اكيد ماكان هذا وضعها لوكانوا معها...ناظرت عمها وهي تشوفه يسولف مع ابو خالد ويوصي خالد عليها وفي خاطره انت ياعمي سبب اللي انا فيه.... طلع عمها وابو خالد وقعدوا عيال خالتها....
فواز:"فيه عروسه هالايام تصيح في احلى ليله في عمرها"
مسحت دمعتها وقالت في خاطرها وانت الصادق اتعس ليله في عمري ...
طلال يبغى يخليها تبتسم:" اش صار ماكنتي من اول حلوه....الحين قمر "
فواز:" بسمه من يومها حلوه ..ولا اشرايك ياخالد"
خالد:" انا شهادتي مجروحه في بسمه.".
بسمه في خاطرها.... يازينك ساكت....
تركي:" امك داعيه لك ياخالد يوم اخذت بسمه ...(وهويناظر بسمه بحنان)بسمه كامله والكامل وجهه"
خالد :"تقول لي عن بسمه..."
دخلت خالة بسمه والجوهره وسلمت على خالد وباركت له ...
فواز:" خالد من تشبه الجوهره اختي "
ناظر خالد البنيه الصغيره كانت نسخه مصغره من بسمه ...
ابتسم خالد :" تشبه بسمه "
فواز وهو يكلم اخته :"شوفي اذا كبرتي بتصيرين عروس حلوة زي بسمه "
الجوهره بكل برأة الطفوله :"وابغى اتزوج واحد حلو زي خالد"
الكل انفجر في الضحك الابسمه اللي اكتفت بابتسامة....وفي خاطرها الله لايخليك تشوفين اللي شفته... وجلسوا يسولفون مع بسمه اللي ما اخفت فرحتها بوجودهم وحس خالد ان لهم معزه في قلب بسمه ...
قاموا تركي واخوانه بيطلعون بعد مااخذوا من خالد وعد بزيارتهم ....ودخلت ام خالد وبناتها واختها....كان خالد يسولف مع خواته وهو يختلس النظر لبسمه اللي كانت تسولف مع خالتها وقدرت تتمالك نفسها ولا كأن شي صار ...
حتى جا الوقت اللي قامت خالتها بتروح وهي تسلم على بسمه ما قدرت تتماسك وانهارت على كتف خالتها وهي تبكي كانت تبكي تحطم امالها وانهيار حياه ما بدتها..
لما شافها خالد تندم على اللي صاروحس بتأنيب الضمير ...
مريم :" اهدي يابسمه "
وقربت منها بدريه :" بسمه اشفيك"
حست بسمه انها زودتها شوي مسحت دموعها :" مافيني شي بس تذكرت امي تمنيتها بجنبي اليوم "
مريم :"يابعد عمري يابسمه....(وهي توجه كلامه لخالد)ما اوصيك على بسمه ياخالد "
خالد :"بسمه في عيوني "
وطلعت خالتها.... وبسمه من كثر الدموع المتجمعه في عيونها حاسه ضباب قدام عيونها ...
ام محمد :" اشفيها مرتك ياخالد ما وقفت صياح ياكافي"(تتعمد توجه الحديث لخالد وكان بسمه ماهي موجوده)
خالد وهويناظر بسمه:" تدرين بعد عروس"
مسحت بسمه دوعها وانقهرت من خالته اللي حتى مبروك ما سمعتها منها ...والتفتت على امل تسولف معها ...وكان حالها احسن وتطمنت بدريه وقالت اكيد صياحها علشان خالتها اللي ما شافتها من زمان ....
وقف خالد ومسك بيد بسمه الين وقفت اللي تضايقت من لمست يده بس لازم تصبر ...
خالد :" اشوفكم ما تنعطون وجه ....شكلكم راعين طويله "
وحط يده من ورى ظهرها وهم طالعين:"ما كنكم قاعدين مع عرسان "
بسمه في خاطرها لو ماسمعت كل شي كا ن صدقتك ياخالد من كثر ما انت تتقن الدور........

**********

وهي قاعده مع ريم بعد ما راح اغلب المعازيم وخالد وبسمه طلعوا....كانت تبتسم ابتسامة رضى كانت السعاده تبان على وجهها بعكس اول ما وصلت الزواج وتفكر بكل اللي صار....
ريم:" ارتحتي الحين"
عبير وهي تفكر:" ايه...ارتحت"
ريم:" شفتي خالد"
عبير:" ايه شفته"
ريم:" ترى بديت اعصب.... كل ماسالت (جاوبتي هي تقلدها) ايييييييييييه"
عبير:" اشتبيني...ارد"
ريم:" اللهم طولك ياروح...اش صاار لما شاف طلتك البهيه"
عبير:"ما صار شي وبعدين لا تصيرين ملقوفه"
ريم: "الحين صرت ملقوفه"
ماردت عليها عبير وراحت تفكر وهي تبتسم الحين بدت اول خطوه للانتقام من بسمه وزرعت الشك في نفسها.....وتاكدت ان خالد لازال يحبها....


^^^^^^^^^^^^^^^^^^^^

اول ما دخلت الجناح ما استغربت لما شافته بقمة الفخامه ولو كانت في ظروف احسن
او كانت مثل أي عروس ما يعكر ليلتها الا الحيا والخوف من حياه جديده....كان اعجبت به....لانها ماعمرها شافت شي بهالفخامه....بس اللي صار خلى الافكارتتضارب في راسها وكانت تحس بدوار...وجلست على اول كنبه شافتها ....حاولت تتمالك نفسها وما تصيح قدامه...كفايه الدموع اللي نزلت قدامه...
انتبه خالد لها:"بسمه انتي تعبانه"
بسمه وهي تحاول تبان طبيعيه:"لاااااااا"
خالد:"اشوفك الحين هديتي واقدراتكلم معك بهدوء"
سكتت بسمه وهي تبتسم بمراره........
خالد:"بسمه انا اسف"
بسمه:" مافيه داعي للاسف"
خالد:"ادري ان اللي صار غلط"
بسمه وهي تقاطعه:"وشو الغلط زواجك مني.... ولا تغزلك في حبيبتك في ليلة عرسك"
خالد تنهد:" اللي صارانتهى... فلا تحملين الموضوع اكثر مما يحتمل"
بسمه:"انتهى ماظنتي.... بينتهي بسهوله"
خالد:" يابنت الناس.... الموقف كان بصدفه"
بسمه وهي تبتسم بسخريه:"يقولون رب صدفة خير من الف ميعاد....بس ياليت ميعادكم كان في زمان ومكان غير"
خالد وهومعصب:"تراك زهقتيني انتي اش تبغين"
بسمه وهي تتصنع البرود:: ماابغى منك شي"
خالد بعصبيه:"كيفك انتي الخسرانه"
ماردت عليه ووقفت تبغى تروح الغرفه بس حست بكل شي يدور حولها....تذكرت انها مااكلت شي من الصبح...انتبه خالد وسندها قبل ما تطيح وتمسكت فيه بقوه حتى حست انها قادره تسند عمرها وابتعدت عنه...
خالد:" خليني اوصلك داخل"
بسمه:"لا......"
وما انتظرت رده....دخلت الغرفه وقفلت الباب وراهاوكانت الغرفه روعه...كان السرير باعمده فخمه....ومنتشر على السرير اوراق ورد طبيعي بالوان جميله...جلست شوي حتىتتمالك نفسها....وقت ماحست نفسها احسن فتحت شنطتها واخذت القميص اللي حسته اكثر حشمه من غيره....ودخلت الحمام حست انها ارتاحت لما تسبحت...
بعد ماطلعت من الحمام سمعت خالد يطق الباب وفتحت الباب....تفاجأخالد لما شافها لابسه قميص حريري وردي وشعرها مبلول....كانت قمه في النعومه والبرأه....استحت لما شافت نظراته المتفحصه لها...
خالد:"اشلونك الحين ان شاء الله احسن"
بسمه:ايه ارتحت شوي"
خالد:" بغيت شنطتي"
بسمه:"اوكيه انا طالعه الصاله حتى تاخذ راحتك"
وطلعت بسمه وشغلت التلفزيون......حطته على مسرحيه وهي تناظر الجمهور اللي يضحك تقول ياحظهم اللي قادرين يضحكون....حتى الضحك ماتحس بقدره الا اذا انحرمت منه...
بعد ما خلص خالد جلس قريب منها:"تعشيتي"
بسمه:"مالي نفس"
خالد:" اكيد الدوخه اللي تو لانك ماكلتي شي من الصبح"
بسمه: "مابغى...نفسي مسدوده عن الاكل"
خالد:" كيفك"
بسمه وهي قايمه:"انا باخذ مخده ولحاف وبنام في الصاله."
خالد:"لا نامي داخل.....انا بنام في الصاله"
راحت بسمه الغرفه وجابت مخده ولحاف وحطتها على الكنبه ودخلت وما كلمته وهوما حاول يكلمها...
اول ما دخلت رمت نفسها على السرير وانفجرت في نوبة بكاء وحاولت تكتم صوتها قدر الامكان حتى ما يسمعه خالد...حقدت على عبير و خالد وكرهت عمها اللي تعتبره المسؤل الاول عن كل شي...هي كانت عارفه ان خالد يحب بنت خالته....بس كانت تتأمل انه نسى هالحب اوانها بتقدرتنسيه حب بنت خالته...لكن اخر شي فكرت فيه انها تسمع وفي ليلة زواجها خالد يصرح بحبها....حطمها وجرحها هالشي...حاولت اول ماسمعته انه ماتطلع وتسوي نفسها ماسمعت شي لكن كرامتها المهدوره وجرحها العميق خلاها تطلع وتواجههم...
خافت من مستقبلها مع خالد وطرى على بالها ان خالد ممكن يطلقها خافت من هالفكره...لو كان البيت اللي بترجع له مطلقه غير بيت عمها كان يمكن تقبلت فكرة الطلاق...
.
.
.
وفي الصاله كان خالد...يفكر في عبير ...وابتسم لما تذكرها بس لام نفسه على تهوره لانه لما شاف دموع عبير...ضعف قدامه وقال كلام كان المفروض يظل محبوس في قلبه وماحد يدري عنه..... وندم على اللي صار خصوصا وهويسمع بكى بسمه المكتوم
كانت مشاعره متضاربه بين حبه لعبير....وشعور يحسه ناحية بسمه مايدري هو عطف ولا شفقه ولا له اسم ثاني.....

**********

وفتحت عيونها...اللي ماغفت الابعد ماصلت الفجر وحست بخالد لما دخل الحمام يتوضا بس سوت نفسها نايمه...حست بالم في قلبها وهي تتذكر كل اللي صارفي اللي يسمونها ليلة العمر واللي كانت بالنسبه لها ليلة الصدمه...ناظرت الساعه كانت الساعه عشر...حست بجوع...وفتحت الثلاجه وكل اللي موجود اشياء ماتقدر تاكلها ومعدتها فاضيه...فتحت الباب وناظرت خالد اللي كان نايم ومعطيها ظهره وشافت صحن فاكهه وراحت بتاخذ تفاحه...
خالد وهولازال معطيها ظهره:"طلبت فطور الحين بيجي"
تفاجأت لما درت انه صاحي وتركت التفاحه وهي راجعه الغرفه:"مالي نفس"
التفت خالد عليها:" اتركي العناد ترى ما بتعاقبين الانفسك"
بسمه:"كيفي نفسي وانا حره فيها"
ودخلت الغرفه وماانتظرت رده لها وسمعت صوت معدتها من الجوع وتذكرت انها مااخذت التفاحه...بعد فتره بسيطه...
فتح خالد الباب بعصبيه:" تعالي ابغى اكلمك"
خافت لما شافته ورجعت فكرة الطلاق طرت على بالها....نست الم الجوع وحست بالم في صدرها...توكلت على ربها وطلعت وراه...
لقت الفطور على الطاوله قدامه...
بسمه:"خير"
خالد:"قعدي اول فطري"
بسمه:" ماني مشتهيه"
خالد وهويمد كوب الحليب:"اشربي الحليب اقل شي"
اخذت بسمه الحليب من يده وجلست....كان يفطر وهويناظر التلفزيون ولا كانها موجوده...لما شافته مو منتبه لها اخذت كورسان واكلته وهي تشرب الحليب...
وبعد ماخلص من الفطور انتظرت يتكلم..لما شافته طول وما كلمها....
بسمه:"اش الموضوع اللي بغيت تكلمني فيه"
خالد ببرود:"موضوع ؟؟؟"
بسمه بضيق:"اللي ناديتني علشانه"
خالد:"ناديتك علشان تفطرين"
عصبت منه وقامت بتدخا الغرفه....
لما شافها قايمه بتدخل الغرفه:"لحظه شوي ...تذكرت اش بغيت منك"
جلست ودقات قلبها تزيدوهي في خاطرها الله يستر..
خالد بجديه:" الحين اللي صار صار وانتهي اذابتستمرين زعلانه كيفك بس انا احذرك(دقات قلبها زادت لايكون بيقول اللي اتوقعه) لو تبينين شي قدام اهلي....خلنا نظهر قدامهم طبيعين جدا......الين نشوف حل"
ارتاحت بسمه بس خافت من الحل اللي بيشوفه....
بسمه:" اوامر ثانيه"
خالد:"ايه انا حاجز بكره نسافر لشهر العسل"
بسمه:"بس انا ماابغى"
خالد بضيق:"انتي لازم تعانديني في كل شي اقوله....ترى شهر العسل مو عشانك انا يهمني يبان الزواج قدام اهلي طبيعي.... وبيستغربون جدا اذا ماسافرت"
بسمه:دور لك عذر مقنع وقوله لاهلك......بعدين انا لازم اسجل في الجامعه خلال هالاسبوعين"
خالد:"الجامعه لاحقه عليها..."
بسمه بعصبيه:"لا...مو لاحقه عليها...وسفر ياخالد مومسافره"
خالد:"شوفي انا الا العناد ماينفع معي بتروحين غصب عنك..."
بسمه:"تبغاني اترجاك....طيب الله يخليك ماابغى اسافرو..."
وخنقتها العبره وماقدرت تكمل...
خالد وهويتنهد:"من غير صياااح الله يخليك....وليش ماتبغين تروحين..."
سكتت بسمه وهي في خاطرها اش تبغاني اقول اني ماقد طلعت برى ولو تكون اول طلعه لي معك بكون غصب عني محتاجتك وبتكون انت مصدر الامان لي وانا ماابغى هالشي...
خالد لما شافها ماردت ماحب يضغط عليها:"خلاص بدور عذر على قولتك بس نروح مكه اسبوع ونرد"
بسمه:"اللي تشوفه"
خالد:"على فكره...... بيمر ابوي وامي الظهر يسلمون علينا"
ماردت عليه وهي تفكر في كل اللي صار لها....

**********
كانت قاعده مع امها في الصاله تبرد اظافرها وعلى وجهها ابتسامة ارتياح...
وامها قاعده تتأملها ومستغربه حالها من وقت رجعتهم من زواج خالد...كانت تتوقع ترجع منهاره لكن رجعت متماسكه والفرح يطل من عيونها...
عبير:" ما قلتي لي يمه البارح وقت مادخلتوا على خالد ومرته اشلون كانوا"
ام محمد:"خالد كان عادي مثل أي عريس....بس مرته حسيتها مو طبيعيه"
عبيروهي تطالع امها بااهتمام:"اشلون مو طبيعيه..."
ام محمد وهي تفكر:"أي عروس يكون في عيونها فرحه ولو بسيطه...بس هي ما شفت في عيونهاالا الحزن والخوف و..."
عبير:" بس وقت ما انزفت عند الحريم كانت طبيعيه..."
ام محمد:"ايه انتبهت....بس عقب تغير كل شي....ما ادري اش السبب.."
اخفت عبير ابتسامه حتى ما تنتبه امها...وهي تفكر في قوة ملاحظة امها...
.وسرحت في حبيب القلب اللي مستحيل تنساه...

**********

اول مادخلت عليهم سلمت على ابوه وامه واضطرت تجلس مع خالد على نفس الكنبه...
كانت تطالع خالد معطيها ظهره وهو يسولف مع امه وابوه...كان مبين قوة علاقة خالد
معهم...
ابو خالد:" ياولدي ما عليك من اشغال الشركه...العمر يخلص والشغل ما ينتهي"
خالد:"بس يابوي الحين فيه ضغط في الشركه..وبعدين بسمه بتسجل في الجامعه خلال هالاسبوعين"
ابو خالد:"ماعليه اذا على الجامعه ماتجون الا وكل شي منتهي"
خالد:" يابوي انا ما الغيت السفر انا بس اجلت.....واذا شفت كل شي اوكيه سافرت وانا مرتاح اكثر"
ابو خالد:"على راحتك ياولدي...(وهو يناظر بسمه)اذا انت ومرتك متفقين احنا نطلع منها"
حست بسمه انه ينتظر منها اجابه:"ههههه....ولو انت الخير والبركه ياعمي...."
ابو خالد:"الله يسعدكم يابنتي بس كان ودي تسافرون مثل كل العرسان..."
بسمه:"ماعليه مره ثانيه وبعدين احنا بنروح مكه اطهر مكان ممكن يروح له الانسان"
ابو خالد:" صدقتي يابنتي"
واستغربت بسمه من ام خالد اللي بس تسولف مع ولدها ولا تحاول تكلم بسمه الا بكلمات عابره عكس ابو خالد اللي كانت الحنيه تطل من عيونه...وسمعت خالد يخبر اهله انهم بيسافرون مكه اليوم في الليل...
بعد ما طلعوا حست بسمه بالتعب ودخلت الغرفه وحطت راسها على المخده وما وعت الا على المغرب واستغربت كيف قدرت تنام هالوقت كله...
تذكرت انها ما صلت العصر....بعد ماخلصت صلاتها طلعت الصاله مالقت خالد
قعدت وهي تنتظره وحست بخوف لانها عمرها ماقعدت بمكان لوحدها....
سمعت الباب ينفتح....التفتت وشافت خالد....برغم كل اللي بينهم الا انها ارتاحت لما شافته...
خالد:"سلام عليكم..."
بسمه:"وعليكم السلام....متى طلعت؟؟؟"
خالد:"قبل المغرب....ترى بنسافر مكه بعد العشاء ان شاء الله....ط
هزت بسمه راسها ولا كان الموضوع يعنيها.....
خالد ضايقه برودها:"وتوني طلبت اكل....وبتاكلين غصب عنك..."
بسمه:"باكل بس موغصب"
خالد:"بسمه انتي ليش تعانديني..."
بسمه:"انا مااعاند اتكلم عاااااااادي"
خالد:"ايه....واضح"

&&&&&&&&&&&&&&&&&&&&&&

كانت خايفه ترجع تفاتحها في الموضوع اللي هي رافضته...
وفعلا ما خاب ضنها...
مشاعل:"اشوف في ناس ما يوفون بوعودهم"
ريم:"انت للحين تتذكرين"
مشاعل:"مستحيل انسى....ياللا بدق على رقم شقته"
وما عطتها فرصه ترد عليها....واخذت التلفون ودقت الرقم وناولتها السماعه...
-"الو"
عبير:.......
-"الووووووووووو"
ريم:"مساء الخير"
-"مساء الفل...."
ريم:"لو سمحت ممكن اكلم خلود..."
-"من نقولها..."
ريم:" قولها...صديقتها..."
-"وصديقتها مالها اسم..."
ريم:"مو لازم تعرف اسمهها..."
-"بالعكس لازم اعرف تدرين ليش؟؟؟"
ريم:" ليش...."
-"علشان أي صديقه لخلود تعتبر صديقه لي..."
ريم:"أي صديقه..."
-"ايه.......بس ترى الصداقه شي... واللي حسيته لما سمعت صوتك شي ثاني..."
ريم:"وش اللي حسيته لما سمعت صوتي يابوالعريف..."
-"حسيت صوتك دخل قلبي على طول.."
ريم:"ههههههه من اول مره اش هالمبالغه..."
-"انا ماابالغ...انا اقول الحقيقه..."
ريم:"اقول يابوي الحقيقه...مع السلامه الحين..."
-"لحظه شوي..."
ريم:"خير..."
-"لا تحرمينا من هالصوت..."
ريم:"اكيييييد..."
بعد ما سكرت حست يدها ترتجف واستغربت هالجراءه....
مشاعل:"ههههههههه شفتي الموضوع بمنتهى السهوله..."
ريم وهي متفاجئه:"الحين انتي مو زعلانه لانه كلمني عادي..."
حاولت مشاعل ترقع الموضوع:"انا لما قربت من السماعه سمعت صوته وارتحت لانه موصوت سعود هذا اكيد زميله في الشقه..."
ريم:"انا اقول اشفيها ذي مو زعلانه..."
مشاعل:ط اشرايك....تسليه وسعة صدر...صح.."
ريم:"صح....وتصدقين اصعب خطوه اول خطوه..."
مشاعل:"بس مت ضحك عليك لما قلتي خلود موجوده....ياقدمك الحين البنت تتصل تتكلم بكل جرائه من غير(وهي تقلدها) خلود موجوده..."
طقتها ريم على كتفهها:"يكثر خيري انه طلع مني هالكلمتين..."
مشاعل:"ههههههه...خلاص صيري كلميه ووسعي صدرك بدل هالملل..."
سرحت ريم وهي تفكر في كلام مشاعل وما درت انها تفكر في كلام وحده من شياطين الانس........

**********
يتبع

امل قاعده مع امها في الصاله ويسولفون عن احداث الزواج....
امل:"الله يمه بسمه طلعت تاخذ العقل..."
ماردت بدريه لانها سرحت...
امل:"اشفيك يمه سرحتي وانا توني كنت اسولف معك...."
بدريه:"ها...كنت افكر في بسمه ما تحسين امس انها صاحت كثير"
امل:"لاااا...بس هي كانت خايفه شوي...."
بدريه:"يمكن..."
امل:"شفتي عبير....مااقواها....انا لو مكانها مااحظر..."
بدريه:"اكيد انها كانت متوقعه خالد يدخل وبغت تروح تسلم عليه...تدرين وقحه...ومالقت احد يربيها..."
امل:"ياكرهي لها...تصدقين حتى صديقاتي يسألون من هالحلوه..."
بدريه:"يامل فيه ناس ربك يعطيه نعمة الجماااال بس مايصونها وعبير من هالناس...مااقول الا الله يهديها..."
امل وهي ترفع يدها:"الا قولي الله ياخذها ويريح البلاد والعباد منها..."
بدريه بضيق:"انتي اللحين دعيتي ليه مادعيتي ربك يهديها احسن..."
امل :"مااحبهاااا"

************

اول ماركبوا السياره كانت سرحانه....وتناظر خالد اللي يسوق وهو ساكت لما انتبهت حس انه مورايح جهة االمطار...
بسمه: " الساعه كم الرحله... "
خالد: " رايحين سياره... "
بسمه وهي منصدمه: "سيااااااااره... "
خالد: "ايه سياره....ليه ماتحبين السفر بر... "
بسمه: "لا.... بس... "
خالد: "بس شو... "
سكتت بسمه وماردت....وخالد ماحب يعيد سؤاله مره ثانيه...
بعد فتره من مشوا زهق خالد حاول بسولف...
خالد: "بسمه اشرايك نسولف شوي خلينا نقطع الطريق... "
بسمه: "سولف مااحد مانعك... "
حس خالد باحباط بس مايأس: "متى اخر مره سافرتي بر؟؟ "
سكتت وما ردت حتى ظن خالد انها مابترد وحقد عليها في نفسه...
بسمه: "من سبع سنين... "
حست بدموعها تتجمع في عيونها...وانها مخنوقه وماهي قادره تكتم اللي في قلبها حست انها تبغى تتكلم حتى لو ماسمعها احد....
بسمه:"سافرت لمكه مع وامي وابوي واخوي...وجلسنا فيها اسبوع...انبسطنا فيها ومرينا الطايف وجلسنا ثلاثة ايام....بعدين مشينا من الطايف في الليل مثل هالوقت....كنت انا نايمه ورى انا وبندراخوي...صحيت على صوت انفجار الكفره...وشفت ابوي يحاول يتحكم في السياره....بعدها اغمى علي وما وعيت الا والسياره منقلبه وما اسمع الا صوت الرعد والمطر اللي كان شديد...حاولت اصحي بندر مارد رحت لامي وابوي مااحد ردعلي...جلست بجنب امي ورميت نفسي على صدرها وحطيت يدها ورى ظهري بس حسيت بحضن امي بااااارد وصدرها ما فيه حياه....لما فقدت الامل يردون طلعت برى في المطر اللي خف شوي كانت السيارات الماره قليله كنت اتمنى احد يوقف...
ولما امل وافقد الامل من احد يوقف...ارجع السياره واحاول اطلعهم من السياره يمكن من المطر يصحون مااقدر..... اكلمهم مااحد يرد....
طول ماانا في السياره كنت اقول اكيد نايمين وبيصحون رغم الدم اللي كان على وجوههم...
قعدت متكومه على نفسي بكيت حتى جفت دموعي قلت الحين ابوي بيسمع صوتي ويضمني لصدره.... اول واحد وقف لنا كان على طلوع الفجر...
شفتهم يشيلون اهلي ويهزون روسهم.... ويناظروني بنظرات شفقه صرخت.... بكيت.... ناديت امي وابوي....قالت لهم اعرف ابوي وامي يخافون علي وماراح يخلوني لوحدي...بندر الحين بيصحى وبيشدني من شعري ويقول ليش تطلعين قدام رجال...من كثر ما بكيت كنت ايام العزاء مذهوله....و دموعي تحجرت في عيوني....تمنيت احد منهم بقى معي والا انا رحت معاهم...."

خالد كره نفسه على سؤاله الغبي....
تنهد خالد:" كل انسان له يوم يابسمه......وفيه حديث لرسول صلى الله عليه وسلم (ينقطع عمل ابن آدم الامن ثلاث....ذكر منها ولد صالح يدعو له)....واهلك احوج ما يكون لدعاك لهم....."
هزت راسها:" الله يرحمهم...بس شعور صعب انه فجأه يختفي كل اللي تحبهم من حياتك..."
مد خالد ومسك يدها....وشد عليها ماحاولت تسحب يدها....
خالد:" اسف يابسمه...قلبت عليك المواجع..."
بسمه وهي تمسح دموعها:لا بالعكس....انا كاني كنت مخنوقه وارتحت الحين...تصدق اول مره اتكلم عن تفاصيل الحادث...يمكن لاني تذكرته من الطريق...
ركز خالد انتباه على الطريق وتذكر كلام بدريه...لما قالت انها عايشه انواع المآسي...
انتبه....ان بسمه غفت وكانت كل شوي تفز وتناظر الطريق وترجع تغمض عيونها...
تنهد وهوفي خاطره عسى ما اكون انا مأساه جديده في حياتك يابسمه....


يتبع.....


&&&&&&&&&&&&&&&&&&&&&
الجزء العاشر..


صحت من نومها على الساعه 3الفجر.....استغربت المكان وتذكرت انها في مكه...
وصلوهاا امس بعد ماريحوا في الطايف يوم...ابتسمت لما تذكرت اول مادخلت الحرم.... حست بطمائنينه من زمان فقدتها...
وكانت تتأمل الناس الموجودين في الحرم جاين من كل انحاء العالم جمعهم هالدين....كانوا اللي يصلي واللي يطوف واللي ماسك المصحف يقرا والكل يدور رضى ربه... ....تذكرت وهي في الحرم اهلهايمكن لان اخر مره دخلت الحرم كانت معهم..تذكرت ابوها كيف كان يعلمهم صفة العمره ولما خلصوا السعي حكى لهم قصة هاجر واساعيل عليه السلام ورغم انهم كانوا يعرفون القصه كانت على لسان ابوها غير...استغربت كيف انها تذكرت اشياء نسيتها بس الظاهر ان المكان يذكر الانسان بتفاصيل ممكن يكون نسيها او تناساها.....كان خالد طيب وحنون معها....ويمكن لو ما صار اللي صار كان حتى هي يمكن كان شعورها ناحيته ومعاملتها المتحفظه له تغيرت بس اللحين مستحيل تنسى.....
.
.
.
.
.
كان ودها تنزل الحرم في هالوقت مثل ماكانت متعوده مع اهلها...كان خالد نايم في الصاله....طلعت تشوف يمكن يكون صاحي لقت انه في سابع نومه...
بسمه وهي متردده:"خالد.."
مارد عليها...قالت احاول محاوله اخيره....
بسمه:"خااااالد"
لما شافته مارد كانت راجعه الغرفه...وهي في خاطرها....شكل الحبيب نومه ثقيييل..
خالد:"بس هذي محاولاتك حتى تصحيني...(وهو يقلدها)خاااالد"
التفتت بسمه:"انت صاحي"
خالد:"لا..صحيت لما سمعتك تناديني..."
بسمه:"ليش مارديت..."
خالد:"قلت يمكن تقرب شوي وتصحيني بطريقه ثانيه..."
بسمه:"الحمد الله...ما خبرت طرق ثانيه حتى يصحون الناس..."
خالد:"اولا اعيد واكرر انا مو ناس انا زوجك....ثانيا اقربي حتى اعلمك الطرق"
بسمه:"ههههه...بايخه"
خالد:"وشي للي بايخه.."
بسمه:"ياربي هذا وانت توك صاحي وترفع الضغط حتى نسيتي اش كنت ابغى.."
خالدوهو يغمز لها:"معروف اش تبغين..."
بسمه:"ماشاء الله عليك ذكي....ياللا متى ننزل..."
خالد وهو مسوي نفسه منصدم:"وين ننزل..."
بسمه بضيق:" الحرم..."
خالد وهو يناظر ساعته:" باقي بدري عن الفجر..."
بسمه:"ادري بس ننزل اللحين نصلي ونقرا قران شوي ويأذن..."
خالد وهو قايم:"طيب امرنا لله..."

**********

قاعده مع مشاعل تحكي لها كل اللي صار.....والفرحه تطل من عيونها..
مشاعل:"صرااااحه ماادري اشلون تجيك هالافكار الجهنميه"
عبير:"حتى تعرفين...انا عبير مو حيالله احد"
مشاعل:"ياللطييييف حسبتيها صح"
عبير:"ايه...ولو مو مساعدة ريم كان صعب علي..."
مشاعل:"ماخفتي احد ينتبه..."
عبير:"عاااادي اقولهم ادور ريم "
مشاعل:"طيب اوصفي لي شعور بسمه..."
عدلت جلستها:"بان على ملامح وجهها الصدمه....بس اللي قهرني انها قويه تصدقين مابكت قدامي..."
مشاعل:"وهو اش كان شعوره لما شافك..."
عبير:"ياويل قلبي يامشاعل انقطع قلبي لما شفته المفروض انا اللي مكانها بس ما عليه ما بيطول زواجها منه..."
مشاعل:"هههههه اسال عن شعوره هو مهو انتي..."
عبير:"اول شي حسيته متضايق من وقفته معي بس لما شافي اصيح تغير كل شي..."
مشاعل:"عاد انتي عند الدموع تستاهلين عليها جائزة اوسكار..."
عبير:"ايه لازم انزل دموعي....(وهي تتنهد)بس صدقيني كانت دموع صدق مومثل ماانتي خابره"
مشاعل:"عاد تصدقين ممكن كان راح تخطيطك على الفاضي لو ماطلعت بسمه..."
عبير:"صح...بس انا كان يهمني اشوف ردة فعل خالد....ولما تأكدت انه لازال يحبني تمنيت بسمه تسمع...وهذا اللي صاااار"
مشاعل:"انا ماقلت لك جعلني ما صير لك عدوه..."
عبير:"هههههههه وانا قلت لك انتي غير...."

**********

قاعدت هي تتفرج على التلفزيون وهويقرا الجريده حاول يسولف معها بس كانت ردودها بااارده وجافه وهالشي نرفزه...وقال اسكت احسن....
انتبه على صوت الجوال...وابتسم لما شاف الرقم وقي خاطره فرصتي حتى اقهر بسمه
خالد:"هلا والله بهالصوت...."
بدريه:"هلا بخالد..."
خالد:"اشلونك حبيبتي...."
بدريه:"تمام ....اشلونكم انتوا..."
خالد:"انا بخير مادام اسمع هالصوت"
بسمه مسويه نفسها ولا هامها ....وانتبه خالد علي تقصيرها التلفزيون...
بدريه:"اش اخبار بسمه..."
خالد:"اذا انتي مشتاقه لي مره فانامشتاق الف مره...."
بدريه:"ههههههه حسبي الله على ابليسك تقهر بسمه"
خالد وهو يتنهد:"ياعمري مابطول ان شاء الله يومين وراجع لك وانا كلي شوق..."
ارتفع ضغط بسمه من حركته...اللي حتى وانا قاعده مايحترم قعدتي وقامت ودخلت الغرفه....
بدريه:"خاااالد الله يخليك عطني بسمه اكلمها..."
خالد:"سووووري مااقدر..."
بدريه:"خااالد حرام عليك..."
خالد:"طيب ...لحظه..."
دخل ولقاها قاعده على السرير والشرر يتطاير من عيونها...
خالد:"اشفيك قمتي من الصاله..."
بسمه بعصبيه :"ارتاح وانا بعيده عنك وعن تلفوناتك التافهه و..."
وسكتت لما شافته يأشر على التلفون...
خالد:"فيه ناس يبون يكلمونك..."
وما عطاها مجال ترد وحط التلفون عند اذنها وخرت يده ومسكت التلفون...
بسمه بتردد:"الوووو"
بدريه:"هلا والله بمرة اخوي..."
بسمه وهي مبتسمه "حياك ياام مازن..."
بدريه:"هههههه حسبي الله على ابليس خالد اكيد عصبك..."
بسمه:"لاااا عادي..."
بدريه:"أي عادي وصوتك تو معصبه حيل..."
بسمه:"تدرين اخوك الظاهر عند هوايه عجيبه..."
بدريه:"ايه...هذا هو خالد يحب يناقر أي احد واللحين الله يعيبك..."
بسمه وهي تتنهد:"الله يعيني...المهم اشلونكم ..."
بدريه:"الحمد لله احنا بخبر اشلونك انتي يابسمه واشلون خالد معك..."
بسمه:"الحمد لله كل شي تمام الا اشخبار امل..."
بدريه:"هذي هي بتكسر التلفون وهي تسحبه مني..."
بسمه:"ههههه ماتترك حركاتها..."
امل:"على طول طايحه سب فيني..."
بسمه:"هههه من وين طلعتي ..."
امل:"من وين طلعت يعني احتري تطلبيني لكن مااقول الا مالت عليك..."
بسمه:"هههه توني بطلبك اللحين..."
امل:"صاااادقه....الا اقول اشلون العرس..."
وهي تناظر خالد اللي ماطلع من الغرفه:"اقعدي في بيت اهلك احسن..."
امل:"أيا الظالمه اللي ماتحبين الخير الالنفسك"
بسمه:"هههههه حرام عليك لا تظلميني..."
كان خالد يناظرها وهي تسولف وتضحك اللي من يوم ماتزوجها وهي ماتسولف ولا تضحك معه...
كانت ضحكتها عذبه وزادتها جمال على جمالها......

**********

كانت جالسه في الصاله تفكر بعد ماانتهت اشرافها على ان كل شي يكون تمام قبل وصول الغالي...الله ياخالد ياشين البيت من عقبك...وتحاول طرد مخوفها من تغيرخالد عقب العرس...كل ام لما يتزوج ولدها لازم يصاحب فرحتها غيره ولو بسيطه من مرة ولدها...ام خالد اكيد شعورها غير بسبب انه ولدها الوحيد......انتبهت على صوت التلفون....
ام محمد بدت بهجوم:"وينك ياوخيتي عن التلفون..."
ام خالد:"هههههههه الناس يسلمون اول"
ام محمد:"تلوميني ساعه ادق مااحد يشيل التلفون"
ام خالد:" ما سمعته....تدرين بعد مشغوله خالد بيوصل اليوم"
ام محمد:" اشوف اليوم مستانسه....كأن خالد اول مره يسافر"
ام خالد:" ادري بس سفرته هذي غير...اخاف خالد يتغير بعد الزواج"
ام محمد:"لا تخافين...انتي بس لاتعطينها وجه زياده عن اللزوم....وانا ماراح اخليك من نصايحي"
ام خالد:" هههههههههه وانا اقدر استغني عن نصايحك...عاد تجين اليوم"
ام محمد:"اكيد وانا اقدر مااكون في استقبال خالد"
ام خالد:"حتى خالتي(جدة خالد) بتجي اليوم"
ام محمد:"مااقول الله يصبرني على ثقالة دمها"
ام خالد:"ماادري ليش تكرهينها مع انها والله طيبه"
ام محمد:"انتي بس شوفي كيف تكلمني ونظراتها لي...وبعدين قولي طيبه"
ام خالد:"ههههههههه اللي يسمعك يقول ياحليلها ضعيفه وانتي ما شاء الله عليك ماتقصرين"
ام محمد:"ياللطيف اللي مثلها ماتوا من زمان ..."
ام خالد:"حراااام عليك....قولي ماشاء الله..."
ام محمد بضيق:"ماشاء الله...بس لا تخافين عليها حتى العين ماتضرها.."
ام خالد تبغى تغير الموضوع:"اشلون عبير..."
ام محمد وهي تتنهد"ماعليها...هالطلاق فرقها هي وخالد عن بعض..."
ام خالد:"الزواج قسمه ونصيب وهي الله يرزقها"
ام محمد:"اللهم آمين...اش خبار بدريه وساره..."
ام خالد:"ما عليهم بدريه في بيتها وساره لها عندنا يومين..."
ام محمد:"اشوفك ماتتصلين اثاري ساره وعيالها عندكم..."
ام خالد:"ايه والله عيالها ملوا البيت علينا...الله يمد بعمري حتىاشوف عيال خالد..."
ام محمد واللي ماعجبها يكون لخالد عيال من بسمه:"ان شاء الله"
ام خالد:"عاد لا تتاخرين اليوم"
ام محمد: ان شاء الله ياللا مع السلامه...
ام خالد: ياهلا حياك الله
بعد ماسكرت راحت تفكرفي خالد اللي له معزه خاصه في قلبها وكانت تتمناه
لبنتها.....

**********


كانت في الطياره بجنب الدريشه...وتفكر في اهل خالد اللي كيف بيكون استقباله لها..
تتمنى بدريه تكون فيه لانها هي وبناتها الوحيدات اللي متعوده عليهم...
انتبهت على خالد يهز كتفهها....
خالد:"بسمه نايمه"
بسمه:"لا..."
خالد بضيق:"طيب ليه ماتدرين لما اكلمك..."
بسمه ببرود:"ما سمعتك...ليه بغيت شي"
خالد:"ايه...اربطي حزام الامان قربت الطياره تهبط..."

ناظرها خالد وهي تعدل جلستها وتربط الحزام...قرر خالد يرجعون طايره وشحن سيارته على الرياض لما لاحظ ان بسمه كانت اعصابها متوتره وهم مسافرين...
فكرمر عليه الاسبوع بسرعه مايكدره الابرود بسمه معه اللي كان يخليه يعصب احيانا بس كانت تقابل عصبيته بكل برود...
شعوره ناحية بسمه يغلبه الشفقه والعطف (وتنهد)لما تذكر ان القلب مستحيل يحب غير عبير...

**********

كانت معصبه على رفض امها ....
عبير:"اش فيها لورحت بيت خالتي..."
ام محمد:"ما فيها شي...روحي يوم ثاني... بس اليوم لااااااااااااا"
عبير تحاول تستعطف امها:"يمه اهون عليك تروحين ونخليني..."
ام محمد:"ياعبير اليوم خالد بيوصل وماعندهم احد الاخواته يعني اكيد بيجلس معاهم.....
انتي وين تروحين.."
عبير:"ابروح انا وريم غرفتها...."
ام محمد:"روحي اليوم عند وحده من صديقاتك بس بيت خالتك لا..."
عبير:"يمه انتي تعقدين الامور..."
ام محمد:"لا مااعقدها اليوم مانتي رايحه...."
عبير:"اففففف بعدين اش الفرق بين اليوم غيره"
ام محمد:"اليوم توهم واصلين من السفر فماله داعي تروحين..."
عبير:"حتى انتي ماله داعي تروحين..."
ام محمد:"انا غير.."
ولما شافت بنتها المددله متضايقه ماعجبها الوضع....
ام محمد:"اتصلي في مشاعل واعديها واطلعوا تمشوا"
ماردت على امها وهي تفكر في اقتراحها وهي في خاطرها لا تدرين عن طلعاتي انا ومشاعل ماقلتي روحي....

**********
يتبع

كان فهد في استقبالهم....انتظروا الشنط وراحوا لسياره كانت تمشى ورى خالد اللي ماخذ راحته مع ولد عمه ولا حتى يلتفت اذا هي وراهم...اول ما وصلوا السياره فتح لها باب السياره اللي وراه...وكانوا طول الطريق ضحك وسولف وهي في خاطرها شكلك ياخالد محبوب من كل اهلك...
فهد:"اشوف وجهك منور..."
خالد:"هههههههه عقبالك...."
فهد:"الله يسمع منك........"
خالد:"هههه طالعه من قلبك...."
فهد:"ياخي كنت عادي الين تزوجت انت....حسيت اني زهقت من العزوبيه..."
خالد يبغى يقهر بسمه:"لاحق ياخوي على الهم...."
فهد حس ان كلمت خالد قويه وحب يلطف الجو:"ماعليه انا راضي بالهم انت ماعليك..."
خالد:"هههههههه بس من هالمنحوسه اللي بتقبل فيك..."
فهد:" افااااااا اللي بتاخذني تكون منحوسه.....ما عليه معرس ومقبول منك......"
خالد:"فيه يعني ميزات للمعرسين الجدد..."
فهد: "ايه....بس عاد لا تزودها"
خالد:"اشلون الرياض واهل الرياض..."
فهد:"الرياض طيب ويسلم عليك واهل الرياض اللحين توصلهم وتسلم عليهم"
خالد:"واشلون الشغل..."
فهد:"انا ماادري على من طالع تحب الشغل..."
خالد:"على ولد عمي فهد"
فهدوهويقصر صوته:"حاشا وكلا....انا من اسافر انسى الشغل وابو الشغل ....اشلون لو اعرس...سنه مابداوم..."
خالد:"هههههه سنه يالظالم....اجل مافيه عرس..."
فهد:"ههههه امزح يااخوك لاتصدق ..."

اول ما دخلوا البيت نزل فهد ودخل المجلس علشان تاخذ راحتها....بسمه...
فتح خالد الباب لها...
بسمه:"ياليت ياخالد لما اكون في مكان تحترم قعدتي..."
خالد وهويمثل البرائه:"اش سويت؟؟"
بسمه:"يوم تقول لولد عمك لا حق على الهم.."
خالد:"تتعبين يابسمه اذا بتدققين في كل كلامي..."
بسمه:"عموما الله يصبرك يازوجي العزيزعلى الهم اللي باقي ماشفته..."
ابتسم خالدغصبا عليه:"في بيتنا وتطولين لسانك علي....".
بسمه:"انا ماطولت لساني انا قلت الحقيقه"
خالد:"اقول...خلينا الحين ندخل تلقين امي وابوي يحترونا..."
ما استغربت بسمه لما شافت بيت اهل خالد.....كان قمه في الفخامه ويدل على ذوق راقي.....
كان ابوه وامه اللي في استقبالهم سلموا عليهم وحست بحرارة لقاء خالد مع امه...
ام خالد:" يابعد عمري ياخالد...البيت من غيرك ما يسوى..."
خالد:"افاااااااا...الظاهر بتزعلين علينا ابو خالد الحين..."
ابو خالد:"لا......منيب زاعل لان هالموال من يوم سافرت واحنا نسمعه..."
ضحك خالد وحب راس امه:"الله لا يحرمني منك يالغاليه..."
ابو خالد:" احسك يابسمه ضعفانه....لايكون هالمتوحش مايأكلك..."
بسمه قالت في خاطرها اخيرا احد عبرنا:"ههههه احسن ياعمي خلني اضعف شوي.."
ام خالد:" وانتي صادقه احسك شوي دبه....الا انت ياخالد كانك ضعفان يمه..."
استغربت بسمه من خالتها وخالد ما قدر يمسك ضحكته واللي قهرت بسمه زياده...
ابو خالد حس باحراج بسمه:"حرااام عليك شوي وتختفي....الا اقول ياخالد اطلع بمرتك فوق وارتاحوا شوي..."
خالد وهوقايم مسك بيد بسمه:"يالله يادبدوبتي.."
ما قدرت ترد عليه بسمه بس لما اختفوا عن اهله فكت يده بقوه...
خالد: "عادي قولي فك يدي بفكها من غير هالقسوه.............يا.......دبدوبتي..."
وقفت بسمه والشرر يتطاير من عيونها:"دبدوبه في عينك......"
خالد:"ههههههههه"
كانوا وصلوا دخل خالد وتسبح وهي جالسه في الصاله وتفكر في ام خالد ومعاملتها اللي من اولها حستها جافه معها....
طلع خالد بعد خلص لبسه وكان نازل:"انا نازل تحت لا تتاخرين......(التفت وهوييتسم).يا.............دب.... اسف اقصد يا بسمه..."

بعد ماطلع دخلت الغرفه ولقت ملابسها واغراضها مرتبه...وقفت عند المرايه وهي تناظر نفسها...قالت في خاطرها...حرام عليهم والله انا مودبه....دخلت الحمام وتسبحت
بعد ماخلصت من لبسها شافت السرير وكانت تتمنى تريح عليه شوي..... سمعت الباب يطق....لما التفتت شافت امل....
امل:"مراااااحب يااحلى عروس..."
بسمه: "هلا والله اموله..."
امل وهي متجهه لها:"اشفيك مانزلتي...لا يكون تتغلين..."
بسمه بعد ماسلمت:"أي تغلي الله يهديك.....بس توني مخلصه...."
امل:" ياللا ما دامك خلصتي خلينا ننزل..."
بسمه وهي تمسك بيدها وتوقفها:"لحظه.....فيه احد غريب..."
امل:"طبعا غير الموجودين في البيت...فيه خالتي ساره وجدتي و.....ام عبير"
بسمه لما سمعت اسم عبير تغيرت ملامحها:"وعبيرمعها..."
امل:"لا.....بس لازم تعودين نفسك على شوفتها....لانها هي وخالتي ريم دااااايم مع بعض..."
تنهدت بسمه وقالت في خاطرها الله يعيني....
حست بالخجل اول مادخلت علهم خصوصا وهي حاسه انظار الكل موجهها لها وحست البرود والكره يمكن في نظرات ريم لها ....والحذر في نظرات ساره وامها....والحنيه كانت تطل من عيون بدريه.... ونظرات ماعرفت نوعها في عيون ام محمد وخافت منها لانها واضح انها انسانه تعرف تخفي مشاعرها....بعد ماخلصت من السلام عليهم انتبهت ان خالد جالس وقريب منه حرمه كبيره في السن عرفت انها جدة خالد اتجهت لها وسلمت عليها كانت تناظرها بنظرات كلها اعجاب....
دزت ام عبد الرحمن خالد اللي كان بجنبها من كتفه:"وخر خل حرمتك تجلس بجنبي..."
وبدل ما يقوم خالد ويجلسها بمكانه....وسع لها مكان صغير:"افاااا خلاص الحين ماتبغيني..."
وجلست بسمه في الوسط بينه وبين جدته....وكانت تقريبا ملاصقه لخالد وهالشي ضايقها
ام عبد الرحمن و هي تتأمل بسمه:" ياملحها...مرتك ياخالد...انا اشهد انها مزيونه..."
توردت خدود بسمه من الحيا...وحست ان الكل يدقق فيها واولهم خالد....
خالد:" هههههه....يمه الحين بتكبرين راسهها علينا...."
مدت جدة خالد يدها وسحبت خالد من ثوبه بلطف وهالشي قربه من بسمه اكثر مما هو قريب....وسمعت جدته وهي تهمس له:"خلها تكبر راسها والله انها ازين من المقروده اللي بغيت..."
خالد بحسره ويحاول ان بسمه ماتسمعه :" كل انسان ياخذ نصيبه ياميمتي..."
ام عبد الرحمن:" ياولدي والله ما حبيتها لا هي ولا امها...."
خالد:"لا جدتي الله يخليك ماارضى احد يسب خالتي وبنتها..."
ضربته على راسه ضربه خفيفه:"مالت عليك وعلى خالتك..."
بسمه وهي تهمس لخالد:"تستاهل...."
لما قلت له كذا درى انها سمعت كل شي...
ام محمد كانت تناظرهم وهم يسولفون مع جدة خالد وهي ميته قهر تبغى تعرف في ايش يسولفون....
ام محمد:"ما شاء الله ياام عبد الرحمن...اشوف بينك وبين العرسان اسرار..."
ام عبد الرحمن:"هذا....انا الله يسلمك اللي احبهم دايم يكون بيني وبينهم اسرار..."
ام محمد:"خالد وندري ان حبه عندك غير...بس مرته مسرع حبيتيها..."
ام عبدالرحمن تبغى تقهرها:"دخلت قلبي من اول ما دخلت وحسيت انها هي اللي بتسعد خالد.... الحين غلاتها مثل غلات خالد عندي..."
خالد:"الله يستر من دقيقتين شايفتها صارت مثل غلاتي اخاف بعدين تصير اغلى..."
بدريه:"ههههههه اكيد بتصير اغلى منك..."
ام عبد الرحمن:"شوفي يابسمه اذا زعلك هالولد انتي بس كلميني ...."
بسمه:"ههههههه اكيد ماراح اكلم الاانتي..."
سكتت لما دق جوال خالد ومسك يدها علشان تسكت ...
خالد:"يااخي تراك ازعجتني..."
فهد: "الشرهه مو عليك الشرهه على اللي فرحان برجعتك...."
خالد:" يااخي لا تفرح بجيتي ولا تتصل..."
فهد:"ايه...بس اليوم بعض الناس ينصحون.... لا تعرس ولاحق على الهم... والحين ماتبغى تطلع من البيت...."
خالد:"ههههه ياخي كيفي نذل وابغى اضيع مستقبلك..."
فهد:"طيب....ياولد عمي النذل....انا مجتمعين ونبغى نشوفك..."
خالد:"ههههههه ماادري....ما اقدر اوعدك اشوف جدول مواعيدي وارد عليك"
فهد:"تصدق اتمنى اني قريب منك علشان اكسر الجوال على راسك....مو كفايه طالع المطار ولما وصلتك البيت... طلعت ونسيت الضعيف اللي منطق في المجلس ..."
خالد:"ههههههه..."
فهد:"المهم نحتريك لاتتاخر..."
خالد:"على خير..."
بعد ماسكر كان لازل ماسك يد بسمه اللي كانت تحاول تفك يدها منه بلطف حتى مايحسون اللي حولهم بس كانت محولاتها فاشله....
خالد وهو يناظر يد بسمه:"اش جاب يدك في يدي..."
بسمه وهي تتصنع الابتسام:"اسأل نفسك..."
خالد يبغى يحرجها:"عيب يابسمه تمسكين يدي قدام اهلي خليك شوي ثقيله..."
كتمت بسمه شهقه: "انا اللي عيب...."
خالد:"ماهو عيب ياجدتي ان بسمه تمسك يدي بهالطريقه..."
ام عبد الرحمن:"خاااااااالد....خل البنيه في حالها"
خالد:"وين حريم اول...اللي الوحده تستحي من خيالها مهو بنات هالايام...مو صح ياجدتي."
ام عبد الرحمن:"حالد من كلمك تو؟؟؟
خالد:"فهد..."
ام عبد الرحمن:"اجل رح لفهد لاراويك حريم من اول"
خالد:"هههههه تهديد خطير"
خالد وهوقايم قرب من اذنها وهمس:"يازينك وانتي مستحيه...."
ام خالد:" وين رايح ياولدي ماشبعنا منك...."
خالد:"مواعد الشباب يمه...وبعدين لاتخافين بتملين مني...."
ام خالد:"الله يحفظك ياولدي ماينمل منك..."
بعد ماطلع خالد وكانت بسمه منحرجه ومستحيه من حركاته...
امل انتبهت لها وحبت تلطف الجو:"اقول يابسمه متى بتروحين تسجلين في الجامعه..."
بسمه:"ماادري...انتي متى بتروحين....."
امل :"الاسبوع الجاي اشرايك نروح مع بعض..."
بسمه:"ياليت والله..."
ام محمد كانت تناظر بسمه وهي في قلبها حاقده عليها...واللي قهرها انها تحس ان خالد بدى ينجذب لها...من خلال مزحه وكلامه معها حتى نظراته لها ماعجبتها...
********

كانوا كالعاده قاعدي يتعشون بعد ماخلصوا جولتهم اللي في السوق....و
مشاعل:"ماادري اش اسوي معه...."
عبير:"ارفضي..."
مشاعل:"ياعبير زهقت من الحاحه مااكلمه الا ولازم تطلعين معي..."
عبير:"انتي مهو واعدتيه كذا مره وقعدتي معه...."
مشاعل:"ايه بس يبيني اركب معه في سيارته وناخذ جوله على قولته...."
عبير:"تدرين خليك معه حازمه ورفضك قاطع....واذا كان مصمم اتركيه...."
مشاعل:" مااقدر.."
عبير:"وليش ماتقدرين..."
مشاعل:"احبه...."
عبير:"ههههههه تحبينه"
مشاعل:"لا تضحكين ايه احبه واموت فيه...."
عبير:"ها....انتي يالخبله تدرين اش مصير هالحب...."
مشاعل بتردد:"هو واعدني يتزوجني...."
عبير:"مشاااااااعل انتي صاحيه"
مشاعل وهي تحاول دموعهاتخفي تنزل:"غصب عني والله احبه واموت فيه وعشانه تركت كل اللي اكلمهم...."
عبير:"ياغبيه يلعب عليك...."
مشاعل:"لا.....سعود غير..."
عبير:"كيفك انتي حره....على فكره اشلون بنت خالتي مع...اش اسم اللي تكلمه؟؟"
مشاعل:"اسمه وليد....ههههه تدرين توصيني عبير لا تدري مادرت انك سابقتها...."
عبير:"ايه انتبهي لا تغلطين قدامها..."
مشاعل:"افاااا عليك....بس تدرين اول يوم لما عطيتها الرقم وانا منسقه مع سعود....لما خلصت مكالمتها ضحكت وقلت لها شفتي الامور بمنتهى السهوله قالت ماانتي زعلانه لانه كلمني...لاني قايله لها قبل ابغى اتأكد اذا سعود يخوني..."
عبير:"هههههه...واكيد لقيتي لك مخرج كالعاده"
مشاعل:"تعرفين مشااااعل خيالها واااسع عند الكذب"
عبير:"تقولين لي عن مشاعل.... بس تصدقين احس لو يدري خالد عنها بيموتها...."
مشاعل:"ايه ميته خوف لو يدرون اهلها عنها"
عبير:"طيب تكلم غيره...."
مشاعل:"بنت خالتك تقول مستحيل تكلم غيره.....مسكينه تعتبره حبها الاول والاخير"
عبير:"ماتنلام....اذا انتي طحتي في الحب بهالطريقه وانتي عااااارفه الشباب وكذبهم و...."
مشاعل تقاطعها بعصبيه"قلت لك سعود غير..."

**********

قاعدين مع الشباب....هو وعيال عمه واللي يعتبرهم اكثر من اخوانه...
ناصر:"اشلون مع العرس ياخالد"
خالد"تمام الحمد لله..."
فيصل:"ياشيخ شف وجهه كيف..."
خالد:"اش فيه وجهي اذا على الزين من يومي مزيون..."
فهد:"مشكله الغرور...."
خالد:"هذا مو غرور هذي اسمها ثقه في النفس..."
ناصر:"احلى ياواثق في نفسه..."
فهد:"الثقه بالنفس اذا زادت تنقلب غرور...المهم اش رايكم نطلع المزرعه..."
فيصل:" طلعنا الاسبوع اللي راح ليه ماطلعت معنا...."
فهد:"سوووووري اذا خالد مهو فيه مااحب اطلع..."
ناصر:"فيصل تسمع اخوك...."
فيصل:"اسمعه...شكلي بتبرى منه..."
خالد:"ههههه عادي انا بتبناه..."
فهد:"شايفني انت وياه تحت السن القانونيه حتى ادور احد يتبناني...وانت ياخويلد الشرهه مو عليك الشرهه علي انا اللي ابغى احسسك بقيمتك عندي...."
خالد:"ههههههه لا تعصب ...حتى انا اذا انت ماطلعت المزرعه مااطلع...."
ناصر:"ماقدرنا نخرب عليكم كالعاده لكن ماعليه الجايات اكثر...."
فهد:"بتتعبون معنا..."
فيصل:"احنا شعارنا في الحياه لا يأس مع الحياة ولا حياة مع اليأس"
ناصر:"صادق يافيصل بجيهم يوم ويكرهون بعض..."
خالد:"هههههه الله ماعطاني اخوان لكن انتم اكثر من الاخوان..."
ناصر:"احمد ربك عندك خوات لكن انا اللي لا اخت ولا اخو..."
فيصل:"اللحين عندك التوم ملوا عليك حياتك..."
ناصر:"صادق حقيقي كنت قبل اتمنى صحيح بس ما حسيت بقيمتهم الا من بعد ماجوني ..."
خالد:"الله يحفظهم لك..."

**********

بعد ماراح الجميع طلعت هي وامل اللي قررت تنام عنداهلها غرفتها...وكنت امل تكلم دلال في التلفون وبسمه سرحانه في اهل خالد...اللي شكل حياتها معهم صعبه وتنهدت لما تذكرت ان حياتها مع خالد اصعب....ولما تذكرت خالد حقدت عله وعلى تصرفاته واللي تحرجها قدام اهله...وتخيلت لو انه تزوج عبير كيف كان بيعملها تنهدت وهي في خاطرها اكيد بتكون معاملته لها غير ...
امل:"ها....اكلمك"
بسمه:"ماسمعتك..."
امل:"تسلم عليك دلال..."
بسمه:"ليش تسكرين بغيت اكلمها"
امل:"كانت مستعجله....زواجها بعد اسبوعين..."
بسمه:"خلاص تحدد"
امل:"ايه...بس بيكون عائلي.."
بسمه:"الله يوفقها...تستاهل كل خير"
انتبهوا على خالد اللي توه فتح الباب...لما شافته بسمه راحت الابتسامه اللي كانت على وجهها....وانتبه خالد عليها...
خالد:"اموله عندنا...مااصدق"
امل:"لا صدق...بس تعال بالله في عريس يترك عروسته ويسهر لنص الليل"
خالد:"انا ماتركتها الا وانا متاكد انها في ايد امينه..."
جلس قريب من امل واللي لما جلس قامت هي....
خالد:"اش فيك قمتي الظاهر اذا حضرت الشياطين قامت الملائكه"
امل:"لاااا بس بروح عند خالتي ريم اكيد تنتظرني"
بسمه:"قعدي سولفي معنا شوي..."
امل التفتت لما وصلت للباب:"اطلع بكرامتي احسن....تصبحون على خير"
بسمه وخالد:"وانتي من اهل الخير"
بعد ماسكرت الباب وراها...التفت خالد على بسمه...
خالد:"اش فيك كنتي مبسوطه حتى شفتيني كشرتي"
بسمه:"مسوي برئ ولا تدري"
خالد:"لااااا ماادري ...."
بسمه ومهي تعدل جلستها:"خالد لو سمحت لا تحرجني بالكلام او التصرفات قدام اهلك..."
خالد ببرود:"انا مااحرجتك..."
بسمه واللي كانت تحاول تمالك اعصابها:"لا احرجتني غير هالطبع لو سمحت"
خالد:"شوفي يابنت الناس هذا طبعي ومستحييييل اغيره وتراك ما شفتي الجانب السئ في خالد"
بسمه:"لا....غلطان شفته تبغى اذكرك متى..."
عرف خالد انها تقصد يوم زواجهم...
خالد وهو معصب:"اسمعي يابسمه زين لاني مارح اعيد هالكلام ....اقسم بالله اني مادريت عن عبير...واني ندمان على اللي صار لاني ادري انه شي غلط وما تزوجتك الا وانا ناوي اسعدك مو شي ثاني..."
بسمه:"وعبير ماتحبها..."
خالد:"ليش يابسمه تسألين عن اشياء ممكن تزعلك...."
بسمه:"ليش تزوجتني ماتزوجتها هي..."
خالد في خاطره اش تبغين اقولك اني كنت بطلقك بس الله ماكتب...
خالد:"الله كاتب اني اتزوجك انتي..."
بسمه:"تتوقع في حياه تنجح بدون حب..."
خالد:"اكيد تنجح اذا كان بين الزوجين احترام متبادل وعندهم رغبه في انجاح هالزواج"
بسمه:"انا اعتبر ان الحب هو اساس الزواج"
خالد:"انتي صغيره يابسمه...و..."
بسمه وهي تقاطعه:"تكفى يالكبير...يكون في علمك حياتي اللي عشتها علمتني اشياء مستحيل تعرفها انت اوغيرك في حياتكم المترفه..."
خالد بضيق:"اما عليك لسان...ياللطيف اللحين اش سبب هالموال كله؟؟"
بسمه:"لا تضايقني قدام اهلك..."
خالد:"اشلون تبغين اعاملك ياحلوه..."
بسمه:"اعتبرني مو موجوده..."
خالد:"يعني اسفهك..."
بسمه بضيق:"ما يخالف اسفهني.."
خالد بستهبال:"طيب اذا كلمتيني ارد عليك ولا اسفهك..."
عصبت بسمه لما حست انه ياخذها على قد عقلها...
بسمه:"تدري ادخل اناااام احسن..."
خالد:"تعالي وين رايحه..."
بسمه:"نعم..."
خالد:"ان شاء الله تظنين اني بنام في الصاله"
بسمه:"ايه..."
خالد:"سووووري ياحبيبتي ظهري تكسر من نومة الكنبه عشان كذا بنا معك داخل"
بسمه :"خلاص انا بنام في الصاله...."
خالد:"كيفك...بس تأكدي ان وجودك في الغرفه مرحب فيه..."
بسمه:"لاااا مشكور بكون كذا مرتاحه اكثر"
خالد:"بعذرك انانيه....بس تأكدي ان الوضع مارح يطول..."
ماردت عليه بسمه ودخلت تاخذ مخده ولحاف وهي خايفه من كلمته الوضع مارح يطول اكيد يقصد الطلاق....
الجزء الحادي عشر....


احساسها بالغربه يزيد يوم عن يوم....ما تحس نفسها تنتمي لهالعايله...كانت معهم في السياره وهم متجهين للمزرعه...سوالفهم وضحكهم كلها ندور عن المزرعه وذكرياتهم فيها...ولا احد تكرم وسولف لها عن هالمواقف بشرح اكثر بس تسمع... تذكر يوم العيد اشصار...تتذكرين جدتي يوم هاوشت عمي....ومن هالكلام اللي بس يسمعونه يموتون ضحك وهي مثل الاطرش في الزفه....طبعا خالد من كثر ماهي متحفظه وبارده معه زهق وصار حتى هو قليل كلام معها واذا بيتكلف ويكلمها بس يحرجها ويرفع ظغطها...
تنهدت وهي في خاطرها ياربي اذا احس نفسي هنا غريبه وفي بيت عمي غريبه....
وين مكاني....
خالد:"بسمه..."
بسمه:"ها تكلمني..."
خالد:"صح النوم..."
بسمه:"لا ماكنت نايمه بس كنت سرحانه شوي..."
خالد:"شوي بس....الا سرحانه حيل...امي تكلمك بس مارديتي..."
ام خالد:"اسألك اش سويتي في الجامعه انتي وامل..."
بسمه:"سجلنا وان شاء الله خير...."
خالد وهو يقاطعها:"لا تخافين عليهم يمه جابوا نسب تدخلهم الطب لو بغوا..."
ريم:"ياحبك للمبالغه..."
خالد:"وانتي ياحبك للقافه....بس بعذرك الغيره ماكله قلبك من نسبهم..."
ريم:"الحمد لله وليش اغار....اصلا انا لو بغار مااغار من نسبه"
خالد في خاطره اش هالغباءهم شكلهم مايحبون بعض اقوم انا اشعللها بينهم...
ريم:"الا انتوا يابسمه ماعندكم مزرعه..."
بسمه:"لا...."
ريم:"مااصدق ان فيه احد ماعنده مزرعه..."
بسمه:"لا حبيبتي صدقي..."
ريم بااستهبال:"طيب اشلون عايشين..."
بسمه:"شوفي حبيبتي....فيه مقومات للحياه حتى الانسان يضل عايش....بس مابينهم ان الواحد يكون عنده مزرعه"
ابتسم خالد وهو يقول مهو لسان عليك يابسمه...
ريم اللي مالقت رد على بسمه:"اقول يمه تدرين ان خالتي وعبير بيجون مع العنود...."
رفعت بسمه نظرها في المرايه تبغى تشوف ردت فعل خالد...بس ما بان على ملامحه أي تعبير...
ام خالد:"ايه ادري تو قبل مانطلع قلتي لي..."
عرفت بسمه لما سمعت رد خالتها ان ريم تبغى تضرب عصفورين بحجر تبلغ خالد ان عبير بتجي وتقهر بسمه....

^^^^^^^^^^
يتبع

-"والله قهر يمه اليوم مانروح المزرعه..."
بدريه:" اش نسوي ياامل ابوك بيجي اليوم من السفر صعبه نروح المزرعه ونتركه...
امل:"طيب اذا جا ليه مانروح...."
بدريه:"على حسب اذا هو وافق ماعندي مانع..."
امل:"ياربي يوافق..."
بدريه:"امل اللي يسمعك يظن اول مره تروحين المزرعه..."
امل:"بس هالمره غير...."
بدريه:"عشان بسمه"
امل:"ايه...كان خاطري اول مره تروح بسمه اكون معها حتى ننبسط...."
بدريه:"ماعليه...تعرف بسمه تنبسط مع الموجودين..."
امل:"صحيح بس كلهم حريم كبار وخالتي ريم اللي مستحيل تاخذها تسولف معها او تفرجها على المزرعه"
بدريه:"الله يهديها ماادري ليش تكرهها"
امل:"يوم نمت عندهم حاولت اعرف اش سبب كرهها لبسمه وماعندها الااكرهها بدون سبب"
بدريه:"لا واليوم عبير بتروح المزرعه..."
امل:"ياربي من هالبنت اذا هي مجنونه اهلها ما يفكرون اشلون تطلع المزرعه وفيه موجوداللي كان خطيبها..."
بدريه:"عااادي عندهم...ما يشوفون فيها شي"
امل:"اكيد اللحين بيكرهونها في المزرعه من اللي بيسونه..."
بدريه:"الله يعينها تتحمل مين ولامين....حتى عمها زعلان عليها ليه مامرته..."
امل:"توهم واصلين لهم يومين وكانت بتروح اليوم بس خالي خالد قالها اذارجعنا من المزرعه..."
بدريه:"تقول ام عبد العزيز من تزوجت حتى التلفون ماكلمتهم..."
امل:"ياويلها من ربي الظالمه كلمتهم ثلاث مرات اول مره من مكه...حتى تقول خالي خالد كان موجود وانحرجت من اسلوبهم معها اللي ماتغير قدام خالي اللي اكيد لاحظ...."
بدريه:"ياللا الحمد لله اللي الله فكها منهم وان شاء الله ترتاح مع خالد..."
امل:"ان شاء الله...."

^^^^^^^^^^

اول ماوصلوا المزرعه كانت بسمه متضايقه انها بتشوف عبير...نزلوا وراحوا مكان الحريم....
وتضايقت لما شافت عبير وامها وصلوا....راحت سلمت على جدة خالد وسلمت على البقيه الا عبير ماسلمت عليها لانها ماتبغى تسلم عليها ولان عبير ما قامت اصلا...والكل انتبه....
ام عبد الرحمن :"ياهلا والله ببسمه"
راحت بسمه وجلست بجنبها:"اشلونك ياجده..."
ام عبد الرحمن:"انا بخير من شفتك...."
عبير في خاطرهها مالت عليك وعليها ياالعجوز الساحره...
بسمه:"هههه الله يحفظك....."
ام محمد:"اشلون خالد..."
ام خالد:"بخير الله يسلمك..."
ام محمد:"يوم حطكم ااشرت له ينزل يسلم بس شكله ماانتبه"
ام عبد الرحمن:"يمكن انتبه بس تلاقينه قال اشفيها خالتي خرفت تبغى تدخلني عند الحريم..."
ام محمد وهي في خاطرها من كلمك ياعجوزالنحس:"مافيه احد غريب كان تغطوا ودخل سلم علينا..."
ام عبد الرحمن:"توك قبل امس مسلمه عليه...ياحبكم لكثر السلام"
ام محمد:"ايه انتي اش عليك ما فيه احد غريب بتروحين اللحين وتسلمين عليه "
ام عبد الرحمن:"ولدي واروح اسلم عليه كيفي..."
ام فيصل حست ان فيه حرب بتقوم وحبت تغير الموضوع:"
ام فيصل:"وين بدريه مااشوفها ياام خالد"
ام خالد:"كلمها ابوها على انه بيمر عليها بس مارضت تقول عبد الله بيجي اليوم..."
ام محمد:"خسااااره ياليتها جات.."
عبير من ورى قلبها :"أي والله ماتحلى المزرعه الاببدريه...لنا معها ذكريات كثيره"
ريم:"الذكريات في المزرعه لك انتي اللي كل ماطلعتي يصير لك ذكريات غير شكل..."
عبير:"ههههه صادقه..."
ام عبد الرحمن:"من شطانتها والله كل شوي مسببه مشكله"
عبير وهي تكمل كلامها ولا كأنها سمعت ام عبد الرحمن:"تذكرين يوم تسلقت الشجره وقعدت اصيح الين جا خالد ونزلني..."
ام محمد:"ياحبي لخالد ماكان يساعدك الا هو..."
ام عبد الرحمن:"هذا هو خالد حنووووون على أي احد مره طلعنا وكان فيه السوداني عبد الرحيم اللي يشتغل في المزرعه....وتعلق ولده في الشجره وطلع خالد ونزله ...عاد انا مسكته عقب وقلت شف ياخالد انت ماتعرض نفسك للخطر عشان اللي يسوى واللي مايسوى(وهي تناظر عبير)جعلهم يطيحون وتتكسر ضلوعهم حتىيتأدبون و مايتعلقون في الشجر"
ام محمد عرفت انها قاعد تدعي على بنتها بطريقه غير مباشره...
ام خالد:"بس ياخالتي عبد الرحيم مرته وعياله كانوا في السودان..."
ام عبد الرحمن:" لا مره سافرتوا في الصيفيه وجاب عياله"
كان الجميع عارف ان ماعمره جاب عياله بس مستحيل يكذبون خالتهم.....
حاولت بسمه تخفي ابتسامتها وعرفت ان ام عبد الرحمن مهي هينه....

^^^^^^^^^^

كان ابو فيصل وابو خالد وابو ناصر قاعدين بعيدين عن الشباب وماعندهم الا الشركه والمشروع الفلاني...
فهد:"يااخي هالشياب مايملون في الحكي عن الشركه..."
ناصر:"اقلها كلامهم مفيد مهو انت....اللي ماتسكت على غير سنع...."
فهد:"مشكوووور على مدحك لي.....هذا وانا بتزوج بنتك"
خالد:"بسم الله على ريناد من تتزوجك..."
فهد:"انت يالملقوف من كلمك...."
خالد:"بنت اختي....ويحق لي اتكلم..."
فهد:"اذا جيت اخطب بنتك الشينه تكلم على كيفك...."
فيصل:"حكمت عليها شينه "
فهد:"اكيد شينه مادام ابوها خالد...."
خالد:"تطول انت بس...."
ناصر:"اشرايكم نلعب كوره...."
محمد:"احسن والله من سوالف فهد اللي كل شوي يميل على احد....."
فهد:"اشوفك قلبت علينا ياابو نسب...."
محمد:"هههههه من عاشر القوم....اخذت طبعك"
خالد:"ضاع مستقبلك اذا اخذت طباع فهد...."
فهد:"اقول اشرايكم نروح نسلم على جدتي...."
ناصر:"ما كنها معكم في البيت...."
فهد:"بس السلام عليها في المزرعه له طعم ثاني....."
خالد:"استريح...خل له طعم ثاني..."
فهد:"يااخي حرمتك بنقولها تتغطى...."
خالد:"وخواتي نسيت انهم موجودات...."
مال فهد على ناصر اللي قريب منه وتكلم بصوت ماسمعه الاناصر"ما قطع قلبي الا خواتك"
ناصر عرف انه يقصد عبير وانفجر بالضحك...
خالد:"اش قلت...."
فهد:"ابد سلامتك طال عمرك...."
خالد:"ناصر ليش ضحكت"
ناصروهو يناظر فهد:"اقووووول"
فهد:"والله عاد انت وضميرك..."
ناصر:"لا انا الحمد لله ضميري حي عشان كذا بقول"
خالد:"تدري ماابغى اسمع بس قمنا نلعب شوي...."

^^^^^^^^^^

كانت قاعده تسولف مع العنود وساره وزهقت لما انقلبت سوالفهم عن العيال والحمل ومتاعبه....في خاطرها اقوم احسن من هالسوالف اللي مالي فيها....
راحت تمشي في المزرعه وهي ماتدري عن الجهه اللي مافيها رجال حتى تبتعد عنها...
وهي تمشي سمعت صوت ريم وعبير يضحكون راحت حتى تسأل ريم....
بسمه:"ريم...لو مشيت من هالجهه بيكون فيه رجال..."
لان بسمه ماكانت تناظرهم مانتبهت لعبير لما اشرت لريم...
ريم بارتباك:"لا...."
وراحت بسمه اللي لو ماكانت مظطره ماسألت ....
ريم:"ليش خليتيني اكذب عليها..."
عبير:"احسن تستاهل..."
ريم:"حرااام اللحين لو تكمل بتصير وسط الرجال.."
عبير:"ليش شايله همها..."
ريم:"مهو شايله همها بس حرام تصدقين خالد ماادري اش يسوي فيها..."
عبير:"ان شاء الله يطقها..."
ريم:"انا ماعلي منها بس حرام حرمه مستره واطلعها على الرجال..."
عبير:"تراك زهقتيني ماعليك منها..."
ريم وهي قايمه:"بروح اقولها..."
.
.
.
.
كانت بسمه تمشي وهي سرحانه وتتمنى لو امل معها كان المزرعه اكيد بتكون حلوه.....
حست احد مسك بيدها بقسوه وسحبها من الصدمه ومن شدة الالم اللي تحسه في يدها مافكرت من اللي ماسك بيدها ولما شافت انه خالد ومبيت عليه انه معصب من مسكته ليدها استغربت ليش هالعصبيه كلها....
لما وقف وقفها قباله حتى يشوف وجهها وما فك يدها...
خالد بعصبيه:"وين رايحه"
بسمه شافت انها لو ردت عليه ردمن ردودها اياها ممكن يرتكب فيها جريمه:"اتمشى في المزرعه"
خالد:"وضاقت عليك المزرعه مالقيتي تتمشين الا هنا..."
بسمه:"ماادري مشيت وبس..."
خالد وقبضة يده تزداد على يدها:"مشيتي وبس...ليه ماتدرين انه في المزرعه رجال..."
بسمه حست ان ريم كذبت عليها:"ليه انا قربت من الرجال..."
خالد:"مابقى الاخطوتين وتكونين وسطهم..."
بسمه:"انا سألت ريم وهي اللي دلتني"
ريم واللي سمعت كل شي:"ياكذابه انا قلت لا تروحين من هنا..."
بسمه:"ياكذاااابه....ياللي ماتخافين ربك....اصلا لو فيك خير ما...."
ريم وهي تقاطعه:"فيني خير غصبا عليك..."
بسمه وهي تحاول تفك يدها من خالد:"واااااضح وانت لو سمحت فك يدي..."
خالد وهو يرفع صوته:"قصري حسك لا اقص لسانك...."
ابتسمت بسخريه لان هالكلمه ياكثر ما سمعتها....
خالد:"الظاهر ماقلت شي يظحك....وبعدين اذا بغيتي تتمشين روحي(وهو يأشر لها)من هالجهه وترى قدام فيه مسبح عسى ان شاء الله تطيحين فيه وتموتين...."
ريم:"آآآآآآمين...."
وسكتت لما شافت نظرة خالد لها....واللي كان فك يد بسمه وراحت تمشي بسرعه حتى ماينتبه لدموع اللي ماقدرت تحبسها اكثر من كذا.....
.
.
.
.
لما حست انه ابتعدت جلست حتى تهدى شوي....وعبير انتبهت عليها وانتظرت ريم اللين رجعت وحبت تقهر بسمه شوي...
عبير:"اشفيه خالد اول مره اشوفه معصب كذا"
واشرت لريم و كانوا يشوفون بسمه وهي ماتشوفهم بس تسمع اصواتهم...
ريم :"ماادري من تزوج هالبسمه وهو منقلب حاله..."
عبير:"يابعد عمري ياخالد..."
ريم:"ماادري اش مصبره عليها"
عبير:"مصيره يطلقها...هو اصلا لا حب ولا بيحب غيري"
هالكلمه كانت مثل السكين اللي انغرس في قلبها لانها ذكرتها بكلام خالد اول يوم في زواجهم خالد....
ريم:"اكيد...اصلا من يجي طاريك حتى ملامح وجهه تتغير"
عبير:"الله يخليك سلمي لي عليه..."
ريم:"حتى هو تو قاللي اسلم عليك..."
ماقدرت بسمه تسمع اكثر من كذا كان كلامهم يعذبها...


^^^^^^^^^^^^

رجع خالد وهو متوتر وندم على اللي قاله لبسمه وكان متأكد ان ريم لها يد في الموضوع بس ماحب يكلمها قدام بسمه....انتبه ان مافيه الافهد ...
خالد:"وين راحوا مااشوف احد.....
فهد:"والله ماادري بس اكيد يتمشون....."
جلس بجنب ولد عمه فهد:"انت وين طسيت..."
خالد:"رحت اتمشى شوي..."
فهد:"بما ان مافيه احد اشلونك مع مرتك....."
خالد:"يااخي عليك احيانا اسئله قمه في الغباء"
فهد:"ههههههه اقصد نسيت بعض الناس"
خالد:"مستحيل انسى ..."
فهد وهو يعدل قعدته:"حرام عليك اش ذنبها حتى تظلمها..."
خالد:"يااخي من قالك اني اظلمها اللحين انا اعاملها مثل مايعامل أي رجال زوجته صح اني مااحبها كثر ماحبيت عبير بس ماتهون علي ومستحييييل اظلمها"
فهد:"اسألك سؤال بصراااحه"
خالد:"اسأل الله يكافيني شر اسألتك...."
فهد :طبعا انت قلت مستحيل اطلق بسمه عشان عبير....ما فكرت تتزوج عبير على بسمه"
خالد:"لا..."
فهد :"غريبه..."
خالد:"لا مهي غريبه لانه ببساطه عبير مستحيل توافق..."
فهد:"طيب لو وافقت..."
خالد:"بصراحه مااحب حرمتين على بعض بس لو توافق عبير...ليش لا"
فهد:"وبسمه مافكرت برايها.."
خالد:"ما علي من رايها رضت ولا انرضت..."
فهد:"احس موقفك متناقض اتجاهها"
خالد:"يااخي مهو متناقض...بسمه زوجتي على عيني وراسي بس مايحق لها تمنعني لو يحصل وتزوجت عبير..."
فهد:"...اقول ليه ماتناديها تتمشيها في المزرعه"
خالد في خاطره لو ناديتها اللحين كان فشلتني ولا طلعت لي....
.
.
.
.
بعد ماهدت بسمه راحت للحريم وحست ان الوقت يمر ببطئ ومالها خلق تسولف مع احد
اصلا مااحد معبرها وقعدت تفكر في كلام عبير وريم...وكلمة الطلاق اللي سمعتها كانت تتردد في راسه....
من الزهق كانت تتمنى جريده قالت اكيد عند الرجال وشافت نواف ولد العنود توه جاي...
بسمه:"نواف حبيبي...تقدر تروح عند الرجال تجيب جريده"
ام محمد:"ارحمي الولد توه بيقعد وتقومينه على طول..."
بسمه:"اذا بيقعد خلااااص مو بلازم"
نواف:"الا بروح..."
ام محمد:"اقعد ياولدي ارتاح تعبت وانت تلعب"
العنود:"خليه ياخالتي اصلا بيقوم اللحين يلعب..."

راح نواف وكان ياخذ الجريده لما انتبه له خالد:"نوااااف حط الجريد ماقريتها"
نواف:"بسمه تبغى جريده..."
خالد عرف انها من الزهق تدور شي تظيع فيه الوقت...
حط كذا جريده وعطاه:"قولها خالد يسلم عليك..."
اخذ نواف الجرايد عند بسمه وهويركض بيلعب بعدين تذكر
نواف:"خالد يسلم عليك..."
بسمه في خاطرها الله لايسلمه انا ماادري اش انا في حياته اذا هو يحب عبير اكيد ما يعتبرني اكثر من تسليه...ومن جهه ثانيه عبير اللي سمعت نواف ماتت قهر وترسل ياخالد سلامات لهالخايسه...
لما جا وقت النوم كانت ام محمد بتنام عند اختها في الغرفه اللي تنام فيها بدريه وهالشي ضايق بسمه يعني الست عبير بتنام قريب منهم...دلوها على الغرفه اللي بتنام فيها هي وخالدواللي فرحهها انه فيها سريرين مفرده...دخلت الحمام تتسبح وبعد ماطلعت سمعت ام خالد وام محمد وبناتهم يسولفون في الصاله وشوي تسمع صوت خالدينادي بيدخل تسألت بسمه عبير طلعت ولا تغطت....
بعد مادخل خالد:"السلام عليكم...."
ماردت عليه ..خالد:"ترى رد السلام واجب..."
خالد:"ما بتردين كيفك..."
وهو داخل الحمام:"امل اتصلت تقول كلميها..."
اول ماسكر الباب اخذت جواله ودقت رقم بدريه...
امل:"الوووو"
بسمه:"سلااااام يالشينه"
امل:"وعليكم السلام يالحلوه...اشلون المزرعه"
بسمه:"حلوه بس احس بالملل..."
امل:"اهم شي عبير وخالتي ريم...لا تهتمين فيهم...وفي حركاتهم"
بسمه:"احااااااول بس خليها على ربك...حاولوا تجون بكره...."
امل:"بكره مستحيل بس يمكن بعد بكره...."
بسمه:"على خير ان شاء الله.....الا اشلون اهل عمي..."
امل:"كلمتيهم اليوم..."
بسمه:"ياامل اكلمهم بس مايعطوني وجه ماادري اش اسوي..."
امل:"قاطعيهم..."
بسمه:"عمي الوحيد مستحيل اقاطعه..."
امل:"تحبينه..."
بسمه:"ما له في قلبي حب ... بس فيه خووووووف منه فضيع"
امل:"لها الدرجه..."
بسمه:" من كثر مااخاف منه مستحيل اقدر اوصف لك..."
وقطعت كلامها لما شافت خالد جاي ...
بسمه:"ياللا ياامل تصبحين على خير بروح انام...."
وبعد ماسكرت حطت الجوال من غير ماتكلم خالد وراحت تنام وسمعت الباب يطق...
راح خالد يفتح :"ها ريم بغيتي شي..."
ريم:"ايه انت قلت تبغى تكلمني..."
خالد:"ايه نسيت...تعالي بكلمك برى"
وطلعوا مع بعض بسمه كانت متأكده انه بيكلمها عن عبير هذا اذا ماكان يواعد عبير عن طريقها...في خاطرها حسبي الله عليك ياخالد مادام تحبها هالكثر ليه تتزوجني كان صبرت اللين تنحل مشكلتكم....
.
.
.
.
خالد مسك يد ريم وطلع معاها برى حتى ياخذ راحته معها....
خالد:"اللحين عجبك الموقف اللي صار"
ريم كانت ناسيه اللي صارمع بسمه:"على طول صدقتها..."
خالد:"انا اصدق عيوني..."
ريم:"قعدت على راسك حتى اقنعتك..."
خالد:"ماتكلمنا في هالموضوع مره ثانيه"
ريم:"بعذرها لانها تدري انها هي الغلطانه..."
خالد بضيق:"رييييييييم خلي اللف والدوران...اللحين انتي حتى لو تكرهين بسمه تكرهين اخوك وترضين ان حرمته تطلع قدام عيال عمي...وحتى لو مهي حرمتي ماخفتي من عقاب ربك"
نزلت ريم راسهها وهي اصلا كانت متندمه:"بصرااااحه ياخالد انا كنت امزح معها وعلى طول لحقتها بس انت جيت قبلي.."
خالد:"وليش تكذبين يوم سألتك "
ريم:"خفت تهاوشني قدامها..."
خالد:"عموما هالمره رح اعديها لك بس والله العظيم لو تكرر الموقف مايصير خير"


^^^^^^^^^^

صحت بسمه بدري على انها مانامت الا متأخره راحت الحمام تتسبح وبعد ماطلعت لقت خالد صاحي...
خالد:"صبااااح الخير...."
هز راسه ودخل الحمام وهو يتنهد لانها ماردت عليه...ما صدقت دخل الحمام حتى تبدل لما جهزت كانت محتاره تطلع اللحين...في الاخير قررت تطلع
كان الجو برى روعه وكان الهدوء يعم المكان الامن اصوات العصافير....لقت ام عبد الرحمن جالسه برى مكانهم امس....
بسمه:"صباح الخير يايمه..."
ام عبد الرحمن:"يا هلا صباح النور...اشفيك صحيتي مبكره..."
بسمه:"شبعت نوم..."
ام عبد الرحمن:"تعالي افطري ...قاعده افطر بالحالي كلهم نايمين...خالد نايم ؟؟
بسمه:"لا مهو بنايم..."
ام عبد الرحمن:"دايم هو اللي يجي يفطر معي..."
كان واضح على ام عبد الرحمن انها تبغى تكلم بسمه بس متردده...
ام عبد الرحمن:"يابسمه انا الناس يشوفوني ويقولون عجيز مخرفه..."
بسمه:"اللي يقوله هو المخرف عقلك يوزن بلد ماشاء الله عليك..."
ام عبد الرحمن:"الله يخليك...بس حبيت انصحك نصيحه.."
بسمه:"تفضلي..."
ام عبد الرحمن:"الحرمه اذا تزوجت يصير زوجها هو كل حياتها...ولازم تحافظ عليه ولا تتنازل عنه بسهوله...ترى الرجال مايتمسك في الحرمه الا اذا عاش معها وشاف طيب اخلاقها وحسن عشرتها...وترى عقله مثل عقول الطفل صغير... والحرمه السنعه تعرف اشلون تكسب زوجها وما تفكر هو قبل كيف كان ...وبسكت اللحين لاني اشوف خالد جا..."
خالد:"صباح الخير على الحلوين..."
ام عبد الرحمن:"من الحلو انا ولا مرتك..."
خالد:"مافيه مجال للمقارنه طبعا انتي بدون منافس...الجمل الطبيعي اللي مع السنين يزيد..."
ام عبد الرحمن:"قل ماشاء الله...حسبي الله عليك من ولد..."
خالد:"ههههههه الا تصدقين يمه امزح معك الا الجمال انتي ودعتيه من زمان..."
ام عبد الرحمن:"خاااالد قم...لا تفطر معنا..."
خالد:"اللحين مااافطر معك ومن اول تعال ياوليدي وسولف معي ياوليدي واللحين من جات بسمه قم...."
ام عبد الرحمن:"سوالفك صارت ماسخه وتخلي الواحد ماله نفس ياكل..."
خالد:"طيب لك عندي خبر يفرحك..."
ام عبد الرحمن اللي حاسه انه مقلب من مقالب خالد:"سمعني الخبر الزين..."
خالد:"شفتي المزرعه اللي بجنبنا..."
ام عبد الرحمن:"اشفيها...تحكي بالقطاره انت..."
خالد:"دخلتها اليوم ولقيت ذاك الشايب الوسيم ....يالطيف عمري ماشفت احلى منه
المهم الشايب درى ان عندنا عجيز مزيونه وخطبك مني انا جيت اشوف رايك..."
ام عبد الرحمن وهي تكلم بسمه اللي كانت ميته ضحك:" بسمه خلي عنك الضحك تقدرين تمسكين زوجك اللين اقوم..."
بسمه:"لااا ماقدر"
خالد:"حااااولي ليش انت تستهينين بقوتك..."
ام عبد الرحمن:"خطبني منك ها..."
خالد:"ان واحد خطبك هذا شي مايزعل انتي فكري زين وردي علي بعد اسبوع..."
ام عبد الرحمن:"والله لو قمت عليك ياخويلد ان اكسر هالعصاه على راسك..."
خالد:"خلاص اليوم اقوله ماعندنا بنات للزواج..."
بسمه كانت غصب عنها ميته ضحك...بس سكتت لما شافت عبير دخلت عليهم باللبس اقل مايقال عنه يميل للعري اكثر منه للحشمه ...الجميع انصدم لما شافها وهي رجعت على طول بسمه في خاطرها اللي يشوف تعابير وجهها يصدق انها دخلت بالغلط...
ام عبد الرحمن:"والله اللي ماتستحي هالبنت..."
خالد حاول يدافع عنها بس انتبه لوجه بسمه اللي تبتسم له ابتسامه سااااخره...
ام عبد الرحمن:"هذا لبس تطلع به المزرعه...اقول قم رح الله العالم اللحين وشو البس اللي بتطلع به ياخوفي تطلع مفسخه...
خالد حس ان جدته ظلمتها:"حرااام يمه مو لها الدرجه..."
ام عبد الرحمن:"ترضى اختك تطلع المزرعه بهالبس..."
خالد:"اختي ماارضى تلبس كذا .... على انه عااادي"
بسمه:"ماشاء الله تمقلت فيها وشفت انه عادي..."
خالد:"هي طلعت في وجهي..."
بسمه:"دايم انت برئ..."
خالد:"اقوم احسن..."
ام عبد الرحمن:"وانت صادق...رح الله يرضى عليك..."
انقهرت بسمه من حركة عبير ومن دفااااع خالد عنها واللي يظهر لها مع الايام اشكثر هو يحبها...


^^^^^^^^^^
يتبع

كانت طالعه بعد العصر تتمشى مع ريناد بنت ساره واللي كانت نايمه بس قالت لخالتها تبلغهم انها معها...مادرت انهم قلبوا المزرعه يدورون عليها وهي واقفه معها عن الارانب ما سمعت الا خالد يصارخ عليها لما التفتت عليه شافت الشرر يتطاير من عيونه....
خالد:"اقسم بالله لو مهي ريناد معك يكون حسابك معي عسير..."
بسمه خافت من نبرة صوته اللي حتى امس ماكان معصب كذا...
خالد:"ليه اش سويت..."
بسمه:"انتي يوم عن يوم يظهر لي انك ماعندك مسؤليه وخبله وماتفهمين..."
بسمه:"طيب اش سويت قول"
خالد:"من العصر واحنا قالبين المزرعه على ريناد وانتي ماخذتها ولا حتى فكرتي تبلغين امها..."
بسمه:"بس انا..."
خالد:"انتي ماادري اشلون تفكيرك..."
بسمه والي لاحظت صوته عالي واكيد الكل سمعها...
بسمه:"ارفع صوتك خلهم يسمعون ترى الصوت في المزرعه يضيع..."
خالد قرب منها:"عمري مامديت يدي على حرمه بس انتي الظاهر..."
بسمه وهي مهي قادره تتحك غي دموعها:"عااادي ياخالد ترى متعوده...وياليت تتأكد قبل ماتتهمني..."
خالد:"البنت اخذتيها وماقلتي لامها..."
بسمه وهي رايحه بسرع:"اسأل امك..."
وراحت تركض وهي مهي قادره تشوف طريقها ....احرجهها خالد واهانها قدام اهله كلهم...دخلت الغرفه وهي في قمة احزانها ودفنت راسها في المخده وهي تبكي...
حست احد دخل الغرفه وحست بيد حانيه على راسها ذكرتها بيد امها اللي كانت دايم اذا زعلت تراضيها....
ام عبد الرحمن:"بسمه لا تزعلين هو ماقصده انتي ماتدرين من العصر وهم يدورون عيها...وامه ماسالوها...ارتاحي اللحين وخالد له كلام ثاني معي"
وطلعت من عندها وبسمه تحس بالظلم والقهر اذا حياتها بتكون مع خالد واهله كذا اكيد مارح تفرق عن حياتها في بيت عمها....
الجزء الثاني عشر,,,,


حست في خالد لما رجع من صلاة الفجر وتذكرت انها ماطلعت من غرفتها عقب اللي صار وفي الليل دخل خالد كذا مره الظاهر بيكلمها وهي نفسيتها ماتسمح....فكانت تسوي نفسها نايمه...وكان نومها طول الليل متقطع...كانت تلوم نفسها على ضعفها ودخولها الغرفه وهي تصيح المفروض كانت تماسكت اللين صارت لوحدها...كان ارتاحت اللحين من نظرات الشفقه في عيون البعض ونظرات الشماته في عيون اللي يكرهونها والظاهر انهم كثيييير....قررت انها تنسى الموضوع وتحاول تبان قدام الكل طبيعيه اولهم خالد...
لما حست ان خالد نام قامت من سريرها حتى تتوضا وتصلي...وبعد ماخلصت صلاتها انتبهت ان خالد واقف عند الدريشه ومعطيها ظهره....شافتها فرصه ترجع تنام قبل مايلتفت وقبل ما توصل سمعت صوته...
خالد:"بسمه اكيد مارح تنامين فلا تغصبين نفسك...."
بسمه:"فيني نوم..."
خالد:"امشي نطلع برى الجو مره روعه..."
بسمه:"مالي نفس اطلع..."
خالد وهو يتنهد:"شوفي مستحيل اخليك تنامين قبل مانتكلم...نطلع احسن والجو يساعد...وشوي بتطلع جدتي"
بسمه وهي تفكر في كلامه:"طيب اطلع ببدل واللحقك..."
خالد وهو مو عاجبه الوضع :"اوكيه انتظرك في الصاله.... وترى الجو شوي براد..."

لما طلعت كان جالس وهو مغمض عيونه...
جلست تتأمله كان مبين عليه الارهاق وانه مانام طول الليل
خالد:"خلصتي"
تفاجأت انه حس بوجودها.....
بسمه":ايه:"
خالد فتح عيونه واتجه لها...
بسمه:"شكل فيك نوم ادخل ونام احسن لك..."
مارد عليها ومسك يدها ومشى...وهم ماشين سمعوا صوت ريم وعبير توهم بيدخلون الظاهر للحين ماناموا....
خالد وهو راجع غرفته:"اذا دخلوا ناديني..."
هزت بسمه راسها على دخلتهم...
ما تكلمت معهم ولا هم كلموها بس شافت نظرات تقهر في عيون عبير اللي جلست في الصاله...
ريم:"اشفيك قعدتي ...."
عبير:"ما فيني نوم خلينا نسولف....."
ريم:"ميته نوم بس ياللا بقعد معك شوي..."
حست بسمه انها فرصته :"لو سمحتي ادخلي داخل.... خالد بطلع اللحين بنروح نتمشى..."
عبير:"اولا لي اسم ثانيا عاااادي خليه يطلع..."
بسمه:"اولا مايشرفني انطق اسمك ثانيا مهو طالع وانتي موجوده"
عبير:"ماني بداخله تعالي دخليني بالقوه ان قدرتي..."
سمعوا صوت خالد اللي الظاهر سمع كل شي:"رييييييم"
راحت ريم ورجعت بسرعه...
ريم:"عبير ياللا دخلنا..."
عبير لما درت ان خالد يسمع تتكلم بدلع:"ماني بداخله مافيني نوم...."
ريم:"ترى والله خالد معصب خلينا ندخل ونبعد عن المشاكل...."
عبير وهي قايمه بصوت واطي حتى مايسمع خالد:"من تزوجك وهو دايم معصب بس مرده لي يالخايسه..."
بسمه وهي تكلمها ببرود:"الخايسه اللي تلحق واحد متزوج..."
راحت عبير وهي مقهووووره من بسمه.....
.
.
.
.
.
كان الجو بالمره حلو وكان يميل للظلام اكثر وفيه شوية بروده مشوا ساكتين ولا واحد حاول يكلم الثاني.....حتى اشر لها خالد على مكان يقعدون فيه...
بسمه:"عيال عمك ابد مايجون هنا..."
خالد:"لا...وحتى انا مااجي الا اذا تأكدت مافيه احد...مثل في طلعتنا ذي مرة فيصل عند اهلها والعنود ماتطلع هالوقت والباقي كلهم عادي..."
بسمه بغت تقول وعبير بس تراجعت في الاخير...
خالد:"تحبين الشروق يابسمه ...."
بسمه:"اموت فيه على اني نادر مااشوفه"
خالد:"ليش نادر..."
بسمه:"غالبا اكون نايمه "
خالد:"تصدقين الغروب والشروق تحسين تتشابه بس الاختلاف في اللي يجي عقب"
بسمه وهي تناظر مكان شروق الشمس واللي ماظهرت:"بالعكس الغروب ماادري يحسسني بالكآبه عكس الشروق اللي حتى العصافير احس تفرح به وتونس الواحد بصوتها..."
خالد وهويلتفت عليها :"بدايه طيبه..."
بسمه بااستغراب:"اش اللي بدايه طيبه..."
خالد"ابغي اسولف معك في اللي صار امس واحس عندك استعداد تسمعين بهدوء..."
بسمه:"انسى ياخالد اللي صار يمكن انا زودتها..."
خالد:"لا مازودتيها انا غلطت في حقك..."
ماردت بسمه...
خالد:" انا ماادري من يوم تزوجتك بس اتاسف من كثر مااغلط..."
بسمه:"انت حاس يعني..."
خالد:"ايه حاس...بس ماادري اشفيني صاير عصبي..."
بسمه:"ايه سمعتهم يقولون ماصرت عصبي الا من تزوجتني..."
خالد :"سمعتي من...."
بسمه:"سمعت وبس...."
خالد:"شوفي لازم اشرح لك يمكن تعذريني..."
بسمه:"واذا علي انا فانس الموضوع لاني نسيته..."
خالد وهو يرفع وجهها:"وهاالنظره الحزينه اللي اشوفها في عيونك...بسمه انا ماابغى اكون سبب في تعاسة احد خصوصا انتي"
بسمه:"ليش خصوصا انا..."
خالد:"ماادري...المهم اللي صار الظهر عصبت لما كان شوي وتصيرين وسط الرجال واعتقد لو بدخل على حريم اكيد بتزعلين"
بسمه بسخريه:"لا انت الحريم هم اللي يدخلون عليك..."
فهم خالد اش تقصد وماحب يعلق حتى مايفتح موضوع صعب يتسكر...
خالد:"طيب يعني تلوميني يابسمه اذا زعلت لو كنتي بتدخلين على رجال"
بسمه:"انا اللي الومك عليه ليه تكذبني..... تتوقع اني قاصده..."
خالد:"اولا انا لواشك يابسمه انك قاصده ما كان انتي اللحين قاعده قدامي...بس احيانا هالشي يصير بالغلط.... وهالغلط حتى هو مااقدر اتحمله...وبعدين قالت لي ريم انها كانت تمزح معك..."
بسمه:"تمزح ياخالد..... ليه في هالامور مزح"
خالد:" لانها غبيه بس ماظنتي بتعيدها..."
بسمه:"ياليتك تعامليني مثل اختك....يعني لو انا مكانها ماكان مرالموقف مرور الكرااام..."
خالد وهو يتنهد:":"ماعلينا منها اكملك الموقف الثاني...ساره كانت ميته نفسها من الصياح على بنتها وتقول ماتدري وين راحت ....وقلبنا عليها المزرعه وفي الاخير الاقيها معاك تلعبون عند الارانب بكل برود ولا انتو حاسين بالعالم...."
بسمه:"بس انا قلت لخالتي..."
خالد:"اللي سأل امي سألها ريناد عندك قالت لا...تظن انك رجعتوا.... ماقالوا لها انها ضايعه كان قالت انها معك "
بسمه:"بس حتى ولو انت رفعت صوتك وشوي وترفع يدك..."
خالد:" ادري اني غلطت بحقك ....وان شاء الله مايتكرر...بسمه حياتنا مارح تكون سهله بس ساعديني نفهم بعض حتى الواحد مايزعل الثاني"
بسمه وهي في خاطرها لو علي ياخالد اتمنى بس احس حولنا اشياء كثير تمنع...
خالد:"وبعدين عندي لك خبر حلو..."
ظحكت بسمه غصبا عليها:"لا يكون مثل خبر جدتك..."
خالد:"ليه طمعانه في عريس انتي ووجهك..."
بسمه:"ههههه لا بس اقصد مقلب..."
خالد:"ايه رقعيها...ما عليه اعديها المره هذي بكيفي...."
بسمه:"طيب اش الخبر الحلو...."
خالد:"شكلك فضوليه..."
بسمه وهي تتنهد :"قوووول عاد..."
خالد:"كلمني اليوم تركي ولد خالتك ووعدته الاسبوع الجاي نروح لهم الخرج...."
بسمه والفرحه تطل من عيونها:"صدق ياخالد"
خالد:"لا كذب يابسمه..."
بسمه:"ماتصدق اشقد فرحني هالخبر من زماااان مازرتهم....."
خالد:"غريبه من زمان..."
بسمه واللي حست انه ماله داعي تسب عمها:"تدري بعد الدنيا سبحان الله كيف تشغل..."
خالد:"صادقه..."
بسمه:"مشكوووور ياخالد"
خالد:"وفيه مفاجأه بس ماابغى اخربها عليك"
بسمه:"لا الله يخليك قول مااحب المفاجأت"
خالد:"اسف مااقدر اقول....ولا ماتصير مفاجأة"
بسمه:"عادي مو لازم تصير مفاجأه بس انت قول..."
خالد:"من جد لحوحه....طيب اش تعطيني اذا قلت"
بسمه:"أي شي..."
خالد:"أي شي..."
بسمه لما انتبهت لنظراته:"تدري هونت خلها تصير مفاجأه..."
خالد:"لا خليني اقولك..."
بسمه:"اذا بدون مقابل قول..."
خالد:"لا طبعا مافيه شي كذا بدون مقابل"
بسمه:"ههههه خلاص لا تقول..."
خالد وهو يتأملها:"تصدقين يابسمه ظحكتك حلوه خصوصا لك غمازات بالمره حلوه"
بسمه:"طيب"
خالد:"الحمد لله والشكر اذا زوجك يمدحك و تغزل فيك يكون ردك طيب"
بسمه:"ماادري بس مااحب احد يمدحني (وهي شايفه خالد بيتكلم)ادري بتقول انا مو أي احد انا زوجك...بقولك حتى زوجي..."


**********

وهي قاعده تدور في الغرفه من القهر اللي فيها...
عبير:"شفتي خالد طالع يمشيها مالت عليها..."
ريم واللي كانت على سريرها ومهي قادره تفتح عيونها من النوم:"يمكن بيرضيها عقب اللي صار"
عبير:"كان خلاها تموت ان شاء بزعلها...
ريم:"تعرفين خالد ما يحب يغلط على احد "
عبير:"وهذا اللي قاهرني ياخوفي تحببه فيها"
ريم:"كيفهم....بس خلينا ننام"
عبير:"أي نوم يجيني اللحين...امشي نطلع..."
ريم واللي جلست على سريرها:"مانتي بصاحيه خالد لو يشوفنا يموتنا.."
عبير:"ماعليك امشي بس طلعنا...."
ريم وهي وهي تعطيها ظهرها:"سوووري ياعبير اذا بتطلعين اطلعي بالحالك...بس من كلام خالد لي تو ماانصحك..."
عبير:" اش تتوقعين يسولفون فيه اللحين"
ريم:"عبير نستي انها زوجته يعني اللحين مقهوره انهم اللحين مع بعض وهو من يوم تزوجها عايش معها..."
عبير:"بس اشوفهم يطلعون يتمشون هذا يدل على ان الامور ماشيه تمام بينهم"
ماردت ريم واللي ملت من عبير وغيرتها....
راحت عبير للدريشه تناظر والغيره ماكله قلبها وتفكر بحقد في بسمه....وهي في خاطرها مستحيل اخليك في حالك يابسمه....

**********

كانوا في السياره متجهين للمزرعه...رهف واخوانها نايمين وامل من الفرحه اول من صحى هي...وقفوا في المحطه ونزل ابوها وشافتها فرصه تكلم امها...
امل:"مقهوره على اللي صار لبسمه..."
بدريه:"أي والله يقول خالد غلط عليها وانه متندم ومن هالكلام..."
امل:"طيب احد يدري عن جيتنا..."
بدريه:"بس خالك خالد...وقال مهو معلمهم..."
امل:"احسن بتكون مفاجأه حلوه لبسمه..."
بدريه:"عاد حاولي في بسمه انها تنسى وتحاول ماتزعل من خالد"
امل:"اكيد اللحين تلقينها تناست الموضوع وعااادي"
بدريه:"تتوقعين نست الموضوع..."
امل:" نست لا....بس تناست ايه..... وتكتم في قلبها...ماادري الى متى بيتحمل قلبها..."
بدريه:"اش اللي يخليك متأكده كذا..."
امل:"يمه حياتها عند عمها...كانوا يعملونها بطريقه فضيعه وبعد ساعه تلقينها تبان عاااديه وهي في قلبها شايله كل شي..."
بدريه:"ماادري ليش كل شي ضدها...."

**********

كانت مع الحريم وهي حاسه نفسها مبسوطه وام محمد مستغربه منها متوقعه تكون اليوم نفسيتها تعبانه...كانت ام خالد تعذرت منها وان مااحد قالها البنت ضايعه وقالت لها بسمه عادي وماصار الا خير وهالشي قهر ام محمد توقعت بسمه تحقد على خالتها....
في الاخير قررت انها تذكرها باللي صارو تحرجها...
ام محمد:"الله يهديه خالد امس صوته كان في كل المزرعه وهو يصارخ عليك"
بسمه واللي حبت تقهر ام محمد:"ايه لانه كان خايف على ريناد وكنا بعيدين عنه فلازم يصارخ حتى نسمعه..."
ام محمد:"بس عاد مو يصارخ وهو يسبك..."
بسمه:"عااادي زوجته ولازم اتحمل عصبيته"
ام خالد:"الله يكملك بعقلك يابنتي...."
ام محمد لما سمعت رد اختها كرهت بسمه اكثر ماهي كارهتها.... لان اخر شي كانت تتمني ان ام خالد تحب بسمه....كانت ام عبد الرحمن تسمع ردود بسمه وهي مبتسمه...
ام عبد الرحمن:"وبعدين حتى الرجال اذا غلط على حرمته وراضاها ماله داعي تعند...
وخالد وبسمه صحيت ولقيتهم برى...... خالد لو ماني جدته كان يمكن شالني ورماني داخل.."
بسمه:"مهو لهالدرجه عاد"
ام عبد الرحمن:"والله اني استحيت يوم خربت عليكم..."
ام محمد:"وش خربتي ياحسره بالعكس يمكن مالين وونستيهم شوي..."
ام عبد الرحمن:"لو شفتي اللي شفته كان عرفتي..."
بسمه استحت لان العجيز الله يهديها عشان تقهر ام محمد قامت تألف من عندها..
ام محمد واللي مايأست:"خالد عقب ماانتي وابوه قعدتوا تلومونه كان لازم يراضيها والا هوشكله ماكان مهتم.."
بسمه في خاطرها يعني كل اللي سواه خالد اليوم عشان اهله...
ام عبد الرحمن:"ماتعرفين خالد مايسوي شي غصب عنه..."
ام محمد وهي تناظر بسمه:"ياكثر ماسوى اشياء غصب عنه"
اللتفتت بسمه لما سمعت صوت يناديها و شافت بدريه وبناتها داخلات وهالشي فرحهها...وتذكرت خالد لما قال مفاجأه اكيد يقصد بدريه وبناتها....


**********
كان فهد قاعد مع ولد عمه جالسين برى الخيمه....
ناصر:"لهالدرجه تحبها يافهد"
فهد:"أي والله ياناصر احبها..."
ناصر:"يااخي اشفيهم عيال عمي خالد يموت في عبير بس ماحصل نصيب.... وانت تحب ريم"
فهد:"لا...انا غير خالد"
ناصر:"اش الفرق بينكم.."
فهد:"انا احب ريم صح....بس مارح اتأثر لو ماصار نصيب..."
ناصر:"طيب ليش ماتخطبها..."
فهد:"اخاف ترفض وعلاقة ابوي وابوها تتغير"
ناصر:"مستحيل يصير هالشي وبعدين اذا تبغىاخلي ساره تكلمها ..."
فهد:"لا لا تكلمها..."
ناصر:"طيب ليش..."
فهد:"تصدق ماادري ليه يمكن لاني ابغى اعيش على الامل واخاف انصدم..."
ناصر:"مااعتقد ترفضك.."
فهد:"ماادري بس نفسي عزيزه علي ماابغاها ترفضني..."
ناصر:"عز الله انك غرقان في الحب لشوشتك....وقال انا اختلف عن خالد"
فهد:"ايه اختلف....تتوقع خالد نايم للحين..."
ناصر:"اكيد يوم جا بعد الفطور يقول مانام طول الليل"
فهد:"يقول تندم على اللي سواه امس..."
ناصر:"أي والله حرااام عليه امس احرجها قدام الكل...."
فهد:"شكلها رضت لو عبير كان طلعت عيونه..."
ناصر:"يااخي انت ليه تكره عبير...."
فهد:"اكرهها من حركاتها واللي قاهرني انها اعز صديقه عند ريم ياخوفي تخربها معها..."
ناصر:"احسك تظلمها..."
فهد:"عبير تظلم ماتنظلم...تأكد من هالشي..."
ناصر:"طيب قصر حسك اشوف محمد طالع من الخيمه..."

**********
يتبع

-"اليوم احس المزرعه غيييير..."
امل:"اكيييد ماتحلى الا بوجودي"
بسمه:"من جد من اول من الزهق ماادري اش اسوي..."
امل وهي تناظر عبير وريم اللي مروا من قدامهم:"تصدقين قاهرتني هالعبير..."
بسمه:"اجل انا اش اقول..."
امل:"ماادري احس اني غبيه لما اسالك هالسؤال بس لانك صديقتي وانا معك عادي..."
بسمه وهي تقاطعها:"هههههه كل هذا مقدمة سؤاااال اسئلي واذا ماعجبني مارح اجاوب..."
امل:"تحسين خالي باقي يحبها...."
بسمه وهي تتنهد:"بصراااحه سؤال بايخ بس بجاوبك....ايه احس انه يحبها"
امل:"بس هالشي المفروض مايخليك تستسلمين لها المفروض تفرضين نفسك على خالي..."
بسمه:"اخاف افرض نفسي على قولتك واندم لما اشوفه يرفض وجودي"
امل:"ترى خالي حبيب بس هالساحره ماادري كيف حبها.."
بسمه:"بصرااااحه كل مافيها ينحب....جمال ودلال...و ......"
امل:"بس هذا اللي عندها .....الجمال والدلال بس.... وعمره الجمال ماكان سبب في استمرار حياه سعيده..."
بسمه:"يمكن...."
امل:"مهو يمكن الا اكيد.....ماادري بس فيه شي صار ماقلت لك عنه"
بسمه:"عن عبير"
امل:"ياهالعبير....لا عني انا"
بسمه:"لا تقولين خطبك ولد عمك "
امل وهي متفاجأه:"ساحره صايره انتي..."
بسمه:"لا....بس لو تشوفين وجههك اشلون صاير وعرفت اكيد انه موضوع يخص ولد عمك..."
امل وهي تتنهد:"خطبني بس متردده ..."
بسمه:"ليه متردده على اني احس انك تميلين له...."
امل:"خايفه من امه..."
بسمه:"شريره امه...."
امل:"لا بالعكس بس احسها حرمه سطحيه وتهتم في المظاهر ماادري احسها ممله..."
بسمه:"بتتزوجينه هو ولا امه..."
امل:"اخاف انه يشبه امه في الطباع...تدرين راسي صدع من كثر ماافكر خلينا نرجع نتغدى"
بسمه:"ياللا احس اني جوعانه...."
امل:"ايه ترى في العصر بنلعب في الدبابات..."
بسمه:"مااعرف لها..."
امل:"عادي بعلمك...."

**********

كانت تناظرهم وهم عند الدبابات مع خالد وهي بعيده شوي...
خالد:"بسمه تعالي مابتلعبين..."
بسمه:"ماادري احسها تخوف..."
ريم:"ليه ماعمرك ركبتي دباب"
بسمه وهي تتنهد:"لا ماعمري..."
خالد:"تعالي اعلمك"
قربت بسمه منه وكان راكب دباب لما قربت نزل وركبت مكانه...
خالد:"طيب اشرايك (وقرب وهمس لها في اذنها)"
بسمه وهي تحاول تنزل:"لا....هونت اصلا ماحبيت الدبابات"
خالد:"هههههه امزح مااحد يمزح معك"
وبعد فهمها كل شي.في الدباب...كان يناظرهم وهم يلعبون ...
ريم:"خالد اطلع عبير بتدخل تلعب معنا..."
امل اللي كانت واقفه:"خليها تقعد عند الحريم..."
ريم:"لا حراااام تزهق..."
امل:"مايضر لو زهقت شوي..."
خالد:"خلاص اللحين طالع بس انتبهوا وبعدين بسمه توه تعرف حاولوا تبتعدون عنها حتى ماتربكونها..."
ريم:"ماعليك انت اطلع بس..."
اشر لبسمه اللي تمشي شوي شوي لما قربت منه...
خالد:"انتبهي لا تسرعين حتى ماتطيحين..."
بسمه:"ليه بتروح..."
ريم:"ايه بيروح لان عبير زهقت لوحدها..."
خالد:"ياللا ...مثل ماوصيتك..."
وقفت وهي تناظر من أي جهه بيطلع وكانه عرف انها تناظره التفت لها وابتسم وهو طالع ووارتاحت لما طلع من الجهه الثانيه...
وراحت تكمل وهي ماشيه على اقل من مهلها....
.
.
.
.
كانت عبير تسمع وهي برى كل شي وكيف ان خالد يوصي على بسمه وهالشي قهرها وحبت تنتقم من بسمه....وكانت تجي وهي مسرعه في وجه بسمه اللي تحاول تتجنبها وكانت تنجح...وفي الاخير قررت توقف لان عبير متسلطه عليها... وهي راجعه طلعت عبير في وجهها وهي مسرعه وما قدرت بسمه تتحكم في الدباب وطاحت...
وكانت طيحتها على الجنب وانجرح وجهها ويدها ورجلها جروح سطحيه لكن كانت مؤلمه....

**********

كان فهد يسولف عليهم ويقلد كل شوي واحد من عيال عمه وابوه واعمامه وعيال عمه ميتين ظحك...
ابو خالد:"ههههه حسبي الله على ابليسك يافهد ماتركت احد الا وطلعت فيه عيب..."
خالد:"الا انا لو يقلدني قاطعته طول حياتي"
فهد:"لي مصلحه عنك ياولد عمي اذا قضيتها اعرف اقلدك..."
الكل فهم اش يقصد فهد...
خالد:"بطلع روحك ولا اقضي مصلحتك بخليك طول حياتك محتاجني..."
فهد:"تسويها ياخالد"
ابو خالد:"ليه ياخالد ماقعدت مع البنات يمكن احد يطيح ولاشي..."
خالد:"هم قالوا اطلع ماادري من بيدخل..."
ناصر:"لا تخاف ياعم ماشاء الله كل وحده احسن من الثانيه..."
ابو خالد:"بسمه معهم ياخالد"
خالد:"ايه..."
ابو خالد:"تعرف للدبابات..."
خالد:"بصراحه توها تعرف لها بس هي خوافه تمشي على مهل اذا مااحد اربكها بتمشي تمام...."
فهد:"اذا خايفين عليهم ما عندي مانع اروح اطمنكم عليهم واجي....ترى احب اكون عضو فعال في المجتمع...."
خالد:"ماشاء الله عليك ....بس ياليت تكون عضو بطال احسن..."

**********

كانت في سريرها بعد ما ساندتها امل اللين وصلت غرفتها......والحريم حولها صحيح الجروح سطحيه بس مؤلمه كانت تتمنى يطلعون حتي تاخذ راحتها ونصيح.... وكان معها مرايه تناظر وجهها واللي انجرح من جهه اليمين صحيح كان صغير بس بسمه خايفه ما تتخيل كيف بيكون شكلها لو مايروح....
ام محمد:"الله يهديك يابسمه مادام ماتعرفين للدبابات ليش تلعبين..."
امل:"كانت ماشيه على مهل بس عبير اللي طلعت في وجهها وطيحتها"
ام محمد:"لو كانت تعرف ماكانت طاحت...هذا انتو ولا وحده طاحت...."
امل:"لوطلعت في وجههي ذيك الطلعه اكيد كان طحت"
العنود:"اهم شي الحمد لله على سلامتك يابسمه..."
بسمه:"الله يسلمك"
ام خالد:"والله خفت يوم شفتك بس الحمد لله جت سليمه...."
بدريه:"الحمد لله ولا تخافين يابسمه ترى اثرها يروح..."
رهف واللي توها داخله:"جدي وخالي خالد بيدخلون اللي يتغطي يطلع..."
طلعوا الحريم مابغى الا ام خالد وبدريه وامل...
ابو خالد:"سلامتك يابسمه"
بسمه:"الله يسلمك"
خالد:"ياللا اوديك المستشفى.."
بسمه:"مايحتاج كلها جروح سطحيه..."
ابو خالد:"كلها منك ياخالد لو وقفت معهم كان ماطاحت..."
خالد:"اللحين هي اللي طاحت وانا الغلطان..."
ابو خالد:"ايه انت الغلطان..."
خالد:"تصدقين ابو وجدتي مسوين علي حزب.... وامس اقاموا مظاهره لما زعلتك... تعيش بسمه وبسقط خالد...عاد انا لما ماشفت احد معي رحت وهتفت معهم"
بدريه:"تستاهل..."
خالد:"لا بدريه حراااام الا انتي لا تتخلين عني..."
بدريه:"اسفه انا في حزب ابوي..."
خالد:"يمه لا تقولين انك في حزبهم...."
ام خالد:"كلكم واحد انت وبسمه"
بدريه انبسطت من رد امها بس كانت متأكده ان خالتها مارح يعجبها الوضع وبتحاول تغيره...."
ام خالد:"ياللا يابسمه انا طالعه يابنتي واذا حسيتي انك تعبانه لا تعاندين خلي خالد يوديك المستشفى..."
ابو خالد:"ماتشوفين شر يابسمه"
بسمه:"الشر مايجيك..."
طلعوا كلهم الا امل اللي كانت بجنب بسمه....
خالد:"امل ماتحسين شكلك غلط..."
امل:"انا هنا حتى اساعد بسمه اذا احتاجتني..."
خالد:"اذا احتاجتك ناديتك..."
امل:"طيب بطلع بس ترى الخايسه عبير هي تعمدت تطيح بسمه..."
خالد"معقوله..."
امل وهي عند الباب:"ايه مااقول الله ي...."
خالد:"لا تدعين ياللا فارقي..."
بعد ماطلعت كانت بسمه مقهوره من عبير ومن خالد اللي يدافع عنها...
بسمه:"تراها صادقه هي اللي طلعت في وجههي..."
خالد"طيب اش المطلوب اروح اجرها من شعرها واقولها ليه تطيحين بسمه..."
ماردت بسمه وكانت تتأمل وجهها في المرايه قرب خالد الكرسي اللي جالس عليه...
خالد:"اشوف الجرح اللي في وجهك..."
بسمه:"تتوقع يروح"
خالد:"ماادري بس لا تخافين اعرف دكتور تجميل في لندن يمدحونه..."
بسمه:"لا ياخالد لا تقول كذ..."
خالد:"عادي يابسمه العمليه هينه ياخذ من جلد الرجل بس اهم شي يكون لون البشره واحد...."
بسمه:"ايه وبعدين..."
خالد:"خليني اتأكد ان لون البشره واحد..."
بسمه:"خااااااالد تراك زهقتني...."
خالد:"طيب اكمل وبعدين يحط الجلد مكان الجرح بس بتبان مكان الخياطه من الاطراف..."
بسمه:"ماادري ليه ماني مصدقتك..."
خالد:"ههههههه لاني اكذب بكل صراحه..."
بسمه وهي ترجع تناظر المرايه:"تتوقع اني ماتشوهت بهالجرح..."
خالد:"انتي حلوه والجرح مااثر في حلاوتك...."
انتبهوا على احد يطق الباب....
خالدوهو عارف من طقة الباب انها جدته:"مافيه احد....كلنا طلعنا..."
ام عبد الرحمن وهي تفتح الباب:"كلنا طلعنا ها....."
خالد:"وهو مسوي نفسه متفاجأ:"اسف ظنيته احد من هالبزارين الملقف..."
ام عبد الرحمن:"اذا جيت ازورك صرفني على كيفك....(وهي تناظر بسمه)سلامات يابسمه يقولون طحتي..."
بسمه:"الله يسلمك...."
خالد:"شوفي ياجده اشلون وجهها تشوه...."
ام عبد الرحمن:"بسم الله عليها من التشوه في اللي يكرهونها ان شاء الله..."
خالد:"طالعه من قلبك...."
ام عبد الرحمن:"تقول امل انها هالخايسه هي اللي طيحتك..."
بسمه :"لا....امل كانت بعيده وماانتبهت...."
ام عبد الرحمن:"كان قعدوا هي وامها في بيتهم وفكونا من شوفة وجيههم..."
خالد:"جدتي انتي ليش تكرهين خالتي..."
ام عبد الرحمن:"من اللي سوته في اهل زوجها اللي ماتخاف ربها...."
خالد:"بما انا في وصف المشاعر طيب ليش تحبين بسمه؟؟..."
ام عبد الرحمن وهي تهمس له:"وانت ليش تحب الخايسه؟؟"
خالد حتى بسمه ماتنتبه لسؤال جدته:"جاوبي على السؤال لو سمحتي....عادي قولي مااحبها...."
لما شافها خالد نظرة عيونها :" والله امزح...ترى بديت انقهر من بسمه تحبونها اكثر مني...."
ام عبد الرحمن:"صايره ياخالد استثقل دمك ماادري ليه..."
خالد:"ايه صدق محمد عبده مادام معايه القمر....اطلع بكرامتي احسن..."

**********

طلعت تتمشى لوحدها في المزرعه كانت مشتاقه لصوت وليد اللي من يوم جات المزرعه ماكلمته الامره وحده رفعت الجول ودقت رقمه لما حست انها بعيده عن الكل....
-هلا بهالصوت "
ريم:"هههه اهلين وليد"
وليد:"جعلني مااعدم هالضحكه"
ريم:" اخبارك وليد"
وليد:"ماكنت بخير اللين سمعة صوتك...اشلونك انتي"
ريم:"تمام....بس زهقت نفسي ارجع البيت"
وليد:"وليش زهقتي...."
ريم:"لاني مااقدر اكلمك كل شوي..."
وليد:"اش اقول انا النوم هجرني من صرتي بخيله باتصالك..."
ريم:"تعرف هنا مااقدر اكلم اخاف احد يسمعني...."
وليد وهو يتنهد:"متى ياريم تصيرين لي وما نخاف من احد..."
ريم:"ماادري عنك...."
وليد:"ان شاء الله قريب بس انتي ماودك تشوفين اللي بيصير زوج المستقبل..."
ريم:"انا راضيه لو من تكون...."
وليد:"بس انا نفسي اشوف صاحبة الصوت اللي اخذت قلبي...."
ريم:"تدري ياولد اني مااقدر...."
وليد:"وليه ياحبيبتي..."
ريم:"لانه ياحبيبي فيها قطع رقاب..."
وليد:"الله مااحلاها...عيديها تكفين..."
ريم:"وشي اللي اعيدها..."
وليد:"حبيبي...ياحلوها من لسانك..."
ريم:"سووووري مااقدر...هي تجي تلقائيه كذا...."
وسكتت لانها حست فيه احد وراها من الخوف مهي قادره حتى تلتفت سكرت الجوال
والتفتت تشوف من اللي وراها....
&&&&&&&&&&&&&&&&&

الجزء الثالث عشر.....



كانت حاسه بتوتر فضيع وهي رايحه لبيت عمها....كل بنت المفروض تحس بسعاده وهي رايحه تزور اهلها وبيتها اما هي رايحه بس حتى مايزعل عمها.....مهو خوف عليه من الزعل... لااااا خوف من زعله.... وما يترتب على هالزعل.... طول حياتها في هالبيت وهي تشوف الضيم منهم....ولا عاشت يوم حلو عندهم.....
ناظرت خالد اللي كان ساكت من مشوا...
بسمه:"خالد احس عمي بيزعل لما يدري انك معزوم وما بتتعشى معه..."
خالد:"قلت لك خليها بكره احسن ما طعتي..."
بسمه:"مااقدر ياخالد من زواجي مازرتهم..."
خالد:"ما فرق يوم..."
بسمه:"لا يفرق من اول اتعذر باني كنت في مكه وعقب رحنا المزرعه اللحين مالي عذر..."
خالد:"اسألك سؤال بس محرج شوي...."
بسمه:"لا ...لا تسأل.."
بسمه كانت متأكده انه بيسألها احس انك متوتره ومغصوبه على زيارة عمك لانه الظاهر واضح توترها من يوم صحت اليوم الصبح......وهي مستحيل تبين هالشي قدامه....مهما كانوا هم اهلها ومهو حلو يحس ان ماوراها اهل حتى لو هالاهل هم اكره ناس عندها.....

خالد:"ههههه كيفك...."
بسمه:"طيب متى بتجي؟؟"
خالد:"متى مابغيتي جيت..."
بسمه:"عادي بس لا تتأخر...."
خالد:"اوكيه اتصلي علي اذا خلصتي....(وتذكر انه ماعنده جوال)كنت ناوي قبل مانروح المزرعه اجيب لك جوال بس نسيت...."
بسمه:"مااحتاجه كثير..."
خالد:"مثل اللحين لو معك جوال اتصلتي علي..."
بسمه:"عاااادي اتصل عليك من بيت عمي..."
وهي في خاطرها عسى بس مايفشلوني منه.... ويمنعوني اتصل
بسمه:" لازم تدخل تسلم على عمي..."
كانت حاسه انها من التوتر تتكلم في اشياء مالها داعي...
خالد وهو يناظرها:"اكيييد بدخل مهي معقوله احطك وماادخل...."
كان خالد متحسن معها كثير اخر يومين قضوها في المزرعه وهي كانت على تحفظها معه ولو انها صارت تحس براحه وهي معه بس داخلها متخوفه من هالراحه تنقلب في قلبها شي ثاني ....
^^^^^^^^^^

كانت ماسكه الجوال وتقلب الارقام حتى وصلت لاسم ليلى واللي هو رقم وليد ....واللي ماكلمته من وصلت من المزرعه....تذكرت اللي صار في المزرعه قبل يومين لما كانت تكلمه وسمعت صوت وراها.... ودرجة الرعب اللي حست فيها.... واللي زال اول ماشافت ان اللي كان وراها هي عبير واللي الظاهر ما سمعت المكالمه ولا كان علقت....دقت رقمه وهي كلها شوق لسماع صوته....
وليد:"هلا حبي....ولو اني زعلان"
ريم:"اذا زعلان اراضيك..."
وليد:"تعرفين اشلون تراضيني...."
ريم:"اسولف معك اللين الصبح لو بغيت"
وليد وهويتنهد:"ريم ابغى اشوفك..."
ريم وهي تغير الموضوع:"ماقلت ليش زعلان..."
وليدوهو حاس انها عنيده ويبغى لها شوية وقت:"اخر مره كلمتيني سكرتي ولا عاد اتصلتي"
ريم:"سمعت صوت وخفت لايكون احد من اهلي..."
وليد:"ومن طلع...."
ريم حست انه ماله داعي تقوله مين:"ولد اختي الصغير المهم اشخبارك..."
وليد:"انا اكون تمام بس لما اسمع صوتك..."
ريم:"حتى انا اكون متضايقه اللين اسمع صوتك...."
وليد:"وبتروح الضيقه لو نطلع مع بعض"
ريم بعصبيه:"قلت لك مااقدر..."
وليد:"طيب لا تعصبين وما يصير الا اللي تبين...."

^^^^^^^^^^

كانت مستغربه من الترحيب اللي تسمعه وتمثيل دور العم المشتاق واللي اتقنه بكل جداره....وكل هذا حتى يشوف خالد انه عم محب لبسمه...
ابو عبد العزيز:"الله يهديك كان قعدت معنا شوي..."
خالد:"معزوم اليوم ...وقلت لبسمه تخليها بكره بس الظاهر مشتاقه لكم"
ابو عبد العزيز:"واحنا مشتاقين لها اكثر.... سلامات.... اشفيه وجهك يابنتي"
بسمه:"الله يسلمك بس طحت في المزرعه... انا بدخل اسلم على مرة عمي والبنات داخل..."
ابو عبد العزيز:"ادخلي يابسمه اكيد هم ينتظرونك...."
خالد:"انتظر اتصالك...."
بسمه:"ان شاء الله...."
طلعت بسمه من عندهم وهي تناظر البيت اللي عاشت فيه اسوء ايامها في كل ركن منه ذكريات سيئه لها...وقفت في المكان اللي طقها عمها فيه اول عيد قضته عندهم بعد وفاة اهلها..... يوم العيد تهاوشت مع هدى وكان اول مره يمد يده عليها بوحشيه....مستحيل تنسى هاليوم لانه اول عيد بعد وفاة اهلها ولانه اول مره تنهان وتنطق....شعور صعب ان الناس فرحانين بالعيد وانت حزين بالعيد ....مسحت دمعه نزلت غصب عنها واخذت نفس قبل ماتدخل....
اول مادخلت مالقت الا عبد العزيز....
عبد العزيز وبكل فرح:"بسمه..."
بسمه:"اهلين عزوز اشلونك حبيبي..."
راح لها وضمته لصدرها بحنان كان هو وسحر احب اثنين لقلبها في هالبيت...
ودخلت مرة عمها وبناتها وسلموا عليها بكل برود....وبسمه في خاطرها الله يعدي هاليوم على خير....
ام عبد العزيز وهي تبدى هوايتها المفضله :"ها....اشلون اهل خالد معك..."
بسمه:"ماعليهم طيبن الحمد لله"
ام عبد العزيز:"معاملتهم معك اشلون..."
بسمه:"عااااااادي"
هدى:"وخالد"
بسمه وهي في خاطرها الله بعيني على التحقيق:"حتى هو عاااادي مثل أي زوج..."
هند:"باركي لهدى....انخطبت..."
بسمه:"مبرووووك بس من اللي خطبها"
هند:"يوسف ولد خالي..."
بسمه:"مبروك ياهدى..."
هدى بدون نفس:"الله يبارك فيك...."
هند:"اشلون عبير بنت خالة خالد"
بسمه:"مااشوفها الا نادر بس طيبه..."
هدى:"تدرين انهاخطيبة خالد سابقا..."
بسمه بضيق:" ايه ادري..."
ام عبد العزيز:"واشلون مزرعتهم حلوه ..."
بسمه:"ايه مره حلوه..."
وسكتت لما شافت عمها داخل واللي مسبب لها رعب من يوم هي صغيره...وفي خاطرها ياليتك ياخالد قعدت معه وريحتني منه....
مد يده وعطاها جوال خالد واللي نساه في المجلس....
ابو عبد العزيز:"بعد ماطلع خالد انتبهت انه نسى جواله خليه معك اكيد بيتصل...
اخذت بسمه منه الجوال وهي منبهه ان عمها بيقعد معهم وهالشي يضايقها...

^^^^^^^^^^

وهي تكلمها في التلفون وتقولها اش صار في المزرعه....
مشاعل:" على كذا تحسين خالد بدى حبه لك يقل..."
عبير:"ماادري حتى يوم دخلت عليهم ماشفت في عيون خالد اللهفه اللي كنت اشوفها لما اطلع في وجهه "
مشاعل:"حتى من اول وهو يصد لما يشوفك..."
عبير:"صحيح بس كانت اشوف الشوق في نظرته الاولى لي..."
مشاعل:"خلاص اتركيهم في حالهم..."
عبيربعصبيه:"حتى لوصار خالد مهو لي.... والله مااخلي بسمه تتهنى فيه..."
مشاعل:"بديتي تعصبين هدي نفسك شوي..."
عبير:"المهم تجين اليوم خالتي وريم بيجون عندنا..."
مشاعل:"اوكيه..."
عبير:"انا قلت لك اش صار لي مع ريم..."
مشاعل:"لا ماقلتي..."
عبير:"واحنا في المزرعه سمعتها تكلم وليد....شكلها غارقه لشوشتهاومابينت لهااني سمعت"
مشاعل:"عاد تصدقين سعود يقول لي عن وليد انه مهو هين ومن اسر غنييييه حيل يعني اللي في راسه بيسويه ولا همه لا ريم ولا منهم اهلها..."
عبير:"ههههه يعني يوم حبت... حبت واحد صعب التخلص منه..."
مشاعل:"لا هي بسهوله ممكن تتخلص منه بس عقب مايمل هو...وتعرفين هالاشكال متى يملون..."
عبيرببرود:"ودي انصحها بس اتوقع ماتسمع النصيحه...."
مشاعل:"حاولي ...لا تضيع البنيه....تراها خبله..."
عبير:"اللحين هي متأكده اني مااعرف...عشان كذا مابتدخل اللحين"
مشاعل:"كيفك بنت خالتك وانتي اكيد بتكونين احرص مني عليها"
عبير:"ياشيخه... خليها تجرب يمكن مثل اللي نعرفهم... طلعت عشى في مكان عام وكم كلمه حلوه وبس...."
مشاعل:"على قولتك...مااحد غصبها تكلمه وتعطيه وجه..."


^^^^^^^^^^

كانت وهي تسمع صوته الجهوري وتناظر وحهه واللي زرع في قلبها الخوف من صغرها...
ابو عبد العزيز:"شوفي ابغى تقنعين زوجك يشتري قطعت ارض من عندي ويكتبها بااسمك وبكذا تكسبين وتربحين عمك..."
بسمه بتردد:"مااقدر ياعمي..."
ابو عبد العزيز بصوت عالي:"وليه ماتقدرين..."
بسمه:"ماعمره تكلم قدامي في هالمواضيع واستحي اطلب منه..."
ابو عبد العزيز:"وليه تستحين مافيها شي هذا زوجك..."
بسمه:"ماادري بس احس اني مااقدر..."
هدى:"اطلبي منه يالخبله مصيره بيطلقك ويتزوج بنت خالته...
استغربت لما قالت كذا ....
بسمه:"حتى لو طلقني مااقدر اطلب منه..."
ابو عبد العزيز:"بتطلبين غصب عنك...ولا تبغين ترجعين لي منتفه مثل ماتزوجتي..."
ماردت بسمه لانه طلع...ياربي اش اسوي اللحين في هالورطه ....مستحيل اطلب من خالد واخاف من عمي ان ماطلبت...سمعت صوت الجوال ...ولقت اسم فهد وما قدرت ترد شوي وصلت رساله...
لما فتحتها لقتها من جوال فهد(بسمه اذا الجوال معك ردي انا خالد)
وعلى طول دق عليها ...
بسمه:"هلا..."
خالد:"حلو صوتك في التلفون وديعه حيل..."
بسمه حست براحه لما سمعت صوته:"حتى انت مؤدب في التلفون..."
خالد:"حرااااام انا دايم مؤدب معك وهذا اللي مضيع مستقبلي..."
بسمه:"هههههه باقي صغير تقدر تبني مستقبل من جديد..."
خالد:"الله يخليك ساعديني عشان ابنيه من جديد"
بسمه:"لازم تعتمد على نفسك..."
خالد:"انا بعتمد على نفسي بس انتي خليك محايده..."
بسمه حبت تغير الموضوع:"بغيت شي..."
خالد:"تصرفين ها......المهم اذا اتصلت ريم ردي لان امي قالت اذا تبغاني امرهم بتدق علي..."
بسمه:"ان شاء الله"
خالد:"تصدقين ماودي اسكر بسولف معك شوي.."
بسمه واللي انتبهت ان عمتها وبناتها سكتوا من وقت مااتصل خالد:"لا...مشغوله انا اللحين"
خالد:"استاهل انا...ياللا مع السلامه"
بعد ماسكرت جات هدى بحنبها....
عطيني اشوف جوال زوجك....كانت بسمه بتعطيها لما سمعت صوت مسج...
ابتسمت غصب عنها لما قرت المسج واللي كان من جوال فهد وخالد هو اللي مرسلها...(يمكن تقولين كذاب بس والله اشتقت لك)
ارسلت له(تصدق حتى انا)
(معقوووووله مااصدق اللحين بجي اخذك)
(لاااااا اذا بغيتك تجي بااتصل)
(بسمه انتي شئ جميل ظهر في حياتي)
(وانت شكلك بتصير كل حياتي)
(بسمه انا عند الباب اطلعي)
(اقول تراك ماتنعطى وجه)
(ادري)
(اشغلتني ياللا باي)
(باااي يااحلى بسمه)
ماتدري كيف تجرت وكتبت هالكلام بس يمكن عرفت قدره لما رجعت لحياتها السابقه ولذكرياتها الاليمه...وحست انها هو الوحيد اللي ممكن ينقذها من عمها وظلمه عشان كذا مستحيل تتخلى عنه بسهوله....ولازم تحاول تحببه فيها... ولا هي شكلها فعلا بدت تحبه وهذا اللي مخوفها....

^^^^^^^^^^

كانوا متجمعين في الصاله هم وبناتهم و كانت معهم مشاعل...
ام خالد:"ريم كلمي خالد وهومار ياخذ بسمه يمر علينا..."
ريم:"بنرجع مع السواق..."
ام خالد:"لا....بيكون الوقت متأخر نروح مع خالد احسن"
دقت ريم الجوال...
بسمه:"الو"
ريم:"بسمه..."
بسمه:"هلا ريم..."
ريم:"اش جاب جوال خالد معك..."
بسمه:"نساه في المجلس..."
ريم ببرود:"عاد انتي ما صدقتي... ليه مارجع له..."
بسمه:"ريم دقي على رقم فهد واسأليه ليه مارجع له...."
ريم بارتباك:"لا...اش ادق على جوال فهد...المهم وانتوا راجعين البيت مروا علينا في بيت خالتي.."
بسمه:"ان شاء الله.."
لما سمعت الرد سكرت ريم في وجهها ولا اهتمت....
ريم:"يمه جوال خالد مع بسمه وقلت لها تقوله يمر علينا..."
ام محمد:"وليش جواله معها..."
ريم:"تقول نساه"
مشاعل:"اصلا غريبه ماعندها جوال للحين"
ام خالد حست كان مشاعل تلوم خالد:"اكيد مافضى خالد ولا بيجيب لها جوال "

كانت عبير ساكته وتفكر في فكره طرت على بالها....لو نجحت بتكون بدت اول خطوه في التخريب بين بسمه وخالد.... بس حتى تنجح لازم تساعدها ريم ومشاعل...قامت بعد مااشرت لهم حتي يروحون معهم...
والحريم كانوا ملتهين في السوالف...
ام محمد:"ماادري ليه ماارتاح لمرة ولدك...."
ام خالد:"تراها حبيبه.."
ام محمد:"والله انتي اللي حبيبه انتبهي منها لا تلعب عليك..."
ام خالد:"انا اشوفها طيبه ومارح تضرني..."
ام محمد:"انتبهي منها انتي شوفي اشلون بدت تحبب خالد فيها شوي شوي..."
ام خالد:"والله اللي اشوفه ان خالد قاسي معها مره..."
ام محمد:"ماعليك من القسوه بس شوفي نظراته لها لما تتكلم ولما تضحك "
ام خالد:"ههههه الحمد لله لاتنسين انها زوجته وتوهم عرسان..."
ام محمد:"لا تضحكين تراها مهي هينه..."
ام خالد:"ما شفت منها شي..."
ام محمد:"ياام خالد انتبهي منها خالد تزوجها وهو مايحبها شوفي اشلون صار حريص عليها اخاف تتمسكن حتى تتمكن من ولدك... ويظهر وجهها الحقيقي...ياما حريم يكونون طيبات اللين يتملكون قلوب رجالهم ويقلبون على اهله"

ماردت ام خالد وهي تفكر صحيح ممكن هالشي يصير واقرب مثال انتي ياام محمد كنتي طيبه مع اهل زوجك وبعدين قلبتي عليهم....

^^^^^^^^^^

هدى:"اقول بسمه...من حبيتي اكثر واحد من اهل خالد"
بسمه:"كلهم ينحبون..."
هند:"ماتخافين من عبير"
بسمه:"لا...وليش اخاف منها..."
هدى:"لانا سمعنا ان زوجك يموت فيها..."
بسمه:"اشاااعات لان خالد مايحبها..."
هدى:"لا تقولين يحبك..."
بسمه:"اكيد يحبني..."
ام عبد العزيز اللي استفزتها بسمه بطريقة كلامه بس ماحبت تبين:"اشلون خالة خالد"
بسمه:"ماعليه طيبه..."
ام عبد العزيز:"سبحان الله حبيتها من اول ماشفتها كاني اعرفها من سنين..."
ابتسمت بسمه وتذكرت امل لما قالت الطيور على اشكالها تقع...
بعد ماخلص التحقيق معها طلعت ام عبد العزيز غرفتها وهدى وهند سوااالف ولاكانها موجوده اضطرت في الاخير تجلس مع عبد العزيز تلعب معه بلاي ستيشن على انها ماتحبه كثير بس من الملل...وسمعت صوت مسج وابتسمت توقعته من خالد بس لما فتحته انصدمت لانه رقم مهو مسجل في الجوال بس مضمونها تدل على ان المرسل هي عبير...

^^^^^^^^^^^

في غرفة عبير كانوا قاعدات وصوت الاغاني واصل اخر الدنيا وعبير فرحانه... ومستعجله متى تشوف نتايج تخطيطاتها...
ريم"ماادري احس اللي سويتيه فيه مغامره"
عبير:"انتي ماعليك سوي اللي قلت لك عليه وبس"
ريم:"خالد لو يدري صدقيني ليتغير موقفه تجاهك وتجاهها وتصير هي الحبيبه الغاليه"
عبير:"لازم اغامر لاني لو ماسويت شي بتصير اكيد الحبيبه الغاليه"
مشاعل:"ريم انتي سوي المطلوب وبس وانا اللي علي بنفذه وبكذا ينتهي دورنا"
ريم:"مهمتي سهله...بس ماتخافين تصارحه في السياره..."
عبير:"مااتوقع احس انها بتحاول تسكت لانهم بيمرون عليكم وفي البيت لما تشوف لامبالاته بستنتج انه مهو مهتم في مشاعرها.."
ريم:"طيب هي داريه اني كلمتها وانا في بيتكم...اكيد بتستنتج انك عرفتي ان جوال خالد معها وعشان كذاارسلتي"
عبير:"مااعتقد لانها توها متزوجه خالد وما تدري عن اخلاقه زين وثانيا لانها عارفه انه يحبني"
ريم:"اكيد انه مايوضح قدامها حبه لك..."
عبير وفي خاطرها مايحتاج يوضح بعد ماسمعت منه كل شي اول ليله في زواجهم:"مهو لازم يقول احيانا الافعال تدل"
ريم بااستغراب:"انتي اشلون تجيك الافكار الجهنميه..."
عبير:"حتى تعرفين منهي بنت خالتك...."

^^^^^^^^^^

راحت المطبخ ومن المطبخ طلعت الحوش حست انها محتاجه تقعد بالحالها وناظرت في الثلاث رسايل اللي وصلت...
.(اسفه ياعمري كنت نايمه الظهر وعقب انشغلت وماقدرت ارد عليك لا تزعل حبيبي)
(ادري ياخالد انت مو مرتاح معها لكن لمااشوفك معها اتعذب متى ينتهي ياخالد هالعذاب)
(بكلمك في الليل اذا كانت عنك رد وقل غلطانه يكفيني سماع صوتك)

يعني خالد يلعب علي ويعتبرني ولا شي بس تسليه حتى وقت معين ويرميني....
حست انها منهاره ليه ياخالد لما بديت احسس نفسي معك بالامان خطفته مني ورجعتني لنقطة الخوف من المجهول......تناظر حولها وهي خايفه ترجع هالبيت من جديد...

^^^^^^^^^^

"خالدمعجب في جوالي خذه ولا تناظره بها الطريقه كانك اول مره تمسك الجوال"
خالد:"يااخوي بتمن علينا بجوالك مانبيه..."
فهد:"اقول سمعت مسجات لي ولا لك.."
خالد:"اكيد لي ...وبعدين انت قاعد هناك واذنك معي..."
فهد:"اخ يالقهر كان ودي عيوني اللي تكون معك حتى مايكلني الفضول..."
خالد:"فهد على من انت طالع ملقوف..."
فهد:"على ولد عمي...المهم جولك طلع في بيت عم مرتك"
خالد:"ايه..."
فهد:"اكيد الرسايل منها..."
خالد:"موت بحسرتك ماني قايل لك..."
فهد:"طيب بغيت اسألك سؤال ونغير محور حديثنا"
خالد:"احلى يامحور حديثنا.....اسأل ولو ان اسألتك زي وجهك..."
فهد:"يازينها اذا زي وجههي....المهم صدق عبير هي اللي طيحت مرتك في المزرعه"
خالد:"ماادري امل تقول قاصده انها تطيحها...وريم تقول ماقصدها وماادري من الصادق..."
فهد دق قلبه بس سمع اسم ريم بس انقهر انه مقرون مع اسم عبير...
فهد:"اكيد امل"
خالد:"وليه اكيد انها امل..."
فهد:"لان ريم صديقة عبير اكيد بتشهد لها"
خالد:"وامل وبسمه صداقتهم اقوى ليه ماتكون تشهد لصديقتها..."
فهد:"انت ليه دايم تدور عذر لعبير..."
خالد:"ماادور لها عذر...بس هذي الحقيقه"
فهد:"يااخي انساها"
خالد:"انا قررت اعيش حياتي مع بسمه... واحاول انسى عبير.... صحيح انه هي اللي حبيت بس ماالله كتب...خلاص الحياه ماوقفت هنا..."
فهد:"هذا هو الكلام الصح...بس متى هالقرار""
خالد:"اخر يومين في المزرعه وانا افكر...واللحين اتخذت القرار"
فهد:"كفو والله ترى حرمتك صاير لها شعبيه في العيله والبركه في جدتي"
خالدوهو يناظر الجوال اللي في يده :"...يااخي ماادري على انها بتتصل بس للحين مادقت ماادري اشفيها.."
فهد:"طيب دق عليها بدل ماانت شكلك يكسر الخاطر كذا"
خالد في خاطره حسبي الله على ابليسك يافهد الي مايفوتك شي...
خالد:"شكلي يكسر الخاطر في عينك.... قم اذلف خلني اكلم مرتي...."
فهد:"عادي كلمها وانا بجنبك حتى اخذ خبره تدري اخوك بيتزوج قريب"
مارد عيه خالد وفهما فهد وفي خاطره اقوم بكرامتي احسن...


^^^^^^^^^^
يتبع

بعد مارجعت من الحوش جلست معهم بوجه غير اللي طلعت به كانت حاسه بهموم الدنيا فوق راسها...يعني مردها لهالبيت وترجع لحياة العذاب من جديد في بيت خالد رغم اللي قاسته.... مايقااارن بحياتها في بيت عمها...
هدى:"اشفيك ماتردين علىالجوال ..."
انتبهت بسمه انه رقم فهد...
بسمه:"الووو"
خالد:"كرهت كل الووو في الدنيا من بعد الووو احلى بسمه"
بسمه ببرود:"هلا خالد..."
استغرب خالد من نبرة صوتها...
خالد:"اشفيك مادقيتي..."
بسمه:"انشغلت شوي..."
خالد"اوكيه نص ساعه وان عندك..."
بسمه:"انتظرك"
سكر خالد وهو مستغرب مبين انها زعلانه من شي ...

^^^^^^^^^^

قاعده تسمع لاختها بعد مااقنعتها باللي تقوله وحست ان اختها صادقه ولازم تكون حذره مع بسمه....
ام خالد:"صادقه...الطيب في هالزمان مايعيش..."
ام محمد:"ايه ولا تصيرين معها حنونه زياده بيني لها انك منتي بسهله لو بغت تخرب ولدك عليك..."
ريم:"يمه خالد يقول اطلعوا..."
ام محمد:"بطلع اسلم عليه..."
عبيروهي تكلم ريم:"لا تنسين تاخذين الجوال منه اللحين"
ريم:"ان شاء الله"
.
.
.
.
كان خالد مستغرب من بسمه اللي من طلعوا من بيت عمها يالله ترد عليه ولما سألها اشفيها قالت مصدعه شوي...
انتبه على امه وخالته طالعين ونزل حتى يسلم على خالته...
خالد:"هلا بالخاله ام محمد.."
سلم عليها وكانت تناظر بسمه اللي ركبت وراه قبل مايطلعون وسرحانه حتى ماالتفتت عليها...
ام محمد:"حياك ياولدي...اشفيها مرتك مهي نازله تسلم..."
خالد وهو يدق الدريشه على بسمه:"اكيد ماانتبهت..."
نزلت بسمه لما سمعت دقت خالدوسلمت على خالته اللي من سرحانها ماانتبهت لها....
ام محمد:"اشلونك يابسمه"
بسمه:"بخير الحمد لله..."
وحست انها ماهي طايق تناظر في وجهها ودخلت السياره...
ام محمد:"اشفيها مرتك ياكافي كانها مغصوبه تسلم..."
حس خالد باحراج من تصرف بسمه وفي خاطره مهما كان قوة صداعك المفروض تكونين محترمه اكثر مع اهلي .....
خالدوهو راكب سيارته بعد ماركبت امه وريم...:"تقول مصدعه شوي... ياللا مع السلامه ياخاله"
حرك سيارته وطلع من البيت وهو معصب من تصرف بسمه بس حاول يبان طبيعي...
ريم:"خالد عطني جوالك...جوالي ادور عليه في الشنطه مالقيته بدق عليه واشوف"
خالد:"مع بسمه..."
فتحت بسمه شنطتها وعطت ريم الجوال...والتفتت الجهه الثانيه وهي تفكر في حياتها
وليه دايم كل مابدت تتأقلم مع شي ...يصير شي يخرب عليها..
في هالوقت مسحت ريم رسايل عبير ودقت على جولها وسمعت صوته...
ريم:"هذا هو جوالي كنت حاطته في الجنب ونسيت..."
مدت لخالد بجواله واللي خذه وهو ساكت....
.
.
.
.
اول ماوصلوا طلعت غرفتها وخالد منتبه عليها اشفيها انقلب حالها مره وحده
قعد مع امه شوي واللي بعد مافرت عقلها ام محمد...قعدت في الصاله تشوف خالد بيعبرها ويقعد معها ولا بيطلع ورى مرته...ام خالد:"اشفيها مرتك مبين عليها زعلانه"
خالد:"لا مهي زعلانه بس مصدعه شوي"
ام خالد:"ترى عيب عليها اللي سوته في خالتك....طالعه تسلم وتعاملها مرتك ببرود"
تنهد خالد:"ماادري عنها...تدرين بطلع اشوف اشفيها..."

^^^^^^^^^^

كانت في غرفتها واول ما سمعت خالد طالع في الدرج فتحت باب غرفتها ولما تأكدت
انه دخل غرفته دقت على ريم...
ريم:"هلا عبير..."
عبير:"اهلين ...ها بشري..."
ريم:"مسحت الرسايل وخالد دخل غرفته خلي مشاعل تدق بعد شوي..."
بعد ماسكرت من عبير....ابتسمت بسعاده لانها بتبدى اللحين اسعد اللحظات عندها وهي تكلم حبيب القلب...

^^^^^^^^^^

طول ماهو قاعد معها يحاول يتحكم في اعصابه بسبب لا مبالاتها الظاهره...
خالد:"اشلون مافيها شي..."
بسمه بعصبيه:"والله كيفي...بعدين يكثر خيري اني نزلت اسلم عليها..."
خالد وهو معصب سمع الجوال قطع كلامه لها...
خالد:"مساء النور..."
خالد:"لا اختي غلطانه..."
استغرب لما ناظر بسمه واللي رسمت على وحهها ابتسامه ساخره...
خالد:"اش مناسبة هالابتسامه البايخه.."
بسمه:"بدون مناسبه..."
قرب خالد وجلس بجنبهاومسك يدها...
خالد بهدوء:"بسمه صار شي في بيت عمك زعلك..."
وهي تفك يدها منه:"وش بيصير في بيت عمي..."
خالد:"ماادري بس لما ارسلت لك الرسايل كان ردك غير اللحين..."
بسمه وهي قاصده تبين له عدم الاهتمام:"ههههه صدقت ياخالد الرسايل..."
عصب خالد من ردها وحاول يمسك اعصابه:"ايه صدقت..."
بسمه ببرود:"لا ...لا تصدق ...لاني بصراحه كنت ملانه وقلت اتسلى..."
خالد وهو منصدم:"اش اللي تتسلين فيه..."
بسمه:"في ردودك اقراها وانا اضحك..."
خالد وهو معصب:"اقوم يابسمه احسن لاني لو قعدت برتكب فيك جريمه.."
بسمه:"يكون احسن ياخالد لو تقوم..."
خالد:"مافيه احد في الدنيا يعصبني مثلك يابسمه لكن والله لتندمين على كل الكلام الي قلتيه...."
وسمع صوت مسجات ورى بعض ومارد...
بسمه:"رح شف رسايل الغرام اللي من بدري جايه"
كانت هي تقصد اللي ارسلتها عبير.... وهو يظن انها تقصد اللي سمعتها اللحين....
خالد:"مالك دخل رسايل غرام ولا رسايل تبن انتي ماتدخلين في أي شي في حياتي..انتي في حياتي يابسمه ولا شي...سامعه ولا شي.."

ودخل الغرفه وركل الباب بكل قوته....وقت ماحس انه بدى يتقبلها في حياته واكثر من كذا بدى يميل لها....كل شي اختفى بلحظه... كان مستغرب منها ومن موقفها وكيف تفكير هالبسمه....
.
.
.
.
...شالت قناع الامباله اللي كانت راسمته على وجهها وتنهدت من قلبها......كانت حاقده عليه ...تستغفلني ياخالد... حتى الرسايل ماانكرها دليل عدم اهتمامه بمشاعري...اذا انت ناوي حياتنا مايستمر ... ليش تعاملني بطريقه تحسسني اني مهمه في حياتك...
نزلت دموعها غصب عنها ...الاقيها ياربي من عمي الجشع وطلبه اللي مستحيل انفذه... ولا من خالد اللي ماادري اش انا في حياته......
الجزء الرابع عشر....


كان طالع وشافهها وهي طالعه تمني يجرها من شعرها ويدخلها داخل بس كان متأكد انه رح يعقد المسأله اكثر...لانه جرب كم مره معها هالاسلوب مانفع لان امه وابوه معها ومستحيل يرضون انه يمد يده... كان لازم يتحكم في اعصابه ويحاول يتكلم مع اهله بهدوء حتى يقدر يأثر عليهم....
اول مادخل بيت اهله واللي كان ملاصق لبيته كان امه وابوه قاعدين يسولفون ابتسموا اول ماشافوه....
محمد:"السلام عليكم..."
ابو محمد:"وعليكم السلام ...هلا بولدي"
ام محمد:"هلا بمحمد اشلونك ياولدي..مااشوف نايف ونواف مروا علينا اليوم"
محمد:". العيال تعرفين اجازه وتوهم صاحين قبل شوي..."
ام محمد:"اخاف بس العنود ماتخليهم يجون"
تنهد محمد في خاطره اللحين امي بتقلب السالفه عن العنود وممكن تعصب...وانا ابي اكلمهم في عبير اللي لازم يكونون هادين حتى يتقبلون مني...
محمد:"اشلون تمنعهم من اهلهم الله يهديك...واللي يسمعك مايقول انهم كل اشوي ناطين لك في البيت..."
ابو محمد:"ماعلينا احنا بنسافر خلال هاليومين اذا تبي تخاوينا...."
محمد:"لا مااقدر...تدري العنود حامل وصعب عليها السفر..."
ام محمد:"ايه ماعليه حطها عند اهلها وسافر انت والعيال معنا..."
محمد:"صعبه يمه اسافر...وبعدين خيرها بغيرها...على وين ان شاء الله بتسافرون"
ابو محمد:"كالعاده على لندن..."
محمد:"ماادري ليش تحبون لندن.."
ابو محمد:"والله مااحبها بس عبير ماتنبسط الافيها..."
محمد وانا ماقهرني الا عبير ورغباتها اللي عندكم تصيراوامر...
محمد:"على طاري عبير ...مااشوفها"
ابو محمد:"طلعت السوق قبل شوي..."
محمد:"ماكنها زايده طلعاتها..."
ام محمد:"راحت تشتري شوية اغراض لسفر وبعدين من الملل تطلع وتوسع صدرها"
محمد وهو يحاول يتكلم بهدوء:"وفي السوق توسع صدرها؟؟؟"
ابو محمد:"ايه عبير لما تشتري اللي خاطرها فيه تنبسط ...وهذا اللي ابيه"
محمد:"طيب ماتشوفون هيئتها لماتطلع.."
ابو محمد:"عااااادي كل البنات كذا"
محمد:"لا يبه مو كل البنات كذا..."
ام محمد:"لا تظن الحريم مثل مرتك...مرتك بالنسبه لعبير عجوز..."
محمد:"طيب ما تشوفين ريم بنت خالتي..."
ام محمد:"حتى ريم لو مو اهلها متشددين شوي تلبس مثل عبير"
محمد:"مهو تشدد يمه ان البنت تطلع متستره في عباتها...للاسف عبير واللي مثلها صارت العبايه لزينه اكثر منها لستر تظهر العبايه اكثر مماتخفي...انتو ماتخافون عليها وهي طالعه كل شوي في كامل زينتها"
ابو محمد:"لا مااخاف عليها لان بنتي مربيه زين"
محمد:"ما ضيع بناتنا الا انا نخليهم على كيفهم ونقول احنا واثقين في بناتنا"
ام محمد:"اشفيك جاي وانت حاقد على اختك..."
محمد:"ايه حاقد عليها لما اشوفها..."
ام محمد:"ايه اكيد العنود شاحنتك على اختك"
محمد:"العنود مالها دخل...وبعدين عبير اختي الوحيد وتهمني مصلحتها..."
ابو محمد وهو يقاطعه بعصبيه:"اذا تهمك مصلحتها لا تتدخل في حياتها طول ماانا حي..."
محمد:"يابوي عبير بنت ضعيفه وممكن تتأثر من الكلام الحلو اللي اكيد تسمعه لما تروح الاسواق لوحدها...انا مستعد اوديها وين مابغت بس تترك الروحه مع السواق على كيفها"
ابو محمد"محمد ماعليك من اختك..."
محمد وهو قايم بيطلع:"ترى ذنب عبير في رقبتكم لو ضاعت لانكم انتو اللي ضيعتوها بطاعتكم العمياء لها..."

^^^^^^^^^^

في غرفتها وهي سرحانه وتفكر صعب احساس البنت لما تنخطب وتفكر في حياتها مع اهلها وانها ممكن تترك كل شئ وتروح مع شخص غريب...وتصير لما تجي بيت اهلها كانها ضيفه....
"امل للحين مالبستي..."
انتبهت على امها اللي ماحست فيها لما دخلت...
امل:"ها...شوي واكون جاهزه..."
جلست بجنب بنتها اللي كان مبين عليها الشرود وكثر التفكير هاليومين...
بدريه:"امل....اذا ماتبغين ولد عمك تأكدي مااحد بيغصبك.."
امل:"ادري يمه بس احس صعب اني اترك بيتي واهلي"
ضمتها امها لصدرها بحنان كانت علاقتهم مو ام بنتها كان بينهم علاقه صداقه قويه..
بدريه:"مصير كل بنت....وبعدين حتى لو صار نصيب الزواج بعد سنتين يعني لا تشيلين هم الفراق من اللحين"
امل وهي تتنهد:"كل البنات يحسون باللي احسه اللحين"
بدريه:"كان سألتي بسمه..."
امل:"سألتها قالت انا اختلف عن البنات في كل شي..."
بدريه:"يمكن قصدها ان اهلها ما ينحزن عليهم.."
امل:"لا...تقول كل شي مختلف حتى اول ليله غير...سالتها اشلون غير ...قالت غير وبس..."
بدريه:"عاد انتي يالقفك يمكن تحرجينها لما تسألينها..."
امل:"لا ماحسيتها منحرجه قد ماهي حزينه..."
بدريه وهي قايمه بتطلع:"اقول قومي تجهزي اللحين بنروح لاهلي"
امل:"من اول احب اروح عندهم من بعد ماجات بسمه صرت انبسط اكثر..."

^^^^^^^^^^
يتبع

كانت تتفرج على التلفزيون وهو يتصفح الجريده من ذيك الليله وهو مايكلمها ولا كانها موجوده...صحيح ارتاحت من استفزازه لها بس شعور مهو حلو تحس انك مهمل...
رن الجواله...
خالد:"هلا والله تركي..."
تركي:"اشلونك ياخوي.."
خالد:"بخير الله يسلمك...اخبارك واخبار الاهل"
تركي:"الحمد لله بخير...كيف العروس..."
خالد وهو يناظر بسمه:"ما عليها طيبه..."
تركي :"كلمتك حتى ااكد لك تجونا ان شاء الله هالاسبوع..."
خالد:"ايه امس دقيت عليك كان جولك مغلق ...بغيت اعتذر..."
تركي:"ليه والله ننتظركم..."
خالد:"يااخي فيه ضغط في الشغل هاليومين ومااقدر اتركه...لكن متى ما سمحت الظروف نجيكم حتى من دون تلفون..."
تركي:"على راحتك...بس ماادري بسمه قريبه منك..."
خالد:"بسمه (ناظر بسمه واللي هزت راسها ومبين عليها لو تكلمه بتصيح) اللحين تحت بس اذا جات خليتها تكلم..."
تركي :"سلم عليها..."
خالد:"الله يسلمك..."
بعد ماسكر رفع جريدته يكمل قرايتها وهو حاس انها من القهر ودها تنفجر في وجهه في خاطره احسن خلها تتأدب..كان منقهر منها يوم استفزته وقالت انها تتسلى في رسايله اللي كان هو جاد فيها...
ماقدرت تسكت وهي تشوفه يرفض زيارة خالتها واللي انحرمت منها من زمان....
بسمه:"ليه اعتذرت منه..."
ناظرها خالد ببرود قهرها ورفع الجريده من غير مايرد عليه...
بسمه وهي تحاول تتحكم في اعصابها:"طيب تركي بيجي الرياض هالاسبوع عادي اروح معه..."
نزل الجريده وناظرها:"لا..."
بسمه:"طيب ليه..."
خالد:"كيفي.."
بسمه:"لا مو بكيفك تحرمني من خالتي"
خالد:"ما بحرمك منها بس منتي رايحه لها اللحين"
بسمه:"طيب خلني اروح مع تركي اذا ماتبغى تروح انت..."
خالد:"قلت لك لااااااااا"
بسمه:"اللحين انت ليش تعاملني كذا ..."
خالد:"ماتدرين ليش اعاملك كذا.."
بسمه:"وانت ماسألت نفسك اللي سويته تعتبره سهل..."
خالد وهو يرمي الجريده:"اش اللي سويته يابسمه .."
بسمه:"ابد سلامتك ...ماسويت شي..."
خالد:"هذا انتي انسانه غريبه....كل شي حسب مزاجها...بس ترى انا مااحب اكون على مزاج احد...خصوصا انتي يابسمه"
بسمه:"ومن انا في حياتك ياخالد ياحسره"
خالد ببرود:"قلت لك انتي ولا شي..."
انقهرت منه ومن ردوده وزعلت ودخلت الغرفه حتى مايشوف دموعها واللي نزلت غصب عنها...هو الغلطان ومع ذلك محملها مسؤلية كل اللي صار...
.
.
.
.
نزل خالد تحت عند اهله لما دخلت بسمه كان من الملل يبي يسولف مع احد لقى امه وابوه وريم قاعدين تحت...
ريم:"والله ملل كان خليتونا نسافر.."
ابو خالد:"ماسافر خالد وهو عريس حتى تسافرين انتي"
ريم:"خالد هو بكيفه مايبي يسافر لكن احنا متعودين كل سنه نسافر...ليش هالسنه حارمينا"
خالد:"حراااام ضعيفه ياريم اخاف تموتين لو ماسافرتي"
ريم:"السنه هذي من اولها نحس ماادري اش السبب"
ابو خالد:"استغفري ربك اش نحسه اللي تقولين عنه..."
ريم وهي تتنهد :"اخاف كلامي مايعجبكم...اسكت احسن.."
خالد:"احسن كلمه سمعتها منك اليوم...اسكتي.."
ريم:"ماني ساكته ياخالد....الظاهر من تزوجت وانت ما تحب تسمع الا صوت مرتك.."
خالد:"اللحين اش دخل بسمه في الموضوع"
ريم:"انت اصلا من تزوجت وانت متغير.."
خالد:"اناااا:"
ام خالد واللي ماصدقت:"ايه انت ياخالد....تغيرت علينا حتى ما تقعد معي مثل اول ولا تسأل عن حالي غيرتك هالبسمه"
ابو خالد:"ام خالد الله يهديك الظاهر ماصدقتي ريم فتحت الموضوع....خالد عمره ماقصر"
قام خالد عند امه وحبها على راسها:"تأكدي مافيه احد يقدر يغيرني على الغاليه "
ام خالد وهي تناظر ولدها بحنان:"اخاف ياولدي تغيرك مرتيك علي.."
خالد:"مستحيل يصير هالشي انا خالد يمه ولا يمكن انسى فضلك علي"
ام خالد:"الله لا يحرمني منك ياولدي"
خالد:"بس يمه حرااام تظلمين بسمه تراها طيبه واحس ان معاملتك انتي وريم معها جافه"
ريم:"ليه تخاف على شعورها"
خالد:"اكيد اخاف على شعورها نسيتي انها زوجتي..."
ريم:"مالت عليها من زوجه اصلا..."
ابو خالد يقاطعها بعصبيه:"ريم ما تحسين ان لسانك طويل..."
ريم:"يبه مهو بيدي ..مااحبها اكرهها..."
خالد:"مو لازم تحبينها ...كفايه انا احبها...بس حسني اخلاقك معها"
ريم:"اقل من شهر وحبيتها ونسيت كل اللي قبل...مااقول الا مااسرع ماتحبون ومااسرع ماتكرهون"
خالد:" ريم ترى عمري ماغلطت عليك بس الظاهر اذا استمريتي كذا مارح يصير خير"
كان التلفون يرن...
خالد:"الو"
سمع عبير الا هو اخر صوت يتمني يسمعه...
عبير:"مرحبا خالد..."
خالد حس انه ماله داعي يطول معها:"اهلين عبير...هذي ريم معك"
انقهرت عبير من حركته وخافت لا يكون اكتشف كل شي....
ريم:"عبير ابروح غرفتي واكلمك..."
سكرت التلفون وراحت غرفتها وكانت عارفه ان عبير بتسألها وهي مارح تقدر ترد قدام اهلها...اول ماوصلت اتصلت في عبير...
ريم:"الو"
عبير:"اشفيه خالد لايكون درى عن الموضوع"
ريم:"الناس يسلمون اول.."
عبير:"ريم..."
ريم:"ماادري عنهم بصراحه...لانهم مايبينون شي بس لاحظت من ذاك اليوم كلامهم مع بعض قليل جدا...وهي صايره تقلل قعدتها معنا..."
عبير:"اول ماكلمني خفت لايكون درى..."
ريم:"لو درى ما كان كلمك كذا..."
عبير:"طمنتيني اسافر يعني وانا مرتاحه ان الخطه ماشيه اوكيه"
ريم:"ماادري بس بصراااحه لاحظت انه يدافع عنها ولا يرضى احد يسبها حتى لو هالاحد هي امي"
عبير:"انتي مره تفرحيني ومره تخوفيني"
ريم:"انا بس انقل لك الواقع..."
عبير:"لا تضيقين صدري ...تدرين مسافره ومااحب اسمع الا الاخبار السعيده"
ريم:"لا تذكريني ضايق صدري انا مارح نسافر هالسنه"
عبير:"اقنعي ابوك وتعالي معنا"
ريم:"الظاهر انتي تكرهيني حتى تطلبين هالطلب"
عبير:"مافيها شي محمد مهو مسافر معنا وابوي حسبة ابوك"
ريم:"حتى ولو مستحيييييل يوافقون عشان كذا اسكت احسن من اطلب المستحيل"
عبير:"على راحتك...ياللا انا اللحين بسكر عنك تامرين شي"
ريم:"سلامتك سلمي على خالتي..."

بعد ماسكرت التلفون رمت نفسها على السرير اللي مهون عليها هالسنه انها لاقيه اللي يشغل وقتها...وليد رفعت التلفون بتكلمه بس هونت..... اليوم بتجي بدريه وساره ولازم تكون في استقبالهم...تنهدت وهي تسأل نفسها اش نهاية مكالماتها ...معقوله فيه زواج يتم بهالطريقه وان تم هل بينجح؟؟؟ دايم تحس بتأنيم الضمير وتقرر قطع علاقتها مع وليد بس تضعف في النهايه...

^^^^^^^^^^


لما درى ان بدريه وصلت طلع حتى قبل يسلم عليهم لانه عارف ان امل ورهف اكيد بيطلعون لبسمه واللي كانت زعلانه لما نزل من عندها حب ينبها انهم وصلوا...اول مادخل الصاله ماكانت موجوده عرف انها داخل...قعد وهو مستغرب من نفسه شعوره ناحية بسمه غريب ماكانت تعني له في حياته أي شي.... واللحين صار يفكر فيها اكثر بكثير مما يفكر في عبير.... صحيح انها غالبا تنرفزه وهو يرد لها الصاع صاعين بس مايمنع انه يحس ناحيتها احساس غريب كل ماله يكبر في داخله...
تسأل في نفسه ممكن يكون حب...طيب اللي كان ولازل يحسه ناحية عبير اش يسمى وهل ممكن الشخص يحب شخصين في وقت واحد...
-":ها...اكلمك يالحبيب"
خالد:"كيف دخلتي انتي ووجهك..."
امل:"دخلت عادي مثل ماالناس يدخلون ...طقيت الباب مااحد رد فتحته شفتك سرحان في عالم ثاني كلمتك مارديت...قلت ادخل اشوف لايكون جاك فقدان للذاكره"
خالد:"اولا مادام مااحد رد المفروض ما تدخلين..."
امل:"اقول وين حرمتك بدل هالمحاضره اللي مارح تنتهي قريب"
خالد:"لازم افهمك بكره بتتزوجين ولازم تعرفين الاصول"
امل وهي تصارخ:"بسمه تعالي انقذيني "
سمعت بسمه امل وضحكت في نفسها من طريقة كلامها وفتحت الباب...
امل اول ماشافتها:"تعالي شوفي حبيب القلب اش مسوي فيني"
بسمه ببرود:"قلت لك ياامل مااااالي حبيب قلب عشان انقذك منه"
امل:"وهالمزيون وش محله من الاعراب"
بسمه:"ماله محل من الاعرلب..."
خالد:"اذا انا مالي محل من الاعراب اش تصيرين انتي"
بسمه:"تقدر تقول انا ولااااا شي"
عارف خالد انها تقصد كلمته لها..:"شئ طيب ان الواحد يعرف قدر نفسه"
بسمه:"انا عارفه قدري ياخالد.... وحتى لو نسيت فيه ناس مارح يقصرون ويذكروني بقدري"
امل حست ان الجو مكهرب بينهم وشكلها بينهم غلط...
امل وهي طالعه:"اذا خلصتوا حديثكم الودي احنا تحت ننتظركم..."
خالد بعد ماطلعت امل:"البنت على وجه زواج صدقيني من تسمع كلامك تتعقد.."
بسمه:"قصدك من تسمع كلامك انت..."
خالد:"بسمه لا تخليني لك خصم لانك والله انتي الخسرانه"
بسمه:"اش بخسر اكثر مماخسرت ياخالد"
خالد وهو طالع:"الايام بتبين لك اش ممكن تخسرين زود يابسمه"
اول ماطلع جلست على الكنبه وهي تفكر في كلامه ماتدري ليش من بعد ماشافت رسايل عبير وهي تحاول تبعده عنها اكثر واكثر وتحاول تكرهه فيها...لمصلحة من لو خالد تبدل تقبله لها اللي كان واضح الى كره.......تنهدت وهي فخاطرها متأكده ان المستفيده الوحيده هي عبير استغربت ليش تساعدها بكل سهوله.......المفروض تكون هي اللي تتمسك في خالد لانها لوخسرته رح ترجع للحياه اللي تكرهها...خالد رغم كل مساوئه لكن يكفيها انها معه ماتحس بشعورالخوف اللي تحس به مع كل نبضه من نبضات قلبها من تسمع صوت عمها....

^^^^^^^^^^

كان جالس مع امه وابوه هو يسولف وامه بس تضحك اما ابوه بس يكتفي بالابتسام...
ام فيصل:"ههههه حبسي الله على ابليسك...اسكت حتى الضحك من كثر ماضحكت كرهته"
فهد:"شوفي ابو فيصل اشلون مايحب يتعب نفسه اذا مره انبسط يالله وبالقوه تظهر الاسنان الاماميه"
ابو فيصل:"شكل ودك تشوف ضروس العقل"
فهد:"خاطري يبه...اشوفها...بس على فكره ظروسك للحين قويه في هالسن"
ابو فيصل:"قل ماشاء الله حسبي الله عليك من ولد"
فهد:"ماشاء الله الله يبارك لك في ضروسك قل امين"
ام فيصل:"آميييييييين"
فهد:"الله يمه طالعه من قلبك...ايه ماتنلامين حبيب القلب..."
ام فيصل:"فهد عيب هالكلام..."
فهد:"مافيها شي....(وهو يغمز لامه)اتذكر مره رفعت التلفون وانتي تكلمينه تقولين له احبك ياعبد الرحمن"
ام فيصل وهي تشهق وتحط يدها على وجهها:"انا قلته ياللي ماتستحي على وجهك..."
فهد حس انه زودها مع امه قال يقلبها مع ابوه:"بصرااااااااحه انا مو متأكد من صوت الحرمه اللي كان يكلمها ابوي اخاف تكون بس وحده ثانيه"
ام فيصل:"وحده ثانيه منو يعني..."
فهد:"ماادري يمه بس لا يروح فكرك بعيد.... تدرين الشرع محلل اربع"
ام فيصل بعصبيه:"فهييييد تدري انت اش تقول"
التفتوا على ضحكت ابو فيصل واللي نادر مايضحكها....
فهد:"(وهو يقلد لهجة الصعايده)الحقر نطئ يارقاااااله..."
مادرى الابضربه على كتفه من ابوه...
ابو فيصل:"ايا اللي ماتستحي تشبه ابوك بالحجر..."
فهد وهو يضحك ويحب راس ابوه:"اعذرني ياابوي من فرحتي بضحكتك....قمت اخربط بالحكي"
ابو فيصل:"مهو منك ...من اللي معطيك وجه"
فهد:"لا تزعل احنا ماصدقنا هالضحكه طلعت"
ابو فيصل:"ماعلينا متى تبي نخطب لك بنت عمك..."
فهد وهو متفاجئ:"أي بنت عم"
ابو فيصل:"كم بنت عم عندك مهي متزوجه...ولا لايكون حاط عينك على وحده ثانيه"
فهد:"لا وحده ثانيه ولا وحده ثالثه...بس انا اقول هي تدرس في الجامعه نأجل الموضوع شوي وعقب يصير خير"
ام فيصل:"حتى لو تدرس مايمنع تتزوج..."
فهد:"ادري بس اش اللي معجلنا ننتظر شوي وعقب يصير خير"
فهد فخاطره ودي اخطبها اليوم قبل بكره بس اخاف من الرفض واللي ممكن يترتب على هالرفض...

^^^^^^^^^^

كانوا رغم اختلاف طباع كل وحد عن الثانيه الا انهم في نظر بسمه اسره متماسكه وسعيده يمكن لانها كانت محرومه من الاخوات...كانت بدريه اعقلهم.... وساره فيها طيبة امها مع ضعف شخصيتها.... وريم قمه في الدلع والغرور.... يختلفون على كل شي بذات بدريه وريم.... ساره تكون محايده واحيانا تميل مع اللي كفتها بترجح...
دخل خالد هو شايل عيال ساره...اول مادخل قامت امل وساره ياخذون عيال خالتهم...
بدريه:"ياهالبنات اللي قاهريني...."
خالد:"ههههه سلامتك من القهر يابدريه"
بدريه:"تلومني اخوهم ياعندي... ياعند الشغاله..ز وبس يشوفون عيال ساره قاموا تقول محرومين من العيال"
بسمه:"ماعليك منهم...انا احب محمد"
ساره:"اش قصدك عيالي ماينحبون..."
بسمه:"بالعكس ...بس عيالك سوقهم ماشي "
بدريه:"الله يهديك يابسمه بدل ماتكحلينها عميتيها..."
خالد:"في هذي صدقتي يابدريه"
بدريه ماحبت تعلق على كلام خالد:"يابناتي شجعوا الصناعه الوطنيه"
رهف:"سووووري ياماما بس الصناعه الاجنبيه دايم احلى"
بدريه:"غلطاااانه مايدوم الا الوطني"
ساره:"ايه...عيالي صناعه اسرائيليه ولازم تقاطعونهم"
بدريه:"هههههه لا مهو لهادرجه بس ممكن نعتبرها صناعه امريكيه وبعدلازم نقاطعها"
خالد كان جوال ريم بجنبه على الطاوله بحركه تلقائيه اخذه يقر الرسايل:"اما لو يسمعكم ناصر كان يحرم يدخل عياله بيتنا"
ريم واللي ملت من اللي تسمعه:"اقول امل بتشرفين السنه الجايه عندنا في الجامعه"
امل:"ايه...مانوصيكم عاد في حسن الضيافه"
ريم:"هذا ان شفتينا..."
امل:"الشره على اللي يسأل عنكم مادام معي بسمه مارح اسأل لا عنك ولا عن غيرك..."
انتبه خالد على اللي يقولون:"بسمه مارح تكمل في الجامعه..."
امل واللي ماصدقت اللي تسمعه:"من قال"
خالد وهو يناظر بسمه واللي كان تغيرت ملامح وجهها وهذا اللي يبيه:"لاني بصراحه مااحب زوجتي تدرس احس الدراسه تعب عليها"
ريم:"بعد يكون احسن انها ماتدرس بصراحه الجامعه مهي لاي احد..."
مارد خالد عليها لان فيه رسايل شدته وماانتبه للي قالته ريم...
ماعلقت بدريه لانها حست ان خالد وبسمه ممكن متفقين على هالشي...

صدمت بسمه من اللي تسمعه كان حلم حياتها تكمل دراستها وخالد بلحظه بيحطم هالحلم
كانت تتمنى تروح غرفتها بس حست انها لازم ماتبين لاحد ولما تكون لوحدها مع خالد تحاول تغير رايه بأي طريقه...

خالد:"ريم اش هالرسايل في جوالك"
صدمت ريم لما شافت الجوال في يد خالد:"عادي من صديقاتي ..."
خالد:"بس فيه وحده اسمها ليلى بصرااااحه رسايله ما تدل على انها من بنت لبنت"
ريم وهي تحاول تبان طبيعيه:"اش قصدك..."
خالد:"ماقصدي شي بس اتمنى ياريم ماتصادقين هالاشكال...واللي يكون جرئ زياده عن اللزوم"
ريم:"رسايلها عاديه وما فيها شي..."
خالد وهو يتفحص وجه ريم:"لا ياريم مهي عاديه"
ساره:"ترى ياخالد البنات يرسلون هالايام أي كلام وما يهتمون اش مضمون الرساله"
سكت خالد وما رد وهو يناظر ريم ومايدري ليش قلبه مهو مطمن بس تعوذ من ابليس ريم بنت مؤدبه ومستحيل تغلط مع احد...

طلع خالد من عندهم وما درى انه فيه ثنتين بكلامه خلاهم ينفصلون عن اللي حولهم ويسبحون في عالمهم الخاص...ريم والرعب اللي في قلبها اللي حسته لما شافت نظرت خالد لها...وبسمه اللي حست خالد بيحطم حلمها في تكميل دراستها الحلم اللي ممكن يحسسها بالامان في المستقبل الامان اللي من ماتوا اهلها وهي محرووووومه منه....


^^^^^^^^^^

كانت في المطبخ وهي تحاول تخلص شغلها.... الشغاله لوحدها ماتقدر تسوي شي وبناتها كل وحده اكسل من الثانيه ...ومستحيل يساعدونها...تنهدت لما تذكرت بسمه لو موجوده كان هي مرتاحه اللحين...اكيد هي اللحين مرتاحه في بيت العز...
دخلت هند وهي مستعجله لانها تتابع فليم وما تبغى يفوتها...
هند:"يمه وحده على التلفون تبيك على التلفون .."
وطلعت بسرعه قبل ماترد عليها....
ام عبد العزيز:"حسبي الله عليك من بنت اللحين انا فاضيه حتى اكلم احد..."
تركت اللي في يدها وراحت الصاله ورفعت التلفون وهي تناظر هند نظرات كلها تهديد ...واللي ماهمها نظرات....
ام عبد العزيز:" الو"
-السلام عليكم..."
ام عبد العزيز وهي تحاول تتعرف على الصوت:"وعليكم السلام"
-"كيفك ياام عبد العزيز وكيف بناتك"
ام عبد العزيز:"الله يسلمك...اعذريني بس ماعرفت صوتك.."
-"ايه اكيد ماعرفتيه لاني اول مره اكلمك تليفون....انا ام محمد خالة خالد رجل بسمه"
ام عبد العزيز اول ماسمعت الاسم كانت واقفه وقعدت:"ياهلا والله بهالصوت"
ام محمد:"الله يحيك..."
ام عبد العزيز:"اشلونك واشلون العيال"
ام محمد:"بخير الله يسلمك...اشلون بسمه عسى تزوركم..."
ام عبد العزيز واللي كانت عارفه ان ام محمد ماتحب بسمه:"جات مره وحده ...اشلونها مع اختك"
ام محمد:"يعني للحين مو مبين شي "
ام عبد العزيز:"قولي لاختك تحذر منها ولا يغرها الطيبه الكذابه اللي تظهرها ترى مظهرها خداع"
ام محمد:"وانا حسيت كذا...عموما لازم تزوريني وما تقطعيني هذا انا اخذت منك الرقم واتصلت فيك"
ام عبد العزيز:"لازم ان شاء الله ازورك..."
ام محمد:"تامرين شي ياام عبد لعزيز"
سكرت التلفون ماانتبهت لابو عبد العزيز واللي سمع نص المكالمه...
ابو عبد العزيز:"مبين ان اللي كنتي تكلمينها مهمه "
ام عبد العزيز:"هذي ام محمد اللي قلت لك عليها"
ابوعبد العزيز:"خالة خالد"
ام عبد العزيز:"ايه "
ابو عبد العزيز:"اشلون عرفت الرقم"
ام عبد العزيز:"خذت رقمي يوم زواج بسمه بس انا مستغربه من اتصالها.."
ابو عبد العزيز:"بتعرفين مع الايام...الا بسمه مااتصلت"
ام عبد العزيز:"لا مااتصلت..."
ابو عبد العزيز وهو يتنهد :"انا قلت بستفيد من زواجها عزالله ان استمرت كذا ما استفدت من وراها شي.... لكن ماعليه ان ماادبتك يابسمه مااكون انا حمد"

^^^^^^^^^^
يتبع

-"انا قررت قرار اتمنى مااحد يعارضني"
التفت عليه ابوه وعمامه وعيال عمه...كان يحاول يظهر الجديه...
ابو ناصر:"تفضل طال عمرك سمعنا قرارك..."
فهد:"قررت اتزوج ثلاث حريم..."
الكل ضحك من كلامه...وتنهد ابوه وهو فخاطر ماادري متى بيعقل هالفهد...
خالد:"طيب ياولد عمي اش سبب هالقرار الخطير...."
فهد:"للاسف انت السبب..."
خالدبااستغراب:"انا ...اش ذنبي انا..."
فهد:"يااخي عقدتني انت الوحيد اللي تدخل المزرعه على كيفك... حتى بيتنا اذا كانوا اهلك فيه تدخله وانا محروم منه"
ناصر:"تظلم بنات الناس معك حتى تخرب على خالد دخلته"
فهد:"اش اسوي انت متزوج اخته.... وفيصل مرته مطيحه في بيت اهلها قلت اتزوج ثلاث اذا راحت وحده لاهلها يبقى ثنتين يخربون عليه"
ابو خالد:"تزوج اربع احسن من ثلاث"
فهد:"لاااا انا افكر في المستقبل بيعجزون الثلاث وقتها ادور الرابعه"
فيصل:"تفكر في المستقبل بعد"
فهد:"ايه اكييييد...بس فيه حل ثاني اذا طعتوني"
ابو خالد:"تفضل طال عمرك سمعنا الحل الثاني"
فهد:"تلومني يوم اقول اب متفهم (لما شاف نظرة ابوه)بعد ابوي طبعا...المهم هذا منصور صديقي يقول انه عندهم عادي يطلعون ويدخلون على كيفهم لان بنات عمهم لابسات براقعهم..."
خالد:"عاد انت تطيح الميانه على طول....متأكد لو يصير هالشي لالقى خواتي يلعبون معك كوره..."
فهد:"ايه مافيها شي بنات عمي واعلمهم كيف يلعبون كوره"
خالد:"يخسى الا انت..."
ام عبد الرحمن:"اقوووووول خل عنك الحكي اللي مامنه فايده...متى ناوي ان شاء الله تخطب بنت عمك"
انحرج فهد من عمه ومن خالد ماحب احد يتكلم في الموضوع قدامهم حتى مايفهمون سبب تاجيله رفض لريم من طرفه...
فهد:"قريب ان شاء الله بس انتي مارديتي على خالد في الشايب المزيون"
ام عبد الرحمن:"ايا اللي ماتستحي على وجهك انا في هالسن اتزوج"
فهد:"في ريعان الشباب مافيها شي..."
ابو فيصل:"فهد..."
فهد:"سم طال عمرك..."
ابو فيصل:"اقول يازينك ساكت..."
ضحك خالد بصوت عالي حتى يقهر فهد...
فهد:"ايه اضحك اش عليك ابوك حبيب..."
ابو فيصل:"اش تقصد ..."
فهد:"ابد يبه سلامتك بس انت الله يهديك شووووي شديد..."
ابو فيصل:"هذا وانا شديد طلعت كذا ..."
ابو ناصر:"لا كل شي ولا فهد ماتحلى القعده الابه..."
قام فهد وحب راس عمه :"الحمد لله اخيرا فيه احد عرف قيمتي"
ام عبد الرحمن:"اشلونها مرتك ياخالد"
خالد:"طيبه وتسلم عليك"
ام عبد الرحمن:"الله يسلمك كان ودي اروح اليوم اسلم عليها وعلى اهلك بس حسيت اني شوي تعبانه"
خالد:"سلامتك والله.... اجيبها تزورك ان شاء الله..."
ام عبد الرحمن:ما وصيك عليها..."
خالد:"كل ماشفتيني وانت مااوصيك عليها"
ام عبد الرحمن:"لا تلومني ياخالد مشاء الله عليها والله انها تنحب عقل وجمال وادب..."
قام فهد وجلس قدام جدته كانه هامه الموضوع حتى يقهر خالد...
خالد:"اقول ياجده نقفل على الموضوع احسن اشوف فيه ناس يحبون يتدخلون في اللي مالهم فيه..."
فهد بكل برائه:"لا يكون تقصدني..."
خالد:"لا انت لك في كل شي..."
فهد وهو يعدل جلسته:"تدري ياخالد انت قاهرني"
خالد:"يشرفني ويسعدني اني اكون سبب في قهرك بس ياليت تقولي السبب"
فهد:"لا ماني بقايل موت بحسرتك..."

^^^^^^^^^^

كانت في غرفتها بعد ماراحوا خواتها وهي مالها خلق تكلم احد حتى وليد...كانت خايفه انها تنكشف قدام اهلها وكان خوفها الاكبر من الله اللي يشوفها ويستر عليها تتمنى تكون عندها القوه حتى تتوقف عن المكالمات اللي ماتدري وين ممكن توصلها...
رن تلفون غرفتها وكان المتصله مشاعل...
ريم :"الو"
مشاعل:"هلا ريم ...اشفيه صوتك..."
ريم:"مافيه شي.."
مشاعل:"علي انا..."
ريم:"ماادري احس اني متضايقه..."
مشاعل:"اكيد ماكلمتي وليد..."
ريم:"مالي خلق..."
مشاعل:"غريبه..."
ريم:"لا غريبه ولا شي..."
مشاعل:"ريم احس فيه شي..."
ريم وهي تتنهد:"ماادري اش اقولك بس اليوم خالد كان يلعب في جوالي وشاف رسايل وليد للي نسيت امسحها واستغرب ان فيه بنت ترسل هالرسايل..."
مشاعل:"لا يكون شاك يوم مسك جوالك.."
ريم:"لا مهو شاك بس نظراته لي عقب تذبح..."
مشاعل:"احرصي مره ثانيه"
ريم:"افكر جديا اني اقطع هالعلاقه وارتاااح من العذاب اللي احسه كل يوم"
مشاعل:"كيفك بس ترى اللي تسوينه مايتعدى مكالمات ومايضرك بااي حال من الاحوال"
ريم:"ياخوفي المكالمات تجر لشي ثاني....اللحين وليد يلح يبي يشوفني"
مشاعل:"ماادري بس اذا كان في مكان عام مافيها شي..."
ريم بعصبيه:"الظاهر مانتي بصاحيه ....مستحيييييل اخليه يشوفني لو اش ما صار"
مشاعل:"طيب هدي نفسك...لا تعصبين"

^^^^^^^^^^


في مكان قريب منها كانت بسمه تنتظر خالد واللي كل مامسحت دموعها تجددت ...
تحاول لما يدخل تكون هاديه جدا...بس انفعالاتها تغلب على الهدوء المصطنع اللي تحاول تظهر به...من يوم هي صغيره وهي تتمنى تكمل دراستها مهو حب في الدراسه قد ماهو حب في تأمين مستقبل ماكان مطمئن لا مع عمها...ولا مع خالد...
سمعت الباب لما فتح وشافت خالد داخل بقامته الطويله...ناظرها حس انها نايمه لانها كانت منسدحه على الكنبه وفي الظلام واتجه للغرفه...
بسمه:"خالد"
التفت عليهاوهو متفاجأ انها صاحيه:"غريبه صاحيه في هالوقت.."
بسمه:"بغيت اكلمك اذا امكن..."
اتجه لها وشغل الابجوره وحطت يدها على وجهها لانها حست النور كان قوي على عيونها اللي كانت في الظلام...عدلت جلستها وجلس بجنبها...
خالد ببرود:"خير ...اش عنك"
حست من نبرة صوتها انها بنرفزها قد مايقدر...بس حاولت تضيع عليه هالفرصه
بسمه :"خالد ليش تقول اني مارح اكمل دراستي.."
خالد:"لانك ببساطه مارح تكملين..."
بسمه:"ممكن اعرف الاسباب..."
خالد:"قلت الاسباب لان الدراسه تعب عليك ياحيااااتي"
بسمه:"لا مهي تعب..."
خالد:"حتى لو مهي تعب منتي دارسه يابسمه"
بسمه:"ليش انت كذا...بس تدور اللي يتعسني وتسويه"
خالد:"اسألي نفسك"
وقام بيروح عنها...وحس بيدها تمسك يده التفت عليها ولاقاها منزله راسها واضح من مسكة يده انها في قمة توترها...رجع جلس بجنبها يحتريها تتكلم ...
بسمه وهي تحاول تتحكم في دموعها اللي نزلت غصب عنها :"خالد الله يخليك امنعني من أي شي الا الدراسه"
حس خالد ان الدراسه لها اهميه خاصه عند بسمه ماتوقعه...
رفعت راسها... :" اذا اللي تبيه ياخالد تذلني واني اترجاك...انا اللحين اترجاك ماتحرمني من حلم حياتي..."
خالد:"لا يابسمه ماابيك تترجيني ولا ارضى لك المذله..."
بسمه:"اطلب اللي تبي ياخالد بس لا تحرمني من دراستي."
مسح دموعها ورفع وجهها بيدينه :"طلبي الوحيد انا ننسى كل اللي صار...انسي عبير...وانسي كلامي الجارح لك ...وبنسى انا كلامك اللي يسم البدن...ونبدى حياه جديد مثل أي اثنين توهم متزوجين...يابسمه انا مستغرب منك كل ماقربت منك خطوه بعدتي عني مية خطوه... "
بسمه:"اخاف ياخالد...."
خالد:"من ايش تخافين..."
بسمه:"اخاف اطيعك وتتخلى عني.."
خالد:"يابسمه تأكدي اني مستحيل اتخلى عنك...غصب عني صار لك عندي مكانه كل مالها تزيد..."
بسمه:"ماادري ياخالد عطني وقت حتى احاول انسى....واكون مرتاحه اكثر"
خالد:"خذي كل وقتك(وهو يتنهد)وبصبر ان الله مع الصابرين..."
قرب منها وباسها اول مره يسويها وهالحركه وترت بسمه اكثر ماهي متوتره من لمسة يدينه...
خالدوهو قايم:"تصبحين على خير..."
من توترها ماقدرت حتى ترد عليه....التفت عليها لما وصل الغرفه
خالد:"ودراستك بتكملينها في كل الحالات..."
اول مادخل حطت يدينها على وجهها...مهي عارفه هي سعيده ولا خايفه ولا متردده حست مشاعر وانفعالات كثيره في داخلها....الطاغي عليها الخووووف من المستقبل....
الجزء الخامس عشر....



كانت تحس بصداااع فضيع ومهي قادره تفتح عيونها ماتدري هو تعب ولا نوم...
بس صوت التلفون اللي يرن ازعجها...تذكرت انها مواعده امل تروح لهم اليوم...
لما حست انها مارح تسكر غصبت نفسها ترد على التلفون...
بسمه:"الووو"
امل:"كل هذا نوم اللحين الظهر قووومي"
بسمه:"يالله...حرااااااام عليك واذا الظهر اش مسلطك علي..."
امل:"لا بس تدرين اليوم عندي غير ومالي الا انتي..."
بسمه:"امل والله تعبانه ومالي خلق حتى اتكلم..."
امل:"سلاااامات اشفيك..."
بسمه:"ماادري بس البارح طلعت عند المكيف وشعري مبلول والظاهر اخذت برد..."
امل:"ياااربي مالقيتي تمرضين الا اليوم.."
بسمه ضحكت غصب عنها:"الحمد لله هو انا اللي بطلع عند ولد عمه ولا انتي..."
امل:"ياحسرة قليبي انا اللي بطلع بس ابيك تدعميني معنويا قبل لا ادخل"
بسمه:"ان شاء الله اكون في الليل احسن واقدر اجي ادعمك معنويا ولو تبين ادخل معك ماعندي مانع"
امل:"لاااا ياحبيبتي لا تدخلين الظاهر تبين ابو الشباب يزهد فيني من اول مره "
بسمه:"امل والله تعبانه واكلمك مجامله بليييييز اعتقيني لوجه الله"
امل:"بشرط..."
بسمه:"اشرطي ياحياتي بس فكيني..."
امل:"روحي المستشفى اكيد بيعطونك ادويه...وان شاء الله تكونين في الليل اوكيه..."
بسمه:"مايحتاج اخذت بندول وسكري خليني ارتاح شوي وان شاء الله يصير خير"
امل:"خالي يدري انك مريضه..."
بسمه:"مايدري لان مافيني الاتعب بسيط.."
امل:"اوكيه ياللا مع السلامه..."
ماصدقت سكرت ورجعت انسدحت وهي حاسه بالبرد...وصداع مفجر راسها


********

في هالوقت خالد كان تحت مع اهله ويلاعب عيال ساره اللي كانت عندهم ...
طلع وكانت بسمه نايمه ماحب يصحيها على انه مو من عاداتها تنام الي هالوقت...
ام خالد:"خااااالد اكلمك ..."
خالد:"هلا يمه ماانتبهت..."
ام خالد:"اقول مرتك غريبه مانزلت للحين..."
خالد:"شكلها نايمه..."
ريم:"احسن خلينا نفتك منها وشوله تسألين عنها..."
سكتت لما شافت نظرة خالد لها...
خالد:"اللحين انتي اش بينك وبين بسمه حتى تكرهينها..."
ريم:"كيفي..."
حست ساره بمشكله ممكن تصير بين خالد وريم حبة تغير الجو...
ساره:"بنساافر الاسبوع الجاي اشرايكم تخواونا..."
ريم:"على وين.."
ساره:"تصدقين ماادري ناصر مسويها مفاجأه لي..."
ريم:"من متى يعرف ناصر لهالحركات...."
ساره:"من قبل ماتنولدين ياحياتي.."
ريم:"لا من جد ماخبرت رجلك الا ابو الدفاشه..."
ساره:"ها...انتي لو سمحتي ماارضى على ناصر وبعدين مابتروحين بعيد بتاخذين ولد عمه..."
ريم بعصبيه:"انا اخذ فهد والله لو على موتي..."
خالد واللي عصب من ريم:"انتي تطولين اصلا خليه يخطب والله لتاخذينه غصب عنك"
ريم:"مااحد يقدر يغصبني"
خالد:"صحيح لو كان فيه سبب لرفضك....فهد ماينرفض ولا تقولين حسبة اخوي...لان فهد من غير جيلك وكا كان يجي بيتنا الا نادر وحطي في بالك يا ريم فهد لو خطب مارح ينرفض بساهل...واخاف بس لك شوفه ثانيه..."
ريم وهي رايحه غرفتها:"لا ثانيه ولا ثالثه ...وفهد لو اخر واحد في الدنيا ماتزوجته.."
مارد خالد لانها راحت تركض لغرفتها...
ام خالد:"الله يهديك ياخالد كان هديت شوي "
خالد:"ماشفتيها اش قاعده تقول....انا ماادري هالغرور اللي فيها من من ماخذته"
كانت ساره خلال كلامهم ردة على التلفون...
ساره:"خالد هذي امل تبي تكلمك..."
اخذ خالد التلفون:"هلا بالعرووووس"
امل:"أي عروس..."
خالد:"سمعنا ان اليوم بعض الناس بيطلعون يشوفون عريس المستقبل..."
امل:"يووووه الله يخليك لا تذكرني "
خالد:"على فكره انا بجي بدخل معكم..."
امل:"والله لو دخلت ماادخل"
خالد:"يالله يابنات هالجيل تبين تدخلين عنده بالحالك..."
امل:"لا...ابوي بدخل معي"
خالد:"مايضر بدخل حتى انا خاااطري اشوفك مستحيه"
امل:"يااااربي نسيتني ليش كلمت.."
خالد:"وليش كلمتي ياحلوه..."
امل:"تدري ان بسمه تعبااانه..."
خالد وهو متفاجأ :"لا ..."
امل:"ايه رح شوفها ودها المستشفي وخلهم يعطونها مقويات لازم تكون معي اليوم..."
خالد:"حاااظر عمتي اوامر ثانيه.."
امل:"لا اذا تذكرت شي ثاني كلمتك..."
بعد ماسكر التلفون ....تذكر ان بسمه ماصحيت العاده لما يطلع من الغرفه يلاقيها صاحه في الصاله...
ام خالد:"اش فيها امل..."
خالد وهو قايم بيطلع:"تقول بسمه تعبانه بروح اشوفها..."
بعد ماطلع من عندهم التفتت ساره على امها...
ساره:"فيه رجال مايدري عن حرمته اذا تعبانه"
ام خالد:"ايه هو نزل وهي نايمه اشلون يدري..."
ساره:"حتى ولو اثنين ينامون في غرفه وحده وما يدرون عن بعض مايصير..."
ام خالد:"ماادري عنهم"

********

ماصدقت اخوها راح غرفته حتى تروح تكلمه...كان جالس معهم بس مو فهد اللي تعرفه كان واضح عليه السرحان وكثر التفكير ...
اول مادخلت التفت عليها واستغرب من جيتها...
فهد:"هلا والله العنود تشرفني في غرفتي...كان قلتي افرش لك الارض ورد..."
العنود:"هنيا لها يافهد..."
فهد:"منهي اللي هنيا لها..."
العنود:"اللي بتاخذك وتسمع هالكلام الحلو منك..."
فهد وهو يتنهد:"هي وحده عساها بس تكون من نصيبي..."
العنود:"فيه احد يطول فهد ويرفض..."
فهد:"والله ماادري عن بنت عمك..."
العنود:"صح ريم دلوووعه زياده عن اللزوم... بس مااعتقد ترفضك..."
فهد:"تدرين وشوله اعذب في نفسي اسأليها واهم شي مااحد يدري ونشوف اش ردها"
العنود:"من عيوني كم فهد عندنا..."
فهدواللي كان وده يغير الموضوع اللي موتره ويتكلم في موضوع ثاني...
فهد"سافروا اهل محمد:"
العنود:"ايه البارح كانت رحلتهم...تصدق راحوا وهم زعلانين على محمد"
فهد:"ليش ..."
العنود واللي ماكانت تخبي أي شي عن فهد:"من عبير الله يهديها تمشكل معها وهي داخله البيت متأخر وطبعا اهله معها قلبا وقالبا..."
فهد:"الله يعينه انا لو عندي اخت كذا كان من زمان ذبحتها..."
العنود:"هههه الحمد لله انه ماعندك..."
فهد:"الحمد لله اللي فك خالد منها.."
العنود:"أي والله وربك عوضه بااحسن منها..."
فهد:"عساه بس يعرف قدرهاااا"

*********

اول ماطلع لقاها نايمه حط يده على جبهتها وصدم لما حس بحرارتها...
اول ما حست بيده صحت من نومه وفتحت عيونها...
خالد:"اشلون مريضه وما تقولين..."
بسمه:"مو مريضه بس مصدعه شوي..."
خالد:"أي مو مريضه وانتي حرارتك مرتفعه..."
بسمه:"اخذت بندول وان شاء اله بصير احسن..."
خالد بضيق:"ياللا قومي حتى اوديك المستشفى..."
بسمه:"لا ماني رايحه..."
خالد:"مهو بكيفك..."
بسمه باستعطاف:"خالد والله ما يحتاااج"
خالد:"بسمه بتقومين ولا اشيلك..."
بسمه:"لا واللي يرحم والديك...بقوم..."
خالد:"انتي ماينفع معك الطيب..."
التفتت عليه:"ياحبك تنرفزني..."
خالد:"يسعدني يانظر العين انرفزك...ياللا خلصينا..."
بعد مادخلت جلس ينتظرها لين تخلص....علاقته مع بسمه تحسنت تحسن بسيط يعني قلت المشاكل نسبيا...ما كان يبي يغصب عليها في أي شي ونفسه تكون مقتنعه باي شي يستجد في حياتهم ....

*********

في مكان قريب منه كانت ريم مقفله باب غرفتها وتكلم وليد اللي ماهي قادره توضع حد لعلاقتها معه...
وليد:"وحشتيني ياحياتي..."
ريم:"انت اكثر بس ماكني صحيتك النوم..."
وليد:"ياليت دايم مااصحي الا على صوتك..."
ريم":وليد صدق تحبني.."
وليد:"انا مو احبك انا اموت فيك انتي اغلى من الهوا اللي اتفسه..."
ريم:"وليد اخاف انك تكلم غيري..."
وليد:"حبيبتي انا من سمعت صوتك قطعت كل اللي اعرفهم...بس اه ياريم امنيتي اشوفك..."
ريم:"تعال اخطبني وتشوفني بالحلال..."
وليد:"قلت لك حبيبتي ابوي مسافر بس يرجع بالسلامه تلقينا محظرين في بيتكم..."
ريم:"ياليت ياوليد..."
وليد:"ريم لازم اشوفك..."
ريم:"مستحيييل...ترى انا مااطلع بالحالي..."
وليد:"ماتطلعين السوق..."
ريم:"لازم تكون امي او وحده من خواتي معي..."
وليد:"طيب اذا رحتي كلميني ...يكفيني اشوفك من بعيد..."
ريم:"ماادري خلني افكر واشوف..."
وليد:"فكري ياحبيبتي بس لا تطولين لان مااقدر اصبر اكثر من كذا..."

********
يتبع

تناظر خالد اللي جالس علي كرسي بجنبها وهو منبسط من اسألة الدكتوره....
بسمه بضيق:"يادكتوره متأكده مانيب حامل..."
الدكتوره:"يابنتي مفيش حاقه اسمها متأكده لازم نعمل لك تحليل عشان الادويه اللي حااكتبها لك..."
بسمه :"يادكتوره ما صار لي شهر متزوجه.."
الدكتوره:"وماله...ممكن يكون فيه حمل..."
بسمه شوي تنفجر في الدكتوره بس تحاول تتمالك اعصابها وناظرت خالد اللي لما حس انها منحرجه انبسط اكثر...
بسمه وهي تكلم خالد بصوت واطي:"يااخي فكنا من هالدكتوره..."
خالد:"طيب سوي التحليل وريحي نفسك.."
بسمه وهي تلتفت عليه:"نعم....والله الابره وسحب الدم مو جاي فيك..."
الدكتوره:"يابنتي هو حد بيخاف من الابره في السن ده..."
بسمه:"ايه انا...وعطيني الادويه على مسؤليتي..."
الدكتوره:"خلاص مادام ان متاكده مفيش مشكله....بس لازم مغوزي..."
خالد:"ايه ماعليك منها..."
بسمه:"اش اللي ماعليك منها حتى المغذي ماني ماخذه..."
خالد ببرود:" مو على كيفك..."
كانت الدكتوره تناظرهم باعجاااب ظاهر:"بصراااحه انتو ليئن عل بعض...انا حااكتب الادويه وعشان بعد كدا تحط اللمرضه المغزي"
خالد:"بالله يادكتوره شوفي اذا عندكم علاج لثقالة الدم... والبرووود وال..."
الدكتوره ةاللي راح فكرهها لبعيد تقاطعه:"بروود ايه..."
بسمه وهي حاسه بالصداع زايد من الدكتوره واسالتها الغبيه:"دكتوره اش تخصصك..."
الدكتوره:"طبيبه عامه والله..."
ظحك خالد على الدكتوره وسؤال بسمه...
قربت بسمه منه وكلمته بصوت واطي حتى ماتسمعها الدكتوره:"انت ماشاء الله عليك من تشوف الحريم تنبسط والظحكه تشق الوجه شق..."
خالد بصوت واطي:"حرااام تظلميني هذي دكتروه.... بس دكتوره حلوه..."
الدكتوره واللي الظاهر كانت مركبه رادار:" ربنا يكرمك دا والله من زوئك...."
.
.
.
.راحت للغرفه الثانيه عشان المغذيه كانت تكره المستشفيات بسبب الابر وسحب الدم رفعت ظغط الممرضه بتمنعها...
خالد:"بسمه خلي الدلع الزايد وخلصيني"
بسمه:"أي دلع زايد ...ياليتها فيك..."
خالد:"انتي تراك صرتي حرمه منتي بزر..."
بسمه بعد مااستسلمت للمرضه وهي معصبه عليه لانه غصبها:"خاااالد الله يخليك اطلع برى..."
خالد وهو طالع:"الله يعيني عليك..."
لما شافته وصل الباب:"خاااالد"
خالد بضيق:"امري يابسمه"
بسمه:"لا تروح بعيد"
ابتسم لها وهز راسه.... بعد ماطلع رجعت راسها على المخده وتفكر في خالد اللي تحس له في قلبها مشاعر كل مالها تكبر وهذا اللي مخوفها لانها مفتقده الاحساس بالامان معه...وخايفه تحبه وتنصدم صدمه ماتقدر تتحملها...

********

حول يرجع ينام ماقدر على انه مانام الامتاخر...فخاطره هذا وقت اتصال ياريم...
طلع وهو مبهذل وشعره منكوش وماله خلق حتى يغسل وجهه... لقى عمر وسعود في الصاله يتفرجون على التلفزيون...راح ورمى نفسه على الكنبه من غير ما يسلم...
سعود:"وليد صاااحي الظهر...مااصدق"
ماكان له خاطر حتى يرد...
عمر:"والله غريبه يااختي حتى الجماعه اياهم العاده مثلك نايمين..."
وليد:"ايه بس هالريم طبعها غير..."
سعود:"تصدق احس ريم عندك غير..."
وليد:"ايه غير...يااخي رافضه اني اشوفها نهائيا (وهو يعدل جلسته)سعود متاكد انها حلوه..."
سعود:"كلام صديقتها ...انها ملكة جماااااال"
وليد:"يالله نصبر ونشوف..."
سعود:"بس ترى البنت اهلها مو زي اهل مشاعل لا....محافظين برغم غناهم...."
وليد:"ماعلي من اهلها...وهي بيجيها يوم وتقتنع..."
عمر:"وليد والله حرااام عليك..."
ضحك وليد وسعود من كلامه...
وليد:"اسمع من ينصح...يااخي انصح نفسك اول..."
عمر:"ادري اني وسخ مثلك واكثر بس يااخي عندك خيسات كثير ....بس ليش تلاحقون بنات الناس وتوعدونهم وعود كذابه....اللحين ريم ماوعدتها بااي شي..."
وليد:"ههههه اكييييد اذا جا ابوي من السفر بروح وااخطبها ...."
سعود:"هههههه ابوك اللي له سنين ميت...."
عمر:"يااخي استغرب من هالبنات معقوله باقي فيه بنات ساذجات كذا..."
وليد وهو يعدل جلسته:"ايه فيه...البنات ينلعب عليهم بكلمتين...وكل وحده تقول لا انا حبيبي غير..."
سعود:"والله انك صادق مشاعل على اني متاكد انها كنت تكلم غيري اللحين مسويه لي عاشقة زمانها"
عمر وهو يتنهد:"شباب ...والله صرت اخاف من عقوبة ربي..."
سعود:"ياشيخ خل نتسلى وعقب يهدينا الله..."
عمر بمراره :"تضمن عمرك دقيقه..."
وليد:"يالله ياحبك لنكد...يااخي مانضمن اعمارنا بس فكنا..."
عمر:"واحيانا اخاف زي مااذيت المسلمين في اعراضهم الاقي من يأذيني في عرضي..."
وليد:"الحمد لله انا ماعندي خوات..."
عمر:"بتتزوج بعدين وبيصير لك بنات...تظمنهم..."
وليد:"اذا تزوجت يصير خير...وبعدين بعرف اربيهم زين..."
عمر:"المشكله احنا ماتركنا لا اللي مربينها اهلها زين ولا اللي مالقت احد يربيها..."
سعود:"عمر اشفيك اليوم..."
وليد:"لا هو كذا في النهار يصحصح وفي الليل يرجع عمر الحبيب..."
هز عمر راسه وهو متندم على كل اللي يصير لكن من مشى في دربهم درب الحشيش والبنات صعب صعب يتركه....ناظرهم وهو عارف انهم هم اللي سحبوه في هالطريق
ضيع كل شي خسر اهله ووضيفته اللي مهمل فيها عقب ماكان من انشط الموضفين وممكن يخسرها اذا استمر....واهم من ذا كله خسر دينه مايدري متى اخر مره سجد لربه...


**********

فتحت عينها واستغربت ان اللحين المغرب ماحست في نفسها...كان صداع خاف عنها
اول مارجعت من المستشفى نامت ...كان خالد مهو فيه قامت تصلى وعقب ماخلصت تذكرت امل ...مادامها طيبه بتروح لها...دورت رقم خالد لانها مهي حافظته...دقت الرقم...
خالد:"هلا..."
بسمه:"اهلين خالد ...وينك فيه"
خالد:"قريب بغيتي شي...."
بسمه:"ايه ودي اروح لامل..."
خالد :"الحمد لله توك راجعه من المستشفى وفيك شده تروحين..."
بسمه:"ايه الحمد لله اللحين احسن ودي اطلع ضايق خلقي..."
خالد:"طيب اشرايك نطلع نتمشى بلا امل بلا هم..."
بسمه:"خلها مره ثانيه ...امل لو تدري تزعل علي..."
خالد:"اوكيه تجهزي واذا وصلت دقيت عليك..."
بسمه:"اذا مارديت دق تحت لاني بنزل"
.
.
.
اول ماخلصت نزلت تحت كانت مشاعل جايه تزور ريم وقاعدين في الصاله مع ام خالد بعد ماسلمت عليهم ناظرتها ام خالد:"اشلونك يابسمه اللحين..."
بسمه:"لا اللحين احسن الحمد لله..."
كانت مشاعل تناظرها نظرات متفحصه لانها اول مره تشوفها...ما تدري بسمه ليه ماارتحت لهالادميه...
بسمه:"بروح لبدريه ياخالتي اشرايك تروحين معي..."
ام خالد:"مااقدر ابو خالد اليوم مهو طالع صعبه اخليه بالحاله...عموما سلمي على بدريه"
بسمه:"الله يسلمك..."
ريم:"وانتي وش يوديك عندهم ...تدرين ان اليوم بيجي ولد عمها وشوله حاشره عمرك..."
بسمه واللي صارت ماتتحمل كلام ريم:"شي مايخصك رحت ولا مارحت..."
ريم:"يالله هذا وانتي تعباااانه....صدق فيه بعض المرض دلع"
بسمه:"لا حبيبتي خلينا الدلع لك..."
ام خالد كانت متضايقه من ريم وبسمه ومهي قادره تتكلم عشان مشاعل موجوده...
ام خالد:"ريم روحي انتي ومشاعل غرفتك اخاف خالد يدخل فجأه..."
ريم وهي قايمه بتروح:"يكون بعد احسن...."

*********

كانت منسدحه وتلعب بشعرها حولها امها وابوها واللي يسولفون وهي سرحانه تفكر الله ياحلوك يالندن وناسه وسعة صدر وحريه مهو الرياض اللي رغم حريتها واللي تميل لتسيب اكثر ....تحس نفسها مكبوته....
ام محمد:"عبييير اكلمك..."
عبير:"هلا يمه ما سمعتك..."
ام محمد:"اقول ترانا غلطنا في حق محمد بسبتك..."
عدلت جلستها وبعصبيه:"اش تقولين...محمد هو اللي غلط...كان بيمد يده علي..."
ام محمد:"من لسانك اللي هذا طوله..."
عبير:"ادري فيك تحبينه اكثر مني..."
ام محمد:"مافيه ام تفرق بين عيالها وشفتي اشلون وقفنا معك ضده"
ابو محمد:"ماعليك من امك...طول ماانا حي مافيه احد يزعلك..."
عبير وهي مبتسمه:"مشكوووور يااحلى ابو في الدنيا.."
ام محمد:"مامدلعها الا انت..."
عبير:"الله يخليه لي...اقول اشوف شكلكم تعبانين..."
ام محمد:"من الدوران من الصبح ماتركتي مكان الا ورحتي له.."
عبير:"ترى بطلع بعد شوي..."
ام محمد:"وين تطلعين... "
عبير:"يمه كاني اول مره اروح لندن...وبعدين مواعده وحده من صديقاتي جايه من السعوديه لها اسبوعين"
ابو محمد:"روحي يابنيتي بس انتبهي على عمرك..."
ابتسمت لابوها صحيح بتطلع مع صديقتها بس معهم صحبه طيبه....

*********
"الله ياريم ماتوقعت بسمه كذا"
ريم بضيق :"فكينا من بسمه...يرتفع ضغطي من اسمع اسمهها"
مشاعل واللي مااهتمت في كلام ريم:"صحيح عبير احلى منها بكثير بس البنت نعووووومه حيل وتخلي الواحد غصب يتأملها"
ريم:"ايه شفتك بس دخلتي تنحتي مثل الهبله"
مشاعل:"تصدقين عبير منافستها مهي سهله...اشلون علاقتها مع اخوك؟؟؟"
ريم:"ماادري عنهم قدامنا عادي...بعد سالفة الجوال ماكانوا يكلمون بعض ابد بس اللحين اشوفهم عادي..."
مشاعل:"يعني كلام حب قدامك ..."
سكتت لما شافت ريم تضحك..."
مشاعل:"الحمد لله ماقلت كلام يضحك..."
ريم:"حبيبتي خالد طبعه غير ماادري بس احس اذا حب احد يحب ينرفزه يعصبه بس كلام حب مااتخيل خالد يقول.."
مشاعل:"لا حبيبتي اكيد يقول بس يمكن مايحب يظهر..."
ريم:"يمكن...بس تصدقين حتى يوم خطب عبير اول ماشافها تخيلي اش قال..."
مشاعل:"وش قال ياحلوه..."
ريم:"قال لها الله ياعبير كبرتي واحلويتي كنت دايم اشوفك بكشتك تلعبين في الشاااارع"
مشاعل:"عبير اكيد ارتفع ظغطها..."
ريم :"ايه بس بعدين تعودت على كلامه..."
مشاعل:"ياشيخه روحي كنت عند عبير مره وهو يكلمها....ياكلام الحب اللي سمعته"
ريم:"ماعلينا المهم...وليد مجنني الا بشوفني..."
مشاعل:"احس عااادي بس احذري لازم يكون في مكان عام.."
ريم:"لا عام ولا خاص ...مستحيل"
مشاعل:"كيفك انتي حره...."
ريم وهي تتنهد:"احبه يامشاااعل واموت فيه بس اخاااف لو يدرون اهلي...صدقيني خالد بيموتني ولا يسأل"
مشاعل:"خليك حذره..."
ريم:"اليوم يتكلمون عن ولد عمي فهد...ماشفتي خالد اشلون عصب لما قلت والله مااتزوجه"
مشاعل:"تتوقعين ابوك يغصبك على الزواج..."
ريم:"لا ابوي مستحيل يغصبني بس ماادري خااايفه...."

**********

تسولف مع بدريه ورهف بعد مادخلت امل عند ولد عمها...كانت قبل ماتدخل قمه في الارتباااك...
رهف:"اقول بسمه وين خالي ..."
بسمه:"راااح يقول مشغول.."
بدريه:"كان دخل سلم..."
بسمه:"يقول يحس احراج يدخل مافيه الا عبد الله واخوه وولده صعبه.... بس بيدخل لما يجي ياخذني"
رهف:"اللحين اذا تزوجت امل يصيرون الخطاب يجوني"
بدريه:"مالت عليك باااقي صغيره وتبين الخطاب من اللحين"
رهف ببرأه:"ادري بس لمااكبر شوي..."
هزت بدريه راسها وتفكر في هالجيل اللي الحيا فيهم كل ماله يختفي...
بسمه:"الله يابدريه كبرتي وصار عندك بنات ينخطبون.."
بدريه:"شفتي عاد..."
رهف:"بسمه من اول تقولين لامي خالتي واللحين بدريه حاااف"
بسمه:"تزوجة اخوها وصرت اقول لامها خالتي ..."
بدريه:"ماعليك منها بدريه احلى...."
دخلت امل عليهم وهي مرتبكه ورمت نفسها على الكنبه...يكلمونها وهي ماترد كان شكلها يبين اشكثر هي سرحانه.....
.
.
.
ماكانت تقدر تاخذ راحتها في الكلام قدام امها ورهف...اول ماراحوا عنها راحت جلست بجنب بسمه ومسكت يدها...
اما:"يووووه يابسمه كنت بموت من الحيا..."
بسمه:"لا الحمد لله جات سليمه مامتي..."
امل وهي تحط يد بسمه عند قلبها:"شوفي دقات قلبي....احس صوته مسموع"
بسمه:"عاااادي باقي يدق اكثر من كذا..."
امل:"متي ...اكيد يوم العرس...ياويلللي يابسمه اوصفي لي شعورك..."
بسمه وهي تضحك:"توك في الخطوبه...وتبين تعرفين شعورك في العرس ياانتي عجله بشكل..."
امل:"عجله عجله بس قولي..."
بسمه وهي تتنهد اش اقولك ياامل اقول اني كنت مثل لي عروس وافكر بهموم على قدي وشفت اللي خلاني انسى كل شي وماافكر الا فيه...
امل:"ها انتي قلنا قولي...... مو تبحرين باافكارك لبعيد..."
بسمه:"لا بعيد ولا قريب احس الشعور يختلف من بنت لبنت وعلى حسب اذا كان فيه وقت وقعدت معه وتعودت عليه..."
امل وهي تهمس:"ابوي طلع وكان هو وراه لما شاف ابوي طلع قرب مني...."
بسمه:"يمه كملي ايه وبعدين...."
امل:"لحظه خليني اتمالك اعصابي..."
بسمه:"تمالكي ياحياتي اعصابك بس عجلي علينا..."
امل:"قرب مني وقال اخير ياامل بتحقق حلم حياتي....تصوري انا حلم حياته وانا اخر من يعلم..."
بسمه:"ماله حق المفرووووض ياخذ اذن قبل...."
"اللحين لي ساعه واااقف احاول اسمع اش تقولون ماقدرت..."
اللتفتوا ثنتينهم على خالد اللي توه داخل...
امل:"مواضيع خااااصه..."
راح وجلس بجنب بسمه على ان الصاله اش كبرها بس في سبيل رفع ضغط بسمه يسوي أي شي...
خالد:"توني حصلت طلال طالع هو وابوه من بيتكم..."
ماردت امل لانها داريه انه بيحاول يجرها بالكلام ويحرجها...
خالد:"بس شكلك ماتدرين عن القرارات الجديده"
امل واللي في بالها يمكن موضوع عن العرس:"أي قرارات..."
خالد:"يحز في نفسي اني ابلغك بس ابوك اوكل لي هالمهمه...طلال من شافك هون عن العرس وحلف طول عمره مايتزوج شكله انفجع من شكلك..."
ظحكت بسمه لانها عارفه ان امل لهفتها في سؤااال خالد خوف منها لا يكون بيقدمون العرس...
امل:"ظحكتي بل سنون ان شاء الله..."
خالد:"بسم الله على حرمتي....ان شاء الله انتي..."
امل:"انا انفجع من شكلي....العب غيرها لاني وااااثقه في عمري..."
خالد:"ابو الثقه اللي بتضيع مستقبلك..."
امل وهي تتقرب من خالها:"خالي اطلبك طلب..."
خالد:"اطلبي كم اموله عندنا..."
امل:"خل بسمه تنام عندنا..."
خالد:"نعم....سوووري مااستغني عن حرمتي...(وهو يهمس لبسمه)حتى الكنبه بتحزن على فراقك من بينام عليها"
بسمه:"بااايخ ماتضحك..."
خالد:"ادري اني بااايخ وبدليل طايعك للحين"
امل:"اللحين مافيه الا احنا يالثلاثه مايجوز تتكلمون وتخلوني زي الهبله "
خالد:"عاااادي قومي وخلينا اثنين ناخذ راحتنا..."
دخل مازن عليهم وراح لخاله يسلم عليه وسلم على بسمه...
خالد:"وين كنت...."
مازن:"كنت عند عبد العزيز وترى ابوه قالي انه يحتريك تمره قبل تروح يبغى يكلمك في موضوع"
خالد:"اللحين...."
مازن:"ايه..."
خالد وهو قايم :"بروح له تروحين معي يابسمه..."
بسمه:"لا بروح لهم يوم ثاني..."
بعد ماطلع خالد كانت مستغربه من عمها وش موضوعه بيكلم خالد فيه...حست قلبها مقبوض فخاطرها الله يستر....

********
يتبع

كانوا يفرون بالسياره في شوارع الرياض وكل شوي يناظرون الساعه لان وراهم موعد مع ثنتين من هالمغفلات اللي مضحوك عليهم بدعوى الحب...
سعود:"تدري اليوم كلمتني مشاعل وتقول ريم يمكن يضغطون عليها تتزوج ولد عمها"
وليد بلا مباله:"مايهمني من تتزوج اهم شي اوسع صدري وبطقاق فيها وفي ولد عمها..."
سعود:"بس بيهمك تعرف منهو ولد عمها..."
وليد:"اعرفه ..."
سعود:"تعرفه زين ومن الد اعدائك..."
وليد بعصبيه:"زين قول من يكون بلا لعب بالاعصاب..."
سعود:"عصبت وانت مادريت منو ولد عمها....هذا الله يسلمك فهد ولدعبد الرحمن.."
انصدم وليد وحمد ربه انه مهو هو اللي يسوق السياره...
وليد:"فهد فهد ماغيره..."
سعود:"هو ماغيره..."
وليد:"اش دراك...."
سعود:"اليوم يوم تكلمني تقولي عن اهلها ولما سالتها طلعت ريم اخت خالد وبنت عم فهد..."
وليد:"اخيرا جاتني فرصه انتقم من هالمغرور...."

*********

كان خالد مو طبيعي ومن رجع من عمها مايتكلم الا اذا احد سأله حاولت تسولف معه عند بدريه ماعطاها وجه حست ان عمها قال له شي بس هي واثقه في عمرها ومالها غلطه او زله تخاف منها....
اول ماوصلوا كان تناظره وهي يطالعها باحتقااار وراسم على وجهه ابتسامة سخريه...
بسمه:"خالد عمي ليش ناداك..."
خالد بسخريه:"اشتاق لي وناداني يسلم علي..."
بسمه:"طيب ليش احس من رجعت من عنده وانت مش طبيعي..."
خالد:"احساسك خاطئ حبيبتي انا طبيعي زياااده عن اللزوم.."
بسمه:"ليش تناظرني بهالطريقه"
خالد:"اشلون تبين اناظرك..."
بسمه:"خاااالد حرام عليك ماسويت لك شي حتى تكلمني بهالطريقه..."
خالد:"انتي صحيح ماسويتي شي بس غيرك مايقصر..."
بسمه:"خل الالغاااز وتكلم زين..."
خالد وهو قايم:"تصدقين يابسمه كل انسان له قرارات خاطئه....وزاجي منك اكبر غلطه في حياااتي"

ودخل وهي في حالة ذهووول من اللي تسمعه ياربي اش غلطت فيه حتى يعاملني بهالطريقه....
الجزء السادس عشر......

كانت في غرفتها بعد الظهر... وتذكرت البارح واللي صار بينها وبين خالد...
لما قال اللي قاله وهي منصدمه منه ودخل الغرفه وقعدت اشوي عسى يهدي بس لما دخلت كان مبين عليه العصبيه....
بسمه:"خالد ممكن نتكلم بهدوء..."
خالد بضيق:"الافضل يابسمه نأجل الموضوع اللحين....ترى والله ماودي اغلط عليك..."
بسمه:"طيب وش صااار لكل هذا"
خالد بعصبيه :"بسمه ودي انام...واذا تبين تعرفين كلمي عمك وهو يعلمك"
طلعت لما شافت انه مارح يقول لها شي...
تنهدت وهي تتذكر كل اللي صار...ياربي مااقدر اتصل على عمي ماادري اش صار بينهم ويحط بعد هو حرته فيني...تذكرت سحر اللي مارح يساعدها احد احسن منها...
كان خالد طالع تمنت مايجي اللحين حتى تخلص مكالمتها...
دقت الرقم وبرغم كل الللي فيها حست بسعاده لما سمعت صوتها...لانه من الاصوات القلائل اللي في هالدنيا تثق فيها...
سحر:"الووو"
بسمه:"السلام عليكم.."
سحر:"هلا والله وعليكم السلام..."
بسمه:"اشخبارك يالغاليه:"
سحر:"اخباري يحبها قلبك اشلونك انتي عقب العرس..."
بسمه:"تمااام...مبرووووك سمعنا انك حامل"
سحر:"الله يبارك في عمرك عقبالك ياحياتي..."
بسمه وهي تتنهد:"ان شاء الله"
سحر:"بسمه صوتك موعاجبني فيك شي..."
بسمه:"ايه...خليها على الله فيه اشياء مو شي...بس ماادري اخاف زوجك واشغلك عنه"
سحر:"لا مهو فيه....قولي اشغلتي بالي..."


^^^^^^^^^^

رغم الزعل اللي في داخله بس كان يضحك من قلبه من كلام ناصر وهو يحكي عن فهد وموقفه مع عامل المحطه اللي حتى هوما سلم من فهد ومقالبه....
ابو ناصر:"حسبي الله على ابليسك يافهد حتى العمال لازم تعطيهم اللي فيه النصيب"
خالد:"اتوقع لو يروح الهند بيلقى اعدائه كثير"
فهد:"بالعكس هم يطولون احد يسولف معهم..."
ناصر:"أي سوالف واللي يرحم والديك الهند ي في الاخير عصب(وهو يقلدالهند)صديق ايس فيه.... انته مايفهم كلام"
فهد:"ههههههه شفت كيف عصب بس بعذره يقول هات فلوس اقول عطني باقي الخمس ميه الضعيف بغى ينتحر..."
فيصل:"مالك حق يافهد الضعيف تطير عقله"
فهد:"امزح يااخي عاد انت لا تحولها جد"
ابو فيصل واللي ماكان يعجبه كثر المزح والسوالف:"المزح مو في كل وقت يافهد..."
خالد حتى يقهر فهد:" وانت صادق ياعمي ...طيب هالهندي لو جاته سكته...من رح يكون المسؤول؟؟"
فهد:"خالد يازينك ساكت..."
ظحك خالد لما شاف نظرات تهديد من فهد وكان متأكد ان فهد مايضيع له حق ابد..
ابو فيصل:"المهم فيه اجتماع بيكون في الشرقيه ولازم واحد يروح من شركتنا يحضره...عاد شوفوا انتوا يالثلاثه واحد يروح منكم..."
ناصر:"انا مااقدر لاني مسافر بعد بكره..."
حس خالد انها فرصه له حتى يروح يغير جو ويبتعد شوي عن بسمه حتى يقدر يفكر...
خالد:"انا بروح..."
ابو فيصل:"تراها يومين..."
خالد:"ايه ماعليه..."
ابو خالد رحب في نفسه بروحة خالد يظن ان بياخذ بسمه معه...حس انهم محتاجين يغيرون جو...كان عنده احساس ان علاقة خالد وبسمه تواجه مشاكل...

^^^^^^^^^^^

متضايق من الكلام اللي سمعه البارح من ابوه حس الدنيا ماتسوى انه يسمع دعوه عليه من ابوه بسبب الطريق اللي ماشي فيه...حس بشوق لاهله واللي كان ابوه حارمه من دخول البيت.. بس بعد كل فتره يتصل فيه مره يكلمه بطيب... ومره زي مكالمته البارح يكون معصب ويعطيه كم دعوه جسمه يقشعر من بشاعتها.....انتبه للي يدور حوله كان سعود ووليد يخططون تخطيطات جهنميه....
وليد:"عمر فكر معنا شوي وخل عنك الزعل ماتسوى عليك"
عمر:"ماتسوى علي ...انت لو سمعت كلامه البارح كان ما لمتني"
سعود:"تراه مايدعي من قلبه ويومين وبيرضى..."
عمر:"ادري انه مو من قلبه بس اخاف انها تستجاب دعوته علي..."
وليد:"طيب هو ليش زعلان اللحين..."
عمر:"من يوم طلعت من عندهم ومشيت في هالدرب وهو زعلان مااقول الا الله يتوب علي مماانا فيه...."
وليد:"ياشيخ خلك مثلي انام في الشقه واروح اطل على امي كل ثلاثه ايام ويافرحتها بي..."
سعود:"وانا اهلي اروح لهم في الاسبوع مره وعادي عندهم.."
عمر:"انا وضعي غير....انا اكبر العيال وانتوا ماشاء الله اخوانك كبار وسادين مكانكم...:
وليد:"ياشيخ وسع صدرك...الدنيا ماتسوى"
عمر بمراره:"في هذي صدقت الدنيا ماتسوى..."
وليد:"الله ياسعود ماتتصور اشكثر فرحتي لمادريت ان ريم بنت عم فهد..."
سعود:"كنت عارف انه خبر بيفرحك..."
وليد:"اخيرا جاتني الفرصه انتقم من هالمغرور..."
عمر:"أي مغرور واللي يرحم والديك....الغرور ماهو من صفات فهد..."
وليد:"اشوفك تدافع عنه...
عمر:"ماادافع عنه بس اقول الصدق..."
وليد:"المهم ترى لازم خويتك تساعدنا في اقناعها ..."
سعود وهو يااشر على خشمه:"على هالخشم واعتبر الموافقه في جيبك..."
ناظرهم عمر وهو يهز راسه كان محتقرهم....ويبغض كل اللي يسونه.... وكارهه واحتقاره لنفسه يزيد يوم بعد يوم...

^^^^^^^^^^

كانت في انتظار رد بنت عمها بعد ماحكت لها كل شي من اول يوم زواجها لمسجات عبيرلمشاكلها مع ريم لعلاقتها مع خالد اللي في مد وجزر....قالت لها سحر بتتصل في اهلها وتشوف اش كان ابوها يبي من خالد وترد عليها...ماصدقت انها سمعت صوت التلفون وردت بكل لهفه........
كانت منصعقه من اللي تسمعه وتنهدت من اعماق قلبها وتحسبت في خاطرها على عمها ...
بسمه:"حراااام اللي سواه ابوك فيني..."
سحر :"ادري انه حرام الله يسامحه.."
بسمه:"تخيلي شكلي قدامه ...بعذره كان معصب...."
ماردت سحر انقهرت من ابوها واللي طمعه في الدنيا قتل فيه كل شي...
بسمه:"ماادري اش قواة ابوك لمايطلبه يشتري لي ارض...ياويلي والله مالي وجه احط عيني في عينه..."
سحرواللي كانت عاذره بسمه في اللي تقوله:" اكيد اللحين يحس كانك تبين تستغلينه.."
بسمه:"اخر ماافكر فيه....ياسحر شوري علي وش اسوي...."
سحر:"بسمه ابسالك سؤااال جوابك عليه بيحدد لي نوع النصيحه اللي تبينها"
بسمه:"تفضلي."
سحر:"انتي حريصه على حياتك مع خالد ويهمك تنجح هالحياه..."
بسمه:"اكيد حريصه..."
سحر:"مااحس انها تهمك...وشوله اجل هاللامباله والسلبيه.....ليش يابسمه صايره ردة فعل لافعال غيرك سواء خالد او عبير او ابوي.....هم يحركونك على كيفهم مثلا عبير وش يدريك يمكن اللي سوته بس حتى تخرب حياتك مع خالد.... وانتي ماشاء الله عليك ماشيه معها زي ماتبغى.... زوجك يقولك نبدى مع بعض بدايه جديده وانتي سوري خلني افكر ...وش تفكرين فيه ياحظي...المفروض تكونين اسعد وحده بهالشي..."
بسمه:"لا تلوميني لاني خايفه..."
سحر بضيق:"وليش تخافين بسمه لو صار طلاق الضحيه الوحيد انتي مو خالد يوم تتغلين عليه...اللحين انتي زوجته مو عبير لاتنسين هالشي..."
بسمه:"ادري ان الخسران الوحيد بيكون انا بس خساره عن خساره تفرق..."
سحر:"صادقه خساره عن خساره تفرق...لما اخسر وانا حاولت بكل مااستطيع اني انجح مابلوم نفسي لاني قصرت...بسمه انتي تبين ترجعين لحياتك عند اهلي..."
بسمه:"بدون زعل لا..."
سحر:"مستحيل ازعل وانا ادرى بالحال...بس من اليوم ورايح غيري اسلوبك مع الكل وكفايه ضعف ومو من كل مشكله تقلبين الدنيا..."
بسمه:"اشلون يعني اغير اسلوبي وانا احس انه لازال يكلم عبير..."
سحر:"ياحمااااااره حتى لو يكلمها تقدرين مع الايام تنسينه كل شي..."
بسمه:"حماره ماعليه... بس تتوقعين الامر سهل كذا..."
سحر بعصبيه:"والله العظيم لو انا قريبه منك كان ذبحتك..."
بسمه وهي تبتسم بمراره:"الحمد لله انك بعيده..."
وقعدت تسمع كلام بنت عمها حست انها صادقه في كل اللي تقوله ليش تنول عبير اللي في بالها بالساهل وتخسر خالد وهو يااكد دايم لها انه مارح يتخلى عنها....
بسمه:"طيب والمشكله الجديده اللي حطني عمي فيها..."
سحر:"صارحيه قولي مااكنت ادري..."
بسمه:"اكيد مارح يصدقني..."
سحر وهي تفكر:"ماادري يابسمه حليها بمعرفتك"
بسمه:"ماادري اش كان رد خالد على عمي لما طلب منه ارض..."
سحر:"ابوي معصب منه لان خالد قاله انا اعطي بكيفي ولا ااحب احد يستغلني..."
كانت متوقعه هالرد من خالد حست بصعوبة موقفها اللحين ماتدري اشلون تحلها...
بسمه:"الله لا يخليني منك ياسحر تصدقين كنت كاتمه في قلبي ولما ماقدرت اصبر مالقيت غيرك..."
سحر:"ولو ماقلتي لي كان زعلت انتي اكثر من اخت يابسمه المهم ان شاء الله يثمر فيك هالكلام..."
دخل خالد لما كانت تكلم وقعد واخذ الريموت يقلب في القنوات حتى ماناظرها...
بسمه:"اوكيه سحر اكلمك وقت ثاني..."
سحر:"شكل خالد عندك اللحين..."
بسمه:"ايه..."
سحر:"ياللا باي بس لا تنسين اللي وصيتك..."
بسمه:"ان شاء الله ...مع السلامه"

^^^^^^^^^^^^^^^^^^

يجهزون اغراضهم لانهم اليوم مسافرين للطايف عندهم زواج ولد اخت ام عبد العزيز
كان ينتظر يخلصون في الصاله وهو يفكر في خالد ومعصب منه....
قعدت ام عبد العزيز حتى يخلصون بناتها...
ابو عبد العزيز:"ها...خلصتوا..."
ام عبد العزيز:"ايه...بس البنات بقى عليهم شوي...اشفيك معصب..."
ابو عبد العزيز:"افكر في خالد...قهرني.."
ام عبد العزيز:"قلت لك لا تزوجه ماطعتني..."
ابو عبد العزيز:"ظنيت انه بيجينا خير من وراه بس ما شفنا شي..."
ام عبد العزيز:"انسى تشوف خير من وراه بس عسى بنت اخوك ماتملى راسه عليك..."
ابو عبد العزيز:"تتوقعين كذا..."
ام عبد العزيز:"ايه اتوقع..."
نزلوا البنات وهم شايلين الشنط...وسرح ابو عبد العزيز في بسمه وهو حاقد عليها كانت دايم تحت شوره واللحين طلعت بس ماعليه يابسمه وين بتروحين مني...
هند:"يبه..."
ابو عبد العزيزبعصبيه:"خير ليش تصارخين..."
هند:"اقول ياللا مشينا ترى خلصنا كلنا..."
هز راسه وقام يلحقهم اللي كانوا في السياره ينتظرونه...

^^^^^^^^^^^

بعد ماسكرت ماكلمها ودخل الغرفه طلت عليه بدون يحس شافته يحط ملابسه في شنطه صغيره استغربت منه ورجعت بدون يحس فيها...
رجع الصاله وكان يكلم احد في الجوال مبين انه واحد من عيال عمه بعد ماسكر التفت عليها...
خالد:"اليوم بسافر الشرقيه...:
بسمه:"وانا..."
خالد:"كيفك اذا بتقعدين عند اهلي او تبين اوصلك لعمك ماعندي مانع"
بسمه:"بس عمي مسافرين اليوم..."
خالد:"خلاص كلها يومين وراجع ان شاء الله"
بسمه:"طيب خلني اروح معك..."
خالد:"بروح لشغل مو لتمشيه وبعدين محتاجين يابسمه نبعد عن بعض شوي..."
هزت راسها وهي حاسه انه صادق محتاجين هالوقت...
بسمه:"طيب بقول شي لا تعصب..."
خالد:"اذا عن البارح فلا تفتحين الموضوع احسن..."
بسمه:"لا مو عن البارح...اشرايك اروح الخرج عند خالتي...بكلم تركي اذا كان في الرياض طلعت معه..."
خالد:"كيفك...."
بعد مانزل كلمت تركي ومن حسن حظها كان في الرياض ووعدها يمرها لما يخلص اشغاله راحت تجهز اغراضهها وهي محتاره اشلون تكلم خالد....

^^^^^^^^^

يقلب الجوال في يده كان متفق معها مايكلمها ابد هي تكلمه اذا ظروفها تسمح ارسل لها مسج وهذا الاتفاق بينهم اذا بغى يكلمها....من وقت مادرى انها بنت عم فهد وهو مزود جرعة الحب اللي كان بدى يخففها من اول حتى تلين وتوافق تقابله بس اللحين حس انه يب ي لها وقت وهو ما عند استعداد يخسر ها اللحين....
ابتسم لما شاف رقمها...
وليد:"هلا وغلا بالريم.."
ريم:"هلا وليد..."
وليد:"اشفيك تقولينها ببرود..."
ريم:"لا بس كنت قاعده مع اهلي لما وصل المسج ...وليد مثل هالاوقات لا تظن اني بقدر اكلمك على راحتي..."
وليد:"وحشتيني ياعمري .. وحسيت اني مشتاق اسمع صوتك..."
ريم:"حتى انا والله بس في هالوقت صعب يكونون متجمعين ..."
وليد:"اوكيه حبيبتي ماابي احرجك اكثر من كذا"
ريم:"لا يكون زعلت..."
وليد:"وانا اقدر ازعل من روحي...."
بعد ماسكرت رمت نفسها على السرير وهي طايره في احلامها الورديه وتفكر متى يجي اليوم اللي يجمعها مع وليد...

^^^^^^^^^^^^
يتبع

كانت تقريبا نازله لان تركي وصل متردده تكلم خالد اللحين ولا بعدين.......كان خالد يناظرها وحاس انها بتقول شي...
خالد:"بسمه ان طولتي كذا بتأخرين ولد خالتك..."
بسمه:"ايه نازله بس ودي اقولك شي قبل ماانزل..."
مارد عليها ينتظرها تكمل وحست ان مهمتها صعبه:"انت مره طلبت انا ننسى كل اللي فات وانا قلت افكر.... اللحين اقولك ننسى كل اللي فات ياخالد انت غلطت وانا غلطت خلااااص لازم نحاول نتجاوز هالشي..."
خالد وهو يبتسم بسخريه:"كلمتي عمك..."
بسمه:"ماكلمته بس دريت بالموضوع ياليت ياخالد تنسى مثل ماانا نسيت..."
خالد:"يعنى انتي طلبتي منه يكلمني..."
بسمه واللي من غبائها حست انها مو لازم تسب عمها مهما كان:"انس الماضي خلاص ليش ننبش فيه"
خالد بضيق:"انتي تظنين كل شي على كيفك..."
بسمه:"خالد انت سويت اشياء ابشع من كذا وقلت انسي..."
خالد:"اوكيه مشينا لاتتاخرين على ولد خالتك واذا رجعت من السفر يصير خير..."
ومد يده عطاها كيس:"هذا جوال شريته لك بس اشحنيه اول ماتوصلين"
نزلوا وهي ماتدري اقتنع ولا لازال زعلان ...لقت ولد خالتها في السياره تحت ينتظرها بعد ماسلموا عليه ركبت كان هووخالد يسولفون برى وبعد ماركب...
ناظر خالد بسمه:"توصلون بسلامه ولا تنسين اشحني الجوال ..."
بسمه:"ان شاء الله"
خالد:"ياللا في امان الله وعن السرعه..."
تركي:"ايه ركبت حرمتك معي وبتبدى التوجيهااات"
خالد:"اكييييد..."
بعد مامشوا ماتدري ليه ماقدرت تشيل نظرها من خالد اللي كان واقف في مكانه حست انه مايهون عليها فراقه حتى لو يومين...


^^^^^^^^^^^^^^

الساعه تسع في الليل كانوا مجتمعين في بيت ابو فيصل... كانوا الحريم الكبار عند ام عبد الرحمن في غرفتها والعنود وبدريه وبناتها وريم وساره في الصاله يسولفون....
ريم:"انا بروح اسولف مع جدتي احد يروح معي..."
العنود:"انا بروح..."
وهم طالعين من الصاله كان فهد نازل من غرفته بعد ماقال لامه اللي اكدت له انهم داخل
شاف ريم ماشيه مع العنود على طول نزل راسه وهي رجعت لورى...
العنودبعد ماتاكدت من ريم انها دخلت:"فهد انزل مافيه احد اللحين..."
اول مانزل:"الله يهديها امي قالت مافيه احد..."
العنود:"صادقه بس كنا رايحين لجدتي..."
فهد وهو متردد:"من اللي كانت معك..."
العنود:"وليش تسأل...."
فهد:"ريم صح..."
ماردت عليه وهزت راسها...
فهد:"ياويل قلبي قمر يالعنود والله قمر"
العنود:"ههههه قصر حسك لا احد يسمعك ..."
فهد:" خلي اللي يسمع يسمع بنت عمي واحبها واموت على التراب اللي تمشي عليه..."
كانت ريم واقفه وسمعت كل شي رجعت على طول حتى ماتنتبه لها العنود وتدري انها سمعت كل شي....ماهان عليها فهد صح ماتحبه بس ماتدري كيف ترفضه لو خطبها وهي داريه انه يحبها....

^^^^^^^^^

في نفس الوقت كانت بسمه مع خالتها وعيالها حست انها مبسوطه معهم ورجعوها لايامها الحلوه...على انها غابت عنهم من وفاة اهلها بس حست انهم ماتغيروا ...
كان الجوال يشحن قريب منها وتناظر اذا خالد اتصل عليها يتطمن عليها ومالقت رقمه
خافت لايكون حصله شي لا قدر الله اخذت الجوال وراحت غرفة الجوهره حتى تاخذ راحتها بالكلام...دقت رقمه وطول اللين رد...
خالد:"الو"
بسمه:"هلا خالد..."
خالد:"اهلين..."
بسمه:"وصلت الخبر.."
خالد:"ايه وصلت...اقول انا مشغول اللحين اكلمك بعدين..."
بعد ماسكرت انقهرت منه ومن بروده معها اللحين حتى كلمة وصلتي ماسألها ولا الحمد لله على السلامه...
قفلت الجوال ورمته في الغرفه وراحت الصاله....
كانوا ماشاء الله عليهم بس ظحك وسوالف كانت منقهره من خالد حتى مااستمتعت بقعدتها...تذكرت بعدين قرارها اللحين من مكالمه زعلت....رجعت وفتحت الجوال واخذته معها الصاله....
طلال:"اكيد تحترين مكالمه من خالد..."
بسمه:"ياشين اللقافه..."
طلال:"انتي أي احد يطري رجلك تحمرين كذا...."
فواز:"ماعليك منه يابسمه تعرفينه مستخف اخوي شوي..."
بسمه:"مستخف شوي الا مستخف وبقوه بعد...."
تركي:"ياللا شباب عيال عمي يحترونا..."
قاموا بيطلعون مسك طلال الجوهره وحطها على كتفه وراح يدور بها في البيت وهي تصارخ.."
ام تركي:"طلااااال حسبي الله عليك من ولد نزل البنيه..."
بعد ماحس انه خلى الدنيا تلف بعيونها حطها عند امه وراح يركض حتى ماتلحقه امه لما وصل عند الباب:"اشرايك يابسمه اشيلك وادوربك في البيت..."
بسمه:"والله لو تحاول لموتك..."
طلال:عاد انا مجنون بحاول ياشيخه روحي....شوفي وزنك كم صدقيني بتتكسر ضلوعي وانا ماقدرت..."
ماعطاها فرصه ترد وراح يلحق اخوانه وبسمه وخالتها يضحكون....
جلسوا يسولفون بسمه وخالتها ...لمست ام تركي شعر بسمه...
ام تركي:"غريبه يابسمه ماتفكرين تقصين شعرك..."
بسمه:"خالد مايحب الشعر القصير بس خاطري اقصه على طوله..."
ام تركي:"اشرايك نروح بكره اشوف خطيبة تركي دايم قصات شعرها تهبل بسالها وين تقص"
بسمه:"خلاص ماعندي مانع....بالمره الواحد يجدد شوي بس اهم شي ماقص كثير من شعري..."


^^^^^^^^^^^^^^^

بعد ماراحوا اهل عمه دخل ولقى جدته صاحيه قعد معها يسولف شوي حتى زهقت منه
ام عبد الرحمن:"فهد رح مادام النفس راضيه عليك..."
فهد:"افاااا تطرديني من غرفتك..."
ام عبد الرحمن:"وبطردك من البيت كله اما طلعت اللحين..."
ضحكت العنود على فهد وعلى رد جدتها...
ام عبد الرحمن:"وانتي وين رجلك عنك للحين..."
فهد:"هههههههههه صادقه جدتي وينه رجلك للحين"
ام عبد الرحمن:"امسك يد اختك ومع السلامه انا مانيب مثلكم الواحد لو سهر الليل كله ماهمه"
قامت العنود واخوها بيطلعون...
ام عبد الرحمن:"فهد...ولد عمك المهبول وشوله ماخذ مرته معه يوم سافر..."
فهد:"ماادري عنه المتخلف.....صدق مايستحي ماله شهر الا وسافر وخلاها..."
ام عبد الرحمن:"خله يجي بس ويصير خير..."
فهد واللي حسها فرصه حتى ينتقم من خالد :"لازم ياجدتي الظاهر خالد يحسب بنات الناس لعبه عنده..."
ام عبد الرحمن:"والظاهر انت ماتنعطى وجه ياللا اقلب وجهك اشوف..."
طلع وشاف العنود ميته ضحك عليه ....
راح لعندها وماهمه ضحكها عليه لان سعادته اليوم غير...
فهد:"الله يالعنود سعادتي اليوم غير شكل...واخير شفت ريم "
العنود:"عيب عليك تراها بنت عمك..."
فهد:"ادري انها بنت عمي وان شاء الله تصير زوجتي..."
ماردت العنود وهي تفكر في ريم كانت خايفه لاترفض فهد واللي مبين عليه اشكثر يحبها...


^^^^^^^^^^^^^^

كانت منسدحه في غرفة الجوهره لما سمحت الجوال في خاطرها اخير حنيت ياخالد واتصلت...
بسمه:"الو"
خالد:"سلام .."
بسمه:"وعليكم السلام..."
خالد:"اشفيه صوتك لا يكون نايمه..."
بسمه:"لا ماكنت نايمه..."
خالد:"سوررري يابسمه لمااتصلتي كنت معزوم عند واحد من الشباب وما قدرت اخذ راحتي في الكلام..."
بسمه:"ايه بس قهرتني حتى مااتصلت تشوف وصلت..."
خالد وهو يقاطعها:"دقيت على تركي وبلغني بوصولكم ما قال لك..."
بسمه:"لا...المهم كيف الشرقيه..."
خالد:"تسلم عليك وتقول كان جبت بسمه معك..."
بسمه:"الله يسلمك حتى الخرج يسلم عليك...متى بتجي"
خالد:"امداك تشتاقين..."
بسمه:"اسأل عادي.."
خالد:"ماكان بيضرك لو قلتي ايه مشتاقه....بجي ان شاء الله يوم الجمعه على خير"
بسمه:"تجي بالسلامه ياخالد..."
خالد:"الله يسلمك...تصدقين قعدت افكر في كلامك حسيت انه معك حق خلاص ننسى المشاكل...ولا تحاسبيني على اللي افعال غيري وانا مارح احسبك على افعال غيرك.."
بسمه:"الله يقدرنا ياخالد وننهي مشاكلنا اللي الظاهر مالها نهايه..."
وقعدت تسولف معه ولا حست بالوقت لما يكونون مع بعض مايتكلمون هالوقت كله حست فعلا انهم كانوا محتاجين يبتعدون عن بعض شوي...


^^^^^^^^^^^

"ياابو خالد ه حياتهم وهم احرار فيها"
ابو خالد بضيق:"قاهرني هالخالد شهر عسل مثل الاوادم ماراح واللحين رايح الشرقيه كان خذاها معه قضوا اسبوع هناك ورجعوا.."
ام خالد:"انت وش عليك منهم هذي حياتهم وهي راضيه..."
ابو خالد :"اشدراك انها راضيه..."
ام خالد:"وانت اش دراك انها مهي راضيه ..."
حط راسه على المخده وهويفكر في خالد وبسمه ...صحيح قدامهم كانوا عادي بس هالموقف حسسه ان فيه بينهم شي...
ام خالد:"اقول يابو خالد ابو فيصل ماخطب ريم لفهد.."
ابو خالد:"لا ...وانا مستغرب منه"
ام خالد:"اخاف بنتك ترفض بس..."
ابو خالد واللي قعد:"تتوقعين تسويها ريم..."
ام خالد:"ماادري عن بنتك..."
ابو خالد:"لا ماظنتي ترفض فهد..."
ام خالد كانت حاسه ان ريم بترفض فهد ومتخوفه من رفضها لو صار اكيد مااحد بيغصب عليها بس خايفه من ردة فعل خالد وابوه خاصة خالد اللي مارح يعديها بالساهل...

^^^^^^^^^^

كانت قاعده يوم الجمعه في العصر مع عيال خالتها قاعدين في الحوش كان خالد مكلمها وقايل لها انه مهو جاي الا في الليل عرض عليه تركي ينزلها بس خالد اصر انه ياخذها هو ولا يتعب تركي بنزلة الرياض....قصة شعرها وندمت سلمت الكوفيره نفسها وقالت قصي اللي يناسبني بس لاتقصرينه كثير...صار طوله نص ظهرها كانت متخوفه من ردة فعل خالد اللي حذرها اكثر مره من قص شعرها.....
دخل فواز ومعه واحد بس شافت طرف ثوبه قامت بتدخل بسرعه بس سمعت فواز ينادي...
فواز:"بسمه هذا خالد..."
وقفت في مكانها من غير ما تلتفت تمنت انها سوت نفسها ماسمعته ودخلت بسرعه بس اللحين ما ينفع....
اللتفتت ..كان خلص السلام على خالتها وعيالها لان ابو تركي مهو موجود...
حست انها مستحيه منه موت...ما كنها معه لها شهر بس غاب يومين رجع حياها من اول و جديد...سلمت عليه وانتبهت لنظراته على شعرها ..مو مبين على وجهه أي تعابير...
خالد:"شخبارك يابسمه..."
بسمه:"تمام الحمد لله ...الحمد لله على السلامه"
خالد :"الله يسلمك..."
طلال:"يالله شف الوجه اشلون صاير احمر ..."
ام تركي حتى تغير الموضوع:"مسرع هاليومين مرة علينا ياخالد عشان بسمه معنا..."
طلال واللي ماهان يترك بسمه في حالها:"خالد اشرايك في بسمه وهي في لوك جديد"
بسمه كانت منقهره من طلال بس مايمنع انها حابه تسمع رد خالد:"حلوه..."
طلال:"حلوه بس..."
تركي:"طلال ترى سوالفك صايره سخيفه..."
فواز:"صادق والله ياطلال..."
خالد:"حرام عليكم اشفيكم عليه..."
طلال:"دايم كذا مظلوم معهم ...تجي تتبناني انت وبسمه..."
بسمه:"بسم الله علي عاد مااتبني الا انت لا ان شاء الله..."
خالدوهو يكلم بسمه:"جهزي اغراضك يابسمه لانا بنمشي بعد اشوي..."
ام تركي:"لا والله مايصير بعد العشاء ان شاء الله وخير....."
حاول خالد فيهم بس ماقدر فيهم...وجلسوا سوالف وضحك وبسمه كل ماناظرت خالد وجات عينها في عينه استحت ونزلت نظرها...
التهت ام تركي شوي في المطبخ وبعد ماساعدتها بسمه طلعت عند الشباب كان طلال يحاول يقنعهم يلعبون معه ...
خالد:"لا ياخوي مالي خلق العب بس العبوا انتوا وانا بتفرج..."
طلال:"بسمه تلعبين ..."
بسمه:"اذا بيلعب فواز بلعب معك...."
فواز:"اوكيه عشانك بلعب..."
كانت العبه يحركون القلم في الوسط بينهم واللي يجي راس القلم تجاهه يحكم باي حكم على اللي مقابله...من رداة حظ بسمه جا الحكم عليها واللي بيحكم طلال...
طلال:"هههههههههههههههه الحمد لله ربي حقق امنيتي اني احكم عليك......فكر ياطلال
وش يناسب بسمه....ايه...انتي ياللي ماتستحين جا رجلك من السفر وسلامك له قمه في البرود قومي بوسي ....(لما شاف نظرات اخوانه له واللي تحمل تهديد له)بسم الله على لا تاكلوني بعيونكم..قومي وحبي راسه اعتقد مافيها شي..."
ظحك خالد بصوت عالي بسمه كانت منقهره من طلال...
بسمه:"حبتك القراده قول آمين..."
طلال :"آمين بس ياللا نفذي الحكم..."
بسمه وهي داخله:"والله لو تموت..."
طلال:"الشرهه علي انا اللي العب مع ناس مايلتزمون بقوانين اللعبه..."
فواز واللي حب ينتقم لبسمه منه:"انا العب معك اللحين انا وانت بس..."
طلال :"ياللا..."

^^^^^^^^^^^^^^

يناظر سعود وهو يتكلم ويأشر حتى يستعجل...ماصدق اخيرا انه سكر التلفون.
وليد:"مابغيت يااخي تسكر..."
سعود:"وش اسوي لها تعرف سوالفها ماتنتهي..."
وليد:"ماعلينا من سوالفها كلمت ريم..."
سعود:"تقول ماترد على تلفون واذا دقت تحت تقولها امها نايمه ولا مشغوله يعني تصرفها..."
وليد:"مستغرب منها من الاربعا وهي ماكلمت وجواله يامقفلته اوماترد..."
سعود:"يمكن شافت لها شوفه ثانيه..."
وليد:"مستحيييل بس اشوفها هاليومين تكثر من اخاف من ربي مثل صاحبنا عمر لا يكون الاخت تبي تتوب...."
سعود:"ماعليك بخلي مشاعل وراها حتى تجيب الخبر الصحيح منها..."
وليد:"تكفى وانا اخوك خل هالخبله اللي مماشيها تفر مخها مثل اول..."

^^^^^^^^^^^^^^
يتبع